[خبر] لايمكنك التسجيل مبدئياً بدون موافقة مرشدك الأكاديمي .!

[Saheb Al Qrar]

وصلتني رسالة من احد الأصدقاء احتوت بما معناه
إن على الطالب إطلاع المواد المرغوبه بالفصل القادم على مرشده الأكاديمي
ومن بعدها يوافق المرشد عليها ومن ثم يعطيه الصلاحيه للتسجيل في الموقع
علماً بإنه ليلة التسجيل لن يمكنك التسجيل
----------------------
نص الرسالة
1- فور دخولك للتسجيل الإلكتروني ستظهر لك رسالة تطلب منك مراجعة المرشد الأكاديمي. حيث انك تقوم بإطلاع مرشدك بمواد الفصل القادم
2- يقوم المرشد بالموافقه من خلال حسابه والسماح للطالب بالتسجيل.
3- هذه العمليه لن تسمح للطلبة بالتسجيل قبل فترة الدوام ( ليلة يوم التسجيل).
4- في حال لم تظهر لك اي رسالة تطلب موافقة المرشد الأكاديمي ,ذلك يعني بإن المرشد قام بفتح حسابك مسبقاً.
5- في حال لم تتعرف على مرشدك الأكاديمي يجب عليك مراجعة قسمك الأكاديمي.
----------------------
المصدر : رساله جوال ,اي بدون مصدر وليلة الأحد بنشوف المصداقية والله العالم
تعليقي// لو كانت كل هالإجراءات بتخلي المواد المرغوبه فعلاً ,فخيراً فعلتي ياجامعة
ولكن إذا نفس التسجيل القديم ,نسجل شي وآخر شي وقت التسجيل الفعلي ,نشوف الجدول فاضي .!
فماقول غير إنكم ذليتوا الطالب ,وأكسفورد عمرها ماسوت سوالفكم .!

​

 

[♑•.мзŗмăįԀ]

 

[moto l6]

ههههه , ويش هالمرشد الفاضي يطالع مواد 5000 طالب في اليوم
اعتقد انها هراء , مع ان اقول مو غربية على هالجامعة يسونها
​

 

[عبير البنفسج]

:mellow: نعم !!!

اذا هالكلام صح فالمفروض الجامعة نشرته من قبل عشان ما تصير الغفصة على الادفايزرز نفس ما تكون على التسجيل !

بس ما اتوقع انه صحيح

 

[Triple A]

وصلني اليوم من قروب يهتم بشؤون جامعة البحرين مثل المسج ,, اخبار هالقروب مضمونة بصراحة

 

[qassoomy]

يا كثر اشاعات البلاك بيري
لو صدق جان موقع الجامعة كتب السالفة
مثل ما قدر يكتب التسجيل المبدئي يوم الاحد
جان كتب لازم اجازة المرشد بس ما ذكر شي

 

[math lover]

احس تعقيد ماليه داعي
الخطة وعندنا واحنا كبار مو جهال عشان يوافق الادفايزر
ثانيا ادفايزري ما يتحصل ابدا يوم بروح اغير الماينر عذبني ولا احصله في المكتب لين بالصدفة شفته يمشي وقفته خليته يوقع

اتوقع يمكن دكتورنا الماث مشتكي لان معظم اللي في السكشن ماخذ هذا المقرر وكل مايشرح شئ يقول هذا اخذتونه في المقرر الفلاني واحنا انقول ليه دكتور ما اخذنا ذاك المقرر للحين ويضطر يشرح لينا اشوي من ذاك

 

[qassoomy]

احس تعقيد ماليه داعي
الخطة وعندنا واحنا كبار مو جهال عشان يوافق الادفايزر
ثانيا ادفايزري ما يتحصل ابدا يوم بروح اغير الماينر عذبني ولا احصله في المكتب لين بالصدفة شفته يمشي وقفته خليته يوقع

اتوقع يمكن دكتورنا الماث مشتكي لان معظم اللي في السكشن ماخذ هذا المقرر وكل مايشرح شئ يقول هذا اخذتونه في المقرر الفلاني واحنا انقول ليه دكتور ما اخذنا ذاك المقرر للحين ويضطر يشرح لينا اشوي من ذاك

math lover زين انتي عالاقل عندج ادفايزر حتي لو بزور يتحصل
قولي انا يا حسرة ما عندي ادفايزر

راجعت التسجيل و القسم و الرئيس محد سو لي شي

 

[мš вутє]

بنجوف بكرة بالليل ..
اذا صدق يبي لي اروح يوم الاحد بسرعة اقعد عند دكتورة ميادة قبل الفغصة

​

 

[عبير البنفسج]

احس تعقيد ماليه داعي
الخطة وعندنا واحنا كبار مو جهال عشان يوافق الادفايزر
ثانيا ادفايزري ما يتحصل ابدا يوم بروح اغير الماينر عذبني ولا احصله في المكتب لين بالصدفة شفته يمشي وقفته خليته يوقع

اتوقع يمكن دكتورنا الماث مشتكي لان معظم اللي في السكشن ماخذ هذا المقرر وكل مايشرح شئ يقول هذا اخذتونه في المقرر الفلاني واحنا انقول ليه دكتور ما اخذنا ذاك المقرر للحين ويضطر يشرح لينا اشوي من ذاك

هذا الخطأ من الي سوى هالخطة و قام يحط المواد المتطلبة لمقررات من عنده

احنا ما افتكرو يعدلون هالشي الا في خطة 2010

 

[يَـآقـوتَ]

امممم منو مرشدنا الاكاديمي !!

 

[m.g.s]

نشر الخبر رئيس مجلس الطلبة و قروب جامعة البحرين

بجربون هالنظام علينه هالكورس
​

 

[Lutos]

خبر غريب !!
أعتقد اشاعة ...
بروحه الأدفايز الواحد عنده واايد طلاب ..
و أصلا شلون نتواصل مع الأدفايز, اذا كان الأدفايز الواحد عنده مليون طلاب ..
شيء معقد ..

2- يقوم المرشد بالموافقه من خلال حسابه والسماح للطالب بالتسجيل.

ما فهمت هالنقطة ..

اذا كان هالكلام صح ..
كان من المفترض يخبرونا قبل ما تبدأ فترة التسجيل ..

 

[m.g.s]

امممم منو مرشدنا الاكاديمي !!

مكتوب في الموقع و الجدول ​

 

[m.g.s]

بالنسبة للي يقولون ان الادفايز عنده وايد

انا جفت 2

و كل ادفايزر عنده لسته ماتتعدى 30 طالب ​

 

[qassoomy]

و اللي ما عندة ادفايزر يطير مثلا:tears:

حتي شي اللبسيط الا اي طالب عندة انا ما عندي

 

[Saheb Al Qrar]

2- يقوم المرشد بالموافقه من خلال حسابه والسماح للطالب بالتسجيل.
ما فهمت هالنقطة ..

عقب مايشوف المواد اللي تبغينهم
من حسابه بالموقع راح يعطيك الصلاحيه عشان تنزلين لك المواد اللي تبينها.
لأن على كلامهم ليلة التسجيل ,ماراح نقدر نسجل ولاننزل اي مادة.
​

 

[m.g.s]

:mellow: نعم !!!

اذا هالكلام صح فالمفروض الجامعة نشرته من قبل عشان ما تصير الغفصة على الادفايزرز نفس ما تكون على التسجيل !

بس ما اتوقع انه صحيح

الخبر من امس نشروه او اليوم الصبح و قالو بحطون التفاصيل اليوم

اتوقع امس لان قريته من قبل في قروب جامعة البحرين >> اخباره مضمونه و اذا ابي شي اتأكد منه ​

 

[jacksparrow]

اعتقد الخبر زين
ليش ؟
لانه نفس حالتي انه الصراحه مادري شنو انزل الكورس الياي متوهق يعني
على الاقل الادفايزر اساعدني اقول ليه ويش انزل

 

[m.g.s]

عقب مايشوف المواد اللي تبغينهم
من حسابه بالموقع راح يعطيك الصلاحيه عشان تنزلين لك المواد اللي تبينها.
لأن على كلامهم ليلة التسجيل ,ماراح نقدر نسجل ولاننزل اي مادة.
​

اي قالو لازم وقت الدوام ننزل مواد ​