نقاش مقترح: منع تداول الـ Test Bank في الموقع (شاركنا الرأي)

[jacksparrow]

مؤيد لمنع تداوله بشكل كامل في المنتدى والمكتبة.

 

[قهوة الصباح]

لازم يمنع تداوله في المنتدى والمكتبة

لاني الي اشوفه انه ينتشر بشكل كبير والدكاترة يشوفونه ومايجيبون منه اسئلة
الي يبي تست بانك يتعامل مع الرسائل الخاصة افضل واامن بنفس الوقت

 

[أكاونتية]

الطلبة اللي قالوا ان الدكاترة عرفوا بسالفة التست بنك وان اذا تم منعه ما راح يفيد

انا اختلف معاكم واخالفكم الرأي

صح ان بعض الدكاترة كانوا يعرفون ان الطلبة عندهم التست بنك بس ما كانوا يعرفون اي ادشن اللي عند الطلبة

لان التست بنك يتغير مع تغير الكتاب ويختلف من ادشن ل ادشن ثاني

لهسبب كانوا مطمنين نوعاً ما لانهم يجهلون الطلبة يدرسون من اي ادشن

بس لما تكون طريقة العرض مثل الموجودة الحين وعلى عينك يا تاجر .. اكيد بيعرفون اي ادشن اللي عند الطلبة !

اخوي صح الأديشن يتغير
لكن يظل المحتوى نفسه
مثلاً الأكاونت اختي دفعه 2005 واني 2011 وادرس من كتابها الأكاونت حالياً لأن كلش مافي اختلاف سوى في الأرقام
والإيكون مثل الشي وغيرها ​

 

[~ همس ~]

بس لما تكون طريقة العرض مثل الموجودة الحين وعلى عينك يا تاجر .. اكيد بيعرفون اي ادشن اللي عند الطلبة !

+1

 

[بســــــكوتــــــة!]

افضل تداوله بالخش

 

[S p y e r]

انزين دام تفضلون تداوله بالخش
هل في طريقة أو سبيل عشان تحصلون هالتست بنك في المنتدى بدون محد يدري عنكم ؟

يعني أي طالب ممكن يسجل في المنتدى ويكتب موضوع بكل بساطة هذا محتواه

"
أبي التست بانك للاكاونت ضروري
"

ويدخل غيره ويكتب

"
+1
"

---------------

شنو تعتقدون الطريقة المثلى لكل أعضاء المنتدى سواء كانوا عارفين للمنتدى أو مستجدّين فيه
لكي يحصلوا على التست بنك بكل سرّية ؟

- - - - -

عن نفسي ما أأيّد منع التست بنك لأنّه يساعدني بشكل كبير في المراجعة والدراسة للمقررات
ويخليني على معرفة تامة بطريقة الأسئلة في الاختبارات
بس في نفس الوقت ما أأيّد الطريقة الفاضحة اللي ينتشر فيها
​

 

[qassoomy]

عن نفسي ما أأيّد منع التست بنك لأنّه يساعدني بشكل كبير في المراجعة والدراسة للمقررات
ويخليني على معرفة تامة بطريقة الأسئلة في الاختبارات
بس في نفس الوقت ما أأيّد الطريقة الفاضحة اللي ينتشر فيها

+1

بما ان اكثر الطلبة يستخدمونة لنماذج امتحانات سابقة
فليش ما يكون الكل يستفيد منة

ما يصير ناس يستخدمونة
و ناس ما يدرون عنة

مهما يكون هني موقع جامعي و لازم يكون الاستفادة للكل مو فئة معينة

 

[قهوة الصباح]

ممكن تشوفون الطلاب الي مسجلين فيى موضوع الكورس او المادة

وترسلون ليهم رسائل خاصة اذا موجود عندهم التي بي اولا

ممكن تتبادلون بعد بالتي بي>>>>> هذي الطريقة واجد اسويها

احسن من ماينتشر الت يبي بالمنتدى والدكاترة يدرون عنه

 

[math girl]

احنا في كلية العلوم ما نتعامل ويا شي اسمه تست بانك
مع عندنا الا الامتحانات السابق

وتو هالمره عندي مادة سي اس الدكتور بنفسه قال ان الكاتب مال الكتاب الي الدكتور يدرسنا اياه قال بيطرش ليه تست بانك من ما دري جم مية السوال فوق 500 يمكن
وقال اذا طرشه لي بعطيكم اياه
ويمكن اجيب ليكم في الكوزات سوال ولا اثنين
يعني الدكاتره الي عندهم تست بانك ويبون يعطونه للطلبه
يجيبون جم سوال بس ما يعتمدون عليه كامل
الا اذا هالحجي في كلية البزنسس يختلف
فراي انه اذا الدكتور بنفسه هو الي عاطي الطلبة التست بانك من من نفسه بدون طلب
ما فيها شي لو انحط في المنتدى وانتشر

لكن اذا تم الحصول عليه مو عن طريق الدكاتره ويدرون ان الدكاتره يجيبون منه هذا المفترض ما ينتشر

 

[bent alahmed]

انا اجووف حتى ولوو الدكاتره عرفوو وهيك الافضل ان يتم منعه وتداوله بصوره غير مباشره"لان بعض الدكاتره مايعيرون التست بنكك اهميه ويجيبون منه في الكوزات او التستات او حتى المدتيرم"
اجووف هل الطريقه راح تكون الى مصلحت الطالب
حتى ولوو ان الامتحانات مابتجي منه بنسبه 50% بيكون عنده مرجع يرجع ليه بعد الدراسه وقبل دخوله الامتحان كمراجعه


​

 

[mishal]

مساء الخير .................
اخوكم مشعل عطيتوا الموضوع اكبر من حجمه بس جانبها المفيد اكبر من المضر
انا من اكبر المويدين له وياليت تبقى في المنتدى ...........

 

[Unforgiven Rockie]

ليست هناك اي اشكالية في تداوله بين الطلبة ..
انا عن نفسي ما احب اكون اناني ..
ادا عندي اعطي الكل ..
بس مجرد استخدام مسمى ثاني لتداوله بين الطلبة يكون افضل

 

[Saheb Al Qrar]

صادق

كنوع من الحيادية، إذا بتكون هذي الخيارات ماراح نوصل لنتيجه ترضي الطرفين
من خلال قرائتي للردود اشوف الاتفاق من الطرفين وأغلب الأعضاء
يبون انتشاره مع تغيير اسمه للتمويه، وطرق افضل لطَلَبِه
وانت كإدارة شوف الافضل للمنتدى
​

 

[The Prestige]

انا مع منع تداوله في المنتدى والمكتبة ولكن يجب التداول بين الطلاب بـ الرسايل او طرق اخرى

تم بالفعـل استبعـآد التست بنك من بعض المواد والطلاب تضرووا من هالسـآلفة ,
يعني مثل الي عنده مخدرات ويروح للشرطة اكـوا عنـدي , شي المفروض يكون بالخش !

 

[بســــــكوتــــــة!]

انا مع منع تداوله في المنتدى والمكتبة ولكن يجب التداول بين الطلاب بـ الرسايل او طرق اخرى

تم بالفعـل استبعـآد التست بنك من بعض المواد والطلاب تضرووا من هالسـآلفة ,
يعني مثل الي عنده مخدرات ويروح للشرطة اكـوا عنـدي , شي المفروض يكون بالخش !

 

[[ .. UoB StuDenT ..]]

التست بنك اني سنة ثالثة و توني هالكورس صار عندي
و يوم صار عندي صاروا ما يجيبون منه

الكورس اللي طاف في مقرر منيجمنت 233
اذكر كنت مزفتة و جبت 31 من 40 بالميد تيرم
و كنت اني من اقل الدرجات لان الكل
كان ناقص علامة علامتين بالكثير
و السبب مؤ لان هم اشطر مني
( علما ب ان اني اعرف بعض منهم و اعرف مستواهم )
بس السبب التست بنك
ف هذا من سلبيات التي بي ...

و حاليا افضل ان يمنع نشره بالمنتدى
بشكل عام بس ما امانع ان نتداوله عن طريق الرسائل الخاصة
مع ان في الوضع الحالي ما منه فايدة...

و عن نفسي ما جربت الدراسة منه
الا بمقرر - مقررين ..
و مدى الاستفادة ان اني عرفت طريقة للأسئلة
مؤ ان اعتمد عليه اعتماد كلي او ان هو اللي يحدد ارتفاع مستواي الدراسي ..


و بس

 

[Right to Cry]

انا ولا اراجع التست بنك ولا شي ما ارتاح له خصوصاً في Essay وبعض الاشياء

انا راجعت بس من الكتاب بالنسبة للمنجمنت وسويت زين والي راجعوا التست بنك طبعوا

يسقط التست بنك It's unethical action

 

[عآشقة الورد]

رايي الي يتضرر من وجود التست بنك بشكل فاضح فالمنتدى اهو اعتمد عليه كمصدر وحيد للمراجعه بدون مايرجع للكتاب ~
ماعتقد وجوده يسبب ضرر حق الي يعتمد عليه ف نهاية مشوار الدراسه من الكتاب ~

اني ماعتمد عالتست بنك بشكل رئيسي إلآ كمرجع بعد انتهائي من دراسه المقرر من الكتاب أولا ثم النوتات ثم التست بنك كاختبار حقي

 

[التماس دعا]

التي بي الي ينصادون كل بسبب البنات...

عصب414141

 

[Saheb Al Qrar]

رايي الي يتضرر من وجود التست بنك بشكل فاضح فالمنتدى اهو اعتمد عليه كمصدر وحيد للمراجعه بدون مايرجع للكتاب ~
ماعتقد وجوده يسبب ضرر حق الي يعتمد عليه ف نهاية مشوار الدراسه من الكتاب ~

اني ماعتمد عالتست بنك بشكل رئيسي إلآ كمرجع بعد انتهائي من دراسه المقرر من الكتاب أولا ثم النوتات ثم التست بنك كاختبار حقي

اعذريني ,ماختلف معاك في وجهة نظرك فيها شي من الصحة
لكن مايصير نعمم الموضوع
يعني بالعادة حنا ندرس زين مازين
ونراجع الكتاب والنوتس وكل شي
وعقب نروح للتست بانك عشان نستفيد منه للدراسه ونكون متهيئين بشكل افضل
واحب اقول لك ,بالعادة الدكاتره لما يعرفون ان الطلبة انشروا التست بنك ,مايكتفون بعدم استخدامه
وإنما يسوون اسئله غير مباشره تحتاج لحلها فرار مخ ولف ودوران
ولك بمادة الMGT230 مع هيفاء خلف مثال
احنه مانقول مانبي احد يحصله ,بالعكس انه عندي ديفيدي كامل كله تست بنك واعي نسخ لكل اللي يحتاجه لكن لازم نأكد على شي مهم
وهو إن تحّمل يوصل الموضوع للدكاتره ولايدخل الجامعة او القاعات

يعني هالشي كان إعانه ونعمه لك ,تروح ترفسها .!

مثل بني اسرائيل يوم الله سبحانه نزل عليهم المن والسلوى وهم يقولون نبي بصل وثوم .!
يعقل هالكلام .؟
​