مقابلة طلبة المستجدين ؟

[أمواج]

ما يحتاج يجاوب و لا حتى يروح المقابلة ، و يروح أدور إليه مكان غير جامعة البحرين ، لأن حتى لو بيقبلونه فشلون بيدرس و بيحفظ المقررات و خصوصًا بأن كل المقررات بالإنج
بس طبعًا إلا بروح عربي أو دين أو حقوق ... فتكون أسئلة الأنجليزي محدودة أو حتى ما يسألونه لأن يدرون بانه ما راح هذه الاماكن إلا لأن هو ما يعرف إنجليزي
​

لا مو شرط .. اللغة الانجليزية مع الايام تكتسبها .. و ما تشكل عائق كبير .. خصوصا لين التخصص أقرب للفهم
و لا ننسى ان الدكاترة معظمهم عرب يعني يشرحون بالعربي

 

[Ali Hassan]

لا مو شرط .. اللغة الانجليزية مع الايام تكتسبها .. و ما تشكل عائق كبير .. خصوصا لين التخصص أقرب للفهم
و لا ننسى ان الدكاترة معظمهم عرب يعني يشرحون بالعربي

بس هي قالت ، إلا ما عرف يجاوب على أسئلة الإنجليزي في المقابلة ... فشلون بيقبلونه أصلاً و هو ما يعرف حتى يتكلم نبذة عن نفسه ؟؟؟
​

 

[تأمل]

خفت عفر ، الله يسهل ​

 

[قيثارة الروح]

احس جداً برتبك وخصوصا اني خجولة واجد :tears:ربي يسر ولاتعسر :tears:ياريت يصير مااروحها!!
واذ سالوني سؤال صعب بالانج وماعرفته بسكت ومابجاوب بعد وشسوي اقولهم موفاهمه :mellow:

 

[Z.E.E.Z]

ذكرتوني بالذي مضى < حشى
المهم اهم شيي تدخلون وانتون واثقيين من نفسكم سواء مقابلة بعثات او جامعه البحرين ., لا تهزون رجايلكم ولا تشبرون وتعبرون في اياديكم .. لانه هذا يدل انكم مرتبكين ..
الأسألة اللي سألوني اياها في المقابلتين كانت
عن طموحي وهدفي في الحياة .. او يقولون لي مواقف وشلون بتصرف فيها .. الانجازات اللي سويتها .. كلمات نعربهم , و اذكر الاسماء الخمسة ..
افلام طالعناها وشنو استفدنا منها .. ليش اخترت هالتخصص ,, وبالانج اعرف بنفسي وشنو احب وشنو ما احب .. شلون اغرس حب البحرين في الجهال ,
اذا جو سياح من برا شنو انصحهم يجوفون .. شنو الاعمال التطوعية اللي قمت فيها ..
شنو تعني ليش البحرين ؟ شنو هو البيت اللي حق ابو قاسم الشابي وانشهر في ذاك الوقت - كانو يقصدون اذا الشعب يوماً اراد الحياة ... قلت لهم ما اعرف جان يسون مانصدق !وتالي قالوه لي وقلت اي مادري انه لأبو قاسم وو اذكر اسامي شعراء من الجاهلية و اذا كنت استخدم تويتر او فيس بوك ..
وو سألوني من وين انتين الأصل يعني يوم قلت ليهم من المنامة جان يقولون ليش جاية مدرسة في مدينة عيسى !

هاي الأسالة مال المقابلتين البعثات والجامعه ..

بالتوفيق جميعاً + بالعكس حليو الشي مايخوف دخلو لمقابلة جنكم رايحين تسولفون عن الملل يسألون وتجابون

 

[قيثارة الروح]

^^
ههههههههههههههه ريحتيني شوي خيو يوم قلتين حليو كانكم رايحين تسولفون