اهلا
اني اللي يقهرني لما اخذت مع حمادي الفاينل كان سهل وكل شي اوكي واللي صار أن الموازين مقلوبة مو كلنا نزلنا بمعدل معين..يعني ناس أقل منا جابوا اكثر منا!
يعني نايل حتى لو يسوي كيرف داون الكل ينزل على حسب درجته مو ناس ينزلهم وناس يرفعهم والحمدلله تجربتي وياه تمام اخذت عنده مادتين ويخلي ال A ....يمكن في 401 نقصنا لكن فعلا كان الفاينل على حظنا صعب وما شفت ناس مستواهم أقل وجابوا أكثر وبعد كانت الدرجة زينة.
أني احاول ابتعد عن حمادي قد ما اقدر حتى لو ما اخذت ماث 499 لأن احس هالمادة ما تناسبني
عالبركة اتخرجت وافتكيت من هالقسم ومن هالبلاوي وعقبال الدكتوراه
وعقبال ما يجي اليوم اللي بنتخرج فيه
نسألكم الدعاء
بالتوفيق للجميع
الحمدلله على كل حال ، واتمنى ليكم التوفيق
الدكتوراة !!! ، الحين !!!! شوي صعبة يبي ليي آخذ الماستر أول ، وأبقى كم سنة أدرس في جامعة ، وتالي أتأهل حق أحضر للدكتوراة .
الحمادي مزاجي في الدرجة من كل النواحي ، ويظلم الطلبة واجد ، وعباله لأنه بريفسور كلش الحين ، أنا عندي كم دكتور من الجدد أفضل منه بواجد في الشرح وفي كل شيء ، وحتى في الأخلاق والمعاملة ، شنو بعد بقول ، الله كريم ، الحمدلله ما درست عنده إلا مادة وحدة وعرفت أسلوبه .
خليته على برد ، ومادة maths499 مادة اختيارية مو شرط الواحد يآخذها ، بس بالنسبة ليي أنصح الكل يآخذها ، لأنها تعلم الواحد فعلا اشلون يتعلم ، خصوصا إلي يبون يواصلون ماستر ودكتوراة .
هالجامعة عوجة ، تخصص قديم في الكلية ومن أقدم التخصصات ، من العيارة برنامج الماجستير للرياضيات للحين ينتظر الفرج بكشف الستار عنه ، ولا منزلين مادتين حق طلبة الهندسة إلي بيدرسون ماستر ، والرياضيات للحين ماكو شيء .
سالفة السفر ما أدري ليش صعبة عليي ، رغم مو حاب أواصل في هالجامعة ، وفي نفس الوقت ما أبغي أسافر .
والجامعة للحين ما سعت لتفعيل البرنامج :thumbdown:
عيايرة من قلب

إلي مسافر ، وإلي قاعد في إجازة ، وإلي ينتظر توقيع الرئيس :sly:
ولا فوق كل هذا السيناريو المعروف ، الميزانية ما تسمح لفتح برنامج من أجل طالب واحد أو كذا واحد لازم يكون فيه عدد .

مشكل عليهم ، عساهم عمرهم ما درسوا ماستر ، من حلات تدريسهم .
ما يضحك إلا نايل ، ما حفظ لينا إلا كيف حالك ؟
أنا عندي في هالقسم : دكتور محمد عبدالله ، رغم أنه شديد في الدرجات ، بس شرحه ممتاز ، دكتور مهند ما درسني ، بس عقل ذو تفكير منفتح وأخلاق عالية ، ويشجع الطالب ، وكنت أتمنى أنه يدرسني مادة ، بس للأسف خلصت كل المواد إلي هو يدرسها ، دكتور محمود عبدالعاطي ، وهل يخفى القمر ، دكتور فيصل الشويخ ، دكتور شديد ، بس حقاني على جميع الأصعدة ، دكتور سلمان ، برود يبط الجيد ، بس مساعد للطلبة ، وطيب واجد ، دكتور أحمد عياش شديد ، ويجيب امتحانات عدلة وقوية ، بس الأفضل من ناحية الشرح في المواد إلي يدرسها ، دكتور محمود عباس ، يوقف قلب الواحد في لحظة وأنت جايب درجة زينة ، بس حلو ، وواجد زين حق مواد maths303 و maths304 ، ما أقول بنفهم عليه ، بس يساعد الطالب ، وبصراحة أنا اتشجع أدرس بروحي لما آخذ وياه ، وأحس روحي اتعلم عن جد حتى لو maths303 و maths304 مواد ما تعتمد على الدكتور ، كثر ما تعتمد على الطالب لأنها صعبة ، بس الدكتور جدا ممتاز ، صديق للطالب ، ويتقبل كل الانتقادات والاقتراحات ، بالنسبة للدكتورات ، عمري ما سجلت عند دكتورة ، لأن ما أعرف أتفاهم معاهم ، فما أقدر أحكم ، رغم أن سمعت أن دكتورة سميرة طيبة واجد ، وشرحها عند البعض أفضل حتى من دكتور أحمد عياش ، دكتور شكري ، دكتور واجد زين وطيب بعد زين حق مواد maths205 و maths441 و maths402 ، هذا إلي احتكيت فيهم طوال 4 سنوات .
دكاترة الستات ، الكل يقول دكتورة ماجدة من أفضل دكاترة الستات ، وتالي يجي لحجي ، لحجي مشكلته يقصف أي طالب مو مسوي زين ، وما يرحم أحد في الكيرف آخر الفصل ، وسمعت بأذوني من أحد الدكاترة هالفصل إلا طاف في سكشن بس مسوي ليهم الكيرف ، دمرهم دمار ، والدكتورة إلي تدرس السكشن ندمت لأنها عطت لحجي يسوي الكيرف ، لأن ما يساعد أحد خير شر ، خصوصا الطلبة إلي خربطوا شوي ،وقامت تعدل شوي الطلبة إلي تعرف أن مستواهم شوي أفضل من التستين وساعدتهم ، ما أقدر أقول أسماء في هذا الموضوع .
بس الكلية أحلى ما يكون ويا ريت إلي يدرسون ماستر من إلي قلتهم .

الله كريم ويسهل رب العالمين