ببساطة انثى سعيدة ❤

[red❤heart]

انشاااء الله يعجبكم الموضوووع من كتابتي ...بعد جم سنة شلون راح تكون نظرتش لنفسش ؟؟؟ بعد ما تشيبين ؟؟؟ هل بتحبين نفسش او تتغير نظرتش لنفسش؟؟؟

1.السعادة تنبع من الداخل

2.الابتسامة

3.النظرة

4.المصصافحة

5.الزعل

6.نبرة الصوت

7.الصراحة والوقاحة

8.ستايلي يميزني

9.كيف احسن حالتي النفسية

​

 

[red❤heart]

السعادة منبعها من الداخل
ناخذ مثال عندي صديقة حلوة دايما الكلام وياااها يفرحني ويسعدني
اذا غابت عني هالصديقة الرائعة وش بيصير فيني بفقدها
السبب لانها صديقتي
ولانها كانت مصدر لسعادتي
اولا : خلي السعادة تبنع من نفسش من الداخل في اي وقت من الاوقااات تقدرين تسعدين نفسش
مو بحاجة لاحد يسعدني لاني ببساطة اسعد نفسي بنفسي (( السعادة منبعها من الداخل ))
خلنا نجيب مثال ثاني نأكد على السعادة تبنع من الداخل
تخيلي اني مزينة نفسي وكااااشخة طول اليوووم لكن ما احس بالراحة ليششش ويش السبب ...؟؟؟
ببساطة لان السعادة منبعها من الداخل تنعكس على الخارج يصير الداخل والخارج سعيييد
فاذا لبست لبس حلووو وبسيط اجوووف روحي وااااااااااو

​

 

[red❤heart]

​

الابتساااامة



ليييش نحب الاطفال الحلوييين الصغنونييين
الاطفال مصدر للبراءة الجمال الحقيقي يشع من الاطفاااال

ليش لانه خالي من التصنع
خلنا نشوووف الصورة ذي

شلون اميز الابتسامة الحقيقية من الابتسامة الغير حقيقية ؟؟؟ اممم تقدرون تميزووون ؟؟؟
ويش الفرق بين الصورتين
الابتسامة الحقيقية تكووون بارتفاع الشفايف لفوق شوي
تدوووم على الوجه لثواني
تغير ملامح الوجه صوب العيووون
بعكس الابتسامة الجذابة او ابتسامة المجاملة
تكون بارتفاع بسيييط او على صوب للشفايف وما تغييير ملامح الوجه

​

 

[red❤heart]

​

النظرة تخيلي عندش صديقتين وحدة اذا تجوفش ترحب بش
بابتساااامة رائعة نفس مواصفااات الابتسامة اللي قلناها
وعيونها تلألأ فيها بررييييق و ترحب بش بشوووق
والثانية تحبش وتحبينها ولكن من المؤكد تأثييير الصديقة اللي
تبين مشااااعرها على ملامحها اعمق من اللي ما تبين شي
اولا : انظري بقلبش قبل عيووونش
انظري بحب وحنااااان
اشعري الطرف الآخر انه اهم شخص في وجوده واثناء الكلاااام معه


المصافحة تجوفين اذا تسلمييين على وحدة وهي تطالع ذاك الصوب وحدة تسلم وياللله
او تسلمين عليها بالمصافحة بالايد وتسحب ايدها بسرعة
تحسييين انها تفقدش توازنش في المصافحة
صافحي برقة وبحرارة لا تسحبين يدش بسرعة اسحبيها بهدووووء

الزعل
الزعل ازعل بهدووووء بدووون ما اظهر بمظهر المتوحش نعم ادافع عن نفسي ولكن بهدوووء ما يحتاااااح اطلع بصووورة طرزاااان جوفي صور الاطفال معبرة في وقت الزعل

وعسى ايامكم عسل في عسل بدوووون زعل ياحلووييين

​

 

[نور القران]

يسلمووو خيوو ع الموضوع الي يجنن

 

[red❤heart]

نبرة الصوووت ​

لكل شخ نبرة صوووت تميزه عن غييييره​

​

تخيلي تكلمييين طفل ​

​

وتعلمينه قصة تبين تقنعينه انه يناااام من وقت​

​

ويش بتقولييين بتستخدمييين لغة التشويييق في الصوووت
يعني ساعااات بيرتفع صوتش وساااعااات بينخفض عشااان تعطييينه اثاااارة
مثلا زهراااء تلعب في الحديييقة
تعالي بنصيغها بصيغة غيييير
تصدقيييين ويش تسووووي زهرااااء الحيييين ؟؟؟
قاعدة تلعب في الحديييقة
ببساطة خلي لش نبرة صووووت خااااصة تميييزش عن اللي حواااالينش الصوووت الدافي الهاااادئ

الصراحة والوقاحة
فيه فرق بين كلمة صريح ووقح اممم تخيلي لبست صديقتش المفضلة
تسألش ويش رايش في فستااااني تقولين لها والله هالفستااان حلووو بس لو مغيره لونه يطلع عليييش احلى
انزين نفرض انها ما سألتش
وتجييين تقولين لها هذااااوييش كلش مو حليييو لو ماخذة لون غير احلى
الصراحة لها آداااب ما اجرح اللي حواليني واقووول اني صريحة عطيتها اياااها في الوجه

​

 

[red❤heart]

يسلمووو خيوو ع الموضوع الي يجنن

حبيبتي نور القرآن تسلمييين خيووو
ارتتااااح اذا اجوووف اسمش في مواضيييعي تسلمييين خيوووتي ...
​

 

[red❤heart]

​

ستاااايلي يميزني
هل اشعر بالرضى عن مظهري الخارجي
اممم يلا خلنا نشووووف هل عندش هالاسلحة اللي تخليييش راضية عن نفسش؟؟؟

طالبة المدرسة باهتمامها بنفسها وبوجها وبرشاقتها ؟؟؟

مقدمة الاطعمة في المطعم وابتسااامتها الداااافئة

مضييفة في طيييارة واهتمامها باللي حواليها

المدرسة وطريقتها في الاقنااااع

شخص ما له تأثييير كبيييير في حيااااتي ابغي اصييير نفسه لا لا لا احسن منه
الحيييين شلووون راااح يكووون مظهري الخاااارجي والداااخلي

ارسمي الصوووورة التي تشعرك بالرضا عن نفسك وطبقيييها الشعر الرشاقة الابتسامة الجسم الجاذبية ووو...

​

 

[نجمة تشرين]

موضوع ممتاز و كلامه سليم احس
دائما للافضل
يسلمو

 

[red❤heart]

​

كيف احسن من حالتي النفسية
أ‌. تفائلوا بالخير تجدوه : مبدأ التفاؤل ماجا عبث التفاؤل يغير من حياااة الانسااان كل شي له تأثير على الانسان اذا جينا بناخذ تفائلوا خلنا نشوووف فلم هندي رومانسي حزييين مات البطل
وظلت البطله تصيييح عليه هل اخذنا بمبدأ التفاؤل نرجع ونشوووف فلم كوميدي مضحك
يخلص الفلم وتستمر ملامح السعادة على الوجه هنيه لازم اني اراقب نفسي هل انا اتبع مبدأ التفاؤل ؟؟؟​

ب‌. الاسترخاء : شلون اسوي استرخاااء واريح نفسي ؟؟؟​

​

1. الاستحماااام : كلنا نسبح بس تسبوحة عن تسبوحة تفرق ​

​

هالمرة بنجرب نتسبح عشااااان نسترخي بعدها نشغل لنا موسيقى رومانسية ناعمة ونحط الكرييييم المفضل لنا
الهدف هنيه : اربط عندي الصوت الهادئ موسيقى طبيعية شلال عصافير ... بالاسترخاء الراحة الاستحمااااام ...بالرائحة اللي هو ريحة الكريم فهنيه عند اول شي يضايقنا نطلع الكريم المفضل
تجي حالة الاسترخاااء والراحة تلقائيا
2. السجوووود : وكلنا نعرف شلووون السجووود يريييح الشخص ويخلصه من الشحناااات اللي في الجسم
اسجد عشااان ارتااااح
راحتي بقربي من ربي
هالسجووود سجووود غير عن كل السجووود
مو سجووود صلاة وادائها ويالله لا لا لا بالقرب منك ياربي ارتاااااح ويزووول همي ...
3. الانسااان يحن لاصله : معروووف ان اصل الانساااان الترااااب ارجعي الى اي مكاااان يكووون فيه تراااب وافلتي النعاااال ومرغي رجولش في الترااااب
4. التنفس بعمق: بحااااول ادخل اكبر قدر ممكن من الاكسجييين الى الرئة عشاااان ارتااااااااح
جربي تقولين آآآآآه وشوووفي بعدها ترتااااحين وكأنش تخلصتين بجزء كبير من الالم فيه طرق وااااجد عشااان اسووييي استرخاااء لكن كل شخص يعرف شلووون يريح نفسه جربي واعرفي شلووون ترتااااحييين

​

​

 

[red❤heart]

موضوع ممتاز و كلامه سليم احس
دائما للافضل
يسلمو

خيوتييي نجمة الليل يسلم لي وجووودش في موضوووعي ...
تسلمييين يالغالييية...

​

 

[red❤heart]

انا
اولا لازم احب نفسي كما هي بكل عيوبي مع محاولة التغييير
ولكن انا احب نفسييي
لااتوقع ان الناااس بتحبني او بتجوووف فيني شي جميييل
واني ما اشوووف نفسي جمييييلة ركزي على الحركاااات اللي تشيييير الى أناااااا
عبري عن نفسش باستخدام اليد
مثلا لما ترفعين شعرش بيدش او تحطين يدش على جسمش نعوووومة
اممم انزييين خلنا نشوووف الصووورة

هذي ايحاءااات تدخل لعقل الآخرييييين

نقطة اخيييرة بضييفها تحت لاهميتها *_^​

 

[red❤heart]

كيف اعبر عن نفسي واشارك الآخرين فرحتي
ببساطة علي ان انمي تعبيراتي الانثوية وقدرتي على الاقنااااع
مثلا اريد اطلب من شخص ما ابغي اليوووم اطلع ومستملة وضايق خلقي
اقعد اتأفأف ليش وانكد على روحي خلني بسوي محاولات اقناع
عن طريق : بحسس المقابل ان هذي رغبتك وانت تبي تطلعني
مثال : بابا اكيد انت صار خاطرك تطلعني اليوووم ويش قلت ادري موافق
هه الحين انتين حولتينها لرغبته هو
مثال ثاني : اخوش يحوس في غرفتش وانتين ما تبينه يدش تقولين له لا تدش غرفتي
تجوفينه ركييض هناك قاعد يحوس
ببساطة لا تستخدمين كلمة لالانه في العقل كأنش تقولين له روح عفس
اعطي اوامر من غير كلمة لااقعد هنيه غرفتي مقفولة ...
مثال ثالث شلوووون اعطي الشخص المقابل خطأه بدووون احراااج
استخدم طريقة السندويجة

في الوسطة حشوة من فوووق وتحت الغطاااااء مدح
انت حليييو انت طييب انت شاطر جذيه صغنون شي عدله وتصييير احسن وااااحد
لا تستخدمييين كلمة لكن كلمة لكن تلغي اللي قبلها
يعني انت شاطر لكن ما تطاوع
سوت الغااااء لكلمة انت شاطر
استخدمي التعبييرات الايجابية وحركااات الاطفاااال في محاااولااات الاقنااااع

كيف اشااارك الآخرين فرحتيي التعبيير عن الفرح
مو ضروري اقول اني فرحااانة لانه كذا كذا كذا لا لا لا
كفاية اني اشاركهم تعبيرات الفرحة مثلا استخدم لغة اللمس في التواصل
مثلا امسك الايد بحنية وابتسااامة المهم اني استخدم لغة خاصة مو ضروري تكووون اللمس او الاحتضااان اهم شي تكووون توااااصل

ملاحضة :
الموضوووع كتبته في منتدى ثاني بعد

انتهى ...​

 

[! ! علامَات تعجّب ! !]

موضوع رائع ومجهود تشكرين عليه

يعطيش الله ألف عافية


​

 

[red❤heart]

موضوع رائع ومجهود تشكرين عليه

يعطيش الله ألف عافية

تسلمييين حبيبتي علاامااات تعجب داااايما منووورة
الله يعااافييش ياااارب ​

 

[صاحبة الظل]

كلام سليم ما علية غبار
تسلمين حبيبتي

 

[red❤heart]

كلام سليم ما علية غبار
تسلمين حبيبتي

الله يسلمش حبوبة...

 

[سمفونية الحياة]

​

يسلمو أختي موضوعش رووعة

 

[red❤heart]

يسلمو أختي موضوعش رووعة

يسلم وجوووودش الارووووع

​