استفسار عن التصميم الداخلي من طالب متحير اسئله جديده انتظر تعليقاتكم

[طالب متحير]

السلام عليكم

انا طالب بالتوجيهي امر طبعا بمرحله صعبه ألا وهي التخصص

كان في بالي فنون جميله او جرافيك لأني عندي موهبه متواضعه بالفنون

لكن التخصص مو متواجد بالبحرين بكثره على حسب المعلومات انه متواجد بجامعة دلمون

---

لكن قريت عن تخصص تصميم داخلي ونصحني مدرس الفنون ابه

قرأت موضوع الأخ رحيق وافادني لكن مازال في بالي بعض الإستفسارات

1-سنوات الدراسه 4 او اكثر؟

2-ماهي التخصصات والمجالات التي استطيع العمل فيها بعد التخرج؟

3-هل استطيع العمل كمدرس فنون؟

4-ماهي المواد المشتركه؟وماهي المواد العمليه؟


5-لم افهم هده النقطه(وبالعادة تكون السنه الأولى أكثر تكلفة ممكن تكلفنا حوالي 200 دينار للأدوات ، هذا بدون تكاليف التسجيل اللي تكون حوالي 150 دينار قدر تزيد او تقل بمقدار بسيط حسب عدد المواد )

هل يعني ان في مواد تقدر ماتشريها ؟


------------------
رقمت الأسئله فأرجو ترقيم الأجوبه لأعرف الجواب تابع لأي سؤال

افيدوني اثابكم الله

 

[lll]

1- عادةً الهندسة تاخذ 4 سنوات أو 4 سنوات ونص إذا اخذت 5 مواد لكل فصل . حسب علمي المحدود يعني

2- مادري , بس صاحبي كان يدرس هندسة معمارية , وكانوا الطلاب بتوع التصميم الداخلي يدرسون مثل موادهم تقريباً , بس هم عن يزعم بس تصميم , وكانوا طلاب الهندسة المعمارية رافعين خشومهم على طلاب التصميم الداخلي , على حسب انه الهندسة المعمارية أفضل . تقريباً شغلتك بتكون مصمم خرائط أو هيج يعني , ما عندي معلومات .

3- مادري , بس ما ما ليه دخل كأنه .

4- عفر في واجد مواد مشتركة أول جمن سنه لطلاب الهندسة , وهالشي الي يخليهم يقدرون يغيرون التخصص بسهولة اذا ما عجبهم من البداية أغلب المواد تكون رياضيات و هيجي المواد البيسك للهندسة .

5- حسب فهمي للمذكور , انك اذا دخلت هالتخصص بتحتاج تروح مكتبة ولا سوبر ماركت تبيع ليك أغراض مال هندسة التصميم الداخلي , مصاطر وش كبرهم , آلات مال آينشتاين , صبغ , ديتول , جذي يعني .. ف بيكلفك تقريباً 200 دينار ,

وتكاليف التسجيل للمواد 150 تقريباً , هذا الله يسلمك كل كورس انت تختار المواد الي تبي تدرسهم , تبي تدرس 4 مواد , 5 مواد , انت بكيفك , بس كل ما زاد عدد المواد اللي تختارهم في الفصل زادت عليك التكاليف , و هو المتوسط يعني ما يطوف ال 150 اذا بتاخذ 5 أو 6 مواد في الفصل .


ملاحظة شبه هامة ** : انا مثلك طالب توجيهي , بس صار ليي فترة أسأل و أدوبج على التخصصات ف صار عندي معلومات , و اللي ذكرته فوق كله من كلام طلاب جامعيين سألتهم من قبل . أتمنى ان يتم الجواب على تساؤلاتك من قبل طلاب جامعيين ذو خبرة أكثر مني . موفق عزيزي

نصيحة : جوف لك تخصص فاني يخي

 

[طالب متحير]

شكرا ارجوك لا اتحبطني

طلع هالتخصص اغلى من بيع السوق

بانتظار ردود الباقي

 

[حُسيْنيّ النّبْضِ قَلبي]

عليكم السّلام

اممم..
أني ما بجاوبك حسب الأسئلة بس بتكلذم بشكل عام


اختي تدرس هندسة تصميم داخلي بس مو في الجامعة .. تدرس في معهد البحرين
كانت تبّي في جامعة البحرين حتّى تاخذ البكالوريوس بس ما عطوها رغبتها فانسحبت منها وراحت المعهد
ففي المعهد هي بتدرس سنتين بس الجامعة حسب علمي 4 سنوات إن التزمت بالخطّة
ومن ناحية التذكاليف فهي مكلفة عدل .. يعني كأنّك تشتري قرطاسيّة بأكملها
لا عاد مو لهالدّرجة أمزح
بس صدق الأدوات الّي تحتاجها من الوان ودفاتر وأقلام وأوراق وأدوات هندسة وغيرها من هالشّغلات وأغلبها غالية
وما تتواجد كلها في القرطاسيّات العاديّة

أما من ناحية العمل بعد التّخرّج..
أظن إنّ تقدر تفتح مكتب تصميم ديزاين وهالسّوالف أو تشتغل في شركة أو محلّات ديزاين
بصراحة ما عندي خبرة في هالشّي

والسّموحة ما جاوبت على كل الأسئلة بس إذا عندك اي استفسار بسأل إلك اختي وإن شاء الله يكون عندها الجواب
وبالتّوفيق​

 

[قمَر]

1-سنوات الدراسه 4 او اكثر؟
في جامعة البحرين، اغلب التخصصات مرسوم ليها خطة 4 سنوات
لكن مو دائماً تقدر تمشي على الخطة
لأن احيان واجد ما تحصل الشي الا انت تبيه
احيان ما في مقاعد
احيان كلاشات او تعارض
احيان ما في سكاشن مفتوحة لـ المقرر اصلاً
واحيان يصير صعب انك تاخذ مواد واجد في بعض التخصصات
احيان تضطر انك تحذف مواد
وهكذا
يعني من هذي الناحية
ما اضمن لك عدد السنوات انها 100% اربع
بـ العربي، في احتمالية انها تزيد

2-ماهي التخصصات والمجالات التي استطيع العمل فيها بعد التخرج؟
حسب معلوماتي ان هذا التخصص يندرج تحت تصميم الديكور
يعني انك تصمم أثاث حجرة مثلاً، او بيتصديقة مرة خالي، تخصصها تصميم داخلي
تقول يجيبون ليهم مثلاً:
حجرة مساحتها هكذا
يبونك تصممها بـ حيث انك تحط في كذا شي
فـ اعتقد من هذا الكلام ان الأشغال المتاحة بتكون صوب اشياء تخص تصميم الاثاث

3-هل استطيع العمل كمدرس فنون؟
يمكن!
مادري الصراحة
فـ ما بقعد افتي

4-ماهي المواد المشتركه؟ وماهي المواد العمليه؟
تقدر تدش قسم كلية الهندسة، وتشوف الخطط الدراسية >> اعتقد موجودة
عادةً الكورسات الأوليّة هي اللي تكون فيها مواد مشتركة
في مواد مشتركة وي باقي الكليات
وفي مواد مشتركة في كلية الهندسة نفسها
ما عندي معلومات اكثر بـ هذا الخصوص

5-لم افهم هده النقطه(وبالعادة تكون السنه الأولى أكثر تكلفة ممكن تكلفنا حوالي 200 دينار للأدوات ، هذا بدون تكاليف التسجيل اللي تكون حوالي 150 دينار قدر تزيد او تقل بمقدار بسيط حسب عدد المواد ) هل يعني ان في مواد تقدر ماتشريها ؟
اعتقد لأن السنة الأولى بتشتري فيها اشياء بتظل تستخدمهم لين تتخرج >> يمكن، مو متأكدة
تكاليف التسجيل هي انك تسجل انك تدرس المادة الفلانية فقط
المادة اللي بـ 3 ساعات سعرها 24
واللي بـ 4 ساعات سعرها 32
يعني فاهمني صصح؟
والآدوات يطلبونها بعدين، على حسب المقررات اللي بتدرسها

اتمنى اكون افدتك
مع اني ما عندي خبرة ذاك الزود بس حبيت اساعد ​

 

[رَحِيـــقْ !]

قبل لا نبدأ .. بالنسبة للقبول بالتخصص ، فبسبب زيادة الضغط عليه فالاولوية بالغالب ترجع لأصحاب التسعين والجيد جدا المرتفع ..

-سنوات الدراسه 4 او اكثر؟
هي المفترض أربع الا اذا واجهتك مشاكل او حاب تطول وما تضغط على نفسك ..

2-ماهي التخصصات والمجالات التي استطيع العمل فيها بعد التخرج؟
تقدر تفتح مكتبك الخاص ، او تشتغل مصمم داخلي بشركه هندسية

3-هل استطيع العمل كمدرس فنون؟
اهممم فنون ، احس حاليًا في اكتفاء بالفنون بالمدارس والا لا سكرو هالتخصص حاليًا بالجامعه ،
ولنفرض ان في امكانية ان تصير مدرس ، ممكن مدرس ديكور !
بس شخصيا احس مدرس الديكور حده انتقاص للتخصص ، ادرس واتعب واخر شي أعلم أشياء
ممكن أي انسان هاوي يدرسها بلا شهادة !

4-ماهي المواد المشتركه؟وماهي المواد العمليه؟
المواد المشتركه قد تكون مشتركه لكل الجامعه مثل : عرب اسلمك هستوري انجلش .. وقد تكون مشتركه بين كليات معينه مثل كالكولس ون وتو ، وسي اس
المواد العملية .. قد تتضمن مجسمات وتطبيق لدزاينات معينه ، قد تكون رسم سواء ببرنامج او باليد وفي ايضا موادد نظرية طبعا تدرس فيها مدى تحمل المبنى
المواد اللي تستعملها للبناء وللديكور ، وأيضا هستوري خاص بالتخصص ..

5-لم افهم هده النقطه(وبالعادة تكون السنه الأولى أكثر تكلفة ممكن تكلفنا حوالي 200 دينار للأدوات ، هذا بدون تكاليف التسجيل اللي تكون حوالي 150 دينار قدر تزيد او تقل بمقدار بسيط حسب عدد المواد )
يعني ، كوني سنة اولى بيطلبون مني تي سكوير مثلثات كبيرة اقلام خاصة .. كل هالتكاليف بتكلفني كبداية 100 دينار تقريبا .. يمر سبوع بتبدا بمجسم .. تحتاج اغراض
زيد عليها 5 او 10 دينار الاسبوع اللي بعده قررت تسويه بخشب .. وتحتاج ل10 او اقل او اكثر حسب احتياجك ، وهكذا .. يعني تقريبا مجمل اللي تستهلكه بالكورس \
300 او 350 دينار شاملة للتسجيل
هذا مثلا نخليه بالكورس الاول .. رحت الكورس الثاني .. بيطلبون منك اشياء غير .. ووتي سكوير ومثلثات .. انت ما بتشتري التي سكوير والمثلثات لان عندك اساسا .. فبتقل التكاليف ... اما الكورسات اللي بعدها .. المجمل بالتسجيل من 250 -300 تقريبا ..

واللي قصدته بالضبط من جملتي الاخيرة مثل كلام قمر فديتني
​

 

[طالب متحير]

تسلم عزيزي مالينا نصيب

 

[موتو]

بسم الله الرحمن الرحيم
اللهم صلى على محمد وال محمد
ـــــــــــــــــــــ
الله يسلمك هذا التكلف جميل جداا
لكنه مكلف
لأنة أخذت مادة اختيارية ( رسم )
و......................

مدام مالك نصيب تقول مابكمل

لو تدري
المهم هذا الدفتر بدينارين + الالوان ب 3 + لون خاص بد1 + فرش رسم ب 2
8 دينار وهذا انه ماخذنها هرير المادة
فمالبالك بالتخصص
لا تنسى ذكر الله : لا اله الا الله " ​