استفسار عن الهندسة المعمارية ..

[Bentoo Mansoor]

السلام عليكم .. بس بغيت أستفسر عن الهندسة المعمارية ،، و خصوصاً إن كانت رغبتي الأولى .. بغيت أعرف المواد اللي يرتكز عليها التخصص و خصوصاً إني كيم حيا .. ونبذة عن التخصص بـ شكل عام .. وهل في إحتمالية إن يقبلون معدلات في الثمانين مثل اللعام أو لا ؟! و شكراً !

 

[zahra h]

في اي تخصص
لما تكون نسبتش ثمانين
تكون عندش فرصه كبيره انش تحصلين اول رغبه

 

[ME101]

أني بعد هندسة معمارية ..وأول سنه بعد ..
الهندسة المعمارية يبي لها شغل أكثر من دراسة خاصة في السنوات المتقدمه لكن في السنوات الأولى تحتاج إلى دراسة يعني تاخذين الأساسيات والسنوات الي بعدها تطبيق..

الهندسة المعمارية موادها اشوية صعبة في البداية بس إذا ركزتين كل شي تمام وكل سنه تتقدمين راح تصير المواد أسهل بإذن الله ..
وحاولي تمشن على الخطة كثر ماتقدرين لأنه المعمارية موادها واايد ودراستها طويلة وتعتمد على بعض ..بس لاتخافين لأنه المواد حلوة ..
وإذا حطوش تمهيدي حاولي تقدمين الإمتحان وتدخلين مباشرة في مواد التخصص وإذا ماقدرتين أخذي ماده من المواد المشتركه في أول فصل مع التمهيدي عشان يكون معدلش زين وتفتكين من ماده..

أتمنى إني
أكون أفدتش ..وبالتوفيق..

 

[Bentoo Mansoor]

ممكن أعرف شنو المواد التابعة للهندسة آللي أقدرها أول فصل لين دشيت تمهيدي . .
و جم مآدة أقدر آخذ ؟!

 

[zahra h]

جوفي لما تدخلين تمهيدي
ما تقدرين تاخذين مواد تخصص
يعني تاخذين يا عربي يا اسلاميك يا هيستوري
ما تقدرين تاخذين غيرهم

والكورس الا عقبه هم بنزلون لش جدول وبعدين انتين تبدين تنزلين جدولش

 

[January~Queen]

اني خبري المعمارية ما يقبلون الا اللي في التسعين
و في حالة اذا بتحولين و بكون المعدل فوق الـ 2 او 2.5 مو متذكرة بالضبط
يعني لازم تكونين دارسة كورس

 

[Diplomatic]

كل التخصصات يقبلون حتى لو 70 % .....
بس يعتمد على نسبه الطلب على التخصص نفسه .. وباقي العوامل منها المعدل الثانوي والمقابله الشخصيه وامتحان القدرات .

ياماا ناس معدلهم في 70 % ،، سوو زين في امتحان القدرات وراااحوا الاايبونه ،، وغيرهم لنفس التخصص معدلهم فوق 80% ماسوو زين في امتحان القدرات وما انقبلوا .... خلاصه الموضوع السالفه مو جايه بالمعدل وبسسس ،، في اشياء ثانيه بعد ،، وعلى حسب علمي امتحااان القدرات اهم شي ...

يالتوفيييييييق اختي

 

[January~Queen]

سبعين و عمارة .... قوية صراحة .... الا اذا الدفعات اللي بعدنا مدلعين

 

[Diplomatic]

لا اختي كوين ااناا ما اتكلم عن الهندسه المعماريه ،، المعماريه والمدنيه يبي ليهاا معدل فوق حتى تنقبل ..
اتكلم عن التخصصات بشكل عام، انه المعدل الثنوي مو كلشي للقبوول، في اشيااء ثانيه تحدد بعد ..

 

[Numbers]

السلام عليكمــ ..
اني بعد طالبة مستجده وطلعت لي بعثه هندسه معمارية في جامعه البحرين ..
كان من ضمن ال12 يعني

لما قريت عن التخصص شدني ..
بس أمبي اعرف أكثر عن الحياة الهندسية في جامعه البحرين ..
الدراسه والتدريس ..
مستقبله .. خصوصا للبنات .
أتمنى أنكم تساعدوني ..