الحمدلله على كل حال ، واتمنى ليكم التوفيق
الدكتوراة !!! ، الحين !!!! شوي صعبة يبي ليي آخذ الماستر أول ، وأبقى كم سنة أدرس في جامعة ، وتالي أتأهل حق أحضر للدكتوراة .
الحمادي مزاجي في الدرجة من كل النواحي ، ويظلم الطلبة واجد ، وعباله لأنه بريفسور كلش الحين ، أنا عندي كم دكتور من الجدد أفضل منه بواجد في الشرح وفي كل شيء ، وحتى في الأخلاق والمعاملة ، شنو بعد بقول ، الله كريم ، الحمدلله ما درست عنده إلا مادة وحدة وعرفت أسلوبه .
خليته على برد ، ومادة maths499 مادة اختيارية مو شرط الواحد يآخذها ، بس بالنسبة ليي أنصح الكل يآخذها ، لأنها تعلم الواحد فعلا اشلون يتعلم ، خصوصا إلي يبون يواصلون ماستر ودكتوراة .
هالجامعة عوجة ، تخصص قديم في الكلية ومن أقدم التخصصات ، من العيارة برنامج الماجستير للرياضيات للحين ينتظر الفرج بكشف الستار عنه ، ولا منزلين مادتين حق طلبة الهندسة إلي بيدرسون ماستر ، والرياضيات للحين ماكو شيء .
سالفة السفر ما أدري ليش صعبة عليي ، رغم مو حاب أواصل في هالجامعة ، وفي نفس الوقت ما أبغي أسافر .
والجامعة للحين ما سعت لتفعيل البرنامج :thumbdown:
عيايرة من قلب

إلي مسافر ، وإلي قاعد في إجازة ، وإلي ينتظر توقيع الرئيس :sly:
ولا فوق كل هذا السيناريو المعروف ، الميزانية ما تسمح لفتح برنامج من أجل طالب واحد أو كذا واحد لازم يكون فيه عدد .

مشكل عليهم ، عساهم عمرهم ما درسوا ماستر ، من حلات تدريسهم .
ما يضحك إلا نايل ، ما حفظ لينا إلا كيف حالك ؟
أنا عندي في هالقسم : دكتور محمد عبدالله ، رغم أنه شديد في الدرجات ، بس شرحه ممتاز ، دكتور مهند ما درسني ، بس عقل ذو تفكير منفتح وأخلاق عالية ، ويشجع الطالب ، وكنت أتمنى أنه يدرسني مادة ، بس للأسف خلصت كل المواد إلي هو يدرسها ، دكتور محمود عبدالعاطي ، وهل يخفى القمر ، دكتور فيصل الشويخ ، دكتور شديد ، بس حقاني على جميع الأصعدة ، دكتور سلمان ، برود يبط الجيد ، بس مساعد للطلبة ، وطيب واجد ، دكتور أحمد عياش شديد ، ويجيب امتحانات عدلة وقوية ، بس الأفضل من ناحية الشرح في المواد إلي يدرسها ، دكتور محمود عباس ، يوقف قلب الواحد في لحظة وأنت جايب درجة زينة ، بس حلو ، وواجد زين حق مواد maths303 و maths304 ، ما أقول بنفهم عليه ، بس يساعد الطالب ، وبصراحة أنا اتشجع أدرس بروحي لما آخذ وياه ، وأحس روحي اتعلم عن جد حتى لو maths303 و maths304 مواد ما تعتمد على الدكتور ، كثر ما تعتمد على الطالب لأنها صعبة ، بس الدكتور جدا ممتاز ، صديق للطالب ، ويتقبل كل الانتقادات والاقتراحات ، بالنسبة للدكتورات ، عمري ما سجلت عند دكتورة ، لأن ما أعرف أتفاهم معاهم ، فما أقدر أحكم ، رغم أن سمعت أن دكتورة سميرة طيبة واجد ، وشرحها عند البعض أفضل حتى من دكتور أحمد عياش ، دكتور شكري ، دكتور واجد زين وطيب بعد زين حق مواد maths205 و maths441 و maths402 ، هذا إلي احتكيت فيهم طوال 4 سنوات .
دكاترة الستات ، الكل يقول دكتورة ماجدة من أفضل دكاترة الستات ، وتالي يجي لحجي ، لحجي مشكلته يقصف أي طالب مو مسوي زين ، وما يرحم أحد في الكيرف آخر الفصل ، وسمعت بأذوني من أحد الدكاترة هالفصل إلا طاف في سكشن بس مسوي ليهم الكيرف ، دمرهم دمار ، والدكتورة إلي تدرس السكشن ندمت لأنها عطت لحجي يسوي الكيرف ، لأن ما يساعد أحد خير شر ، خصوصا الطلبة إلي خربطوا شوي ،وقامت تعدل شوي الطلبة إلي تعرف أن مستواهم شوي أفضل من التستين وساعدتهم ، ما أقدر أقول أسماء في هذا الموضوع .
بس الكلية أحلى ما يكون ويا ريت إلي يدرسون ماستر من إلي قلتهم .

الله كريم ويسهل رب العالمين