مشكلة غلاء المهور و تكاليف الزواج

[math lover]

ليش بخل ؟
كم تتوقعين الواحد يقدر يوفر براتب 500 دينار ؟
إذا تبين شقة هاذي 150 200 دينار طارت, 300 دينار الواحد يعيش فيها لشهر كامل فيها الأكل و الشرب و البترول و الكهرباء و الماي كلها هذي لوازم كل شهر ينصرف عليها هذا إذا ما انا نسيت شي, هذا غير انه ما بيقد على ارضية طوب, بيحتاج انه يأثث و لا تنسين هذي ال500 تنقص منها القروض إلا إذا في حال ان وجد التشرط قبل الزواج. غيره الواحد ما يبغي يعيش نفس ما ينقال على الأمريكان من جيك لجيك, يعني راتبه يخلص على الصفر من نهاية كل شهر. ( و اخرته لين قال خل نتساعد على البيت, انقال عنه مو رجال و يخلي زوجته تصرف وياه )

الواحد لا يتوقع يعيش في فيلا و سيارة مرسيدس و يلبس اخر الموديل و تلفون جلكسي اس 56 في اول سنة, من حياته خاصة احنا في اوضاع مو إلا الواحد يتشرط.

بعد هذي الحياة جذي صعبة وبما انه عنده نية الزواج لازم يتحمل وشي ثاني اكيد البنية اذا عندها مابتقصر وبتساعد زوجها في مسالة السكن وغيرها والوحده ماتبي كل هالكماليات اللي ذكرتها
بس لازلت اعتبر الشخص بخيل اذا هو معاشه 500 ويبي يسكن زوجته في حجرة

 

[S p y e r]

بعد هذي الحياة جذي صعبة

كلامش كله صح
بس صراحة ما أتفق وياش في هالجملة ، الحياة مو صعبة وإنما الرغبات هي اللي تسويها جداً صعبة​

 

[ولد عمران]

بعد هذي الحياة جذي صعبة وبما انه عنده نية الزواج لازم يتحمل وشي ثاني اكيد البنية اذا عندها مابتقصر وبتساعد زوجها في مسالة السكن وغيرها والوحده ماتبي كل هالكماليات اللي ذكرتها
بس لازلت اعتبر الشخص بخيل اذا هو معاشه 500 ويبي يسكن زوجته في حجرة

مع كل إحترامي بس المفروض ما تحكمين على احد بالبخل إذا كانت هذي قدرته, إذا اهو ما قدر يتحمل هالتكلفة ( مؤقتاً ) مو معناته انه بخيل, البخيل إلا يقدر يسكن مرته في شقة بس ما يبغي. و الحياة صعبة و لو كلشي قلنا خل يتحمل خل يتحمل لعشنا في زمن الرجال يتزوج عمره 40 و النسوان كلهم عوانس.

 

[Ali Hassan]

ابدا ما يهمني المهر كثر مايهمني شخصية الرجال

لكن من ملاحظتي ان صايرين الرجال واجد يتشرطون اكثر من البنية يعني من البداية يقولون لازم تكونين قنوعة وتتحملين تسكنين في غرفة ومن هالكلام فشئ طبيعي بحكم عليه بالبخل خصوصا اذا هم يشتغلون و وظائفهم معاشها زين كمعلم مثلا

يعني معلم فلازم يفلس ؟؟؟
و مو شرط يطلبك معلم أو شخص غني مثلا ؟؟؟ (إلا إذا البنات صايرين هذه الأيام ما يبغون إلا الغنية)

- بنقول حصل إليه شغل و هو عمره 22 أو 25 بالكثير
- أنزين ، لو معاشه 300 أو 500 دينار

فألحين :
- لو تكاليف زواجه أزيد من 5000 د.ب ؟ بقيمة سيارة جديدة من الوكالة ؟ يبغي إليه سنتين على الأقل علشان يجمع هذا المبلغ (إذا جمع المعاش صافي)
- نسيتون يبغي إليكم بيت أو مكان تعيشون فيه ؟ كم يكلف تقريبًا ، و جان بعد قعد في شقة (أجار) فيبغي إليكم 200 د.ب علشان بس هااا الشقة ...
- ما يبغى إليكم سيارة توديكم و تجيبكم بقيمة 3.500 أو أزيد بعد (إلا إذا تبغون عربة حمار "و حتى الحمير غالين") و ما تحسبون لمصاريف البترول + تصليح السيارة إذا صادها دعمه أو أختربت ؟
- ما تحسبون مصاريف البيت من أكل و شرب و كهرباء و ماي غير الأثاث مال البيت ، غير الثياب و اللبس إلا بيلبسه و غير و غير ...

و بعدين إذا أخذت الرجل و هو مديون و ما عنده حتى دينار في مخباه بقولون بأن زوجها مديون و ما يعطيها إلا تبغيه و كل يوم مشكلة و و و و و ...

 

[math lover]

مع كل إحترامي بس المفروض ما تحكمين على احد بالبخل إذا كانت هذي قدرته, إذا اهو ما قدر يتحمل هالتكلفة ( مؤقتاً ) مو معناته انه بخيل, البخيل إلا يقدر يسكن مرته في شقة بس ما يبغي. و الحياة صعبة و لو كلشي قلنا خل يتحمل خل يتحمل لعشنا في زمن الرجال يتزوج عمره 40 و النسوان كلهم عوانس.

صح كلامك لكن موضوع البخل يخوف جدا
لان الوحده متعوده على كرم ابوها فاكيد بتخاف من صفة البخل في شريك حياتها >>> عفر فيني فوبيا من صفة البخل
وفي احاديث ما اتذكرها بس معناها ان البخيل ما يتعاشر ولا يتصادق
وفي النهاية الوحده ما تدري ويش نيته يمكن صح مثل ماتقول ان ما يقدر يتحمل كل هالتكاليف مؤقتا ولكن بعد في نفس الوقت يمكن بخل

 

[s.y.h]

الصراحة الزوج لازم يحط في باله من قبل ما يخطب إن للزواج تكاليف مو شرط تكون فوق طاقته بس على الاقل ما يحسس زوجته ان ماعنده او مايقدر يفرح قلبها بليلة العرس والزوجة لازم من نفسها تتفهم وتعذر زوجها وتحاول قد ما تقدر انها ما تطلب وايد اشياء مو ان يطالبها انها تراعيه من البداية
ومسألة المهر مو شرط يكون وايد يعني 1000 تكفي حق انها تشتري لها الاغراض والفستان وتتجهز للعرس وتكاليف الحفلة شي ثاني وموشرط بعد انها تكون في اغلى الفنادق او ارقى الصالات لازم الواحد يمد ريوله على قد لحافه وهاي ما يعني ان مافي حفلة
هذا رايي

 

[Ali Hassan]

الصراحة الزوج لازم يحط في باله من قبل ما يخطب إن للزواج تكاليف مو شرط تكون فوق طاقته بس على الاقل ما يحسس زوجته ان ماعنده او مايقدر يفرح قلبها بليلة العرس والزوجة لازم من نفسها تتفهم وتعذر زوجها وتحاول قد ما تقدر انها ما تطلب وايد اشياء مو ان يطالبها انها تراعيه من البداية
ومسألة المهر مو شرط يكون وايد يعني 1000 تكفي حق انها تشتري لها الاغراض والفستان وتتجهز للعرس وتكاليف الحفلة شي ثاني وموشرط بعد انها تكون في اغلى الفنادق او ارقى الصالات لازم الواحد يمد ريوله على قد لحافه وهاي ما يعني ان مافي حفلة
هذا رايي

+1

 

[math lover]

يعني معلم فلازم يفلس ؟؟؟
و مو شرط يطلبك معلم أو شخص غني مثلا ؟؟؟ (إلا إذا البنات صايرين هذه الأيام ما يبغون إلا الغنية)

- بنقول حصل إليه شغل و هو عمره 22 أو 25 بالكثير
- أنزين ، لو معاشه 500 دينار

فألحين :
- لو تكاليف زواجه أزيد من 5000 د.ب ؟ بقيمة سيارة جديدة من الوكالة ؟ يبغي إليه سنتين على الأقل علشان يجمع هذا المبلغ (إذا جمع المعاش صافي)
- نسيتون يبغي إليكم بيت أو مكان تعيشون فيه ؟ كم يكلف تقريبًا ، و جان بعد قعد في شقة (أجار) فيبغي إليكم 200 د.ب علشان بس هااا الشقة ...
- ما يبغى إليكم سيارة توديكم و تجيبكم بقيمة 3.500 أو أزيد بعد (إلا إذا تبغون عربة حمار "و حتى الحمير غالين") و ما تحسبون لمصاريف البترول + تصليح السيارة إذا صادها دعمه أو أختربت ؟
- ما تحسبون مصاريف البيت من أكل و شرب و كهرباء و ماي غير الأثاث مال البيت ، غير الثياب و اللبس إلا بيلبسه و غير و غير ...

و بعدين إذا أخذت الرجل و هو مديون و ما عنده حتى دينار في مخباه بقولون بأن زوجها مديون و ما يعطيها إلا تبغيه و كل يوم مشكلة و و و و و ...

صح كلامك
بس لازم الرجال ابدا ما يبين لشريكة حياته انه ما يقدر وعليه ديون وما الى ذالك لان هي اكيد تعرف طبيعة عمله وجم معاشه وكل هالاشياء تعرفها
والبنية الي تبي تتزوج رجل ذو اخلاق وما يهمها الفلوس اكيد بتوقف واياه وما بتتطلب ولا بتتشرط الا في حدود المعقول
اما انه يجي ويحسسها انه ما يقدر يوفر ليها ابسط امور الزواج فهني اكيد بتحكم عليه اما بالبخل او بانه ما يبي يعتمد على نفسه او او او

 

[ولد عمران]

صح كلامك
بس لازم الرجال ابدا ما يبين لشريكة حياته انه ما يقدر وعليه ديون وما الى ذالك لان هي اكيد تعرف طبيعة عمله وجم معاشه وكل هالاشياء تعرفها
والبنية الي تبي تتزوج رجل ذو اخلاق وما يهمها الفلوس اكيد بتوقف واياه وما بتتطلب ولا بتتشرط الا في حدود المعقول
اما انه يجي ويحسسها انه ما يقدر يوفر ليها ابسط امور الزواج فهني اكيد بتحكم عليه اما بالبخل او بانه ما يبي يعتمد على نفسه او او او

كلنا فينا فوبيا البخل, كلنا عشنا في هالمرحلة, هو الكلام يصير صح و يصير غلط, موقعه في النص, اول شي السالفة فيها تضحيه او مجازفة, الواحد ما يقدر انه يروح على المضمون, لانه الواحد ما بيقدر يخش كلشي و يقول انا اقدر على كلشي, او انه يقول انا ما ابغي تفكر اني ماقدر اصرف فيروح مثلا ياخذ قروض و تزيد المصايب و تتراكم, و ثانياً هم في النهاية المره بتعرف إذا الرجال وصل حده و ما يقدر يصرف اكثر, يا انه تعرفه عدل او ان تسوي شي من وراه تحط ليه مراقبين 24 ساعة وين ما يروح عساه دش الحمام المسجل يشتغل داخل.

فيعني إذا السالفة فيها تضحية و حظ, إلا تبي تمشي على المضمون و تحارس و لين كل واحد يجي تحط ليه لمت على راتبه, الجانس انه يجونها اقل لانه يعني من خلال معرفتنا لشعبنا الثري قليل منهم فقاره و حتى لو حصلته مو اكيد يطلع زي الفل, يا ما عرفنا مليونيرية بخله, فه في جانس انه تعرس متأخر, او إلا مستعدة تتضحي بسبب الحالة المعيشية الصعبة و تقبل هم فيها تضحية.
النهاية لين مكتوب خير بيصيره له.

نقطة احب اوضحها لكل شخص, مافي احد ما بياخذ قرض للزواج و المهر, كل واحد بياخذ قرض إذا بيتزوج و اهو توه مشتغل, بس الحكاية في كمية القرض, كلنا بنصرف بس نصرف على حد المعقول, ندلع روحنا على حد المعقول.

 

[math lover]

^^
كلامك صح 100%

-----
سالفة ان تحط ليه مراقبين عجبتني بس صعب تحقيقها

 

[s.y.h]

صح كلامك اخوي
بس في نقطة ابي اأكد عليها وهي ان مافي بنت ما تحب ان تكون ليلة عرسها حلوة بين اهلها وصديقاتها وحته لو كانت الحفلة بسيطة او البنت ما تهمها المظاهر لان في النهاية البنت بنت وتحب ان تكون في صورة حلوة جدام اهلها وصديقاتها مهما تعددت الشخصيات
والحفلة حته لو كانت بسيطة راح يندفع لها فلوس وهاي الشي لازم
هاي اللي كنت باوضحه بس

 

[ولد عمران]

صح كلامك اخوي
بس في نقطة ابي اأكد عليها وهي ان مافي بنت ما تحب ان تكون ليلة عرسها حلوة بين اهلها وصديقاتها وحته لو كانت الحفلة بسيطة او البنت ما تهمها المظاهر لان في النهاية البنت بنت وتحب ان تكون في صورة حلوة جدام اهلها وصديقاتها مهما تعددت الشخصيات
والحفلة حته لو كانت بسيطة راح يندفع لها فلوس وهاي الشي لازم
هاي اللي كنت باوضحه بس

اكيد و مافي رجال ما يبغي يسوي كل إلا تبيه مرته, كلشي تبيه يسوي ليها, و لكل حالة شواذ
^.^

 

[sanabsy 15]

طرحت وجهة نظر من قبل وكانت هذه

التكاليف هل مقصود بها المهر والحفلة ومقدمات الزواج ؟! من يقول أنها عائق ؟! ربما ولكن بنسبة جدًا بسيطة، العائق الأساسي هو السكن + المدخول الشهري، أما مقدمات الزواج فمبلغها كمبلغ سيارة - لا يتعدى 6000 في المتوسط الإجمالي

يقولون المرأة نصف المجتمع، وإذا صلحت المرأة صلح المجتمع، الرسول عليه الصلاة والسلام يقول خير النساء أقلهنّ مهورا، بحكم مجتمعنا وزماننا أجوف 500 إلى 1000 مهر مقبول، البعض يعتقد بأن كل مازاد المهر والتكاليف زادت محبة الرجل تجاه المراد الارتباط بها، لا أبدًا، وش الفايدة الرجال يعصر روحه قبل الزواج ومن عقب هاليوم يظل يقصر عليها بسبب عدم توفر المال أو قلّته، صح هو يوم في العمر وما لازم يقصر فيه ولكن أن يكون بالمعقول، أما الي تقول إذا ما كان قادر فلا يتزوج، لا يبه، فيه دنيا وفيه آخرة، والواحد قد ما يقدر يحاول يسكن نفسه بالزوجة ويمنع الشيطان عنه كثر ما قدر، وأنكحوا الأيامى منكم والصالحين من عبادكم وإمائكم إن يكونوا فقراء يغنهم الله من فضله والله واسعٌ عليم
​

 

[غصن شوك]

السلام عليكم ورحمه الله وبركاته

مامداني اقرا الردود كلها بس قريت اكثر من 9 الصفحات الأولية
وشفت شيء ماعجبني
سالفة المهر محد له حق يتكلم غالية رخيصة هالشيء محد له حق عليه

وآتوا النَّسَاء صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ نَفْسًا فَكُلُوهُ هَنِيئًا مَّرِيئًا.[ (النساء: 4)

يعني عيني عينك المهر مرده بيرجع للزوج << الي تقول او يقول هالشيء ومتأكد منه لا يصدق عمره
هذي هدية من الزوج لزوجة يعني هي حرة تسوي فيها الي تبيه << طبعاً اني ضد أن يكون المهر قيمته عاليه بس اذا هي تبي عالية كيفها البنت
ماتقدرون تدفعون لها دوروا لكم بنت ثانية وكل واحد يأخذ نصيبه صراحة

والي يقول انا لزمن البنات يقدرون ومادري شنو وان احنا نبي نعرس ومانبي الحرام << اعتقد تقدرون تتزوجون متعه تراه حلال

اما سالفة تكاليف الزواج كل شيء غالي تقدرون تفترون في الصالات والصالونات المطاعم الاستيدويهات مكان تأجير الفساتين وهالاشياء وتشوفون الاسعار بنفسكم
يعني مو ذنب البنية مو بيدها شيء


اما نجي لسالفة الي يتطلبون واااجد واشياء غالية << اقول خلوا بناتكم في جبودكم
يعني هو عرس مو سالفة سحب سحب سحب فلوس

و التماس دعا << محد قال لك ان حفلة العرس تدمي قلب الحجة ؟! يعني اذا سووا عرس و اناشيد اسلامية ليش تدمي قلب الامام ؟!
وثانياً اذا الانسان حيوان خوش خوش << مابتناقش وياك في الموضوع بس اقول لك تفقه في دينك احسن لك

والله ولي التوفيق

 

[Ali Hassan]

والي يقول انا لزمن البنات يقدرون ومادري شنو وان احنا نبي نعرس ومانبي الحرام << اعتقد تقدرون تتزوجون متعه تراه حلال

مع أحترامي الشديد أختي غصن ... بس عدلي هذه العبارة رجاءًا ، إلا إذا عندكم زواج المتعة عادي و تأيدونه بعد
​

 

[rayoom]

عن نفسي ابي مهر لا ىقولون 1000 تكفي لا ياماما لاتكفي ولا شي ابي فلوس اتعدل واتكشخ مو لناس لرجلي طبعا
الصراحه مابي اخسر فلوس حق صاله فخمه واكل فخم واسوي حفلتين لا لا .... ابي اسعد روحي واسعد رجلي واسافر ونستانس فيها
اما عن حفله اكيد بسوي حفله محترمه اكل محترم واتعدل واتكشخ فيها بس مابالغ لان الناس تاكل وتطلع وتعقر جفتي هذي شسوت وشنو صار وشنو ماصار وخرابيط يعني
وعلى حسب الشخص بعد اذا كانت اماكنيته زينه او اذا كان شخص على قد حاله تفرق يعني!!!! >>>>>>>>اراعي الظروف شوي

اما اتقولون لي مهري خاتم وقران وسفره عجم لا طبعا ..... القران بيكون موجود مع الفلوس والمستلزمات بس اني انسى المهر لا
واصلا الي يجي بسهوله يرووووح بسهال خله يتعب عشاني ...>>>>>> عشان مايفكر يزوج الثانيه

 

[rayoom]

مع أحترامي الشديد أختي غصن ... بس عدلي هذه العبارة رجاءًا ، إلا إذا عندكم زواج المتعة حلال و عادي
​

زواج المتعه حلال طبعا ....
بس انا ما ايده 100%

 

[yagmur]

السلام عليكم ورحمه الله وبركاته

مامداني اقرا الردود كلها بس قريت اكثر من 9 الصفحات الأولية
وشفت شيء ماعجبني
سالفة المهر محد له حق يتكلم غالية رخيصة هالشيء محد له حق عليه

وآتوا النَّسَاء صَدُقَاتِهِنَّ نِحْلَةً فَإِن طِبْنَ لَكُمْ عَن شَيْءٍ مِّنْهُ نَفْسًا فَكُلُوهُ هَنِيئًا مَّرِيئًا.[ (النساء: 4)

يعني عيني عينك المهر مرده بيرجع للزوج << الي تقول او يقول هالشيء ومتأكد منه لا يصدق عمره
هذي هدية من الزوج لزوجة يعني هي حرة تسوي فيها الي تبيه << طبعاً اني ضد أن يكون المهر قيمته عاليه بس اذا هي تبي عالية كيفها البنت
ماتقدرون تدفعون لها دوروا لكم بنت ثانية وكل واحد يأخذ نصيبه صراحة

والي يقول انا لزمن البنات يقدرون ومادري شنو وان احنا نبي نعرس ومانبي الحرام << اعتقد تقدرون تتزوجون متعه تراه حلال

اما سالفة تكاليف الزواج كل شيء غالي تقدرون تفترون في الصالات والصالونات المطاعم الاستيدويهات مكان تأجير الفساتين وهالاشياء وتشوفون الاسعار بنفسكم
يعني مو ذنب البنية مو بيدها شيء


اما نجي لسالفة الي يتطلبون واااجد واشياء غالية << اقول خلوا بناتكم في جبودكم
يعني هو عرس مو سالفة سحب سحب سحب فلوس

و التماس دعا << محد قال لك ان حفلة العرس تدمي قلب الحجة ؟! يعني اذا سووا عرس و اناشيد اسلامية ليش تدمي قلب الامام ؟!
وثانياً اذا الانسان حيوان خوش خوش << مابتناقش وياك في الموضوع بس اقول لك تفقه في دينك احسن لك

والله ولي التوفيق

+1 صح كلامج ..

 

[sanabsy 15]

زواج المتعة مكروه للأعزب، ​

 

[s.y.h]

كل شخص لازم يختار شريكة حياته بناءا على اسس اسلامية صحيحية واذا مشو على هالاساس ماراح يعيقهم شي لامشكلة المهور ولا غيرها والاهم ان يكونون مؤمنين بالله مو مهم الكماليات واهم شي بعد الاطمئنان وراحة البال لان اذا سعى الانسان حق ربه سعي صحيح بعيد عن طلب الدنيا بتكون حياته سعيدة بإذن الله
احس ان هالمشكلة تختلف من انسان لي انسان ثاني مو على حسب الميزانية على حسب اشياء ثانية