مطبخ - حُسـيْنيّ النّبْضِ قَلبــي ♡ ♥

[نجمة تشرين]

تسلم ايدش و ايد مامتش

 

[حُسيْنيّ النّبْضِ قَلبي]

المعذرة أعزّائي بكتب الوصفات بالعاميّة أسهل إليّي ألحين

وصفة الرّبيان ::

أولًا نقشّر الرّبيان وبعدين نفوحه في مقلاة بس بدون ماي.. مجرّد تحطّونه في المقلى ويّه شويّة زيت إلين ما يستوي
ونحط البهارات الّي هي (( ملح - بزار - كركم - ليمون أسود مطحون ))<< احنه حطّينا فيها بعد بهارات نطحنها في البيت تتكوّن من ..
- - هيل .. مسمار .. فلفل أسود .. دارسين - - فيه چم شي بس نسيت أسماؤهم
وعلى ما يستوي الرّبيان نقلي مربّعات آلو (بطاطس) ..
لمّا يستوي الرّبيان نحط عليه شرائح البصل والفلفل الأخضر والباميا ونخلطهم مع بعض
وبعدين نغطّي المقلى إلين ما يلين أو يذبل كل من البصل والفلفل الأخضر والباميا
وإلين لينوا نحط عليهم مربّعات الآلوو ونخلطهم مع بعض..
ويصير الطّبق جاهز للأكل
وبالعافية​

 

[moto l6]

تعرفين تسوين اًلو وطماطة ؟

او
تخم مرغ على الاقل
​

 

[كليوباترا]

بالعامية احسن عشان نفهم اسهل

 

[حُسيْنيّ النّبْضِ قَلبي]

تسلم ايدش و ايد مامتش

الله يسلّمش حبيبتي
تسلمين..

​

 

[qassoomy]

تعرفين تسوين اًلو وطماطة ؟

او
تخم مرغ على الاقل
​

جوز موتو ما نبي تخم مرغ
نبي مرغ نفسة

 

[حُسيْنيّ النّبْضِ قَلبي]

تعرفين تسوين اًلو وطماطة ؟

او
تخم مرغ على الاقل
​

آلو طماطه شلون يعني؟
أقطّع الآلو وأقليه ويّه طماط قصدك؟؟

وهذا تخم مرغ يعني شنو​

 

[حُسيْنيّ النّبْضِ قَلبي]

بالعامية احسن عشان نفهم اسهل

إي أسهل كتابةً ولفظًا وفهمًا

​

 

[عفاف الروح]

كشخة كشخة شهالزين
طلعتين طبّاخة من ورانا ها
تسلم الأياي كل طبخة أحلى من الثانية
يبي لينا نعزم روحنا على طبق من أطباقش ​

 

[moto l6]

آلو طماطه شلون يعني؟
أقطّع الآلو وأقليه ويّه طماط قصدك؟؟

وهذا تخم مرغ يعني شنو​

لا الله يسملك هذا يسونه حق الحمصة مالت الغدة
اذا ما تعرفين تسوين هذه مشكلة بعد
​

 

[حُسيْنيّ النّبْضِ قَلبي]

كشخة كشخة شهالزين
طلعتين طبّاخة من ورانا ها
تسلم الأياي كل طبخة أحلى من الثانية
يبي لينا نعزم روحنا على طبق من أطباقش ​

كلّش ذوق خيّة
والله يسلّمش ويسلّم غاليش..
أفا عليش البيت بيتش حياش بأي وقت
بعد لا تضربين الجرس رفسي الباب ودخلي​

 

[حُسيْنيّ النّبْضِ قَلبي]

لا الله يسملك هذا يسونه حق الحمصة مالت الغدة
اذا ما تعرفين تسوين هذه مشكلة بعد
​

قول چذي من البداية
إنّ قصدك حمصة الغذا.. على بالي اختراع جديد ما أعرفه
إيييي أعرف أسوّي

​

 

[hlwlw]

اوو يعرفون يطبخون
اعرف اسوي بيضة مالحة
بس شلون اكسرها بدون ما يطيح القشور اهني الصعوبة

 

[عفاف الروح]

كلّش ذوق خيّة
والله يسلّمش ويسلّم غاليش..
أفا عليش البيت بيتش حياش بأي وقت
بعد لا تضربين الجرس رفسي الباب ودخلي

خلف جبدي والله تسلمين خيّة من ذوقش
عآد أرفس الباب وادش هذي قوية عليي < يا زعم صددق ​

 

[حُسيْنيّ النّبْضِ قَلبي]

اوو يعرفون يطبخون
اعرف اسوي بيضة مالحة
بس شلون اكسرها بدون ما يطيح القشور اهني الصعوبة

يبّي إلش كورسات تدريب من الماما تبعش
باچر وراش بيت
___

عفاف الرّوح..
شكرًا للتّقييم خيّة
​

 

[moto l6]

قول چذي من البداية
إنّ قصدك حمصة الغذا.. على بالي اختراع جديد ما أعرفه
إيييي أعرف أسوّي

​

لا لا لا
هذا غداء بروحه الو ويا طماطة
​

 

[حُسيْنيّ النّبْضِ قَلبي]

خلف جبدي والله تسلمين خيّة من ذوقش
عآد أرفس الباب وادش هذي قوية عليي < يا زعم صددق ​

ربّي يسلّمش يالغلا

عادي
بعطيش تصريح أني حق ترفسينه​

 

[حُسيْنيّ النّبْضِ قَلبي]

لا لا لا
هذا غداء بروحه الو ويا طماطة
​

توّك تقول حمصة الغذا
ترى أعرف أطبخ غذا كامل ...
توني قبل 3 أيّام مسوية الغذا لأنّ أمّي مسكينة كانت مريضة وطبخته أني
وبنزّل الصّور مرّة ثانية​

 

[حُسيْنيّ النّبْضِ قَلبي]

معكرونة اللحم ::

أول شي نقطّع اللحم قطع صغر أو نفرمه في فرّامة اللحم (( حسب الرّغبة ))
وبعدين نحطّه في مقلى ونبهره مثل البهارات المعتادة - - مثل وصفة الرّبيان - - ونقطّع عليه شرايح بصل ونغطّيها لمّا تستوي
وإلين استوت نضيف عليها التّابل المقطّع.. و المفروض في أثناء ما اللحم يستوي نفوح المعكرونة حتّى يجهزون اثنينهم في وقت واحد
لمّا تستوي المعكرونة نحط عليها بس البهارات المطحونة الّي نطحنها في البيت ونخلطها.. وبعدين عندكم خيارين
أما تحطّون المعكرونة وتحطّون عليها خلطة اللحم مثل الّي في الصّورة
أو تخلطون الخلطة ويّه المعكرونة مثل الّي في الصّورة الثّانية
وبالعافية​

 

[bent alahmed]

تسلم الايادي​