جدول بدون مكان المحاضرة !!؟

[Nalby]

السلام عليكم ...

لاهنتم إخواني أنا تمهيدي تسويق ، وخذت جدولي وكل شي أوكي بس لما رجعت السعوديه >>> أنا عايش بالسعوديه لقيت أنه ماكو بالجدول مكان المحاضرات !!؟

شنو أسوي الحين

 

[Nalby]

لاهنتم إخواني أيضاً المدينة غير موجوده ! يعني ما أدري بالصخير وإلا المدينه !؟
أنا تخصصي تسويق " تمهيدي " وسمعت بأنه يكون بالصخير هل هذا صحيح ؟

أيضاً سؤال آخر وإعذروني على الإزعاج > بالنسبة لـ التمهيدي أنا نسبتي 82 لكن ماراح أقدم إختبار الإعفاء لأني أبقي أقوي اللغة الإنجليزية عندي :sly: ، السؤال : فيه إختبار بالجدول بتاريخ 2010/1/10 هل يعني أن هذا الإختبار سيحدد مصيري في مواصلة الدراسه من عدمها ؟ يعني اذا لاقدر الله ورسبت في هذا الإمتحان هل أُطرد !؟

وشكراً لكم مقدماً

 

[¦[» ℓιℓ ємσ кιd «]¦]

ههههههههههه ... خوش سؤال
اخوي لازم مكتوب مكان المحاضرة
اول شي يكتبون اسم المقرر وبعدين الوقت بعده مكان المحاضرة
كل المحاضرات تكون في لصخير
.
.
.
طبعاً كل مقرر له مدتيرم و نهائي
وهذا التاريخ تاريخ الامتحان النهائي
ولازم تقدمه وتنجح فيه
بس ماعتقد انك ترسب فيه لانه سهل
اذا رسب تعيده ... لازم تنجح فيه
.
.
موفق

 

[ريـم]

انزين حتى اني مو مكتوب ليي في الجدول مكان المحاضرة
وفيه ناس اعرفهم بعد
عقب اذا داومت تروح التسجيل وتطبع الجدول مرة ثانية

 

[sadiq6210]

مثل ما قالوا الاخوات : )
يوم الدوام راجع التسجيل بيطبعون لك جدول جديد، عدد كبير من طلبة التمهيدي يواجهون نفس المشكلة سنويا، بسيطة ان شاء الله ..

بالنسبة لكورس التمهيدي، غير مهمة نتيجته سواء نجحت أو رسبت راح تنتقل الى دراسىة التخصص ،، هذا آخر قرار صدر من عمادة القبول التسجيل بخصوص التمهيدي

 

[نفسي عزيزة]

انزين على التمهيدي

سنة ولا كورس؟؟ اسمع بنت خالتي اتقول احتمال سنة !!!

 

[sadiq6210]

انزين على التمهيدي

سنة ولا كورس؟؟ اسمع بنت خالتي اتقول احتمال سنة !!!

كورس واحد << أسرع رد

 

[نفسي عزيزة]

كورس واحد << أسرع رد

:shiny: اشوووة كوورس

يسلموو صادق

 

[Nalby]

مشكورين والله يعطيكم العافية ...

الآن إختلاف وتضارب في الآراء بالنسبة لـ إختبار التميهدي

 

[متمردة]

امتحان التمهيدي اللي في الجدول عندك
هو الامتحان النهائي
سواء نجحت أو رسبت تدخل تخصصك

​

 

[Nalby]

الله يعطيكم العافيه ماقصرتوا ...

سؤال آخر لاهنتم : أنا طبعاً عايش بالسعوديه ورحت للجامعه قالوا مافيه سكن للطلاب !

الحين أبقي اعرف اذا فيه فنادق يأجرون فيها طلاب من الجامعه وشنو أقرب منطقة للجامعه > مدينة حمد صح ؟

وبالنسبه لجامعة الخليج هي فيها سكن للطالب , وصديقي بيدرس فيها أقدر أدفع لهم فلوس وأسكن عندهم ؟

 

[متمردة]

الله يعطيكم العافيه ماقصرتوا ...

سؤال آخر لاهنتم : أنا طبعاً عايش بالسعوديه ورحت للجامعه قالوا مافيه سكن للطلاب !

الحين أبقي اعرف اذا فيه فنادق يأجرون فيها طلاب من الجامعه وشنو أقرب منطقة للجامعه > مدينة حمد صح ؟

وبالنسبه لجامعة الخليج هي فيها سكن للطالب , وصديقي بيدرس فيها أقدر أدفع لهم فلوس وأسكن عندهم ؟

شلون مافي سكن؟؟
في سكن للطلبة و سكن للطالبات :mellow:

​

 

[Nalby]

والله هذا الي قالوا لي عمادة القبول والتسجيل !!!

الحين شنو أسوي ؟؟؟