ادخل وشاركنا .. دمج ذوي الاحتياجات الخاصة في المجتمع

[Mahmood Al-Haiki]

السلام عليكم ورحمة الله وبركاته

انا لست من جامعة البحرين
انا ضيفكم من الجامعة الاهلية

اريد طرح موضوع وابي الكل يشاركني فيه

ابي اقتراحاتكم حق دمج ذوي الاحتياجات الخاصة في المجتمع
وشنو البرامج اللي تخلي المجتمع يغير نظرته السلبية لذوي الاحتياجات الخاصة؟؟؟

لان صراحة انا محتاج عدد كبير من الطلاب
عشان يساعدوني في تغيير نظرة المجتمع البحريني للمعاق جسدياً
ونوضح نقاط قوتهم

واتمنى اني اكون ضيف خفيف عليكم وشكراً

 

[hlwlw]

موضوع جميل بس مادري صراحة ماعندي أفكار

الموضوع ذكرني بخدمة مجتمع كنت في المركز تبع الاحتيجات الخاصة وطبعًا اطفال

وفي نفس الوقت كان عندي طفلين سليمين وكانو يلعبون مع بعض يعني ما تحس أنهم مختلفين

هذا بشكل عام
بشكل خاص لازم نعرف انه الاعاقات انواع
الاعاقات الجسدية اني اشوف انهم في هالاعوام الناس تثقفت وهم منخرطين في المجتمع بشكل كبير جدا
لكن الاعاقات الذهنية اشوي صعبة التعامل وياها بس مو كلها بعد مثلا مرة في برنامج دكتور فل جابو استاذ معاه متلازمة داون وماشاء الله عليه صراحة
طبا الفضل يرجع لأم والأب والعائلة والمجتمع وهذا يسمونه تأهيل

شكرًا على الموضع الرائع​

 

[P A I N]

السلام عليكم ورحمة الله وبركاته

انا لست من جامعة البحرين
انا ضيفكم من الجامعة الاهلية

اريد طرح موضوع وابي الكل يشاركني فيه

ابي اقتراحاتكم حق دمج ذوي الاحتياجات الخاصة في المجتمع
وشنو البرامج اللي تخلي المجتمع يغير نظرته السلبية لذوي الاحتياجات الخاصة؟؟؟

لان صراحة انا محتاج عدد كبير من الطلاب
عشان يساعدوني في تغيير نظرة المجتمع البحريني للمعاق جسدياً
ونوضح نقاط قوتهم

واتمنى اني اكون ضيف خفيف عليكم وشكراً

عليكم السّلام .. أهلاً و سهلاً


إذا كانت الإعاقة جسديّه فقط و ليست إعاقه عقلية ، ما يفصلونهم عن المجتمع من الأساس إخوي ..

أنا أتكلم من واقعي و من إلي أشوفه ..

عندنا بالعايلة بنوته وردة فيها اعاقة جسدية برجولها .. مُبدعه بالأعمال اليدويه .. و متفوقه بمعهد الأمل ..

لكن بالمدرسة الحكوميّة كانت ترسب .. نموها العقلي بطيء ، تحتاج رعايّة خاصة ..

-

كان معانا بالمدرسة صف الرّابع الإبتدائي بنت معاقة بعد ، و أعتقد عقلها حتى أقل من أربع سنوات ..

مسكينه حتى البامبرز كانوا يلبسونها و يجيبونها لنا الصّف ..

هذا مو خطأ ؟ كان الموضوع قاسي علينا كأطفال لأن ما نعرف شلون نتعامل معاها ..

-

دخلت إعدادي ، سنتين شفت بنيّه من ذوي الاحتياجات الخاصة تداوم معانا ..

رجولها فيها شي بس عقلها مافيه شي .. و تخرجت =)

-

فبالنّهاية ، ذوي الاحتياجات الخاصة يحتاجون رعاية خاصة .. من اسمهم إخوي ​

 

[Mahmood Al-Haiki]

عليكم السّلام .. أهلاً و سهلاً


إذا كانت الإعاقة جسديّه فقط و ليست إعاقه عقلية ، ما يفصلونهم عن المجتمع من الأساس إخوي ..

أنا أتكلم من واقعي و من إلي أشوفه ..

عندنا بالعايلة بنوته وردة فيها اعاقة جسدية برجولها .. مُبدعه بالأعمال اليدويه .. و متفوقه بمعهد الأمل ..

لكن بالمدرسة الحكوميّة كانت ترسب .. نموها العقلي بطيء ، تحتاج رعايّة خاصة ..

-

كان معانا بالمدرسة صف الرّابع الإبتدائي بنت معاقة بعد ، و أعتقد عقلها حتى أقل من أربع سنوات ..

مسكينه حتى البامبرز كانوا يلبسونها و يجيبونها لنا الصّف ..

هذا مو خطأ ؟ كان الموضوع قاسي علينا كأطفال لأن ما نعرف شلون نتعامل معاها ..

-

دخلت إعدادي ، سنتين شفت بنيّه من ذوي الاحتياجات الخاصة تداوم معانا ..

رجولها فيها شي بس عقلها مافيه شي .. و تخرجت =)

-

فبالنّهاية ، ذوي الاحتياجات الخاصة يحتاجون رعاية خاصة .. من اسمهم إخوي ​

اختي ترى كلنا اصحاب احتياجات خاصة بس تفرق الاحتياجات

 

[P A I N]

اختي ترى كلنا اصحاب احتياجات خاصة بس تفرق الاحتياجات

صحيح .. بس بعض الأحيان الفروق كبيرة ..

-

عندك أحد من ذوي الإحتياجات الخاصة بحياتك ؟! عشان جذي الموضوع مؤثر بالنّسبة لك ؟!

و أنا هني ما تكلم عن إلي فيهم إعاقة جسديّة فقط .. أتكلم عن إلي فيهم إعاقة جسديّة و عقليّه ..​

 

[Mahmood Al-Haiki]

صحيح .. بس بعض الأحيان الفروق كبيرة ..

-

عندك أحد من ذوي الإحتياجات الخاصة بحياتك ؟! عشان جذي الموضوع مؤثر بالنّسبة لك ؟!

و أنا هني ما تكلم عن إلي فيهم إعاقة جسديّة فقط .. أتكلم عن إلي فيهم إعاقة جسديّة و عقليّه ..​

لا مافي احد في حياتي
انا واحد منهم

 

[نجمة تشرين]

في فرق بين ذوي الاحتياجات الخاصة ,, في المتخلف عقليا و في المعاق جسديا
و انا شخصيا لا احب بأن يكني القسم الاول مع الاخر
بل يجب على المعاق ان يسمى فقط من ذووي الاحتياجات الخاصة و لا يوضع في مع مرتبة المتخلفيين لان ذلك يؤدي الى احباط معنوياتهم و ازدياد العقد النفسية بهم
ليس عيبا بأن الله خلقهم يعانون من مشكلة اعاقة ،، او لقدر ما اصابتهم
و يجب ان يعاملوا كما يعامل بقية الطلاب اساسا
و في السنوات الاخرى لم ارى احد يفرق او يدلي لهده المسأله اي اهتمام
عندما كنت في المرحلة الثانوية كانت هنالك معنا فتيات بهم اعاقات جسدية او انهم كن لا يبصرن و كنا نتعامل معهن كالبقية و لا يوجد اي اختلاف بل كانوا اساسا متفوقين دراسيا و كان البعض من الفتيات يلجأ لهم عند احتياج المساعدة فنحن هنا من ذوي الاحتياج و ليس هم
و عندما ذخلت الجامعة هنالك طالبات و طلبة لا يبصرون او معاقين و يدرسون معنا بنفس التخصصات و ممتازيين و تحصيلهم الدراسي مرتفع و يتخرجون من الجامعة في وقتهم القياسي و انتم ترون من الطبيعين من يظل سنون و سنون حتى يكمل الدراسة ..فمن العاجز هنا

هنالك اساتذه و دكاترة من هؤلاء و هم افضل و يحصلون على افضل الدرجات التقييم لو قورنوا بغيرهم من دكاترة مبصريين و معافيين

و اريد ان اذكر بان هنالك موظفة في قسم التسجييل الكل لو كان له اي استفسار يذهب لها لانها و مع الاف التقديير ووقفات الامتياز لها متفانية في عملها تشرح لك وضعك باخلاص بينما الموظفات الاخريات و هذا ما رايته تقدم عملها من غير نفس كما نقول او تصرخ او تحبط معنويات الطالب ..فمن الافضل يا ترى


هذا ما اراه و اتوقع ما يراه المجتمع الحديث
اما المتخلف عقليا و هنالك درجات و انواع منهم يجب ان يدرسوا في مراكز خاصة فيهم حقيقة ليس ذنبهم انهم خلقوا هكذا و لكن هم يحتاجون الى رعاية و تفكيرهم اقل من تفكيير الشخص السليم عقليا ووجودهم يسبب لهم الحرج مع الباقي ...اتوقع واضحة الصورة

موضوع نقاش سليم و ممتاز بوركت

 

[عآفك الخآطر]

اخوووي , اانا بصراحه للحين مافهمت طلبك بالضبط , يعني ببداية الموضوع كانت الاعاقة جسديه !

لكن مع باقي ردودك كان فيها نوووع من الغموووض , والردود غير المباشره بذكرك في رأس الموضوع ان نوع الاعاقة جسديه .
ولكن مع ردودك الاخرى ذكرت ان كلنا اصحاب احتياجات وهناك فرق بين الشخص والاخر .

فإنت شنو المطلوب منك ؟

اذا كان الموضوع يخص الاعاقات العقليه وماشابه , رااح أكون أكبر المساعدين لك ان شاء الله
لان احنا قبل فتره كانت عندنا حمله خاصه فيهم كانت في الجامعه وفي السيتي سنتر
وراح تستمر ان شاء الله في القريب العاجل في احد بعض مناطق البحرين

شكرا

 

[Mahmood Al-Haiki]

في فرق بين ذوي الاحتياجات الخاصة ,, في المتخلف عقليا و في المعاق جسديا
و انا شخصيا لا احب بأن يكني القسم الاول مع الاخر
بل يجب على المعاق ان يسمى فقط من ذووي الاحتياجات الخاصة و لا يوضع في مع مرتبة المتخلفيين لان ذلك يؤدي الى احباط معنوياتهم و ازدياد العقد النفسية بهم
ليس عيبا بأن الله خلقهم يعانون من مشكلة اعاقة ،، او لقدر ما اصابتهم
و يجب ان يعاملوا كما يعامل بقية الطلاب اساسا
و في السنوات الاخرى لم ارى احد يفرق او يدلي لهده المسأله اي اهتمام
عندما كنت في المرحلة الثانوية كانت هنالك معنا فتيات بهم اعاقات جسدية او انهم كن لا يبصرن و كنا نتعامل معهن كالبقية و لا يوجد اي اختلاف بل كانوا اساسا متفوقين دراسيا و كان البعض من الفتيات يلجأ لهم عند احتياج المساعدة فنحن هنا من ذوي الاحتياج و ليس هم
و عندما ذخلت الجامعة هنالك طالبات و طلبة لا يبصرون او معاقين و يدرسون معنا بنفس التخصصات و ممتازيين و تحصيلهم الدراسي مرتفع و يتخرجون من الجامعة في وقتهم القياسي و انتم ترون من الطبيعين من يظل سنون و سنون حتى يكمل الدراسة ..فمن العاجز هنا

هنالك اساتذه و دكاترة من هؤلاء و هم افضل و يحصلون على افضل الدرجات التقييم لو قورنوا بغيرهم من دكاترة مبصريين و معافيين

و اريد ان اذكر بان هنالك موظفة في قسم التسجييل الكل لو كان له اي استفسار يذهب لها لانها و مع الاف التقديير ووقفات الامتياز لها متفانية في عملها تشرح لك وضعك باخلاص بينما الموظفات الاخريات و هذا ما رايته تقدم عملها من غير نفس كما نقول او تصرخ او تحبط معنويات الطالب ..فمن الافضل يا ترى


هذا ما اراه و اتوقع ما يراه المجتمع الحديث
اما المتخلف عقليا و هنالك درجات و انواع منهم يجب ان يدرسوا في مراكز خاصة فيهم حقيقة ليس ذنبهم انهم خلقوا هكذا و لكن هم يحتاجون الى رعاية و تفكيرهم اقل من تفكيير الشخص السليم عقليا ووجودهم يسبب لهم الحرج مع الباقي ...اتوقع واضحة الصورة

موضوع نقاش سليم و ممتاز بوركت

لكي كل الشكر والتقدير اختي على هذا الكلام

واللي عندكم في التسجيل اعرفها اسمها سعاد وياي في المركز البحريني للحراك الدولي

ولكن تظل نسبة الثقافة االمجتمع ضعيفة وهذا الشي المسه في خروجي مع اصحابي من ذوي الاحتياجات الخاصة
وانا واحد منهم واحس بهالشي
انا وبكل صراحة المكان الوحيد اللي حسيته يقدرني باعاقتي وفتح لي مجال للإبداع
الجامعة الاهلية بس وكلشي فيها مهيأ

وعن المدرسة انا سبب تحطيم حلمي في اني اكون دكتور هو مدرس وكان يكرهني ويعاملني على اني غير عن الطلبة الباقي
وكل يقول انت ما تقدر تسوي شي وليش تدرس إلخ...

 

[UOB-BH]

طرح نقاشي بدرجة امتياز .. أرحب فيك عزيزي بين اخوانك واخواتك في هذا الموقع
متابع للموضوع .. ولو رأيت أن بإمكان هذا الموقع أن يساعدك في ما تسعى إليه فهو بين يديك وعلى أتم الاستعداد لمساندتك

 

[Mahmood Al-Haiki]

اخوووي , اانا بصراحه للحين مافهمت طلبك بالضبط , يعني ببداية الموضوع كانت الاعاقة جسديه !

لكن مع باقي ردودك كان فيها نوووع من الغموووض , والردود غير المباشره بذكرك في رأس الموضوع ان نوع الاعاقة جسديه .
ولكن مع ردودك الاخرى ذكرت ان كلنا اصحاب احتياجات وهناك فرق بين الشخص والاخر .

فإنت شنو المطلوب منك ؟

اذا كان الموضوع يخص الاعاقات العقليه وماشابه , رااح أكون أكبر المساعدين لك ان شاء الله
لان احنا قبل فتره كانت عندنا حمله خاصه فيهم كانت في الجامعه وفي السيتي سنتر
وراح تستمر ان شاء الله في القريب العاجل في احد بعض مناطق البحرين

شكرا

اخوي مو الاعاقات العقلية بل الجسدية فقط

 

[Mahmood Al-Haiki]

طرح نقاشي بدرجة امتياز .. أرحب فيك عزيزي بين اخوانك واخواتك في هذا الموقع
متابع للموضوع .. ولو رأيت أن بإمكان هذا الموقع أن يساعدك في ما تسعى إليه فهو بين يديك وعلى أتم الاستعداد لمساندتك

شكراً حبيبي صادق

على ما اظن انت تعرفني وشفتني من قبل

 

[UOB-BH]

شكراً حبيبي صادق

على ما اظن انت تعرفني وشفتني من قبل

مادري يالغالي، مو متذكر، العتب على الذاكرة
دام طلعنا معارف يعني هالشي بيضاعف من مقدار استعدادي للتعاون معكم .. يعني تقدر تقول واسطة

 

[Mahmood Al-Haiki]

مادري يالغالي، مو متذكر، العتب على الذاكرة
دام طلعنا معارف يعني هالشي بيضاعف من مقدار استعدادي للتعاون معكم .. يعني تقدر تقول واسطة

تسلم عزيزي

يمكن تذكرني اذا قلت لك مسابقة غرامة

 

[UOB-BH]

تسلم عزيزي

يمكن تذكرني اذا قلت لك مسابقة غرامة

بكلمك في ملفك الشخصي عشان ما نغير مسار الموضوع ^_^

 

[jαғғαя]

الملتقى الجامعي الخليجي || وكان من بين المداخلات، مداخلة للطالب محمود الحايكي (الجامعة الأهلية) شرح فيها معاناة ذوي الاحتياجات الخاصة الذين ينظر لهم على أنهم صورة في المشاركات والمناسبات، إلا أن هذه الفئة تحمل في أذهانها فكراً وعلماً وتطلعاً، يسبق في كثير من الأحيان فكر الناس العاديين.

http://www.akhbar-alkhaleej.com/12439/print/19004.html

لي عوده مجدداً

 

[أشواق الروح]

غلط انا احنا نحسسهم انهم غير
لانهم مو غير
شفت في حياتي
والحمدلله عابشين
وعايلاتهم تحاول تساعدهم
وتخليهم يكونوا افضل
وماشاء الله أذكر بنيه
درجاتها كان واجد اوك
رغم انها تأخرت لانها سافرت للعلاج


​

 

[c o d e]

الملتقى الجامعي الخليجي || وكان من بين المداخلات، مداخلة للطالب محمود الحايكي (الجامعة الأهلية) شرح فيها معاناة ذوي الاحتياجات الخاصة الذين ينظر لهم على أنهم صورة في المشاركات والمناسبات، إلا أن هذه الفئة تحمل في أذهانها فكراً وعلماً وتطلعاً، يسبق في كثير من الأحيان فكر الناس العاديين.

http://www.akhbar-alkhaleej.com/12439/print/19004.html

لي عوده مجدداً

بالفعل !
اليوم فارين على القناة بالغلط ولحقت على مداخلتك !
مداخلتك كانت قوية ومن قلب , الكلام جدا جميل
يمكن هذا الشي الوحيد اللي عجبني في الملتقى
وكلامك مثل ما قلت , فئة ذوي الاحتياجات مايبون احد ينظر لهم بنظرة أقل من الآخرين
لانهم يقدرون , ويبدعون ويمكن بشكل أكبر وأحسن من غيرهم .

وبخصوص سؤالك في بداية الموضوع , ألحين اشوفه قاعد يتطور
يعني ايام زمان زمان ما كنا نشوف ناس واجد منهم , ألحين بالعكس تلاقيهم في المدارس والجامعات والمؤسسات .
ذكرتني بدكتور اجنبي , سكشنه ينشحن من الطلبة
وعالم كبير في مجال الفيزياء , بس طريقة التواصل بينه وبين الطلبة مو بالكلام لانه مايقدر
ولا بالكتابة لانه بعد مايقدر , ولا بالحركة لانه مايقدر .
يتواصل وياهم بجهاز اهو مخترعنه , فعلا شخصية كبيرة وفارضة احترامها وتواجدها وفعاليتها .
إنه ستيفن هوكنغ
http://ar.wikipedia.org/wiki/ستيفن_هوكينج

تحية كبيرة لكم

 

[the life]

عليكم السلام
حياك الله اخوي ،

الناس تختلف
بس الحين اشوف ويانا في الجامعه
اثنين وبنيه بصراحه استانس لما اشوفهم مهتمين جذي في دراستهم و ما يغيبون
حلو لما تشوف الواحد عنده عزيمة واصرار انه يكمل دراسته وخصوصاً في جامعه مثل جامعة البحرين
ومثل ما نقول الله ياخذ شي ويعطي شي
ما اشوف الطلبه ينظرون لهم نظرة مو عدله
احس ان المجتمع تغير الحين مو نفس قبل
ع ايام الثانويه كانت ويانا وحده ما تشوف ،
اول ما شفتها استغربت شلون بتدرس ويانا
بعدين شفت الطالبات شلون يساعدونها ووياها ع طول و كتبها طبعاً غير عنا بتكون فـ كأنّه الشي عادي
وبعد وحده عندها اعاقه جسديه وكانت ويانا في نفس القروب
البنات يطلعون نهاية الحصة الاخيره بس عشان يوصلونها للباص

يمكن لان هالمرحله الواحد يكبر عقله ويدرك هالشي
بس لو مثلاً في ابتدائي يمكن يلاقون مضايقات ( تعرف بعد جهال )

محد فينا كامل
والاعاقة الجسديه احسن الف مرة من واحد سليم بس اخلاقه مو شي
هذلين اللي الواحد المفروض يشفق عليهم وينظر لهم نظرة غير ​

 

[Mahmood Al-Haiki]

عليكم السلام
حياك الله اخوي ،

الناس تختلف
بس الحين اشوف ويانا في الجامعه
اثنين وبنيه بصراحه استانس لما اشوفهم مهتمين جذي في دراستهم و ما يغيبون
حلو لما تشوف الواحد عنده عزيمة واصرار انه يكمل دراسته وخصوصاً في جامعه مثل جامعة البحرين
ومثل ما نقول الله ياخذ شي ويعطي شي
ما اشوف الطلبه ينظرون لهم نظرة مو عدله
احس ان المجتمع تغير الحين مو نفس قبل
ع ايام الثانويه كانت ويانا وحده ما تشوف ،
اول ما شفتها استغربت شلون بتدرس ويانا
بعدين شفت الطالبات شلون يساعدونها ووياها ع طول و كتبها طبعاً غير عنا بتكون فـ كأنّه الشي عادي
وبعد وحده عندها اعاقه جسديه وكانت ويانا في نفس القروب
البنات يطلعون نهاية الحصة الاخيره بس عشان يوصلونها للباص

يمكن لان هالمرحله الواحد يكبر عقله ويدرك هالشي
بس لو مثلاً في ابتدائي يمكن يلاقون مضايقات ( تعرف بعد جهال )

محد فينا كامل
والاعاقة الجسديه احسن الف مرة من واحد سليم بس اخلاقه مو شي
هذلين اللي الواحد المفروض يشفق عليهم وينظر لهم نظرة غير ​

[/QUOTE

اشكر لش الرد الجميل اختي
بس هني النقطة ان ليش الاهالي ما يوعون اطفالهم من الصغر
وانا اعرف اهالي للاسف ما يطلعون عيالهم اذا كانت فيهم اعاقة بسيطة
لان يستحون من الناس ويخافون
انا ما تكلمت الا لان القضية فعلا محتاجة اهتمام خصوصا من الاشخاص الواعين مثلكم
وشكرا اختي