ليش المثالية ؟؟

[جمان]

مرحبا ..

جمعة مباركة ..

في البداية بنبه بأني ما اقصد احد بكلامي هذا لا عضو او عضوة في المنتدى , واتمنى ما يكون موضوعي مكرر ..

بس بسأل ..

ليش انشوف المثالية في المنتديات ؟؟

ليش انشوف انه الكل في المنتديات طيب وحبوب ومافي منه ؟؟

ليش كل واحد ما يظهر على حقيقته ويترك عنه النفاق ؟؟

ليش عندك ازدواجية في شخصيتك ؟؟


متعطشة لارائكم النيرة ..


دمتم بود ,,

 

[Dun Dun Dun!]

فعلاً في بعض الناس من هالنوع..

وفي رأيي بالعكس، الشخصية في المنتديات هي الشخصية الحقيقية لأنه ما احد يعرف الشخص بمعنى ما يحتاج يتصنع، وغيره بأنه مأخذ راحته خلف الشاشة

 

[بســــــكوتــــــة!]

الحمد لله انه مو من هالنوع وإلي يعرفني شخصيا يدري

لكن اعتقد انه مو تصنع كثر ما هو being polite to others
يعني ليش بيتكلم بغرور مع الناس ومحد مسوي له شي؟!
واصلا مواضيع المنتدى بشكل عام مو مال موفشر او هواش عشان تطلع الشخصيات السيئة..
لكن المنتديات الأخرى تطلع الشخصية الحقيقية لانه المواضيع إلي تنكتب اهية إلي تساعد فهالشي

وفي فئة تتصنع وتدعي الطيبة لكنها عكس هالشي فتظهر للناس بالصفة الطيبة فهالشي يدل على الخبث لا اكثر.. كما يحدث في الحياة الواقعية ونتفاجأ بظهور الشخصية الحقيقية بعد فترة ..

those people should be ignored

 

[Saheb Al Qrar]

مراحب
بالنسبة لسؤالك انتي قلتي عن المنتديات
فإذاً حنه نتكلم عن مجتمع على الأنترنت حاله حال اي مجتمع عادي
فيه ناس طيبه وناس تعبانه وناس بقلبها مرض وكل واحد يغني على ليلاه
وكلن له حاجته ,فـ كل واحد يتبع الأسلوب لغايته.
وهالشي بالطبيعه ونشوفه بشكل واضح
فمابالك بخلف الشاشات .؟

ولكن ولله الحمد هنا بالمنتدى يغلب عليه الطابع الحقيقي
لعدة اسباب منها ,إن حنا طلبة جامعيين ومو اي طلبه "جامعة البحرين"
مضغوطين 24 ساعه ,فاغلب الكلام مختصر وكل واحد يفيد الثاني ويجمعنا طلب العلم فقط ,واحياناً تسالي وفكاهه لتغيير الجو وإراحة النفس
وعلى العكس ربما احدهم من كثر الضغوط لربما قال كلام لايعكس شخصية لكن سلبي
هذا ممكن نشوفه
لكن إنه عضو يدعي الطيبه وجيه ,بصراحة ماشوف هالشي ,يعني ماظن حد داش هني عشان يقولون عنه كيوت والاي حليو ذي وهلون
منو فاضي له اصلاً

ع العموم موضوع راقي يستحق النقاش
ورايي يعبر عني فقط
واتفق مع بسكوته 100%
​

 

[قمَر]

من بعد كلآام صآاحب القرآار مآا اقدر اقوول شي.. ​

 

[c o d e]

ليش انشوف المثالية في المنتديات ؟؟

ليش انشوف انه الكل في المنتديات طيب وحبوب ومافي منه ؟؟
لان الكل عنده الجانب الجميل اللي يمكن ما شافه او طلعه للناس على ارض الواقع
وحصل له فرصة في عالم الانترنت , فيعبر بالاسلوب اللي يتمنى ينقله بعدين للواقع .


ليش كل واحد ما يظهر على حقيقته ويترك عنه النفاق ؟؟
اممم , ما اشوف ان في نفاق !
الا في المواضيع الشائكة جدا جدا جدا
يعني مثلا اذا واحد كان بطبعه عصبي , ماله داعي يجي في كل رد يعصب او يجرح باقي الاعضاء !
>>> لا تقولون نقصد وشسمونه


ليش عندك ازدواجية في شخصيتك ؟؟
هالنقطة مبنية على النقطة الثانية .
بس ما نسميها هني ازدواجية , بالعكس هالشغلة تفيده على المدى البعيد والغير مرئي
يعني لما اني متضايقة من شي وخاطري ازف احد , بس لما اجي ارد في المنتدى ولا كأن شي صاير
اهني يعلمني ضبط النفس والسيطرة على الموقف .
تالي بنلاقي روحنا حسّنا من شخصيتنا نحو الجانب اللطيف الحلو اللي مثل ما قلت في البداية نملكه بس ما عرفنا نطلعه في الواقع

موضوع جميل
+ كلام صاحب القرار بعد جميل

 

[جمان]

فعلاً في بعض الناس من هالنوع..

وفي رأيي بالعكس، الشخصية في المنتديات هي الشخصية الحقيقية لأنه ما احد يعرف الشخص بمعنى ما يحتاج يتصنع، وغيره بأنه مأخذ راحته خلف الشاشة

ويمكن يكون بالعكس .. لانه خلف الشاشة فنفسه اتسوغ له بانه يكون عكس ما هو عليه من طبائع علشان يوصل لغرض معين مثلا ..!!

ممتنة جدا لحضورك ..

 

[AL-MU’allim]

المثالية شيء جميل سواء في المنتديات أو في الواقع
فكيف ننتقد أصحاب المثالية؟!

 

[الفارس الملثم]

احم احم



حبيت اسلم فقط

 

[the life]

بالنسبه لي اغلب الناس اللي بالنت شخصيتهم غير عن الواقع
فئة قليلة جداً اللي شخصيتهم تلاقينها نفسها
ومو شرط بس يبين الجانب الحسن من شخصيته
اكو قوقل ما يقصر كليك وكل شي بيطلع
بس هذا ما يعني ان مافي انسان مثالي صدق
واللي يبي يسوي روحه مثالي ويبالغ في هالشي فهذا اكيد عنده نقص ويبي يبين ان مافي عليه
بعدين مادري شنو الفايده اللي بيحصلها من ورى شاشة ونكنيمات!

 

[بســــــكوتــــــة!]

بالنسبه لي اغلب الناس اللي بالنت شخصيتهم غير عن الواقع
فئة قليلة جداً اللي شخصيتهم تلاقينها نفسها
ومو شرط بس يبين الجانب الحسن من شخصيته
اكو قوقل ما يقصر كليك وكل شي بيطلع
بس هذا ما يعني ان مافي انسان مثالي صدق
واللي يبي يسوي روحه مثالي ويبالغ في هالشي فهذا اكيد عنده نقص ويبي يبين ان مافي عليه
بعدين مادري شنو الفايده اللي بيحصلها من ورى شاشة ونكنيمات!

كلام سليم

 

[قموووورة]

بعد كلام صاحب القرار لا يوجد كلام ..​

 

[5alil]

وجهة نظر فقط

من لا يستطيع اثبات نفسة في الواقع يتجه إلى إثباتها خلف الشاشات وفي المنتديات.

​

 

[♑•.мзŗмăįԀ]

:: مرَحبا ::

بالنسبة لي فعلا اشوف هذه الفئة .. بس البعض يحاول
يخلق لنفسه شخصيه يحب يقنع الناس بوجهه نظره
من خلالها ..
الحمدلله ان احنا بمنتدى تَعليمي وما نواجه تقريبا مثل هذه الفئة ..
ونعرف بعضنا تقريبا
واحس المواضيع تجمعنا مع بعض وتعرفنا في بعض ..

بس انه نخلق شخصية مختلفه جدا عن شخصيتنا الحقيقية ..
في الواقع هذا " مرض "

والله ولي التوفيق

 

[AL-MU’allim]

أنا الصراحة لا أعلم لماذا تنتقدون أصحاب المثالية في المنتديات أنا يعجبني الشخصية المثالية في المنتدى ولكن يجب أن يعمل بها في الواقع والشخص أو العضو طبيعي يريد أن يثبت شخصيته وتميزه في المنتدى وهل هذا أمر غير طبيعي
فالحل الامثل والانسب نقول دعونا نعيش الواقع أيضا بمثالية ولا نظهرها فقط في المنتديات

 

[Elegant Girl]

المثالية شيء جميل سواء في المنتديات أو في الواقع
فكيف ننتقد أصحاب المثالية؟!

+1
رائعة هي المثالية ، فلمَ انتي مُستائة منها ؟
حتي لو كانت تطبع في المنتديات ، فمن الممكن بالممارسة تصير طبع
يعني يمقن اي ويمقن لا

وبالنسبة لهذا المنتدى تحديداً :: أني اجوف كل شخص يقول ارائه بتلقائية وبعفوة ..

 

[جمان]

اسعدني هذا الحضور والتواجد ..

سأعلق فيما بعد ..

شكرا أحبتي ..

 

[جمان]

الحمد لله انه مو من هالنوع وإلي يعرفني شخصيا يدري

لكن اعتقد انه مو تصنع كثر ما هو being polite to others
يعني ليش بيتكلم بغرور مع الناس ومحد مسوي له شي؟!
واصلا مواضيع المنتدى بشكل عام مو مال موفشر او هواش عشان تطلع الشخصيات السيئة..
لكن المنتديات الأخرى تطلع الشخصية الحقيقية لانه المواضيع إلي تنكتب اهية إلي تساعد فهالشي

وفي فئة تتصنع وتدعي الطيبة لكنها عكس هالشي فتظهر للناس بالصفة الطيبة فهالشي يدل على الخبث لا اكثر.. كما يحدث في الحياة الواقعية ونتفاجأ بظهور الشخصية الحقيقية بعد فترة ..

those people should be ignored

بشكل عام تكلمت عن المنتديات .. وطبعا المنتدى ليس في مورد المثال على ذلك ..

الي اقصده بأنه ليش الإنسان ما يظهر حقيقة طبعه وسلوكياته حتى إذا كان خلف الشاشة ؟ ليش ناس مهتمها جذب نظرالناس إلى شخصية وهمية تختلف عن الشخصية الأصلية .. ؟؟ هل لنقص في شخصيته ويحب يعوضه في المنتديات ؟

واتفق معاش في هالنقطة """ وفي فئة تتصنع وتدعي الطيبة لكنها عكس هالشي فتظهر للناس بالصفة الطيبة فهالشي يدل على الخبث لا اكثر.. كما يحدث في الحياة الواقعية ونتفاجأ بظهور الشخصية الحقيقية بعد فترة .. """ بأنها كثيرة سواء في المجتمع او حتى خلف الشاشات ..


تحيتي ..