يا ناس ساعدووووني...

[Ahmedoooo]

السلام عليكم ورحمة الله وبركاته

انا طالب جديد في جامعة البحرين
تخصص هندسة ميكانيكية
محصل على بعثة من وزارة التربية والتعليم

يوم الثلاثا الاسبوع الماضي رحت آخذ جدولي من جامعة البحرين وكانوا حاطين لي 4 مواد
انج ،ماث،كيم،وسي اس سي

قالوا لي تعال يوم الخميس علشان يختمون لي الجدول باعتبار انا طالب مبتعث وماادفع رسوم

رحت يوم الخميس الا قالوا ليي ماوصل اسمك
عطنا الجدول ويوم الاحد تعال استلمه

انزين عاد اليوم اخو رفيقي جاب ليي الجدول
وفيه بس 3 مواد

انج ،ماث،وفيز


واليوم رفيقي راح الجامعة
وهو طالب هندسة معمارية
قال ليهم يقولون المفروض تنزلون خمس مواد
حق طلاب الهندسة وانتون مو منزلين ليي الا اربع
طبعوا ليه جدول جديد وفيه 5 مواد


مدري الحين شالسالفة
اروح ليهم اطبع جدول جديد؟
لو اضيف مواد؟
انزين حتى لوضفت مادري يمكن يصيدني تعارض ويا مواد ثانية

مضيع صراحة

 

[3enawi]

آنه مثلك بالظبط بعثه و هندسه ميكانيكيه و حطوا لي اربع مواد !!

و نفس المواد ال عندك .. بس محد قالي لازم 5 ؟!!

بعد آنه مادري اضيف ول لا مع ان مجموع الكردت مالهم = 13 !

 

[متمردة]

تاريخ 14\9 للاضافة و الحذف لدفعة 2009

الكيم و الفيز الظاهر شايلينهم من الكل
لأن السكاشن صارت خالية (المقاعد الفاضية صارت 15 في كل السكاشن)
و الفيز نفس الشي مادري شعندهم :mellow:

اذا حاب 5 مواد روح يوم دفعتكم و خبرهم
قول لهم لازم امشي على الخطة 5 مواد و إن شاء الله بضيفون لك

من هني تقدر تعرف المادة و وقت امتحانها و اوقات المحاضرات و تختار الأنسب لك
http://www.online.uob.edu.bh/cgi/enr/schedule2.class_schedule?progtype=1&cyer=2009&csms=1

و من هني تقدر تعرف عدد الكراسي المتوفرة في كل سكشن
http://www.online.uob.edu.bh/cgi/enr/all_enroll

بالتوفيق

​

 

[3enawi]

انزين في احد يعرف وين احصل على الخطه مالت الهندسه الميكانيكيه ؟؟

 

[حنين]

تفضل هذي خطة الهندسة الميكانيكية

[الهندسة الميكانيكية] B.Sc. Program in Mechanical Engineering
https://www.uob-bh.com/forum/download...do=file&id=221

بالتوفيق جميعاً

 

[3enawi]

اختي سقولي جي >> Oops! This link appears to be broken تاكدي من الرابط الله يعافيج

 

[3enawi]

و عندي سؤال .. امم شنو يصير اذا ما مشينا على الخطه و شنو يصير اذا مشينا ؟

 

[حنين]

سلام من جديد ،،

اخووي .. تقدر تسأل ممثل كلية الهندسة عن الي تبيه ..
وإن شاء الله بيفيدك ..

ابراهيم عطية
ممثل كلية الهندسة
[email protected]
39824111


​

 

[3enawi]

اوك ثنكس اختي :]

 

[sadiq6210]

وعليكم السلام ورحمة الله وبركاته

نصيحة مني ياشباب الميكانيكال .. حاولوا تمشون على الخطة، وبالنسبة للفصل الأول لا تنزلون أقل من خمس مواد ،، الخطة القديمة موجودة في المكتبة الجامعية وايضا تحصلونها في المنتدى - قسم الهندسة، في موضوع مثبت، الخطة الجديدة بحاول أرفعها في اقرب وقت بس حسب ما تذكر مواد الفصل الاول:
انج 101
كالكولاس 1
فيز101
CSC100
Workshop
Drawing (أعتقد هذا المقرر صار من ضمن مواد الكورس الثاني في الخطة الجديدة)

بالتوفيق

 

[3enawi]

اخوي هاي اهي الخطه اليديده ول في غيرها ؟؟

http://www.eng.uob.edu.bh/departments/m-mechprog.php

 

[sadiq6210]

اخوي هاي اهي الخطه اليديده ول في غيرها ؟؟

http://www.eng.uob.edu.bh/departments/m-mechprog.php

تمام هذي هي .. الحمدلله تطور قسمنا أخيرا ودشن صفحته الالكترونية ..

 

[3enawi]

اوك تسلم اخووي :]

 

[3enawi]

امممم .. اخوي بيصير شي اذا تميت على الجدول ال عندي >> 4 مواد بس
يعني عشان اول اجوف شلون حياة الجامعه و اتعود على الدراسه و جي >> لاني آ،ه ما ابطل الكتاب الا في ايام الامتحانات النهائيه
و خاصتا ان عندي امتحانين نهائيين في نفس اليوم و بينهم بس نص ساعه >> و على طاري الامتحانين هل يصير ابدل اوقات الامتحانات ول لا ؟

و تسلم اخووي عذبناك معانه ..

 

[متمردة]

وقت الامتحان النهائي ما يتغير للأسف
اذا شسمه بدل المادة

​

 

[3enawi]

انزين آنه اوردي حاطين لي ماده غير عن ال في الخطه و حاطين لي اربع مواد بس !! و الماده ال غير عن الخطه عندي فيها امتحان نهائي عقب امتحان الانج بنص ساعه

و مادري شاسوي الحين بليييز ساعدوني ..

هل ابدل الماده و اضيف مادتين ول شنو ..
بلييز ساعدوني

 

[متمردة]

جوف الجدول :sly:
http://www.online.uob.edu.bh/cgi/enr/schedule2.class_schedule?progtype=1&cyer=2009&csms=1

و سو لك جدول يديد على حسب اللي يريحك
و روح لهم خل يغيرون لك

من هني تعرف اذا في مجال في السكشن أو لا
http://www.online.uob.edu.bh/cgi/enr/all_enroll

على فكرة بين كل امتحان و امتحان ساعة

​

 

[3enawi]

لووولز مشكووووووره و ماتقصريين اختي D:

و سوري ما كنت متذكر جم بالظبط الوقت ال بين الامتحانين بس المهم كان جريب لوولز

ثنكس اختي D:

 

[متمردة]

العفووو أخوي
بالتوفيق

​

 

[Ahmedoooo]

أخوي عيناوي
روح الجامعة وبيعطونك جدول جديد
لان لازم اول فصل ينزلون خمس مواد

انا ان شاءلله باجر بروح