رحِيق .. في المَطبَخ =)

[رَحِيـــقْ !]

بسم الله ..

بما ان هالأيام مزاجنا " زي الفل " قررنا نستغله ونسوي الغذا للأهل ونطلع مهاراتنا " المخشوشه "
وظلينا نفكر ..يا رحيق ماذا ستطبخين .. ؟ ماذا ؟ماذا ؟ وقررنا نسوي ..



صينية دجاج بالرز ..


رز ودجاج !! شي روتيني ممل له ؟
بس لو سويناها بخلطه خطيرة ؟ تطلع خطيرة ما هيك ؟ .. هنا الفرق ..
نسمي بالرحمن .. ونبدأ نتفقد المقادير .. نحتاج ..
صحن صدور دجاج يقطع مكعبات ..
كوبين ونص رز .. وحسب المقدار اللي استخدمته بالصور .. فحسب كلام امهاتنا :جيلة:
بطاطس [ ثنتين متوسطتين ] مقطع مكعبات
فلفلة مقطعة مكعبات [ كشكل أحس الحمرا أحلى .. بس ماكان موجود فاستخدمت الخضرا ]


هذا الدجاج وهذا العيش ! والخلطه السحرية .. لشنو بنحتاج ؟
2 لبن صغير :استخدمت أكتيفيا: 5 فص ثوم ونبشرهم ..
ملعقتين أكل مليانين خل
فنجان زيت زيتون
عصير ليمونه
ملعقة أكل كبيرة مليانة كركم
فلفل أسود + ملح + نص ملعقة أكل صغيرة كزبرة مطحونه + نص ملعقة أكل صغيرة كمون مطحون
+ ملعقة أكل صغيرة تندوري + فلفل أحمر + حطيت بهارات موجودة عندنا غير ..
البهارات كل من يتفنن فيها ومقاديرها حسب اللي يفضله ..
...

وخلصنا المقادير ..هيا إلى العمل ..
نخلط مقادير الخلطه مع بعض ونحركهم بملعقة .. لحد ما تتوزع المكونات وما نلقى كتل كركم او ما شابه ..
وهذا شكل الخلطة .. صفراء فاقع لونها ..




بعدها نضيف الدجاج المقطع مكعبات إلى الخلطة .. ونخليه حوالي ساعتين ..

في هالساعتين .. نسوي العيش الأبيض .. ونخليه على جنب ..
[ نغلي الماي ونضيف له ملح وزيت ونضيف الرز ونخليه لحد ما يصير اوك .. لا لين ولا يابس ]

وأيضًا نقلي البطاطس ..



...

أخيرا .. انقضت الساعتين !! يلا نحط الدجاج بالخلطة بالمقلى .. بدون زيت او شي .. ونبدا نقلبه وشوي شوي بيبدا الخليط يقل
لما يقل وتبرز قطع الدجاج .. قبل لا يخلص الخليط كامل .. نضيف الفلفلة والبطاطس المقلي .. ونبدا نقلب فيه .. لحد ما ينخلط بشكل جيد
ونحسه ان نضج .. نقدر نذوقه حتى نطمن على وضع الطعم إذا ناقص ملح او بهارات ..


...

ندهن الصينية بزبدة .. ونضيف الخلطه .. وبعدها نضيف فوقها العيش وندخلها الفرن ..


...

نصف ساعة ونطلعها ...

ترآآآآآآو صحة وهنا ..



​

 

[qassoomy]

ما هذة

شكلة لذيذ

ابي

 

[نغمة الحياة]

شو هيدااا
شكله دلشيز
بالعااافيه عليكم
نبي شويه منه ​

 

[قمَر]

عليكم بـ العآأفيّة
وتسلم الأيآادي ​

 

[Biology boy]

بصراجة ... عندما تطبخ النساء الماهرات امثالك ... فان الاطباق تعتبر نادره ..
فعلا الشكل الخارجي للطبق يعبر عن مدى اتقانك لفن الطبخ
واما بالنسبة للمقادير فنها مختارة ومتناسقة جدا

ننتظر المزييد

دمتى بود

 

[bent alahmed]

يعطيج العافيه على هيك طبخ
تسلم يدينج وبالعافيه​

 

[مناجاة المحبين]

|| شكلــه عجيب ..
الله يعطيش العافيــة ، تسلم الأيادي .. ​

 

[وردة البحر]

يعطيج العافية

 

[قموووورة]

مآ شآء الله .. شكله وأكيد طعمه لذيذ

تسلم إيدش ​

 

[♑•.мзŗмăįԀ]

شكلهآ جد جد يمـــــــــــي
تسلم الايادي يا رحيق ..
طلعتي فنانه وشكلج بتكنسلين على افنان الزياني
ومنال العالم

عليكم بآلف عافيه

 

[بلوس]

امبي حطي شوي لييي

 

[S p y e r]

بلآلآلآلآلآوؤؤييززز
la:6
ما هذا !
أبغي
يعطيش العآفية خيو ، شكله لذيذ يشهّي ​

 

[UOB-BH]

لا حدود لإبداعها جميل ومميز يا مبدعة

 

[Bint Elnokhada]

ماشاءالله تسلم إيدج خيوو
شكلها لذيييذة ، بالعافيه ع ألبكم

 

[أشواق الروح]

ياعيني ..
روعـــه ..
واصلي..
وعليكم بالعافية ​

 

[purple.cs]

طرشي ليناا شووي ..

تسلم ايديينش رحييق .. ​

 

[عفاف الروح]

يا سلاااااااام
شهالفــــــن يا عيني يا عيني ..
تسلم الأيادي رحيق ..
شكلها لزيزة أوي ..
يبي لينا نعزم روحنا على طبخة من طبخاتش ​

 

[sweet sam]

...شكله يشهي ..صرت جوعانه..
تسلم الايادي...

 

[AL-MU’allim]

واو
ما شاء الله ابداع في تقديم الاطباق

 

[رَحِيـــقْ !]

حياكم الله .. =]
يقولون بتنزل الحلقة الثانية للموضوع قريبا .. يمقن اليوم يمقن لا

ترقبونا
​