جامعة البحرين تغير آلية يوم التهيئة وتجعلها في مراكز إرشادية

[layaaal]

الحين متأكدين المحاضرات مكنسلة اول يوم ؟

و المحاضرات اللي عقب 2 ونص بعد مكنسلة ؟

إذا جذي واجد زين

خيووو مانشر خبر رسمي بإلغاء المحاظرات وإنما فتح قسم لكل كلية بوقت محدد للحصول على الإرشادات ,,


بالتوفيق

 

[layaaal]

عاد ان شاء الله هالخطوة تمنع انتشار الفايروس ^_^

عندي سؤال بأول يوم نروح من البداية ولا نروح قبل وقت المحاضرة الأولى ؟؟

خيووو الي اعرفه بيفتحون سكاشن حق الارشادات بدل يوم التهئية من 8:30 الى 2:00

يعني مادري تجين وقت الماحضرة ولا لا,,

بالتوفيق للجميع


والله يعطيكم الصحة والعافية

 

[المحترم]

السلام عليكم

نشكر الأخت الناقله للخبر

لكن فيه سؤال سأله احد الشباب ولا احد رد عليه

ما ادري يمكن ما احد يعرف ..؟؟!!

لكن انا بعيد السؤال ياليت اللي عنده اجابه يفيدنا

السؤال اهو :

بالنسبه للتمهيدي وين يتجهون ؟

الله يوفقكم ويعطيكم العافيه

 

[الأوتار]

آنـــي هندســهـ ،! لكن ،!

كــل محاضراتـــي في صخيـــر ،،!





آروح الاحد مدينة عيســى ؟؟!​

 

[Mr.WeeDo]

ثنكس خيتوو ع المعلومات

يعطيج ربي الف عافيه

وبالتوفيق للجميع ~.^

 

[layaaal]

السلام عليكم

نشكر الأخت الناقله للخبر

لكن فيه سؤال سأله احد الشباب ولا احد رد عليه

ما ادري يمكن ما احد يعرف ..؟؟!!

لكن انا بعيد السؤال ياليت اللي عنده اجابه يفيدنا

السؤال اهو :

بالنسبه للتمهيدي وين يتجهون ؟

الله يوفقكم ويعطيكم العافيه

وعليكم السلام ورحمة الله ....



بياناتك مكتوب فيها كلية الحقوق ,يعني التجمع يصير في المبنى S39 لطلبة كلية الحقوق،

وبالتوفيق

وأوضح العميد الجودر أن المراكز الإرشادية للحرم الجامعي بالصخير ستكون في المواقع التالية: المبنى S1 لطلبة كليتي الآداب وإدارة الأعمال، المبنى S20A لطلبة كلية التربية، المبنى S41 لطلبة كلية العلوم، المبنى S40 لطلبة كلية تقنية المعلومات، المبنى S39 لطلبة كلية الحقوق، المبنى S20C لطلبة كلية التعليم التطبيقي. أما الحرم الجامعي بمدينة عيسى فسيكون فيه الموقع الإرشادي لكلية الهندسة في المبنى 30 .

 

[layaaal]

آنـــي هندســهـ ،! لكن ،!

كــل محاضراتـــي في صخيـــر ،،!





آروح الاحد مدينة عيســى ؟؟!​

هلا خيووو,,

مكتوب لكم تروحون مدينة عيسى حق الإرشادات

يــــه بتتعبين على الحالة ,, محاضراتج بصوب والإرشادات بصوب,,

إنتي متى محاضراتج..؟؟ (((الوقت)))

أما الحرم الجامعي بمدينة عيسى فسيكون فيه الموقع الإرشادي لكلية الهندسة في المبنى 30 .

 

[ريـم]

الحين متأكدين المحاضرات مكنسلة اول يوم ؟

و المحاضرات اللي عقب 2 ونص بعد مكنسلة ؟

إذا جذي واجد زين

لااااع مو مكنسلة :thumbdown:
نحضر المحاضرات و وقت البريك نروح حق التهيئة

 

[Anin Alro7]

مرحبــآ

يقولون الحين تغيير الوقت

من 10 الى 1 ؟!

ما فهميين نروح بس هـ الوقت يعني ..

اذا جيي بلحق ع محاظرتي

بس ماادري نروح من الصبح ولالا ..!

 

[layaaal]

مرحبــآ

يقولون الحين تغيير الوقت

من 10 الى 1 ؟!

ما فهميين نروح بس هـ الوقت يعني ..

اذا جيي بلحق ع محاظرتي

بس ماادري نروح من الصبح ولالا ..!

أمممم

خيووو ماااالي خبر نروح حزت المحاضره وله قبل...!.!.!.!.

بس عن نفسي بروح حزت المحاضرة وبعدين احنا مو ميتين على إرشاداتهم ههههه


موفقه

 

[المحترم]

السلام عليكم

اشكر لك حرصك اخت ليلى

وسرعة ردك لكن

أنا مع ( الأورنتيشن ) هل اصير نفس الحقوق ؟

 

[ريـم]

مرحبــآ

يقولون الحين تغيير الوقت

من 10 الى 1 ؟!

ما فهميين نروح بس هـ الوقت يعني ..

اذا جيي بلحق ع محاظرتي

بس ماادري نروح من الصبح ولالا ..!

هذا الوقت بس حق كلية ادارة الاعمال

 

[hamano_90]

أخوي المحترم
انت تداوم في مبنى s20 مع الأورينتيشن

وهاذي مكان المبنى

خووووش فلة

 

[sadiq6210]

أخوي المحترم
انت تداوم في مبنى s20 مع الأورينتيشن

وهاذي مكان المبنى

خووووش فلة

المدخل الرئيسي اللي مشار اليه في الخارطة مخصص لدخول الدكاترة والباصات، يعني ماتقدر تدخله بسيارة خاصة، ادخل من البوابة اللي بعد الهاي ويه، يعني تروح فوق الكوبري الجديد بدل ما تآخذ يمين.

 

[المحترم]

يعطيك العافيه اخوووووووووووي hamano_90

ما قصرت ...

الله يوفقك ويوفق الأخوه والأخوات كلهم ...

 

[Anin Alro7]

ريــم

متــأكده .!

لأن يقولون كل الكليات بعد ..!

والله تحييرنآ ><

 

[layaaal]

ريــم

متــأكده .!

لأن يقولون كل الكليات بعد ..!

والله تحييرنآ ><

خيوووو كل الكليات نفس الوقت....من 8:30 الى 2:00


وبالتوفيق

 

[layaaal]

السلام عليكم

اشكر لك حرصك اخت ليلى

وسرعة ردك لكن

أنا مع ( الأورنتيشن ) هل اصير نفس الحقوق ؟

اخوووي مو كاتبين مكان مخصص لطلبة الاورنتيشن , فأكيد كل طالب يتبع كليته (الام)

وبالتوفيق

وأوضح العميد الجودر أن المراكز الإرشادية للحرم الجامعي بالصخير ستكون في المواقع التالية: المبنى S1 لطلبة كليتي الآداب وإدارة الأعمال، المبنى S20A لطلبة كلية التربية، المبنى S41 لطلبة كلية العلوم، المبنى S40 لطلبة كلية تقنية المعلومات، المبنى S39 لطلبة كلية الحقوق، المبنى S20C لطلبة كلية التعليم التطبيقي. أما الحرم الجامعي بمدينة عيسى فسيكون فيه الموقع الإرشادي لكلية الهندسة في المبنى 30 .

 

[yuna]

سلام ..
انزين يعني الحين ..انا هندسة اروح مدينة عيسى ؟
لأنه كل محاضراتي في صخير ..

 

[layaaal]

وعليكم السلام والرحمه,

سلام ..
انزين يعني الحين ..انا هندسة اروح مدينة عيسى ؟
لأنه كل محاضراتي في صخير ..

آنـــي هندســهـ ،! لكن ،!

كــل محاضراتـــي في صخيـــر ،،!





آروح الاحد مدينة عيســى ؟؟!​

هلا خيووو,,

مكتوب لكم تروحون مدينة عيسى حق الإرشادات

ويأتي هذا القرار بعد اجتماع نائب رئيس الجامعة للبرامج الأكاديمية والبحث العلمي الدكتور خالد بوقحوص وعمداء الكليات بالجامعة يوم أمس الأربعاء، وقد تقرر خلال الاجتماع أن تتم تهيئة الطلبة المستجدين عبر مراكز معلومات تُعين في مقر كل كلية من كليات الجامعة، وتقوم هذه المراكز بتقديم كافة المعلومات والإجابة على تساؤلات الطلبة الجدد عن اختصاصهم وطبيعة دراستهم ومقرراتهم ومرافق الجامعة وخدماتها، كما ستقوم بتزويدهم بالكتيبات التعريفية التي دأبت كليات الجامعة على إصدارها للطلبة. وستبدأ هذه المراكز في العمل بدءً من الساعة 8:30 صباحاً حتى 2:30 ظهراً من يوم الأحد 27 سبتمبر الجاري.

أما الحرم الجامعي بمدينة عيسى فسيكون فيه الموقع الإرشادي لكلية الهندسة في المبنى 30 .

مسامحة أخواني أخواتي

مبين من ذي الفقرة إنو الأفضل التواجد في المباني المخصصة للحصول على إرشادات وأي تساؤلات وطبيعة الدراسة وأيضا بتزويد الطلاب بكتيبات تعريفية..