أي واقع مر صراحة لطلبة الإحصاء ، وكل الأماكن المذكورة صعب الواحد يحصل شغل بدون ما يكون من طائفة معينة هذا واقع
بس لو إنتي مآخذة ماينر رياضيات شان ممكن تحصلين في التربية
أو ماينر CS وبعدين تكملين BS وشوفي شان تشتغلين أي شغلة بهذا التخصص الإضافي
واقع مر صراحة ، والمسألة مو مسألة إدارة فقط ، المشكلة مشكلة بلد ما فيه تخطيط كونه استهلاكي
في الغرب ، كل تخصصات العلوم مطلوبة في أماكن عدة ، احنا بس التربية
لأن ما عندنا أماكن تبحث في الأجنة وعلم الوراثة مثل الغرب أمريكا والغرب
أكو قصوا على الناس انفلونزا الخنازير ، حتى مو عارفين يحللون عدل ويشخصون عدل
ما أدري ليش يدرسون طلبة الطب 6 إلى 7 سنوات على شنو ، حدهم بندول وما أدري شنو
والجراحين إذا جو وخلصوا يخلصون من برة
ما عندنا شركات تهتم بطلبة الفيزياء مثل شركات السيارات أو المنتجة للديناميكا مثل ما تحتاج المهندسين الديناميكيين بعد ما عندنا
ما عندنا أبحاث كيميائية ، تبحث لينا على الأقل لتصفية الجو من الكبريت المنتج من قبل شركة بابكو وألبا ، وإذا بغوا يصفون الجو جابوا من برة
ما عندنا شركات تحتاج إحصائين ومحللين للأسهم حق تشوف أسهم الشركة ومبيعاتها في السنوات الماضية والمقبلة في المستقبل ولــ 10 سنوات القادمة كلش
ولا حتى يحتاجون أحد يدرس احتمالات الخسارة والربحية ، ما عندنا إلا هالنفط إلي ينباع وفلوسه تروح CBB
بالنسبة للرياضيات بعد حدنا تدريس ، سواء في مدرسة أو معهد أو جامعة
وهذا احنا لو ندرس من الحين لين ما يجي الأجل ، ما راح يتغير شيء
في الغرب الرياضيات عندهم شيء غير ، فيه دراسات وبحوث معقدة مطلوبة ومشتركة مع الفيزياء في دراسة الصواريخ وحساب الوقت ومراقبة متى يوصل الصاروخ مثلا ومتى يتفكك ويروح القمر الصناحي يسبح في الفضاء الخارجي
احنا عندنا بحرين أحسن محل ، أحسن من تاج محل ، وجواز أبو 500 فلس يوزع
لا ويساومون عليه بعد ... سياسي خطير
في النهاية يا أختي الكريمة الشغل مو عيب ، إن شاء الله لو تشتغلين في برادات كيشر مثلا ، وينه العيب ، تشتغلين وتآخذين فلوس بتعبش ، أبد مو عيب ، لين ما الله يفرجها وتحصلين في شركة مثل ما تحلمين وأحسن إن شاء الله
أو ليش ما تشتغلين في بتلكو ، بتلكو واجد يشغلون عادي ، وتحصلين راتب معقول
يمكن مع الأيام يطلع لينا جيل يخترع لينا اختراع
ولو كوني ما أشوف إلا اختراعات سياسية فاشلة ، وكل سنة أخس من الثانية
توكلي على الله يا أختي والشغل مو عيب ، والقناعة كنز لا يفنى ، متى ما حصلتين شغلة زينة ، تمسكي فيها لأن أنتي تشتغلين وتصرفين على روحش ، وقولي الحمدلله كما هو أهله حمدا كثيرا والله لا يحوجنا لغيرك يا كريم
تحياتي الحارة ... Mystro
