ما رأيك في من يشاهد الأنمي والكرتون لحد هذه المرحلة العمرية؟؟؟!!!!

[UOB-BH]

لو يحطون جورجي أطالعها​

هههههه

 

[Mechanolik]

اتابع ناروتو شيبودن + ون بيس
بشكل مستمر وبشغف ... بس مو الدبلجة العربية اكيد !!
انزله من النت اول بأول
ولولا ضيق الوقت كنت تابعت اشياء ثانية بعد

اعتقد شغلة عادية الإنسان يحتاج يرفه عن نفسه ...

 

[math lover]

بلوس طالع جورجي على اليوتيوب فيه كل الحلقات
اني طالعته كامل وبعد خاطري ارد اطالعه عجييب

 

[AL-MU’allim]

يعني إذا ما عندي شي أطالعه لازم نفر على سبيس بور أو سبيس تون مثل سيف النار ون بيس و وعدنان ولينا
كابتن رابح هذي الرسوم الي خلتني أحب كرة القدم من ابتدائي حتى كنت ألعب داخل البيت وما أخلي شي ما أكسره <<< بس هذا قبل ههه

 

[AL-MU’allim]

وما أنسى بالنسبة لجورجي تابعت كل حلقاتها
صدق رسوم أول واجد عجيبة

 

[بلوس]

جورجي سيديات مشترنهم من المقاصيص اطالعه ساعات

شكلي بشتري كابتن ماجد الجزء الاول و الثاني ​

 

[the hunter]

بالنسبة اليي إدمان أنمي + بلايستشين بشكل عنيف (*_*)
الحياة بدون أنمي وبلايستشن ماليها معنى ...... (^_^)

 

[Tul!p]

في داخل كل إنسان طفل ,
فعآدي لو يحب الانمي او الرسوم الكرتونية فقط !
ويكره الافلام الاجنبية والمسلسلات التركية ,
الطفووولة صح مرحلة لكن الارواح تظل طفلة حتى بعد ما نكبر ,

وبالعكس لما تشوف هالاشياء تنسى هموم الدنيآ
وما تفكر بشي ​

 

[SAYED.A]

ما في ع ون بيس .. وبس ..

 

[natso]

اي ون بيس الأول على كل النميات روعة

 

[حُسيْنيّ النّبْضِ قَلبي]

ههههه خالي متزوّج وعنده 3 جهال ولحّين يطالع إيّاهم رسوم
الشّي كلّش عادي وأبدًا ما يقلّل من قيمة الشّخص

أني أحب الرّسوم . . ساعات أقعد أطالع ويّه أخويي سبونج بوب وتوم وجيري
وأحلى شي إلين نتجمّع أني وخواتي وأخويي ونحط سيديّات لتوم سوير وماروكو وجورجي . . حدّه عجيييييب
وما في على رسومنا القديمة الحليوة
سنان ولوسي وبومبو وكابتن ماجد الّي أموت فيه ​

 

[UOB-BH]

من لحق على شريط الفيديو الصغير اللي بهالشكل:

بعدين تطوروا وطلعوا الأشرطة لكبار

أنا أقصد الصغير اللي فوق تذكرونه؟ 1990-1995 كنت اطالع فيه رسوم

 

[حُسيْنيّ النّبْضِ قَلبي]

من لحق على شريط الفيديو الصغير اللي بهالشكل:

مو أني
حزّتها كان عمري ثلاث سنوات ما قمت أفهم إلا انقرض شكله
أصلًا توني أدري إنّ كان شكله چذي قبل ما يتطوّر ​

 

[qassoomy]

بعدين تطوروا وطلعوا الأشرطة لكبار

وصلنا لهذة

سالي
كاسبر
جومانجي

ما اتذكر الباقي

 

[UOB-BH]

مو أني
حزّتها كان عمري ثلاث سنوات ما قمت أفهم إلا انقرض شكله
أصلًا توني أدري إنّ كان شكله چذي قبل ما يتطوّر ​

هههه، أقولج تخلين الشريط تسمعين أصوات كأن حرب داخل الفيديو لين يشتغل بعد 10 ثواني راحوا الطيبين

 

[حُسيْنيّ النّبْضِ قَلبي]

هههه، أقولج تخلين الشريط تسمعين أصوات كأن حرب داخل الفيديو لين يشتغل بعد 10 ثواني راحوا الطيبين

بلل . . سكّنهم في مساكنهم
أشوه عجل ما لحقت عليه ,, صغيرة وأشهد حروب ​

 

[math lover]

^^
الشريط الصغير مالحقت عليه
بس يوم ننتقل بيتنا الجديد واحنا نعدل الاغراض طلع عندنا شريط صغير وصار وجهي جذي

 

[natso]

انا استعملته، الصغير والكبير، واتذكر انه يوم كنت صغير ما كانت سبيس تون تطلع عندى طلبت من خالتي تسجل ليي سبيس تون في شريط كبير وتجيبه، والشريط هذا مازال على قيد الحياة ههههههههههههههههههههههه

 

[نجمة تشرين]

اشرطه الفيديو
لا شفت لكبار بس اما جذي صغار ما لحقت

 

[UOB-BH]

انا استعملته، الصغير والكبير، واتذكر انه يوم كنت صغير ما كانت سبيس تون تطلع عندى طلبت من خالتي تسجل ليي سبيس تون في شريط كبير وتجيبه، والشريط هذا مازال على قيد الحياة ههههههههههههههههههههههه

أنا أكلمك عن الفترة اللي ماكان فيها دشات أصلا، كان عندنا أريل على شكل حرف V يكون فوق التلفزيون ونقعد نحرك فيها ولازم واحد يوقف صوبه عشان توضح القناة مثل اللي بالصورة

واذا اخترب نخلي محله علاقة ملابس، نفتحها ونسويها أريل

بعدين تطور العالم شوي واشترينا أريل نخليه فوق السطح شكله جدي

كان اختراع خطير، تقريبا كان يطلع 10 قنوات، وتحت عندنا جهاز تحكم نقدر نخلي الأريل اللي فوق يفتر عشان توضح القناه

ساعات يخلص الرسوم واحنا قاعدين نفرفر فيه