Follow along with the video below to see how to install our site as a web app on your home screen.
ملاحظة: This feature may not be available in some browsers.
موقع طلبة جامعة البحرين
يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.
قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة
أنت تستخدم أحد المتصفحات القديمة. قد لا يتم عرض هذا الموقع أو المواقع الأخرى بشكل صحيح. يجب عليك ترقية متصفحك أو استخدام أحد المتصفحات البديلة.
الجبتر الاول اكثر شي يضم مصطلحات لازم نعرفهم و نهايته فيه بعد شوي تفصيل ...
اما 1.1 فهو كله مصطلحات × مصطلحات
و الي قالو يبون شرح بالعربي يسمحون ليي في بعض الاشياء لاني ما اعرف اترجمها
# اهم المصطلحات الي المفروض نعرفها في هالسكشن :
The internet : computer network that interconnects hundreds of millions of computing devices throught the world
( ما اعرف اشرحها بالعربي .. بس اعتقد مفهومة يعني )
Host / end system : device that run the network applications such a PC
( هذا المصطلح بنستخدمه في كل مقررات النتوورك .. و باختصار هو اي جهاز ممكن ان تشغل عليه الانترنت مثلا او شي مرتبط بالnetwork مثل الكمبيوتر , الحين عدنا التلفونات و غيرها من الاجهزة )
Communication links
( وهي الاسلاك الي توصل الكمبيوترات ببعضها )
Transmission rate / Bandwidth : Each communication link transmit data at different rates with transmision rate
( هو معدل انتقال البيانات في السلك الموصل مثلا في الثانية الوحدة , يعني جم وقت يحتاج عدد من البيانات عشان يوصل للجهاز الثاني مثلا في الثانية , وهو يعتمد على نوع السلك الموصل و في هذا الجبتر بناخذ انواعهم ..
و وحدته bit/sec )
Route/Path : the path that the packet have when it go or come to the end system
( المسار الي تسلكه البيانات وقت الي تروح او تجي للكمبيوتر )
Packet switches
( هي اجهزة نستخدمها في التقاط الانترنت او هي تكون جزء من الcomputer network )
و ليها نوعين
1- routers : و نستخدمه في أصل الشبكة ( يعني ما في network بدونه ) و اصل الشبكة او اساسها يسمونها network core
2- link layer switches
و يستخدمونه في الوصول للشبكة نفسها ( accessing networks )
ISP ( internet service providers ) such as Batelco , Zain , ViVa
( هذا المصطلح جدا مهم و بعدين ليه شوي تفصيل بعد .. وهو معناته الشركات الي تزودنا بخدمة الانترنت )
Protocols : some tuls that controling the sending and receiving of information within the internet
( وهي مجموعة من القوانين الي تتحكم لينا بكل شي يخص المعلومات الي تنزسل و تستقبل في الانترنت .. و عدنا مجموعة كبيرة من البروتوكولات كل وحدة لها وظيفة معينة في سكاشن ثانية بنجوف بعضهم و كأمثلة عليها الTCP , IP , HTTP )
IETF ( Internet Engineering Task Force ) for protocols
( و هي الشركات الي تسوي لينا البروتوكولات الجديدة )
RFC ( Requests for comments ) also for protocols
( هي عبارة عن وثيقة و تكون لكل بروتوكول موجود تحتوي على الاشياء الي يقدر يقوم فيها هذا البروتوكول و هذي الوثيقة ليها رقم معين )
Distributed applications : any application runs on one end system to exchange data via the computer network
( عبارة عن برنامج عشان يسمح لينا بتبادل المعلومات عن الطرق الcomputer network و اهم مثال بنشرحه في السكشن الثاني هو الpeer to peer )
Nots : -
& الاجهزة ترتبط ببعضها عن طريق شيئين في الcomputer network
1- communication links
2- packet switches
فمستحيل يرتبطون بدون اسلاك و راوترات مثلا عشان تلقط الانترنت ^.^
& الراوترات فيهم شيئين :
1- incoming link\ input link : وهو اللنك الي تدخل فيه البيانات و يكون موصل في الكمبيوتر الاول
2- outcoming link \ output link : و هو اللنك الي تطلع منه البيانات و يكون موصل في الكمبيوتر الثاني ... و طبعا للراوتر الواحد في اكثر من output link
& البيانات ممكن انها تطرش على طريقتين :
1- Reliable data delivery : فيها تطرش البيانات بدون اخطاء بس تاخذ مدة طويلة
2- Best effort : فيها تطرش البيانات بسرعة و لكن محتمل يكون فيها اخطاء
& معلومة جدا مهمة : وهي ان البيانات مو شرط تسك نفس المسار عشان تروح للكمبيوتر .. فكل جزء من البيانات ممكن انه يسلك مسار مختلف و يلتقون كلهم في نفس الكميوتر الي رايحن ليه
هذي اهم الاشياء في هذا السكشن ... و في شي بسيط بعد يشرحونه عن الprotocol ممكن تجوفونه في النوت
وهو باختصار ان البروتوكولات تتكلم مع بعضها نفس البشر .. في البداية تطلب و تحارس لين يجي الرد و اذا تمت الوافقة تطرش الطلب و بعدين يوصلها من البروتوكول الثاني
هذا السكشن واجد مزحوم و فيه معلومات واجد فبقسمه الى عدة اقسام
في عدنا نوعين من الmodels للnetwork applicaion .. يعني عشان نتبادل البيانات بين كمبيوترين مثلا او كمبيوتر و سيرفر عدنا طريقتين :
1- Client server
الي تكون بين end system & server
الclient : هو الجهاز الي يرسل طلبه و بعدين يستقبله
الserver : هو الجهاز الي يستقبل الطلبات و يلبيها
كمثال اذا نبي نطلب صفحة الفيسبوك ... فجهازنا هني يعتبر client و الserver for facebook يعتبر الserver
جهازنا يطلب الصفحة و السيرفر يطرشها لينا ...
2- Peer to Peer
و الي يكون بين جهازيين من نفس اللفل .. مثل كمبيوترين ..
و في هذي الحالة الكمبيوتر الي يبي بيانات بيلعب دور الclient و الكمبيوتر الي بطرش البيانات يلعب دور الserver
ففي هذا الmodel الكمبيوتر الواحد ممكن يكون client & server في نفس الوقت
و بما ان بكون تبادل بيانات بين كمبيوترين .. فكل كمبيوتر عنده برنامج عشان يقدرون يتواصلون مع بعض و هذا الي سميناه في السكشن الاول distributed application
هذا الموضوع بناقشه بتفاصيل اكثر في جبتر 2 .. هذي مجرد اساسياته ^.^
و هذي النوتة فيها شرح حلو ليهم .. و تخص ال1.2 كامل
خلنا الحين في النوع الاول الي هو wired communication links , بناخذ ليه عدة انواع
# Dial-up modem
# DSL ( digital subscriber line )0
# HFC ( Hybrid fiber coax )0
# FTTH ( Fiber to the home )0
1- Dial-up modem
و هذي طريقة قديمة كنا نستخدمها عشان نشبك الانترنت و تكون عن طريق التلفون ..
توصيلها يكون من بلك التلفون الى الكمبيوتر .. و بعدين من الكمبيوتر الى جهاز اسمه Modem و بعدين هو يتصل بشركة الاتصالات او الشركة الي بتزودنا بالانترنت و هي بعد يكون عدها modem
وظيفة الmodem انه يحول لينا من الdigital الى الanalog او العكس
الdigital الي هي ال0 و ال1 (لغة الكمبيوتر ) و الanalog هي موجات التلفون
فالmodem الي موجود في البيت يحول من digital الى analog
و الي موجود في الشركة يحول من analog الى digital
عيوب الdial-up :
1- سرعة التحميل عنده واجد بطيئة
2- ما نقدر نستخدم التلفون و الانترنت في وقت واحد
2- DSL ( digital subscriber line )0
جت هذي الطريقة بعد الdial up و هي طريقة مشابهة تماما ليها و لكن مع اختلاف بسيط الي هو وجود جهاز splitter وظفته انه يفصل البيانات عن موجات التلفون بعدين ينقل البيانات الى الmodem عشان يحولها
فجذي حل لينا مشكلة من مشاكل الdial up
وهي ان ما نقدر نتصل و نتصفح النت في وقت واحد
اما من جهة شركة الاتصالات و الي نسميهاcentral office ( CO )0
عدهم شي اسمه DSLAM و الي هو digital subscriber line access multiplexer
و وظيفته نفس الsplitter يفصل البيانات عن موجات التلفون بعدين يطرش البيانات في الانترنت
مميزات الDSL :
1- سرعة التحميل تكون اسرع من الdial up
2- نقدر نتصفح الانترنت و نتكلم في التلفون في نفس الوقت
3- سرعة التحميل تختلف عن سرعة رفع البيانات و التحميل يسمونه downstream اما الرفع يسمونه upstream
ملاحظة : بما ان احنا نقدر نتصفح + نحمل ملفات + نرفع ملفات كله في وقت واحد .. يعني ان الواير للDSL مفصول الى 3 channels الي هم
- upstream
- downstream
- telephone
و طبعا عشان ما يختلطون مع بعض .. فكل واحد له تردد غير عن الثاني ^.^
السبب في انهم سموه جذي .. هو ان احنا في التوصيل نستخدم نوعين من الكيبلات ال هم fiber optic + coaxial cable ( في نهاية السكشن بنشرحهم )
طريقة التوصيل : نهاية كل حي او قرية في عدنا node الي يجمع كل اسلاك البيوت في هالقرية و بعدين يمتد واير من هالنود الى مكان ثاني يسمونه headend الي يجمع اسلاك كل الnodes و بعدين منه الى اي مكان يوصل الانترنت
البيوت يتوصلون ببعضهم و الى الnode بسلك اسمه coaxial cable
الnodes يتوصلون بالHeadend عن طريق سلك اسمه fiber optic
ال fiber optic cable هو عبارة عن الالياف البصرية الي سرعة توصيلها جدا جدا عالية .. فهذي تحتاج الى جهاز خاص يتوصل بالكبيوتر عشان يجيه منه الانترنت و يسمونه cable modem
و وظيفته انه يفصل لينا سرعة التحميل عن سرعة الرفع يعني نفس وظيفة الDSLAM في الDSL
4- FTTH ( Fiber to the home )0
و الي فيه يتوصل سلك واحد من نوع fiber optic من البيت الى الCO
لكن بما انه يكلف واجد ... بعض البيوت قامت تشترك في نقطة وحدة اسمها الsplitter و بعدين منه الى الCO
فاذا جه الانترنت اول يمر فيه بعدين يتقسم على البيوت ..
عدنا نوعين من الطرق او الوسائل الي ينقسم فيها وقت الي يوصل للsplitter
1- AON ( Active optical network )0
2- PON ( Passive optical network )0
الAON مو مشروح عدل في هذا الجبتر
اما الPON :
هني في كل بيت عدهم جهاز اسمه optical network terminator ( ONT)0 و هو يكون متوصل بالrouter و ينمد منه بعد سلك الى الsplitter عشان يتوصل الانترنت
اما في الCO عدها جهاز اسمه optical line terminator ( OLT)0 و الي يكون متوصل فيه الsplitter و هذا وظيفته انه يسوي كافة التحويلات بين الoptical & electrical signals
ملاحظة : كافة انواع التوصيلات تندرج تحت 3 مجموعات اساسية :
1- Residential access nets و كمثال عليه التوصيلات الي تتوصل في البيوت
2- Institutional access networks مثل الي يكونون في الشركات
هالسكشن يتكلم عن طريقتين تتحرك فيهم البيانات في الlinks & switches:
* Circuit switching
* Packet switching
و في النهاية يتكلم عن انواع الISPs
1- Circuit switching
و مثال عليه ال telephine network
اذا نبي ننقل بيانات من كمبيوتر للثاني عن طريق Circuit switching :
في البداية لازم نحجز الطريق بين الكمبيوترين كامل يعني محد يطرش او يستقبل بيانات غير هالاثنين و عملية حجز الطريق يسمونه circuit setup و طبعا هالشي يحتاج وقت
نفس اذا بنسوي اتصال في البداية ياخذ وقت عشان نتصل و بعدين نجوف ان الاتصال بين الاثنين ما في احد يدخل على الخط ويانا ..
و بما ان الشي بس للكمبيوترين فاذا يسمونه dedicated
و في هذا النوع يكون الtransmission rate ثابت لكل كمبيوتر و هذا من مميزاته
اما سلبياته فهو يكلف واجد + لازم تنتظر في البداية على ما يحجز الطريق كامل
لو كان الاتصال مثلا بين 3 او 4 كمبيوترات شلون بكون التوصيل وهو مجرد سلك واحد ؟
عدنا طريقتين لهالشي : FDM & TDM
1- Frequency division multiplexing (FDM)0
و فيه يكون لكل توصيلة تردد خاص فيها .. يعني مثلا لو السلك عنده 8MHz و عدنا 4 توصيلات
فبكون الاول عنده تردد من 0 الى 2 و الثاني من 2 الى 4 و هكذا ...
2- Time division multiplexing (TDM)0
لو مثلا عدنا جهازين بس يبون يطرشون بيانات ...
جوفو هذي الصورة :
هذا بكون للثانية الوحدة ..
بكون عدنا frames بأي عدد مو مهم .. و داخلهم slots و هم يكونون بعدد الكمبيورات الي عدنا او التوصيلات
و ينقسم الوقت عليهم .. ففي اول ثانية : اول 12.5ms الاول بطرش الي يبيه و اذا خلص ثاني 12.5 للثاني و بعدين يجي دور الاول و هكذا ...
لكن لو مثلا الاول يبي يطرش بس الثاني ما يبي يطرش شي ؟
هني بكون في وقت ضايع محد قاعد يسوي فيه شي و يسمونه silent period
هني ما نحتاج نحجز ولا نسوي شي في البداية .. على طول نقدر نطرش الي نبيه
و بجذي ما يكون لينا بروحنا بل ان احنا نقدر نطرش ويا كل الي متصلين بالانترنت مثلا في وقت واحد و نسميه shared
اما عن الطريقة فنهاية الجبتر بناخذها بالتفصيل .. لكن خلنا ناخذ نبذة قصيرة عنها هني :
اي بيانات نبي نطرشها لازم تنقسم الى اجزاء صغيرة و يسمونهم packets و كل وحدة منهم تسلك المسار الي تبيه عشان توصل للكمبيوتر الثاني ( مو شرط كلهم نفس المسار )
و قبل لا يطرشون في شي اسمه " store and forward transmission " و معناته ان كل الpacket لازم توصل للراوتر عشان تطرش .. يعني ما يصير يطرش كل bit بروحها
و في الراوتر نفس ما قلنا قبل ان فيه onput/output links و ليهم مسمى ثاني outbound \ inbound
و نهاية الoutbound موجود عدنا شي اسمه buffer or queue وهو عشان يتخزن فيها الpacket كامل عشان من يكتمل يتطرش في الlink
فباختصار الرحلة هي ان بعد ما تتقطع البيانات لpackets هذلين الpackets بعد يتقطعون و كل قطعة تسلك المسار الي تبيه لين يوصلون للراوتر
قبل لا يعبرون من الراوتر للكمبيوتر الثاني يتخزنون الbits في الbuffer لين تجي الpacket كاملة بعدين يطرشون
في النوت موجودين نقاط مهمة لازم تعرفونهم في الصفحة الخامسة .. و في الصفحة السادسة المقارنة جدا جدا جدا مهمة و السؤال الي تحت واجد مهم
1.4: Delay, loss, and throughput in packet-switched Networks
هذا السكشن فيه معلومات قليلة و جدا سهل معرفتها لانها مترابطة و عليه واااجد اسئلة تجي و خصوصا الاسئلة الحسابية
كل الي بكتبه هو موجود في النوت .. بس الي هني بكون بالعربي و نفس ما نقول بس الزبدة
* اول شي ضروري تعرف انواع الdelays الي تمر فيها البيانات عشان تنتقل من كمبيوتر للثاني
هذلين هم اربعة .. و اذا قالو ليكم nodel delay فهو عبارة عن مجموع هذلين الاربعة
+ لازم تعرفون بالتفصيل كل واحد منهم عبارة عن شنو
هذي رسمة فيها مختصر شلي يصير للبيانات <<< لا تضحكون على رسمي
1- processind delay
و الي يتجيك فيه الheader مالت الpacket ( لان قلنا ان كل باكت تنضاف ليها بيانات و يسمون header و يكون فيها عنوان مثلا الكمبيوتر الي تبي تروح ليه و اشياء ثانية )
فهني بجيك لينا العنوان مال الكمبيوتر الي يبي يروح ليها عشان نعرف الoutbound link ( الي هو الlink الي طالع من الراوتر ) فعشان يجيك بصير في تأخير بالاضافة الى انه يجيك بعد الbit- level - error الي هم الاخطاء
الي ممكن تصير في وقت رفع الملف لحين نقله لأول راوتر
2- Queuing delay
في نهاية كل link متصل بالrouter يكون عدنا شي اسمه queue او ليه اسم ثاني الي هو الbuffer
و هذا ممكن تعتبرونه ممر تمر فيها البيانات عشان تطلع من الراوتر
فاذا كانت بيانات شوي الي نبي ننقلها واجد بخف هذا التأخير .. اما اذا كان عدنا وااجد بيانات اكيد بيتأخرون على ما يمرون كلهم و بنعرف ليش في the thired delay
3- Transmission delay
اخذناها قبل في الpacket switching و كان اسمها store and forwared delay و هي عبارة عن ان الbits مو وحدة وحدة ينتقلون لا
لازم ننتظر الbits for one packet عشان ننقل ( يعني ننتظر الباكت كاملة لينا تجي و بعدين ننقلها ) من جذي بصير تأخير
و هذا التأخير يعتمد على شيين ( حجم الpacket نفسها + transmission rate of the link الي هو معدل انتقال البيانات في الlink )
ولازم نعرف شلون نحسبه
transmission delay = L/R
الي هو حجم الباكت مقسوم على معدل انتقال البيانات في اللنك و وحدته sec لانه الوقت المستغرق في اندفاع البيانات في اللنك
4- propagation delay
و هذا الي واجد يخربطون بينه و بين الي قبله ..
هو الوقت الي تنتقل فيه البيانات من الlink الى الراوتر الثاني .. مو اندفاع البيانات في الlink
و هذا التاخير يعتمد على المسافة بين الراوترين و سرعة الانتقال في الlink و الي تعتمد على نوعه ان كان fiber , obtic or twisted pair
و بعد لازم نعرف شلون ينحسب
prpogation delay = d/s
الي هي المسافة بين لراوترين مقسوم على سرعة الانتقال للسلك و وحدته meter \ sec
* اشياء مهمة لازم نعرفها عن الqueuing delay
متى تكون كبيرة و متى تكون صغيرة ؟
هذا الشي يعتد على عدة عوامل :
1- معدل الpackets الي رايحين للqueue فاذا كانو واجد بزيد التأخير و اذا شوي بقل
2- معدل انتقال البيانات في السلك .. فاذا كان fiber obtic مثلا اكيد بروحون البيانات بسرعة لان يعتمد على الضوء
3- طبيعة وصول الpackets هل هم يوصلون بشكل دوري يعني متواصل او انهم بشكل متقطع .. فشي طبيعي اذا كانو يجون بشكل متواصل بصير الزحمة ازيد و بزيد التأخير
و المهم انه نعرف شلون نعرف معدل وصول الpackets للqueue
average rate at which bits arrive at queue = La
الي هو حجم الpacket مضروب في معدل الpackets الي وصلو للqueue
ثاني شي و الي هو اهم لازم نعرف شلون نحسب كثافة حركة المرور .. يعني اذا جو بينتقلون في اي كثر وقت
traffic intensity = La \ R
الي هي معدل وصول الpackets للqueue مقسوم على معدل انتقال البيانات في السلك ( transmission rate )
فاذا كانت الكثافة مقاربة لل0 .. اذا التأخير الي بصير جدا قليل
اذا كانت مقاربة للواحد فبزيد التأخير
اما اذا كانت اكبر من الواحد فبكون التأخير اكبر ما يمكن و ممكن يضيعون واجد باكتس فيه
و الرسمة موجودة في النوت للعلاقة
* End to End delay
الي مجموع التأخير الي بصير في انتقال البيانات من اول كمبيوتر للثاني
فلو عدنا N-1 routers بصير كامل N مضروب في كل التأخيرات الي خذيناهم
و اذا كان عدنا N routers فبكون كامل N +1 مضروب في كل التأخيرات
* و نعرف المفروض الtraceroute الي هو برنامج من تكتب فيه اسم الdestination يطرش ليه special packets
* و في انواع ثانية من التأخيرات مثل الي يصير في الdial up ياخذ ليه وقت على ما يتصل بالشركة و على ما يتحولون البيانات من signals الى analog
و اذا مثلا نستخدم الWiFi يصير في تأخير على ما ياخذ الاشارات من الacess point
و اذا بنسوي مكالمة عن طريقة الانترنت ياخذ ليه فترة بعد
* آخر شي الthroughput
الي هو معدل الانتقال الي تنتقل فيه البيانات من الكمبيوتر الاول للثاني
و عشان نحسب المتوسط بنقسم حجم الملف كامل على الوقت الي يحتاجة عشان ينتقل
و شي أخير عشان نوضحه : خلنا نفترض انه الbits الي نبي نطرشهم عبارة عن سائل و السلك مالنا هو بين مال الماي
اذا كان السائل واجد و ما يستحمله البيب .. بينتق السائل بمعدل الانتقال من الراوتر الى الكمبيوتر الي نرمز ليه بالRc
اما اذا كان السائل شوي فبمر في البيب بسهولة بنفس معدل الانتقال من الserver الي هو الكمبيوتر الاول الى الراوتر و ينركز ليه بالRs
اسمحو ليي على هالشرح ... بس لان المصطلحات انجلينزية و ما عرفت اترجم كل شي بالعربي
هالسكشن حده حلو و قصير و ما فيه معلومات صعبة كلش .. و من هالسكشن بنتدي اصل الnetwork يعني منه الى الي بعده اهم شي في المقرر كامل و الي بتحتاجونه للجزء الثاني من النتوورك
اذا بنطرش بيانات من كمبيوتر للثاني هذي البيانات تمر في مراحل عشان توصل كاملة ...
اول شي لازم نعرفه ان كل كمبيوتر عنده five layer protocol stack و هذلين هم الخمس مراحل الي تمر فيهم البيانات عشان تطرش في الكمبيوتر الاول
ز تمر فيهم مرة ثانية خمستهم في الكمبيوتر الثاني الي استلمها ..
قبل ما كان عدنا الfive layer protocol stack كان بداله موجود OSI model الي فيه seven layers بدال الخمسة
خلنا الحين في اول شي :
five layer protocol stack
البيانات تنتقل من فوق لتحت في الكمبيوتر الي بطرش و بعدين من تحت لفوق وقت الي يستلمها الكمبيوتر الثاني
خلنا الحين نبتدي رحلة البيانات :
1- اول شي الكمبيوتر يجزء البيانات لقطع صغار يروحون للapplication layer و يسمونهم messages .. هذا اللير بيشتغلون عليها الnetwork applications
و من البروتوكولات الي فيه http
2- تروح البيانات للtransport layer و ينحط ليها header فيه مجموعة من البيانات الاضافية الي تخلي الtransport layer في الكمبيوتر الثاني ينقل البيانات للapplication layer الي في الكمبيوتر الثاني بعد
و يحط فيها بعد بيانات عشان يجيكون الerrors هل موجود اي ايرور او لا اثناء نقل البيانات
و هني اذا ضفنا على الmessages هذا الهدر يسمونها segments
و وظيفة هذا اللير هو process to process reliable data delivery يعني يراقب البيانات في الprocesses عشان تنتقل بشكل صحيح بدون اخطاء
و من البروتوكولات الي فيه UDP/TCP
3- بعدين البيانات تروح للnetwork layer و ينضاف هناك هدر فيه الaddress للكمبيوتر الي طرش البيانات و للكمبيوتر الي رايحة ليه البيانات ( distenation and source addresses )
و اذا انضاف ليه هالهدر يسونه datagram
و وظيفة هذا اللير host to host reliable data delivery يعني يضمن ان البيانات تروح من الكمبيوتر الاول للثاني
الIP هو البروتوكول الي يستخدم في هاللير
4- هني توصل البيانات للdata link layer و ينضاف ليها بعد هدر و يصير اسمها frame
و ظيفة هذا اللير hope to hope reliable data delivery يعني يضمن ان البينانات توصل بدون اخطاء من نقطة لنقطة .. مثلا من الكمبيوتر للراوتر الاول بعدين للراوتر الثاني و هكذا لين توصل للكمبيوتر الثاني
و من امثلة البروتوكولات الي هني PPP
5- آخر شي تمر فيه في الكمبيوتر الاول هو الphysical layer و من توصل هني يسمونها packet
و هذا اللير هو الي يقوم بنقل البكتات في الاسلاك للنقاط الى ان توصل للكمبيوتر الثاني
هذي الرحلة نفسها تصير بالمقلوب في الكمبيوتر الثاني بس بدال ما ينضافون هدرات .. بينشالون لين توصل للapplication layer في الكمبيوتر الثاني الي بتوصل ليه البينانات كاملة و بدون تقطيع
و هذا جدول جدا مهم تعرفون الي فيه
و هذي صورة تبين اسماء البروتوكولات في كل لير
و معلومات لازم تعرفونها : ان كل جزء من البيانات اذا وصل للير الثاني يسمونه payload و ينضاف عليه header
مثل الصورة
هذي اهم الاشياء في هالجبتر .. و بامكانكم تجوفون النوت بعد
هالجبتر وااااااااااااااجد ثقيل و واجد فيه معلومات و يعتبر اهم جبتر في هالكورس فمو كل شي بذكره هني لأني ذاكرة التفاصيل كلها في النوتات
مجرد بطرّق الى الشي الاساسي و المهم و تفاصيله جوفوها في النوت
في هالسكشن اول شي بنتكلم بشكل مفصل عن الClient - server
و هذا احنا متكلمين عنه شوي في جبتر 1
بس هني زيادة لازم تعرفون ان الserver عنده IP ثابت عكس الclient
بالاضافة الى ان الserver على طول مفتوح عكس الclient الي مو دائما مفتوح
و ثاني شي بنتكلم شوي بتفصيل عن الPeer to peer
اني شرحته من قبل و هني بضيف عليه مميزاته و الصعوبات الي يواجها
عنده ميزتين :
1- Self scalability و معناتها ان كل واحد في المجموعة ( each peer ) يشارك في السعة و الملفات من خلال توزيع الملفات على الكل مو نفس الserver كل شي يكون عنده و لclients مجرد يطلبون
2- Cost effective تكلفته اقل لان ما في كمبيوتر هني بيحتاج لسعة السيرفر او تركيبته
اما الصعوبات الي يواجها :
1- ISP friendly : نفس ما احنا نعرف ان الشركات تعطينا سرعة للتنزيل اكثر من الرفع , لكن في الP2P يحتاجون سرعة كبيرة للاثنين لانهم واجد يرفعون ملفات فهذي مشكلة يعتبرونها
2- Security : بما انها بيئة مفتوحة يشارك فيها واجد ناس فما بتكون آمنة كفاية
3- Incentive : عشان يكتمل هذا النظام لازم يعرفون يقنعون الناس انها تشارك وياهم .. مو كل واحد يحب انه يرفع و يفيد غيره .. الاغلبية بس يبون ينزلون .. فالاقناع صعب في هالحالة
و في معلومات مهمة لازم نعرفها في هالسكشن :
* مصطلح الsocket واجد بمر علينا بعدين فلازم نعرفه معناته : تقدرون تعتبرونه نفس الباب موجود بين شيئيين فمثلا بين الapplication & transport layers موجود socket
* peocess : نقدر نقول انه نفس البرنامج .. فمثلا في الclient server موجود عدنا client process & server process
* Port number : يمكن اني نسيت اذكره في النوت بس هو يعتبر كـaddress فاذا نبي نطرش ملف من كمبيوتر للثاني لازم يكون عدنا عنوان الكمبيوتر ال هو IP address
و رقم مثلا الconnection ان كان للHTTP او الUDP او غيرها هو الport number
و اهم شي في هالسكشن لازن تعرفونه هو الخدمات الي يقدمها الtransport layer الى الapplication layer
لان قلنا ان كل لير تحت يقدم للي فوقه خدمات .. فمن هذي الخدمات
1- process to process reliable data transfer
و يقصد فيها ان يضمن ليه وصول البيانات لمثلا الclient process بدون ما تفقد ولا شي منها
فممكن مثلا في ملفات الفيديو تجوفون انها وصلت نصها او جزء منها من جذي يسمونها loss tolerant
اما مثلا مسجات الايميل نجوف انها توصل كاملة بدون اي نقص
2- Timing
في اشياء تحتاج الى وقت قصير عشان نستفيد منها مثل اذا بنستخدم الانترنت للاتصال : اذا كان في وقت واجد عل ما يوصل الصوت بكون البرنامج ماليه فايدة فهذا يضمن ان الصوت مثلا يوصل بسرعة
او في الonline games اذا صارت بطيئة محد بيلعبها .. فهذا يضمن لنا ان الوقت الي تطرش في البيانات تكون بسرعة
3- Throughput
في بعض الملفات مثل الvideos تحتاج الى throughput عالي :مثلا لين بنشغل فيديو على الانترنت نبيه بسرعة يشتغل مو بطئ
و في ملفات عادي ان كان الثروبت مالها عالي او قليل و هي نسميها elastic مثل رسائل الايميل لو تاخذ ساعة تطرش عادي ما في مشكلة
3- security
تضمن ان الملف يوصل بأمان مثلا بدون فايروسات او غيرها
1- define the type of messages exchange : تعطينا نوع المسجات الي يطرشون مثلا هل response or request
2- define the syntax of messages types : هذا بعدين بتجوفونه في الHTTP ان عدنا مثلا اسماء خاصة لكل عملية يقوم فيها فهو يعطينا هذي التركيبة لكل مسج
3- define the semantics of the filds : يعطينا معنى كل شي موجود في الرسائل
3- Rules : قوانين يتبعونها الرسائل المرسلة و المستقبلة
جزء الTCP & UDP بينشرح في سكشن بروحه فالحين ما علينا من الموجود في هالسكشن
و معلومة بسيطة لازم تعرفونها ان الnetwork application يحتوي على العديد من الاشياء مثل الصور او البنر و غيرها ( network appllications such as web or e-mail )
اما الapplication layer protocols ما هم الا جزء من الnetwork application
اما الباقي هو الpath name وهو مكان وجود الobject و هني عدنا صورة في المثال
الحين لو مثلا اني حطيت الURL و ابي المنتدى .. دخلت www.uob-bh.com ويش الي يصير عشان تطلع ليي الصفحة ؟!!
1- الweb browser الي اني استخدمه بطرش HTTP request message لكل object في هذا المنتدى الى الserver
2- الserver بطرش الرسالة الي انا طرشتها ليه بالاضافة الى الرد و معاهم الobject في HTTP reponse message
يعني باختصار الHTTP كأنه واسطة بين الclient & server يرتب ليها عملية الاتصال برسائل طلب و رد
الحين احنا ويش دور الtransport layer هني ؟
كل الي قلناه كان متعلق بالapplication layer ....
الtransport layer بناخذ منها الTCP protocol عشان تساعد الHTTP
انزين ليش ما اخذنا الUDP protocol ?
الTCP هو عبارة عن reliable transfer protocol يعني الي عليه يوصل لينا البيانات صحيحة و بدون اي خطأ بدون ما يكترث للمدة هل هي طويلة او قصيرة
اما الUDP يهمه الوقت .. يعني وظيفته انه يوصل لينا البيانات في اسرع وقت ممكن حتى لو صار فقدان للبيانات
و احنا وقت الي نطلب صفحات على الانترنت يهمنا ان الصفحة توصل بدون اي خطأ مهما يكلف من وقت من جذي نستخدم الTCP transport protocol
الحين نبي نعرف شلون نستخدمه ؟
1- الHTTP مالتنا تطلب اتصال مع الTCP
2- وقت الي يصير الاتصال الbrowserm مالنا يقدر يتوصل بالserver بمساعدة الTCP و طبعا هني يتوصلون الاثنين بواسطة socket interface و قلنا قبل انه مثل البوابة بيكون بينهم
3- احنا بنطرش الHTTP request message في هذا الsocket ( و منه هو نفسه بعدين بنستلم الresponse message )
4- الHTTP response message الي بطرشها السيرفر بتروح من الsocket ماله و بتدخل في الsocket مال الclient
قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة
؟
) 
يعني ان شاء الله ما اكون بروحي 
شكـــــــرن من قلللللللللب
