مشكلة غلاء المهور و تكاليف الزواج

[S p y e r]

يمكن الي حط دم قلبه فيها و انقمر بالديون تطلع جيكره ابقوه و يتحسر على كل دينار دفعه فيها و فوق هذه يطلع السانها اطول منها​

هههههههههههه
هذا بيكفر مو بس يتحسسرر ​

 

[red❤heart]

انزين جيفا تميزين بينهم ؟

يبين من المقابلة بعد وقبل كل شي المقابلة مو بس يتكلمون فيها عن كل شخص يتكلمون فيها عن المهر جم يقدر يعطيها والحفلة يشرح اوضاعه وهي تشرح ويش تبغي بعد واذا ناسبهم الوضع خلاص يتوكلون على الله
طبعا من كلام البنية ويا الصبي يبين اللي عنده واللي ماعنده ويبين اللي عنده ويبخل كل هذا يبين يبين اللي يبي يعطي ولين صار عنده مو مقصر عليها
ويبين بعد اللي ماليه كلمة بيستشير الاهل اول هههه هم الا بيعرسون لو هو
​

 

[(حساوي)]

هههههههههههه

هذا بيكفر مو بس يتحسسرر

هههههههههههههه
اجل ياخوي استر , ولا 70% من الشعب السعودي المتزوجون بيكفرون ​

 

[red❤heart]

يمكن الي حط دم قلبه فيها و انقمر بالديون تطلع جيكره ابقوه و يتحسر على كل دينار دفعه فيها و فوق هذه يطلع السانها اطول منها
​

هههههههههههههه والله بصراحة هنيه الخلل مو فيها لا الخلل فيه الاعمى
ليش اول شي عاجبتنه هاااا وبعدين تطلع مو عاجبتنه وين عيونه في المقابلة ؟؟ وين المواصفات اللي قال يبيها
والله يمكن عيونه قامت تلقط وشاف ليه شوفه ثانية
​

 

[(حساوي)]

هههههههههههههه والله بصراحة هنيه الخلل مو فيها لا الخلل فيه الاعمى
ليش اول شي عاجبتنه هاااا وبعدين تطلع مو عاجبتنه وين عيونه في المقابلة ؟؟ وين المواصفات اللي قال يبيها
والله يمكن عيونه قامت تلقط وشاف ليه شوفه ثانية

وشو ذنب المسكين , يمقن بشوفه الشرعيه
امرتبينها , حافه حواجبها الي تقول ابا الهول و حافه شواربها و عامله نفسها زوليخه واهي زوليه
وبعدين يمكن الرجال في الشوفه الشرعيه ما عطوه وقت يتمعن عدل فيها , لاتنسين استاذتنا
عاداتنا و وضعنا الآجتماعي غيركم , على الاقل انتو عندكم فرصه ايشوفها بالجامعه او طالعه مع اهلها
يعني فيه وسيله يغز فيها عدل >>>وبالأخير يتزوج عليها
احنا او تفكر تغز فيها واهي بعباتها و غطايتها ماتشوف منها شيء , بيجونك اهلها وبيدسون في بطنك لين تصير
همبرجر بدون كتشب​

 

[red❤heart]

هههههههههههههه
اجل ياخوي استر , ولا 70% من الشعب السعودي المتزوجون بيكفرون

والله ويش اقول لك ذووق الوالدة يطلع بطيييخ مثلا ؟؟؟
الام تروح تلاقيها تفتر من بيت لبيت مسكينة وماتم احد ما تساله تعرفين بنية للخطوبة وتالي بعد هاللوية كلها تستقر على وحدة الاجمل من بين اللي جافتهم كلهم تبي الزين لولدها
وبعدين فيه ناس يمكن في نظرك تجوف ما فيهم جمال لكن اخلاقهم مغطية على كل شي
جم سنة بتم جميلة ل 50 ؟؟؟ بعدين بتجلود وينوي المراهق في الخمسين يعرس على ام عياله
ولادك طولك وصلوا جان عرست ولادك له
واللي يقول العنوسة في البحرين بيتزوج 4 عشان يحل المشكلة هههه
عط الفلوس لشخص ما عنده زوجة يعرس فيهم ويدعي لك


​

 

[عالي مستواي]

تعبت وانا اقره 16 صفحه

بسم الله

ليكون عبالكم الزواج مهر وحفلة وبس

حط بالك تره وراك شقة وتاثيث وسفر يعني زيادة الطين بله

والحفلة ما منها فايده بتسوي في السوفوتيل بتعزم العلي والبنعلي وتدفع على كل نفر 22 دينار ليش !! اخر شي بياكلون وبيعقرون وبيطلعون وما يحلي العرس اصلا الا الاهل ،، والصالات وايد تقدر بربع المبلغ اللي تدفعه حق الفندق تدفعه فالصاله وتغير فيها من ثيم وهالسوالف تطلع اروع من الفندق نفسه بس الناس حاليا تراكض ورى الاسم بنتي سوت في هالفندق الفلاني وانا سويت في هالمكان العلاني

وعن المهر ترى البنت ما بتاخذ المهر تلعب فيه
بتاخذه تتجهز لك تتجهز حق ليلة عمرها احنه عندنه ناخذ المهر كامل يشمل الشبكه يعني تفضلي يا فلانه 5 الاف دينار منها حفلة ملجتج اللي فالبيت والشبكه والتجهيزات من الف لي ياء من صالونات وعيادات وشنيول ومكاييج و ثياب وحنه والخ ويا دوب تكفي ،، ترى الي يدفع 1000 مارده بيدفع هالمصاريف كلها ويمكن اكثر لانه اهوه ماحدد

وعن نفسي خير الامور اوسطها
انا مابي عرس عود كل العالم فيه بس ابي اهلي وياي ما يهم المكان بس اهم شي يكون حلو وراقي طبعا هني لازم شوي يشتغل المخ وتبتدي الدواره حق المقارنات واهم شي السفر ،، العرس للناس العروس بتقعد فيه ساعتين وبتطلع مع ريلها السفر شي غير
يعتمد على ظروف اللي بيتقدم لي

وكلش ما اؤيد القرض لاني ماردني باعيش معاه واهوه بيصرف علي وهالشي بيطلع علي مو بداية حياتي لا مع اول ياهل بيي وان شاء الله راح اساعده اذا اشغلت في مصاريفه

ومو شرط يخطبها ومن ثاني شهر يعرسون خصوصا اذا كان طالب توه متخرج ومشتغل يملج عليها تنطره سنتين لي ما يكون روحه وايمعون البيزات شوي شوي حق التاثيث والحفله والسفر فهالشي بيساعده اذا كان في البدايه بس مهر وبيساعده اكثر اذا كانت البنيه تشتغل محد يرضى على شريك حياته يعيش مديون بس مو معناته نتنازل عن كلشي !

مخي مجيم ماقدر اطلع حجي زياده

 

[red❤heart]

وشو ذنب المسكين , يمقن بشوفه الشرعيه
امرتبينها , حافه حواجبها الي تقول ابا الهول و حافه شواربها و عامله نفسها زوليخه واهي زوليه
وبعدين يمكن الرجال في الشوفه الشرعيه ما عطوه وقت يتمعن عدل فيها , لاتنسين استاذتنا
عاداتنا و وضعنا الآجتماعي غيركم , على الاقل انتو عندكم فرصه ايشوفها بالجامعه او طالعه مع اهلها
يعني فيه وسيله يغز فيها عدل >>>وبالأخير يتزوج عليها
احنا او تفكر تغز فيها واهي بعباتها و غطايتها ماتشوف منها شيء , بيجونك اهلها وبيدسون في بطنك لين تصير
همبرجر بدون كتشب

والله بعد الزواج لو هي جيكرة زمانها بعد حط في ايدها فلوس وقول ليها روحي الصالون ابغي اشوفش احلى وحدة وحارس على قولتك جان رجعت لك بالصورة اللي راحت فيها ؟؟
والله حتى لو هو ما تمعن الوالدة تمعنت لين ما قالت بس ههههههههه
اصلا الام ما بتخلي ولدها يدش يجوف البنية الا اذا تاكدت انها تناسبه
بعد شي اللي يبي مرته تتعدل ليه هو بعد يتعدل ليها مو يقعد مبهدل وحالته حالة ويقول تعدلي
​

 

[(حساوي)]

والله ويش اقول لك ذووق الوالدة يطلع بطيييخ مثلا ؟؟؟
الام تروح تلاقيها تفتر من بيت لبيت مسكينة وماتم احد ما تساله تعرفين بنية للخطوبة وتالي بعد هاللوية كلها تستقر على وحدة الاجمل من بين اللي جافتهم كلهم تبي الزين لولدها
وبعدين فيه ناس يمكن في نظرك تجوف ما فيهم جمال لكن اخلاقهم مغطية على كل شي
جم سنة بتم جميلة ل 50 ؟؟؟ بعدين بتجلود وينوي المراهق في الخمسين يعرس على ام عياله
ولادك طولك وصلوا جان عرست ولادك له
واللي يقول العنوسة في البحرين بيتزوج 4 عشان يحل المشكلة هههه
عط الفلوس لشخص ما عنده زوجة يعرس فيهم ويدعي لك

بخصوص الوالده الله يسلمها و يسلم امهاتكم , يمقنة مسكينه عنده النظر ضعيف كل الي تعرفه بتشيك على الطول و العرض >>>ولا ابتشتري مزرعه
و الون و الشعر و خلاص و باقي المهمه يتناولها الضحيه الرجل الفقير المسكين الطيب الملاك في الأرض يانه يصبر او يسرحهن بأحسان
وبخصوص المده 50 سنه , والله زين على الاقل بيكون استمتع معاها و مايشوف غيرها احلى منها
واذا تزوج عليها ثانيه و ثالثه ورابعه وشو فارقه يعني خلاص بيظلمها و بيرميها بالشارع اكيد لا
واذا عملها هذه مو ريال (هذه عندكم عندنا مو رجال ) ولا اتشرف يكون احد معارفي ,
وبخصوص انه يزوج فقير انا اتفق معاك ابهذه لاكن من يسويها ​

 

[red❤heart]

بخصوص الوالده الله يسلمها و يسلم امهاتكم , يمقنة مسكينه عنده النظر ضعيف كل الي تعرفه بتشيك على الطول و العرض >>>ولا ابتشتري مزرعه
و الون و الشعر و خلاص و باقي المهمه يتناولها الضحيه الرجل الفقير المسكين الطيب الملاك في الأرض يانه يصبر او يسرحهن بأحسان
وبخصوص المده 50 سنه , والله زين على الاقل بيكون استمتع معاها و مايشوف غيرها احلى منها
واذا تزوج عليها ثانيه و ثالثه ورابعه وشو فارقه يعني خلاص بيظلمها و بيرميها بالشارع اكيد لا
واذا عملها هذه مو ريال (هذه عندكم عندنا مو رجال ) ولا اتشرف يكون احد معارفي ,
وبخصوص انه يزوج فقير انا اتفق معاك ابهذه لاكن من يسويها

وحدة من المقربين الخوات مثلا اكيد نظرهم بيكون 10 على 10
مافيه حجة ابدا ههههه كل الحجج مرفوضة​

 

[S p y e r]

تعبت وانا اقره 16 صفحه

بسم الله

ليكون عبالكم الزواج مهر وحفلة وبس

حط بالك تره وراك شقة وتاثيث وسفر يعني زيادة الطين بله

والحفلة ما منها فايده بتسوي في السوفوتيل بتعزم العلي والبنعلي وتدفع على كل نفر 22 دينار ليش !! اخر شي بياكلون وبيعقرون وبيطلعون وما يحلي العرس اصلا الا الاهل ،، والصالات وايد تقدر بربع المبلغ اللي تدفعه حق الفندق تدفعه فالصاله وتغير فيها من ثيم وهالسوالف تطلع اروع من الفندق نفسه بس الناس حاليا تراكض ورى الاسم بنتي سوت في هالفندق الفلاني وانا سويت في هالمكان العلاني

وعن المهر ترى البنت ما بتاخذ المهر تلعب فيه
بتاخذه تتجهز لك تتجهز حق ليلة عمرها احنه عندنه ناخذ المهر كامل يشمل الشبكه يعني تفضلي يا فلانه 5 الاف دينار منها حفلة ملجتج اللي فالبيت والشبكه والتجهيزات من الف لي ياء من صالونات وعيادات وشنيول ومكاييج و ثياب وحنه والخ ويا دوب تكفي ،، ترى الي يدفع 1000 مارده بيدفع هالمصاريف كلها ويمكن اكثر لانه اهوه ماحدد

وعن نفسي خير الامور اوسطها
انا مابي عرس عود كل العالم فيه بس ابي اهلي وياي ما يهم المكان بس اهم شي يكون حلو وراقي طبعا هني لازم شوي يشتغل المخ وتبتدي الدواره حق المقارنات واهم شي السفر ،، العرس للناس العروس بتقعد فيه ساعتين وبتطلع مع ريلها السفر شي غير
يعتمد على ظروف اللي بيتقدم لي

وكلش ما اؤيد القرض لاني ماردني باعيش معاه واهوه بيصرف علي وهالشي بيطلع علي مو بداية حياتي لا مع اول ياهل بيي وان شاء الله راح اساعده اذا اشغلت في مصاريفه

ومو شرط يخطبها ومن ثاني شهر يعرسون خصوصا اذا كان طالب توه متخرج ومشتغل يملج عليها تنطره سنتين لي ما يكون روحه وايمعون البيزات شوي شوي حق التاثيث والحفله والسفر فهالشي بيساعده اذا كان في البدايه بس مهر وبيساعده اكثر اذا كانت البنيه تشتغل محد يرضى على شريك حياته يعيش مديون بس مو معناته نتنازل عن كلشي !

مخي مجيم ماقدر اطلع حجي زياده

كلام سليم ومعقول ، بس عندي سؤال ، ليش البنات اذا قالوا ليهم الرجال بنسوي مثلا الحفلة مدري الملجة مدري العرس ( مافهم في هالسوالف )
ما بسويه في صالة بسويه في ماتم أحس 90% من البنات ما يتقبلون هالشي
مع ان أنا شخصياً أفضّل الماتم تحل فيه البركة أحسن من فنادق أو صالات

من ناحية الصبر ، أتفق وياش إتفاق كلّي ، لازم البنية تكون صبورة على زوجها ولو قدرت تساعده في البداية ما تبخل عليه
لان اذا بدأوا حياتهم بسهولة ، أبصم لش بالعشرة انهم راح يقدرون يجمعون فلوس وبيرتاحون واجد عقب
هذا واقع ، خالي اللي هو خالي ، تم على تلفون N73 نوكيا ما اشترى له تلفونات هالايام لانه كان يشتغل في بيته
والحين خلص بيته والكل يمدح فيه ويقول ما عليه كلام وفله وتصميم أجنبي ومادري شنو
وعقب ما خلص أشترى له ولزوجته جلكسي نوت ​

 

[red❤heart]

كلام سليم ومعقول ، بس عندي سؤال ، ليش البنات اذا قالوا ليهم الرجال بنسوي مثلا الحفلة مدري الملجة مدري العرس ( مافهم في هالسوالف )
ما بسويه في صالة بسويه في ماتم أحس 90% من البنات ما يتقبلون هالشي
مع ان أنا شخصياً أفضّل الماتم تحل فيه البركة أحسن من فنادق أو صالات

من ناحية الصبر ، أتفق وياش إتفاق كلّي ، لازم البنية تكون صبورة على زوجها ولو قدرت تساعده في البداية ما تبخل عليه
لان اذا بدأوا حياتهم بسهولة ، أبصم لش بالعشرة انهم راح يقدرون يجمعون فلوس وبيرتاحون واجد عقب
هذا واقع ، خالي اللي هو خالي ، تم على تلفون N73 نوكيا ما اشترى له تلفونات هالايام لانه كان يشتغل في بيته
والحين خلص بيته والكل يمدح فيه ويقول ما عليه كلام وفله وتصميم أجنبي ومادري شنو
وعقب ما خلص أشترى له ولزوجته جلكسي نوت

اني بجاوب عليك لويييش انت المفروض تحدد الميزانية وتخلي خيار المكان ليها لانه يجي في بالها يبي الماتم مثلا لانه رخيص او من الحين قاعد يتشرط عليي وهذي سوالف حريم تقول في بالها ويش دخله هذا حشور هههههههه
والله ردي مو عن مزاح صدق هااا
وترى الصراحة اذا ما تعفر شخص عدل ما تعرف ويش الهدف من كلامه​

 

[(حساوي)]

والله بعد الزواج لو هي جيكرة زمانها بعد حط في ايدها فلوس وقول ليها روحي الصالون ابغي اشوفش احلى وحدة وحارس على قولتك جان رجعت لك بالصورة اللي راحت فيها ؟؟
والله حتى لو هو ما تمعن الوالدة تمعنت لين ما قالت بس ههههههههه
اصلا الام ما بتخلي ولدها يدش يجوف البنية الا اذا تاكدت انها تناسبه
بعد شي اللي يبي مرته تتعدل ليه هو بعد يتعدل ليها مو يقعد مبهدل وحالته حالة ويقول تعدلي

اي صالون الله يهديك
عمرك شفتي غورلا راحت صالون وصارة غزاله ​

 

[(حساوي)]

وحدة من المقربين الخوات مثلا اكيد نظرهم بيكون 10 على 10
مافيه حجة ابدا ههههه كل الحجج مرفوضة

وكل الجياكر مرفوضين و نطالب الشباب بعمل ثوره ضدهم حتى نفيهم من الوجود​

 

[red❤heart]

اي صالون الله يهديك
عمرك شفتي غورلا راحت صالون وصارة غزاله

ههههه اي فيه واذا تبي تتاكد روح شوف صور قبل وبعد
بس سو سيرج في قوقل وبتجوووف ​

 

[(حساوي)]

ههههه اي فيه واذا تبي تتاكد روح شوف صور قبل وبعد
بس سو سيرج في قوقل وبتجوووف

مستحيل , ذولي قبل و بعد حاطين محياج تزييف و بعدها يشيلونه عشان يكون الشغل اوكيه و لو فرضنا
بيعمل لها عملية تجميل كامله , كم التكاليف بتكون , اذا ايجيب له تركيه او مغربيه فل اوبشن 12 سلندر و يكفي الهجه عسل مصفى
ولا يكلفه اكثير تطلع له ارخص :sly:
وفيه رد بخصوص قبل و بعد فيه شخصيه معروفه وعندها املاك و فلوس و ,,,,, بكتب له رساله خاصه منهي مو كاتب اسمها هونيه , الخلاصه للحين اذا
جفتها احس انه كومار السواق احلى واجمل وارق منها

 

[S p y e r]

اني بجاوب عليك لويييش انت المفروض تحدد الميزانية وتخلي خيار المكان ليها لانه يجي في بالها يبي الماتم مثلا لانه رخيص او من الحين قاعد يتشرط عليي وهذي سوالف حريم تقول في بالها ويش دخله هذا حشور هههههههه
والله ردي مو عن مزاح صدق هااا
وترى الصراحة اذا ما تعفر شخص عدل ما تعرف ويش الهدف من كلامه​

بل ! حشى مو لهالدرجة عاد ، أنا أقصد يعني بدل لا تروح فلوس لأجار صالة ، تروح لشغلات ثانية
يعني صراحة خلش واقعية بنات هالزمن ما يرحمون ولا يخلون رحمة الله تنزل
شنو حشور ! ليكون بتم بروحها فالملجة والعرس ؟:mellow: اذا صدق جدي تفكير البنات عجل ولا وحده بتعرس منهم

عندي سؤال : ليش البنية ما تفكر واجد في ميزانية اللي متقدم ليها ؟
أحس انها مجرد اللي تفكر فيه هو
^^ ليلة عمرها ، يوم أحلامها ، سفرة العمر اللي ما بتتكرر ، أحلى عرس بين عروس صديقاتها ، لازم تستانس وتخسر في هاليوم عادي ^^
ما أحس تكترث واجد لميزانية الشخص طبعاً مو الكل ..

في بعضهم صديقتها تقوليها مثلا ، أني سويت فالمحل الفلاني وكان بلاوي ماله حل يجنن
ولا تخلين هدا يقص عليش ويسوي فماتم اشرطي عليه يسوي في صالة او فندق
وهي تجي مبرمجينها على هالشغلة ​

 

[red❤heart]

مستحيل , ذولي قبل و بعد حاطين محياج تزييف و بعدها يشيلونه عشان يكون الشغل اوكيه و لو فرضنا
بيعمل لها عملية تجميل كامله , كم التكاليف بتكون , اذا ايجيب له تركيه او مغربيه فل اوبشن 12 سلندر و يكفي الهجه عسل مصفى
ولا يكلفه اكثير تطلع له ارخص :sly:
وفيه رد بخصوص قبل و بعد فيه شخصيه معروفه وعندها املاك و فلوس و ,,,,, بكتب له رساله خاصه منهي مو كاتب اسمها هونيه , الخلاصه للحين اذا
جفتها احس انه كوما السواق احلى واجمل وارق منها

اذا جذيه من البداية مبيت النية
روح سيدا تزوج من هنااااك
بس هاااا تحمل الجميلة اللي بتربي عيالك ما تدري عنها غير انها جميلة

 

[(حساوي)]

نصيحتي لشباب , لاتتزوج وحده احوالها الماديه افضل منك بكثير
خصوصآ اذا كان والدها يعطيها مصروف ايام كانت عنده شهريآ يقارب راتبك
لانه سوف تتعرض لمواقف حرجه اكثيره ولو صبرة ما اتصور تصبر طول العمر
الا اذا كانت من النساء الخنساء وهذه نادر وجود مثلها بالكون ​

 

[(حساوي)]

اذا جذيه من البداية مبيت النية
روح سيدا تزوج من هنااااك
بس هاااا تحمل الجميلة اللي بتربي عيالك ما تدري عنها غير انها جميلة

شكلها انقهرة
أستاذتنا
ياليت اذا توفر عندك وقت حاولي معرفة الزعماء و الملوك و المفكرين و العباقره من اي بلد غالبآ يتزوج بشكل خاص
​