موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

استفسار عن التخصص - Biology

تاريخ التسجيل
23 يناير 2012
المشاركات
7
المجموعة
أنثى
الدفعة الدراسية
2011
الكلية
كلية العلوم
التخصص
علوم احياء
السلام عليكم
بغيت اسال اش رائكم بتخصص Biology
وشنو قدرات الطالب اللي يدش هالتخصص؟؟ يعني ابي اعرف كل شئ عن هالتخصص
في ناس يقولوا صعب و و و و و و.................
انتوا اش رايكم

:smile::smile::smile::smile:
 
وعليكم السلام
أي تخصص بتاخذينه بقولون ليش الاوادم صعب ومن هالكلام اللي يحبط
ما عليش منهم اهم شئ انتين حابة التخصص بتمشين فيه
هو صدق التخصص دسم ويبليه دراسة على طول بس حليو وممتع اذا انتين حبيتينه
فاهم شئ في التخصص الدراسة باستمرار واذا كلمات ما فهمتينها اسألي عنها او ترجميها
في اول مقرر بيو 102 في البداية قلت بس ما بواصل شلون بحفظ كل هالكميات بالانجليزي بس تالي شجعت روحي والحمد لله في النهاية تعودت وحبيته المقرر :RpS_love:
بيو 103 كله مصطلحات علمية واشوي اصعب بس عادي اتعودنا
وهكذا يعني السالفة سالفة تعود كل شئ في البداية صعب تالي يصير سهل
اللابات اشوي تكون طويلة واحيانا مملة واحيانا ممتعة يعني على حسب الدرس اني عانيييييييت في الربورتات في البداية ما اعرف اشلون يكتبون ربورت ومشكلتي الأساسة اللغة الانجليزية بس الصراحة الدكتور ماقصر وحتى استاذة اللاب ساعدوني صراحة ما انسى ليهم هالجميل غربلتهم على الربورتات كله اروح ليهم المكتب ويشرحون ليي لين ما اتعودت :shiny:
بالتوفيق
 
حبيت اسأل :blushing:
شنو فيه هذا التخصص من مواد اساسية غير الاحياء ؟
و شنو هي المواد الفرعية الثانية ؟

و تنصحون وحده ما تحب الكيم و لا الريض و لا الفيز و بعد هي في الانج مو لهناك تدخله ؟:nosweat:
 
حبيت اسأل :blushing:
شنو فيه هذا التخصص من مواد اساسية غير الاحياء ؟
و شنو هي المواد الفرعية الثانية ؟

و تنصحون وحده ما تحب الكيم و لا الريض و لا الفيز و بعد هي في الانج مو لهناك تدخله ؟:nosweat:

تقدرين خيو تشوفين الخطة تبع البيو وفيها كل المواد
طبعا بالاضافة لمواد الأحياء فيه مواد مشتركة مثل فيز وريض وكيم وعرب وانج واسلامك وستات
صراحة ما اقدر اجاوب على سؤالش لان كل واحد لازم يروح التخصص اللي يميل ليه
 
MATH LOVER
بصراحه انا وااايد احب هالتخصص ومتحمسه له
تسلميلي حبيبتي
 
الله يوفقج :smile:
 
اللهم صلي على محمد وآل محمد

الاخت math lover

ما قصرت كفت وفت:rolleyes2: كالعادة



اختي بما انش حابة تخصص البايو
دخلي ولا تخافين من قصة اللانجليزي لان بتتعودين
اني بعد في اول بايو اخذته 102 كنت اقول شلون بدرس
الكتاب صاير جنه مجلة انجليزية
مع اني امشي حالي في الانجليزي بس كنت خايفة
لكن مع الدراسة صار سهل
وحتى اني اجيب درجات في البايو اعلى من باقي المواد
وماعليش من الا يقول ليش انه صعب:RpS_wink:
لان الناس يختلفون في قدراتهم

​
 
عليه افضل الصلاة والسلام
اي انا بعد اقول جذي
يلا الله يسهل
مشكورين ما قصرتوا
 
حبيت اسأل :blushing:
شنو فيه هذا التخصص من مواد اساسية غير الاحياء ؟
و شنو هي المواد الفرعية الثانية ؟

و تنصحون وحده ما تحب الكيم و لا الريض و لا الفيز و بعد هي في الانج مو لهناك تدخله ؟:nosweat:
للحين ما استقريتين على تخصص ؟
كل التوفيق يارب :smile2:
 
حبيت اسأل :blushing:
شنو فيه هذا التخصص من مواد اساسية غير الاحياء ؟
و شنو هي المواد الفرعية الثانية ؟

و تنصحون وحده ما تحب الكيم و لا الريض و لا الفيز و بعد هي في الانج مو لهناك تدخله ؟:nosweat:

موجود في الخطة الدراسية كيم وفيز وريض يعني اجباري تاخذينهم لانهم ضمن الخطة الدراسية المقررة في الجامعة

ما انصحج تدخلين التخصص اذا ما تحبين الكيم والفيز والريض لأنهم مقررات لازم تاخذينهم :nosweat:

الله يوفقج :smile:
 
خيو : انتين الكورس الاول اورينتيشن ؟؟

اني هالكورس بدرس التخصص إن شاء الله ..:rolleyes2::RpS_tongue:

حابة التخصص بشده , بس خايفه شوي :sad_1:

وجايني شعور مابي اروح الجامعه :mellow::RpS_crying:
 
لآ تخآفون . . التخصص مآ فيه شي حآله حآل بآقي التخصصآت . .

لآ تصدقون كلآم اللي يقولون تخصص البيو صعب ومآ أدري وي . .

كل اللي فيه إنه بالانج + موآده ثقيلة شوية وتحتآج حفظ ودرآسة متوآصلة + مصطلحآته بتشوفونهآ غريبة وصعبة في البدآية بس مع الوقت وكثرة التكرآر بتصير سهلة عليكم . . :shiny:

كل شي في أوله بيكون صعب لأنه جديد . . مثل بنآء البيت . . وضع الأسآس صعب . . بس البنيآن فوقه يصير أسهل كلمآ ارتفعتون . . :msn-wink:

أي شي أي استفسآر أي مسآعدة أني حآضرة . . تقدرون أي وقت تستفسرون على الخآص . . :smile2:
​
 
خيو : انتين الكورس الاول اورينتيشن ؟؟

اني هالكورس بدرس التخصص إن شاء الله ..:rolleyes2::RpS_tongue:

حابة التخصص بشده , بس خايفه شوي :sad_1:

وجايني شعور مابي اروح الجامعه :mellow::RpS_crying:

لا خيتو انا ما كنت اورينتيشن

التخصص وايد حلو واكيد بتحبينه :smile2:

طبعا لازم يكون في البداية صعب لأن مو متعودة على الدراسة بالانجليزي بس بالتعويد بيصير كل شي اووكي
اول شي الكلمات راح تكون صعبة عليج بس بعدين بتكون سهلة لأن بتحفظينها

الله يوفقج ,
اذا عندج استفسار ثاني انا حاضرة :smile:
 
حبيبتي كل التخصات فيها صعوبه ويبي ليها دراسه ما في تخصص سهل
الشخص نفسه هو الي يصعبه ويسهله
وهذا يعتمد على اذا كان التخصص المرغوب بحيث انش بتقدرين تعطين فيه اكثر من غيرها لانش حابتنه
اني اخذ اول بايو
صج كميه كبيره 12 جبيتر وكله بالانجليزي مع انه ماخذين معظم الاشايء في المدرسه لكن احين تعمقت شوي وبالانجلش
اذا انجليزيتش اوكي تمام او ذا لا بعد ما في خوف شوي شوي بتتحسنين وبتصيرين تمام
والشي الزين الي شفته انه في لاب واللاب عبار ه عن اسايمنات كوزات ريبورت وتستين يعني تضمنين درجه زينه من 30
وفي 3 تستات كلها ملتبل جويس وشورت انسر ورسمات يعني كميه المقررتتوزع على 4
الثلاث تستات والفاينل ومن اول بايو اذا دارستنهم مره خلاص نوعا ما يثبتون يعني ما يحتاج تردين تحفظين مره ثانيه مجرد قراءه للتذكير
والفاينل اخر كميه الي ما امتحنتوا فيها اهي الي يجي عليها اسئله وشي بسيط عن باقي الكميه الي امتحنتوا فيها فبل يعني حتى ما يحتاج تدرسينه
اني سويت جدي قدمت الفاينل دارسه بس اخر جباتر ( 4 من 12) الي ما امتحنا فيهم والحمد اللاسئله كان كل عليهم والباقي اتذكره من الي درسنا قبل واللاب يثبت المعلومات النظريه
يمكن دسم بس كل شي يصير ايزي
اذا حابتنه توكلي على الله
وان شاءالله الي تخصصهم بايو يفيدونج اكثر
 
عودة
أعلى أسفل