غربة .. في أحضان المجهول

[أوسكار]

تواضع وعيش مع الناس في افراحهم وأحزانهم , حسسهم بإنهم يعنون لك شيء
الحياة شراكة بين الكل .. أساسها العمل الجماعي ,,
متى ماحسيت في يوم بإنك افضل من الكل .. بينتهي دورك وبتصير في الهامش​

 

[أوسكار]

أنا خويك اللي ليا طحت شالك
لا ضامتك دنياك والوقت بك مال
أنا يمينك شدني في شمالك
يمنى بلا يسرى ترى حالها حال
أنا عزك وعزوتك لا جرى لك
من تاعس الدنيا هواجيس وأهوال
ماني من اللي لا أغتنى ما وفالك
لو لك علي من الجمايل والأفضال
وماني خويك كان وقتك صفالك
أنا أخوك لا أدبرت فيك الأحوال
​

 

[أوسكار]

هم علموني .. اللي ماتعلمته في سنين
عشت معاهم أجمل أيام
كنت أهوجس فيهم ليل نهار

حتى بعد مافارقتهم صرت حبيسة ذكراهم
..,,​

 

[أوسكار]

أعترف إني ما أحب المدح ولاأعرفه
......,,
نادرا ماأصدق كلمات المديح والأطراءات
أجوف فيها نوع من المجاملة والمبالغة

مو الكل طبعا يجامل ..,,
لكن الكلام الحقيقي اللي ينبع من قلب صادق يدش القلب على طول والواحد يقدر يتقبله
اما بعض الكلام حقيقة حتى لو كان في إطراء لذاتك تحس إن ماودك تسمعه
لأنك من الأساس مو مصدقه ولاحاس فيه
مجرد حروف فوق بعض ..يؤدي فيها البعض مهمة

المعاني الظاهرية ماتعجبني
أحب أحس بكل شيء بمعناه الحقيقي
أحب الصدق بكافة أنواعه المكتوبة والمقروءة والمسموعة والمرئية ..إلخ ​

 

[أوسكار]

2010 ....,,
العام اللي كان بداية فعلية لقصص مالها نهاية
محاولات لفهم طبيعة الأنفس البشرية
ماأنكر إن البداية كانت مبهرة اندمجت معاها اندماج كلي
نسيت نفسي وقتها ...,,
وتناسيت بعض القيم لصالح أسس واهية
:
بعد فترة من اللعب ياتني صحوة ضميرية
عرفت مدى فداحة اللي كنت أسويه
حسيت لوقت إني فقدت احترامي لنفسي.....,,
ندمت ندمت ندمت لأني ماأحب نفسي تطيح من عيني

تألمت وتعلمت .. ,,
سهل الواحد يضحك على نفسه ويقنعها بالغلط
ليش ماأسوي اللي أبيه طالما ماأتجاوز حدودي ولاأغلط على أحد
ليش ماأضحك وألعب وأتغشمر نفس غيري ... كلام كلام كلام
كلام كثييير أغلبه مقتنعين في داخلنا إنه غلط .. لكن نصر عليه

2010 عمري ماراح أنسى اللي غيروني
اللي صدموني اللي زعلوني اللي فرحوني اللي فاجئوني
عمري ماراح أنسى اللي علموني
شلون أنسى اللي معاهم عرفت شمعنى احترام النفس



​

 

[أوسكار]

احنا شعوب كلما أحد وقف في طريقنا أو ماوافقنا الرأي قلنا عنه سيء وطلعنا عليه الأباطيل والإشاعات ...
دايما نبيهم معانا في حق ولاباطل ودايما ندور على اللي يحقق أمنياتنا ومتطلباتنا بدون كلمة لا وبدون أي اعتراضات ...
إما أو ماعندنا حلول وسط أبدا ..,,​

 

[أوسكار]

يارب .. ياكريم حقق رجانا ولاتردنا خائبين ​

 

[أوسكار]

غلطان اللي مايعرف قيمتج ...,,
غلطان اللي النعمة بين يديه ومومقدرها ..,,

"لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيد"​

 

[أوسكار]

أستغفر الله ​

 

[أوسكار]

أقسم بأني لااريد سواها ..,,
يارب أرزقنا فرحة نسعد بها قلوب أحبتنا

..,,​

 

[أوسكار]

الصعوبات تنسى بسرعة وتبقى الذكريات الجميلة فقط ..,,​

 

[أوسكار]

لارغبة بي لفعل أي شيء...,,​

 

[أوسكار]

دائما مانضع اللوم على الزمان"تغير الزمن,الزمن ماعاد نفس قبل,زادت مشغولياتنا في هالزمن...إلخ"
لكن مايتضح لنا مع إشراقة كل صباح أن الزمان بريء من تهمنا له ..
هم البشر من يتغيرون ويتلونون ويتشكلون...
بين ليلة وضحاها تدرك أن من عرفته بالأمس لم يعد كما كان...,,
نحن من نتغير ... فلا الشمس حلت مكان القمر ولا القمر حل مكان الشمس ,,​

 

[أوسكار]

غريب .. عجيب بس متوقع ​

 

[أوسكار]

- قلبي تغير حيل حتى معايه
- لو اسأله وش قصته ما تكلم

- اما على شانه ( تعلم كفايه )
- ولا على شانه ، كفايه تألم
​

 

[أوسكار]

في شيء موقادرة أصدق إنه غير موجود
والمشكلة إنه صار يسببلي مشكلة في تعاملاتي مع الغير ..,,

أحس بفقدان الثقة تجاه الآخرين بشكل كبييير ..,,​

 

[أوسكار]

أحيانا أحس إنه أكرهههم كره ماله حدود
وأحيانا أحس إن أحبهم لدرجة مستحيل حد يتصورها

أحبهم لدرجة الكراهية
وأكرههم لدرجة إن ماأتخيل حياتي بدونهم

مايستاهلون كل هالحب
ولايستاهلون الأمانة اللي رب العالمين حملها لهم
صون مشاعر الناس امانة

بس للأسف كثيرين ماصانوها وفرطوا فيها ..,,​

 

[أوسكار]

مافهمت الناس لكن فاهم إخلاصي ومقامه
بصحب الأيام وامشي وأسأل الله السلامة ..,,​

 

[أوسكار]

تم الإرسال ..,,

يارب تكون فاتحة خير علي ..,,
​

 

[أوسكار]

الطيور تأكل النمل وعندما تموت فإن النمل يأكلها
الظروف قد تتغير فلا تقلل من شأن أحد فربما تكون قوياً اليوم ولكن تذكر الزمن أقوى منك​