مساعدتكم، تخصص لغة انجليزية

[el captain]

السلام عليكم


بغيت مساعدتكم بخصوص تخصص لغة انجليزية في الجامعة
انا ادرس سنة اولى بزنس منيجمنت حاليا وحبيت ابدل التخصص لان كلش مالي رغبة فيه،
نصحوني بالانجليزي خصوصا ان لغتي جيدة
بس مااعرف أي شي عن هالتخصص، وماابي أضيع على نفسي سنة ثانية غير هالسنة فما بتسرع


شلون طبيعة الدراسة ومستوى صعوبتها؟
وهل تعتمد بشكل كبير على المتابعة والحفظ اول بأول؟​

​

وشلون عن الخيارات بسوق العمل بعد التخرج بشهادة بكالريوس؟ هل صحيح ان التدريس هو الخيار الوحيد؟​

 

[قرنفل]

وعليكم السلام ورحمة الله

( ادا ليك رغبة في التخصص ادخله )
بغض النظر إذا لغتك قوية أو مو قوية , صحيح هالشضي بيساعدك واجد , بس أهم شي تكون عندك رغبة حقيقة إنك تدرس الانج ,

امم ,
أني أدرس تخصص إنج , وأتمنى أفيدك شوي ,
اول مقرر تاخذه بيكون عن الأدب بشكل عام , بدون تعمّق يعني ,
مقدمة عن الشعر والقصص والمسرحيات ,

بتاخذ مقررات قرمر طبعاً , بتلاحظ في البداية إنهم يشبهون مقررات المدرسة ,
بعدين بتتدرجون في مقررات الأدب ,

يعني بيعطونكم قصص طويلة نوعاً ما ( أقصر من الروايات ) , تقرأونها ,
تتعلمون شلون تحللونها وتلخصونها وتفهمونها جيداً ,

عقب تنتقلون إلى قراءة روايات , ونفس الشي , تتعلمون التحليل والنقد والتلخيص ,
ومسرحيات أيضاً ,


امم , مادري شنو تبي معلومات بالضبط , بس إذا عندك سؤال إضافي , تفضّل
أيضاً أرد أأكّد : إنّ إذا ليك رغبة في دراسة الانج , ادخله ,
هو ما يعتمد على الحفظ ,
يعتمد على الفهم بشكل أكبر



أما عن سوق العمل , ما عندي فكرة عن الموضوع ,
بس بما إنك طالب انج , احس الخيارات قدامك متشعّبة أكثر

وبالتوفيق

 

[yagmur]

صديقتي تخصصصها لغة انجليزية
وتقول التخصص جدا جدا جميل
بس يحتاج للجهد حالة حال باقي التخصصصات وادا بتدخله اهم شيء عندك رغبة ليه وحاب انك تواصل فيه وانشاء الله ما بتلاقي صعوبة وايد

والتخصصص عبارة عن مثل ما قالت لك ...
الروايات و تحليل وانتقادات وهالاشياء
هو ما يعتمد على كونك جيد باللغة الانجليزية فقط بس هالشيء راح يسهل عليك الدراسة ...
و التخصص فيه متعة .. دامة باللغة الانجليزية .... و بعدين راح تتعمقون فيه إأكثر واكثر .... فلازم تحط في بالك انك تفهم اكثر مما تحفـظ ....
ادا فهمت المقررر راح تقدر تحفظة وتجيب فيه درجات ...

وبالتـؤوؤوفيق يإأ رررب

 

[ماحوزية]

اضافة الى الي قلته اخي بس بغيت احرف فيه شي عذرا منك
أني طالبة سنة اولى فيزياء طبية حبيت التخصص بس مو مرغوب فيه في البحرين ومافي شاغر بهالاسم لذلك حبيت احول الى ادب انجليزي
بس أني مو كلش في اللغة يعني في المدرسة ما اوصل ال 90 و ااذا بوصل الى 80 كلش كلش يعني
هل تنصحوني فيه؟
و بعدين اصير مدرسة انجليزي يعني؟؟ هل يحتاج ادرس تربية بعد لو سيدة اصير مدرسة؟

 

[حورية العين]

انا ادرس ادب انجلينزي سنه اولى

والحين بدرس مواد السنه الثانية وانا متشوقة للمواد

بصراحة اول مادخلته حسيته شىء غير مع انه كان سهل الا انه كانت نوعية الاختبارات غريبة بالنسبة ليي
وتقسيم الدرجات

فاول مقرر جبت C + بس هالمرة مقرر 135 مع دكتورة مليكه عندي امل اجيب ع الاقل A-


بصراحة هوه احليو يعني بسس يحتاااج قرااءة واجد اذا انت او انتين ماتحبين القراءى ابداً

مانصحش تاخذينه لان دراسته كله فالادب والشعر والروايات والنقد

مو مثل مانتون تتوقعونه

بس من ناحية انه دراسته سهلة اي سهلة اذا انت اوكي فالانجلينزي

اهم شىء انك تفهم اكثر مما انت تحفظ بعد

لان بجيك اسئلة مقاليه تعتمد ع الفهم

وهاللي حسيته واي مسااعدة بهالمقرر او معلومات انا موجودة