بفتح جرح في وجهي !

[moto l6]

السلام عليكم

المهم عندي جرح , او بالاحرى دائرة حمراء احس فيها نفس الدم او المادة متجمعة داخلها

وقلت بفتحها هو يعني مو بفتحها , بنغزها خفيف بأبره


ويش قولكم , احد جرب من قبل !؟


بعد سؤال اذا عندي اثر احمر توه طالع كم يبى ليه علشان يروح ؟
​

 

[حُسيْنيّ النّبْضِ قَلبي]

شلون يعني دائرة حمرة؟

هل صايرة مثل الكتلة متجمّع فيها دم أو حبّة طالعة إلك؟

إذا كانت كتلة دم وطالعة شوي يعني صايرة مو في مستوى الوجه روح لدكتور أفضل
لأنّ بنت خالي طلعت إليها في رجولها چذي وكل ما جه إليها تكبر
فراحت لدكتورة متخصّصة في الجلد واستأصلتها إليها


نصيحة لا تعوس في وجهك لأنّ يمكن يسبّب إلك أشياء مضاعفة وما يروح أثرها
وخاصّة إذا ما كانت حبّة . . فتروح لدكتور متخصّص أحسن
وما تچوف شر وإن شاء الله ما فيك إلا العافية ​

 

[نجمة تشرين]

امم
الا فهمته
ان فيك مثل الحرار ((حبوب ))
احمر كأن فيه دم
و تبي تعصره عشان تطلع اله فيه
هذا اصلا مو دم هذا لو بتضغط شوي بتشوفه ان منتفخ من داخل مثل الكورة اقصد من ورى الحرارة
فخلها لا تعبث واجد
لان من تحت بيطلع الوصخ الا فيها و غالبا تكون دهون
و بيخف من تحت
اتباعد عن الكاكو و الحلاوة اهو الا يسبب هالسوالف
و لا تاكل اشياء مقليه واجد
لان حتى لو نغزته بابرة ما راح يطلع شي
هذا لو كان نفس وصفي
انا صادتني مرة و جربت و عصرتها و بعدين بروحها طلع اللي داخل
بس لا تحوس واجد عشان ما يتم اثر

 

[zahra h]

أهم شي ان ما تعوووس فيها
ولا تغزها بإبره ولا هرااار

إذا مثل الحب في الوجه خلها فتره وتروح بروحها
اما اذا شي ثاني فتابع اخصائي

وبلا فتح بلا بطيخ

 

[moto l6]

هي صايرة جذي تقريبا


انزين ما حد جاوب على سؤالي الثاني

 

[UOB-BH]

وبلا فتح بلا بطيخ

رايي من راي أختي زهرة

 

[zahra h]

هي صايرة جذي تقريبا


انزين ما حد جاوب على سؤالي الثاني

وش يعني أثر أحمر
يعنه حبه
يعني ضربه ؟؟
وش يعني اشرح عدل عشان نفهم

 

[jαғғαя]

هذه مو حبه نسيت شنو يسمونها

المهم روح المستشفى او الصيدليه بيعطونك كريم تخليه عليها وبعد جم يوم بجوفها راحت

 

[حُسيْنيّ النّبْضِ قَلبي]

بعد سؤال اذا عندي اثر احمر توه طالع كم يبى ليه علشان يروح ؟

قرأت مرّة موضوع عن الحب الّي يطلع سواء في الوجه أو أي مكان ثاني في الجسم
يقولون إن ما حست فيها تتم حوالي 7 إلى 8 أيّام
بس إذا لمستها وقعدت تقشّرها وما أدري شنو تاخذ وقت أكثر على ما تبرى
وعلى ما يروح أثرها بعد وأمّا راح أو لا . .​

 

[حُسيْنيّ النّبْضِ قَلبي]

هي صايرة جذي تقريبا


انزين ما حد جاوب على سؤالي الثاني

هذا حب عادي نتيجة زيادة دهون في الجسم . . أو تغيّر هرمونات
بس إذا لهالدّرجة مضايقتنّك روح المستشفى ​

 

[moto l6]

امم

انزين عندي اثر احمرار من حبة وليس انتفاخ توها من 3 ايام

ويش احط عليها , انا احط عليها ديفرين مقشر ينفع ؟؟
​

 

[zahra h]

شرايك تروح للصيدليه

والله اني ما ادري ما جربت ما يطلع لي حب
بس هي سمعت ان عادي جم يوم ويروح
بس ربط ايدك عنه ولا تلمسه خير شر
والدنيا بخير بتكون

 

[حُسيْنيّ النّبْضِ قَلبي]

امم

انزين عندي اثر احمرار من حبة وليس انتفاخ توها من 3 ايام

ويش احط عليها , انا احط عليها ديفرين مقشر ينفع ؟؟

إلين طلعت إليّي حبّة في وجهي . . وهو نادرًا يعني إن طلعت ساعات أقشرها ويبقى أثر خفيف ويروح بعد فترة
وساعات ما أحوس فيها وتروح من غير ما أستخدم شي . . خاصّة في وجهي أخاف لأنّ تطلع علّة ثانية أو شي وبعدين يتشوّه وجهي

بس إذا إنت هذي عندك مشكلة روح المستشفى أحسن
بيعطونك كريم من وصفة دكتور أحسن من خبراتنا احنه ​

 

[نجمة تشرين]

moto شكله مثل الا قلتا اني
هي دهون
انت عندك مشكله في بشرتك
هاي عقب فترة بتنفجر و تطلع الا فيها و شويه دم
لكن حاسب روح لدكتور شوف علاج لبشرتك
اذا كلش مأدتنك اضغط عليها بايدك بالعدال لكن اذا ما طلع لا تواصل خله بيطلع يوم ثاني بس لا تدخل ابر و هالسوالف ما تدري فيها ميكروبات شي مني مناك حاسب
و اذا طولت اكثر من 5 ايام و ما انفجرت روح راجع اختصاصي
و ما عليك شر ان شاءالله

 

[موتو]

صراحتن شي عادي كلش
إنغزها بإبرة
بس الابرة لازم تحرقها لمى تصير حمرة ( عبارتن تعقيم بالحرارة )
وتالي تعصرها ويطلع الوصخ كامل

 

[moto l6]

moto شكله مثل الا قلتا اني
هي دهون
انت عندك مشكله في بشرتك
هاي عقب فترة بتنفجر و تطلع الا فيها و شويه دم
لكن حاسب روح لدكتور شوف علاج لبشرتك
اذا كلش مأدتنك اضغط عليها بايدك بالعدال لكن اذا ما طلع لا تواصل خله بيطلع يوم ثاني بس لا تدخل ابر و هالسوالف ما تدري فيها ميكروبات شي مني مناك حاسب
و اذا طولت اكثر من 5 ايام و ما انفجرت روح راجع اختصاصي
و ما عليك شر ان شاءالله

5 ايام
صار ليها شهرين

 

[نجمة تشرين]

5 ايام
صار ليها شهرين

عجل شوف حاول تضغط عليها بايدك
و لا تدخل ابر و ما ابر
ما فاد روح اخصائي
نصيحه

 

[zahra h]

صراحتن شي عادي كلش
إنغزها بإبرة
بس الابرة لازم تحرقها لمى تصير حمرة ( عبارتن تعقيم بالحرارة )
وتالي تعصرها ويطلع الوصخ كامل

:mellow:

 

[رحيق ورد]

من صدقكم فاتحين موضوع طول وعرض عشان حبة
صلو على النبي ..
لاتلعب بوجهك هو بروح بروحه
بس استخدم كريمات تنظيف او صابون
مابروح اثره لو شنو تسوي اذا سويت جدي

 

[moto l6]

صراحتن شي عادي كلش
إنغزها بإبرة
بس الابرة لازم تحرقها لمى تصير حمرة ( عبارتن تعقيم بالحرارة )
وتالي تعصرها ويطلع الوصخ كامل

موتو جربت انت من قبل ؟