حكيت بسيارة وماعرفت شسوي!

[justblue]

السلام عليكم

في يوم الخميس حكيت بسيارة بالغلط ومن الربكة والخوف ماعرفت شسوي وماحطيت رقم الاتصال والحين متحيرة بعد .. السيارة كانت موقفة في باركات كلية العلوم لونها ذهبي نوعها هوندا .. فإذا صاحب السيارة قاعد يقرأ الموضوع يخبرني ..

 

[S p y e r]

كان الأفضل تحطين رقمش أو رقم الوالد على الأقل على السيارة ..
دامه يوقف هناك ان شاء الله بتجوفين السيارة مرة ثانية = )

بالتوفيق​

 

[P A I N]

سويتها من قبل و حكيت سيارة بالجامعة على خفييف ..

حطيت رقمي ، و اتصل الصّبي : قال عادي حصل خير و مبريّة الذّمة ..

لا تخافين طيبين النَّاس ..

اذا شفتين السّيارة مرة ثانيّة حطي رقمش احسن من تقعدين تحاتين جذي .. اتوقع بتشوفينها​

 

[قموووورة]

أن شاء الله تشووفين السيارة مرة ثانية وحطي الرقم عشان يتصلوون ..​

 

[um 7sin]

لا تخافين و إن شاء الله بتشوفين السياره مره ثانيه و مثل ما قالو حطي رقمش او رقم الوالد

 

[التماس دعا]

بسم رب الحسين
السلام عليكم ورحمة الله وبركاته

نفس ماقالوا...
لازم تحطين رقمج+تنتظري الاتصال ..

واذا ماتصل..فاعرفي عادي ماعليج شي..
بس اذا اتصل وانتي ماشلتي التلفون ..وكان الرقم غريب..لازم تتصلين له بروحج لأن يمكن هو يكون ...

المهم ..اذا جفتي السيارة..حطي رقمج مرة ثانية
ام قدو سنقل منقل
عصب عصب
:sly:

(عادي..البنات يمشون سيارة ويحكون ..عادي ) ...

 

[chocolate addiction]

المفروض تخلين الرقم
مو كل طلاب الجامعة مسجلين في هالمنتدى !!!

 

[AM-ahmeed]

خلي الرقم افضل من يصير في ذمتش الدنيا كلها يومين مايسوا تخلين في ذمتش على اشياء تافهه

عادي وحكيتي السياره كلنا نحك وندعم بس نوقف ننتظر صاحب السياره او نخلي الرقم بنسبه لي صار عندي مناعه عادي ولا اتفشل بعد اهم شيء ماأخلي في ذمتي

اذا تذكرين شكلها عدل روحي مع ان السياير متشابهه الا اذا فيها ماركه معروفه نفس سيارتي بتعرفينها

 

[MR.DEVIL]

المشكله ان بعض وقفات الطلاب الله يحفظهم واجد تمام مثلا انا مرة من المرات اطريت اكسر سيارتي عشان لا اعور سيارة الشخص و فعلا طاح البمبر لان العبقري اللي صوبي نص سيارته في باركي المخصص لي يا جماعة الخير ندري انكم مستعجلين بس الله يرحم والديكم وقفوا عدل اذا ما تبون سياييركم تتعور لا تعورون سيايير الناس

طبعا هذا رأي الخاص و ما اقصد فيه احد و اتمنى محد ينزعج ^_^ و بالتوفيق

 

[Al-Shubbar]

بسم رب الحسين
السلام عليكم ورحمة الله وبركاته

نفس ماقالوا...
لازم تحطين رقمج+تنتظري الاتصال ..

واذا ماتصل..فاعرفي عادي ماعليج شي..
بس اذا اتصل وانتي ماشلتي التلفون ..وكان الرقم غريب..لازم تتصلين له بروحج لأن يمكن هو يكون ...

المهم ..اذا جفتي السيارة..حطي رقمج مرة ثانية
ام قدو سنقل منقل
عصب عصب
:sly:

(عادي..البنات يمشون سيارة ويحكون ..عادي ) ...

اسمح ليي,,عادي مو عند الكل
سيارة بهديك الحسبة
وشموخ عادي

لو سيارة عفى عنها الزمن اوك عادي!!

بس مطلعه من الحفيز,,,اسمح ليي

 

[الصائغ]

كان الأفضل انج تحطين الرقم

لأن يمكن الشخص اللي حكيتي سيارته يمكن يسامحك لما يشوف انج حاطه الرقم حتى لو كان السيارة "حفيز"
وبالعكس .. قد لا يسامحك .. حتى لو كانت السيارة "قربعه " والشموخ صغير !!

 

[cozuo]

رووحي افتري في الباركات في نفس الوقت الي حكيتي فيه يمكن لأنه هالحزة لحين ماطلع من الجامعة
ودوري ع السيارة اذا حصلتينها حطي رقمش او رقم ابووش او اخووش

 

[yagmur]

افضل شيء تحطين رقمججج ... لان الصبي او البنية احتمال موب من اعضاء الـمنتدى ,,

 

[FcB10aRg]

ما عليش منهم لا تحطين رقمش ابدا
مو عن شي
نصيحة لوجة الله

حطي رقم اخوش او الوالد

بس رقمش لا تحطين

الاحتياط واجب

ونتين كيفش

 

[UOB-BH]

موضوع قديم منذ أشهر =) سيتم اغلاقه