سؤال ...

[هدوي]

:surrender:السلام عليكم ورحمه الله وبركاته
شلونكم شخباركم انشالله بخير...
اخواني اهو في اكثر من سؤال بس كلهم بسيطين
1- هل اول سنتين بالهندسه ندرس هندسه عامه ولا كل شخص وتخصصه؟؟؟
2- في بعض الجامعات يعطون الطلبه لابتوب...هل جامعه البحرين تعطي ولا لأ؟؟؟
3- انا اول سنه بالجامعه والاحد اول يوم دوام انشالله وللحين ما عطوني الهويه فاذا بداوم شلون ادخل هل في اوراق واثباتات لازم اجيبها معاي؟؟؟

 

[` أمينٌــــــــــة .]

امم
والله انا بعد اول سنه !
وكليه هندسه بعد !
بس شسمه..
#1
انا احين اخذ مواد مشتركه وماده وحدة بس تخصص الي اهي CSC :sly:
#2
لا كلش ما يفكرون يعطون لابتوبات ،
#3
اتوقع ان تاخذين ورقه التسجيل مالج الي في الـ ID
وقوود لاك لنه كلنه

 

[sadiq6210]

وعليكم السلام ورحمة الله وبركاته
أختي امينة ما قصرت ولتسمح لي بإضافات بسيطة،،


1- هل اول سنتين بالهندسه ندرس هندسه عامه ولا كل شخص وتخصصه؟؟؟
الفصل الاول يكون مواد مشتركة مثل رياضيات (كالاكولاس 1و2) - فيزياء عامة - برمجة ++C - رسم هندسي ......... ، الفصل الثاني بتاخذون مادتين تقريبا من التخصص، ومن السنة الثانية يبدأ الجد،،


2- في بعض الجامعات يعطون الطلبه لابتوب...هل جامعه البحرين تعطي ولا لأ؟؟؟
الجامعات اللي تتحدثين عنها هي الجامعات اللي تآخذ رسوم كبيرة على الطلبة مثل الكلية الايرلندية للجراحين اللي في كرباباد تحسب للفصل الدراسي (أو السنة ماتذكر) ما يقارب الـ 12 ألف دينار، طبعا جامعة البحرين لن تفكر في إعطاء الطلبة لا لابتوب ولا حتى قلم بنسل مجاني ولا بعد 100 سنة ^_^.


3- انا اول سنه بالجامعه والاحد اول يوم دوام انشالله وللحين ما عطوني الهويه فاذا بداوم شلون ادخل هل في اوراق واثباتات لازم اجيبها معاي؟؟؟
اخذي معاج البطاقة السكانية / الذكية من باب الاحتياط عشان لو احتجتي تطبعين جدول او شي يكون عندج اثبات هوية.

 

[` أمينٌــــــــــة .]

ههههههههههههه ،
عجبتني هاي ولا حتى قلم بنسل !!
والله صاج اخوي

* اخوي بسالك :
برمجه C++ ..
سهل ولا صعب :tears:!؟
قالو لي صعب !
بس قاعده احاتي !

 

[sadiq6210]

برمجه C++ ..
سهل ولا صعب :tears:!؟
قالو لي صعب !
بس قاعده احاتي !

سهل وممتع أختي خصوصا الدروس اللي بالبداية، بس اذا وصلتون لدرس اسمه الـ for loop (يمكن بعد شهر) حطي بالج ولا تعدّين هالدرس الا وانتي فاهمته زين عشان ترتاحين في الدروس اللي بتاخذونها الى نهاية الكورس.

 

[` أمينٌــــــــــة .]

سهل وممتع أختي خصوصا الدروس اللي بالبداية، بس اذا وصلتون لدرس اسمه الـ for loop (يمكن بعد شهر) حطي بالج ولا تعدّين هالدرس الا وانتي فاهمته زين عشان ترتاحين في الدروس اللي بتاخذونها الى نهاية الكورس.

مشكوور أخووي وايد
خليتني اتفائل
يعطيكـ العافية !

 

[واحد منكم]

اي لابتوب الله يهديك .... لان صدق نفس ما قال اخونا صادق ولا حتى بنسل :tears:

انا اذكر يوم قدمنا امتحان القدرات مالهم قالوا كتبوا او بالاحرى لونوا الاجابات بالبنسل

وكانوا حاطين على كل طاولة تقريباً بنسل ............ المهم عاد يوم خلص الامتحان الا يقول

واحد منهم : كل طالب يحط القلم مكانه مو تاخذونهم وياكم ... :thumbdown:

هذا اذا على قلم بنسل جديه ............ جيف لابتوب :surrender:

على العموم : انا حبيت اجاوب على السؤال مال الاثبات :

يعني تقدر اول يوم تودي وياك البطاقة السكانية او الهوية وحتى الليسن :sly:

واذا رحت ودفعت الرسوم ود الجدول وياك ............. بس بالنسبة حق البطاقة الجامعية

راح يحطون اعلانات بها الخصوص بعد كذا اسبوع اذا مو شهر

SEE YOU​