احصاءات المجرمين .. دكتور محمد جناح

[الرمش الجارح]

سلام عليكم ..

أبي مساعدتكم .. دكتور محمد شنة (محمد جناح) طالب منا بحث نروح مركز الاحصاءات وناخذ احصائية عن المجرمين في البحرين لأخر 10 سنوات الماضية ..

أولا أنا ما أدل مركز الاحصاءات
ثانيا لما سألت أخوي عن المركز قال لي هذا يصير عند القلعة تقريبا ومستحيل يرضون يدخلونا

انزين .. الحين محتارة شسوي .. اروح او لا .. لأن دورت بالنت ما لقيت شي .. وما ادري شسوي!!!

 

[نجمة تشرين]

اسألي الدكتور نفسة وين يقع هذا المركز
و اذا في طلبة بيروحون و انتي صعبة عليش الروحة خليهم يجيبون ليش

 

[الرمش الجارح]

خيوو .. سألته قال ما يدري وين موقعه .. ويقول ان بدخلونا .. شدراني في هالدكتور

 

[وينك يا حنون]

يدرسش اي مقرر ...!!​

 

[الرمش الجارح]

يدرسني مقرر إجرام (LAW 221)

 

[وينك يا حنون]

الحمدلله انا يدرسني دكتور محمود طه ​

 

[طفله بحرينيه]

خيه
تدسين جنائي ثاني؟؟؟
اذا جنائي ثاني هو يبي احكام قضائيه
واذا تبين تعرفين من وين تجيبين خبريني

اذا مب هاي امقرر معذره

 

[الرمش الجارح]

لا خية أدرس جنائي الأول .. وعن الأحكام دخلي على موقع الحكومة الالكترونية بتحصلينه وهذا الموقع

www.moi.gov.bh

 

[الرمش الجارح]

رحت المحكمة ووديت لهم رسالة من الجامعة .. وقالوا لي ان هم ما يعطون احصائيات إلا للجهات الخاصة (الوزارات) أما احنا ما يعطونا

والحل يعني!!!​

 

[وينك يا حنون]

ما في احصائيات في المواقع الالكترونية دوري يمكن تحصلينة ​

 

[الرمش الجارح]

ما حصلت .. والنبات اللي قالوا انهم حصلوا قال لهم الدكتور ما بحط لكم درجة عدلة .. يعني ما أستفيد شي

واني حصلت في النت أحكام مو احصائيات​

 

[طالبه حقوق]

انا مثلج رحت للمحكمه و مركز الشرطه وقالو احنا ما نعطني....
قلت للدكتور قال معليه طلعيلي اي احصائيه من النت
والمشكله مالقيييت

 

[SeNioR HaMoD]

جهاز الاحصاء يصير في مدينة عيسى
تخلين المرور على يمينج و تكملين سيده
تطوفين اول اشارة و بتجوفين لفه صغيره
فيها اشارة لفيها و كملي سيده اول لفه يمين
و هم كملي سيده بتجوفينه

بس ماتوقع الاحصاء يعطونج هالمعلومات
الاحصاء مالهم شغل فالسالفة

جيكي وزارة الداخلية العلاقات العامة بيفيدونج

 

[الرمش الجارح]

رحت بس قالوا لي ما يعطون أي أحد ..
ما يعطون إلا الوزارات والجهات المختصة ..
والنت ما لقيت فيه شي ما أدري وش نسوي ولما قلنا له قال انا وش اسوي لكم!! ​