لطلبة القدامى والجدد بعد يدخلون

[dim]

السلام عليكم

شخباركم؟؟

حبيت نسالكم عن خدمات الجامعة مثلا :

تعليم الاقران شسالفته وشلون نستفيد منه؟

المني باص شلون نقول له يوصلنا من قسم لقسم يعني في مكان معين يوقف فيه او لا؟

بالنسبة للجمعيات الي على كل قسم شنو وظيفتها ومم تتكون طلبة او دكاترة وفي وين بالضبط تكون موجودة؟


وشكرا

 

[Biology boy]

اهلين اختي

اسئلتش حلوه ومفيده
تعليم الاقران تتم بتقدم احدى الطلبة اللي حاصل على معدل A في الماده ومعدل تراكمي عالي بتطوعه لتعليم الاقران يعني في وقت النشاط الطلابي يوم الاثنين والاربعاء الساعه 11 يخلون لكم صف يدرس فيه الطالب الماده المسموحه له يعني يعطيكم امثله وتمارين ويحلها معاكم ويوصل المعلومه بشكل مفيد كونه طالب ويعرف اشلون يفكرون الطلبه الجامعيين .

المني باص : كل ساعه يعني كل ماتخلص محاضرة تتجوفين يم باب الكليه بنات يحارسون الباص الصغير ،،،الباص الصغير كل ساعه ياخذ فره على كل مباني الجامعه يعني اذا انتي من العلوم تبين تروحين الاداب تنتظرين عند مبنى العلوم ويجي باص وياخذكم ويفتر على كل المباني واذا تبين تنزلين عند احد المباني تقولين ليه وقف بنزل عند ذاك المبنى (لازم تقولين ليه قبل لايوصل المبنى ب30 متر او اكثر علشان يقدر يوقف مو حزة الحزه بعدين مابيقدر يوقف اذا خطر المبنى او راح يوقفك بعيد عن المبنى لان مايصير يوقف في وسط الشارع لازم في موقف المخصص للمبنى)

الجمعيات تتكون في كل كلية وكل جمعية لها نشاطات معينه مختلفه مثل اليوم العلمي بجمعية العلوم ،،، راح تلاحظين في اعلانات عن الجمعيه وطرق الاشتراك فيها وبتلاحظين فعاليات تنعمل باسم الجمعيه احضريها وتعرفي على الطلبه الاعضاء في الجمعيه وانظمي اليها بتسجيل عضويه وان شاء الله تصيرين رئيسة جمعيه في المستقبل

 

[جولنار]

مرحبا
تعليم الاقران في كلية الاداب اكثر شي يدرسون مواد الانجليزي بس ممكن نروح حق المكتب المسؤول عن تعليم الاقران ونقترح عليهم يفتحون مجال لتدريس مادة معينة؟

ولوسمحت Biology boy ممكن تتكلم اكثر عن الجمعيات ....
وشكرا...

 

[dim]

اوكي
معلومات ولا اروع

بس شلون نعرف الاقران يعلمون اي مادة وفي وين؟

وبالنسبة للجمعيات في وين موقعها بالضبط بالاخص لكلية الهندسة؟

وبالنسبة للمني باص ذا واحد محاضرته ساعة ونصف وبعدها محاضرة بعد 10 د شلون بينتظر المني باص يعني بيتاخر وايد...؟

 

[tammy tailor]

المني بااص يوقفوون عند المكاان الي ينرووح منه العصر؟
بعني قريب عند التسجيل

 

[dim]

اهلااا بيكم هلا

الحين عند التسجيل او عند الكلية؟ولا شنو قصدكم لاني مافهمت عليش tammy tailor ؟؟؟؟؟؟؟؟؟؟؟؟؟؟؟

 

[Biology boy]

المني باص عند الكليه

الباصات الكبار عند التسجيل اللي تروحون فيهم الى البيت

فيه باصات يمكن يتحرون كل نصف ساعه بس مو كل الباصات بعضهم

الجمعيات عباره عن محموعه من الطلبه ينتمون تحت جمعيه معينه يمارسون نشاطات معينه خلال العام الدراسي والاشتراك يكون بالذهاب الى الجمعيه وملئ استمارة التسجيل ،،، كل جمعيه لها نشاطات معينه يقترحها مجلس ادارة الجمعية المكون من رؤساء اللجان ،،، مقر جمعية الهندسه يكون في مدينة عيسى


كيفية معرفة المواد التى تدرس في تعليم الاقران هناك اعلانات توضع في كل كلية فيها اسماء المواد التى تدرس واللي يرغب يروح يسجل "يعطونكم الموعد والمكان "