رحِيق .. ومكرونة البيتزا ..

[رَحِيـــقْ !]

مساؤكم فل و ياسمين

في التاريخ الموافق لـ5-2.. قررت رحيق تطبخ العشا .. واختارت ..

مكرونة البيتزا..

يمكن الغالبية يعرفونها .. الطبخة معروفة وعمو قوقل ما يقصر .. فيه أنواع وأشكال وطرق
بعد ما قرأت عدة مقادير وطرق لهذي المكرونه .. نوعًا ما حسيتها بتصير جافة .. او مو بالشكل اللي أفضله
فقررنا نحرف ونزيد ونعدل .. تحت شعار ..يعيش التخبيص..

للمرة الثالثة أسويها ولله الحمد كل من أكلها عجبته ..

المقادير ..
1 صدر دجاجة أو ممكن اثنين اذا حجمه صغير
نصق كيس مكرونه بالشكل المرغوب
بصلة متوسطة الحجم
3 فص ثوم
1 مكعب ماجي [ احنا نستخدم الخضار ]
البهارات [ فلفل أسود + فلفل أحمر ]
نص كاس مايونيز
3 ملاعق طعام جبن كاسات
علبة متوسطه جبن شيدر مبشور
نصف كاس صغير كريمة خفق [ ممكن نستغني عنها ]
صلصة البيتزا ..

مقادير الطبقة اللي فوق ممكن تتغير وتزيد وتقل كلن حسب رغبته
زيتون أخضر
زيتون أسود
مشروم
طماطم
وممكن نضيف القليل من جبن الموزريلا كشكل ..

الطريقة ..

نسلق المكرونة ..
نقطع الدجاج إلى مكعبات متوسطه
نقطع البصلة إلى مكعبات متوسطه
نقطع الثوم إلى قطع صغيرة او ممكن نبشره ..








بعد ما نقطعهم .. بمقلى متوسطه .. نضيف قليل من الزيت .. أو الزبدة .. وكعادتي أفضل الخيار الثاني
ندوب الزبدة .. نضيف لها البصل والثوم ونبدا نقلب فيه لحد ما لونه يتغير شوي .. نضيف له الدجاج
ومكعب ماجي مبشور والفلفل الأحمر والأسود حسب الرغبه .. لحد ما نوصل لها النتيجة



بصحن غزير .. نحط المكروبنه بعد ما [ شخلناها ] ونشفت .. ونضيف عليها الدجاج اللي قليناه ونقلبه لين يتوزع ..
نضيف إلى المكونات السابقة نص كاس مايونيز وملعقتين جبن سائل وثلث جبن شيدر مبشور و أيضا نص علبة كريمة الخفق إذا توفرت
ممكن نستغني عن كريمه الخفق لكن وجودها .. يخلي الخلطه [ عكس جافة ] مادري ماجت على بالي كلمه ملائمة
بتكون الخلطه بالشكل التالي .. فنحطها بصينية فرن متوسطه الحجم



بعدها ناخذ صلصة البيتزا ونمسح على سطح المكرونه .. ونوزع الثلثين المتبقيين من الجبن المبشور فوق الصلصة
ونضيف الخضار المقطعه حسب الرغبه [ مشروم + زيتون أسود وأخضر + طماطم ] بتطلع بهذا الشكل




وبتطلع من الفرن هيك ..






وصحة وهنا






​

 

[وردة البحر]

شكله حلوووو
يسلمووووو رحيق

 

[نغمة الحياة]

تسلم الاياادي
عواافي رحيق

 

[ملكة^_^الاحساس]

شغل عدل واوو

 

[آفـاق]

و لو إنّي توني متعشية لكنّي ما سلمْت من تعذيب الصّورة
عفية رحيق صااايرة شيفة شطّووورة
يعطيش العااافية يااا رب وما ننحرمش من هيك وصفات

 

[رَحِيـــقْ !]

حيَاكم الله ، منورين .. صايرة فيني طاقة طبخية هائلة ..
فـ ترقبوا الطبخة القادمه
​

 

[Biology boy]

لمسات ولا اروع ... صايره طباخه شيف.رحيق

وطريقة عرض الطبخه جدا ممتازه ... يسلمووو
والى الأمام

 

[SAMARAH]

واااوو , باجر بتفنن و اني بسوي هالطبخه
تسلم ايدش رحيق

 

[حُسيْنيّ النّبْضِ قَلبي]

يم يم
شكلها مغري .. يسلم إبداعش خيّة​

 

[غصن شوك]

ماشاء الله شيف رحيق
تسلم الايادي وبالعافية

 

[yagmur]

اللاإألآإألآلآلآإأإأيــــييــيـيي

بالعإأفية على قلبج

 

[UOB-BH]

روعة وأحلى شي فيها إنها بدون فلفل بارد

 

[MaloOoL]

حده رووووووعه تسلم يدج

عجييييييب

واااي حدي ابي :tears:

 

[..أتومآ..]

شكلهآ خطير .. هذا عقاب في شهر الله :tears:

تسلم إيدش ​

 

[red❤heart]

يه يه ويش هالطبخات الخطييررة رحييق ضروري اسوي تقلييد عليها هههههههه
تسلم الايادي وعليش بالعافية
​