استفسار عن الهندسة المعمارية

[التفاؤل اساس الحياة]

السلام عليكم


اني طالبة في المرحلة الثانوية والحين اني في التوجيهي ي (علمي)والمعدل 81واخذت مادة تحسيني وان شاء يزيد المعدل واني حابة ادخل هندسة معمارية احس ان عندي شي من الفن والابداع والتصميم بس اواجه مشكلة في ماده الانج والريض يعني درجاتي تتراوح بين 60-75بس سمعت انه ماتعتمد على الريض بشكل مكثثف اما الانج يوجد في كل التخصصات هذي المعلومات الي عندي فاتمنى الي عنده معلومات اضافية حول الموضوع يفيدني بها وشي ثاني ياليت الي عنده خبره ينصحني اذا يناسبني المجال او مايناسبني من خلال المعلومات الي وضعتها في البداية.​

 

[عبير البنفسج]

عليكم السلام

اني ما اعرف واجد في هالتخصص لكن صديقة ليي تدرسه فممكن اني افيدش في بعض الاشياء

الهندسة المعمارية فيها مواد واجد رياضيات لان الموضوع مو مجرد ابداع و رسم و انما تحتاجين فهم رياضي فيها

في تخصص في كلية الهندسة اسمه " التصميم الداخلي " هذا اساسه فقط الابداع و الذوق الراقي اكثر من الهندسة المعمارية


لكن في كل الاحوال اذا كنتين حابة التخصص و مستعدة تعطينه الكثير من وقتش عشان تبدعين و تحصلين اعلى الدرجات فيه ما بكون هالشي صعب عليش

كل شي يحتاج الى ارادة و عزيمة مع حب التخصص نفسه عشان ننجح فيه

 

[zoba]

سلاآآم ..
الهندسة المعمارية فعلاً فيها رياضيات وآجد بغض النظر عن كلكولس 1 +2+3
يعني 3 مقررات ريض تبع الخطة الدراسية غير المواد الثانية اللي تعتمد على فهمش للرياضيات ومسائل حسابية تبع الفيز

والتصميم الداخلي بعد مابتقدرين تشردين من الرياضيات وبيكون فيه مقررين كلكولس 1 + 2 ومابقولش انهم سهلين
بالعكس يبي ليهم دراسة مكثفة وهذا واني متخرجة ونسبتي في الـ 90 ودرجاتي في الريض كلها فل مارك في الثنوي
وزين مني انجح في ماث الجامعة !

ونقطة ثانية حبيت اوضحها لش ..
على دفعتنا احنا كانوا مايقبلون احد في تخصص الهندسة الا ونسبتهم 90 وفوق او اذا كلش كلش 88 وفوق

يعني لا تعتبرين كلامي تحبيط .. بس هذا الواقع ..

 

[m.g.s]

الرياضيات في جامعة البحرين لازم دراسة اول باول

و حاولي تفهمين كل شي و سئلي الدكتور عن اي شي مو فاهمته

اذا عندج رغبة في التخصص و عاجبج ان شاء الله تقدرين تمشين فيه اما اذا مالج رغبة فيه بتحصلين صعوبة شوي

و بالنسبة لكلام الاخت zoba للهندسة مو شرط 90 و 88 لاني اعرف ناس معانه 2010 معدلاتهم اقل من 88 و دشو هندسة

بالتوفييييق
​

 

[روح البحر]

^

صح كلامك في اقل يدشون هندسه

بس استثناء المعمارية والمدنية ماياخذون اقل من 90

والمعماريه فيها مقابلة قبل القبول .. هالسنه وايد ناس ماقبلوهم مع ان معدلاتهم فوق ال 90

 

[January~Queen]

ما يقبلون اقل من الـ 90
عندنا مادتين رياضيات بس
و باقي المواد داخل فيها الفيزياء والرياضيات
و كل المواد بالانجليزي
لازم مقابلة و امتحان تقدمين قبل لا يقبلونش

بالنسبة ان عندش فن و ابداع فالتصميم
عليش بالتصميم الداخلي ....
لان اساس التخصص تصميم
و خطتهم الجديدة فيها رياضيات واحد بس


بالتوفيق