موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

طلبــة المااااث تعالوا هنا :)

الوفا طبعي

Well-Known Member
تاريخ التسجيل
22 فبراير 2009
المشاركات
141
المجموعة
أنثى
الدفعة الدراسية
2008
الكلية
كلية العلوم
التخصص
Mathematics

بسم الله الرحمن الرحيم
السلام عليكم ورحمة الله وبركاته
شلوونكم شخباركم
شخبار الاسابيع الاولى
ان شاء الله الدراسه تمام x تمام
:icon30:
حبيت اتناقش مع طلبة تخصص الماث
انا الحين سنه ثانيه << الدرب طويل :tears:
وعندي الخطه بس ما مشيت عليها عدل
اول كورس كنت اورينتيشن
وثاني كورس
خذيت ماث 121
فيز 101
اسلام 101
انج 125
والصيفي اخذت
ماث 122
تاريخ 121
وهالكورس اخذ
ماث 204
ستات 271
انج 126
سي اس 100
عرب 110
ادري طولت عليكم :blushing:
باختصار ابيكم تساعدوني ومن خبرتكم
شنو المواد الاساسيه الي المفروض اخذها قبل
او المواد السهله الي تنصحوني اخذها قبل المواد الثانيه
والمواد الاختياريه تنصحوني باي مواااد
واذا تقدرون تعطوني فكره عن المواد والدكاتره لاني ما اعرف دكاترة الماث كلهم
الي اعرفهم محمد عبدالله واحمد عياش بس :nosweat:
اتمنى تتفاعلون معاي بالموضوع
والقى اجابات منكم تفيدني وتفيد غيري من الطلبه
ولكم جزيل الشكر
:rolleyes2::smile::rolleyes2:

​
 
وعليكم السلام والرحمة
أهلا بك في عالمنا

الحمدلله اشوفش ماشية تمام ومو متأخرة وترى مو شرط تطبقين الخطة بالضبط:smile:

طبعا أكثر مواد تفتح مواد هي ماث 122 و205 (و204 شوي)
و211 بعد مهم لأن من بعده 311 وثم 312

أني أنصحش الكورس الجاي تنزلين ماث 211 و253 (و205 أهم وحدة)
والكورسات اللي عقب بينفتحون لش مواد واجد..اللي تشوفينه يناسب وله الأولوية نزليه
253 بعد أحسها مهمة..211 ما أخذته الا الكورس الرابع لي عادي يعني ما عطلني
اذا اخذتين 205 بتقدرين تاخذين 381 ومن بعده 401 و395 غير عن مواد الماث الاختيارية اللي تعتبره متطلب سابق له
يعني هذي يمكن أهم المواد اذا ما نسيت شي

امممم نقطة بعد
أني أفضل ان توزعين المواد اللي فيها لابات على الكورسات(مثل كيم101 وفيز 102 وحيا 102 وسي اس 102 و215)..يعني كل مادة فيها لاب في كورس أو بالكثير اذا صار عندش مادتين..اريح لش:shiny:

سي اس 102 حاولي ما تتأخرين عليه ويفضل تاخذينهم ورا بعض عشان لا تنسين

ما ادري قصدش أي مواد اختيارية مال ماث لو ال H/S والفري الكتيف
الاثنين توني هالكورس مبدية فيهم
لكن مواد الماث المشهور عنهم من لفل 3 سهلين يمكن(385 و307)ومن لفل 4 (441 و402)>>>>احس توها الناس عليهم بالنسبة لش:smile:
ال H/S والفري الكتيف
كل واحد وميوله ناس تحب مواد الحفظ وناس اللغات وناس مواد البزنز يعني انتين وميولش:smile:

بالنسبة للدكاترة كفاية انش تعرفين محمد عبدالله(درسني 3 مرات) وعياش:cupidarrow: لأنهم من أفضل الدكاترة:icon30:


وسميرة بعد حبوبة وطيبة درستني ماث 253

ومهند عجيييب(شرحا وأخلاقا) درسني 381

عبد العزيز حمادي (أني من النوع اللي يبتعد عنه)درسني 205

عجبني نايل لما درسني(ناس واجد ما يعجبهم شرحه ودرجاته)
سلمان عباس طيب(بس ساعات احسه يفضل ناس على ناس)

عبد السلام المناعي بعد ما افضله(درسني 122 وعقدني في الماث من ثاني كورس لي)

وفي الستات درسوني لحجي وساتيش اثنينهم زينين

هذلين اللي درسوني وعلى بالي الحين...ما ادري يمكن نسيت واحد منهم بعد:blush-anim-cl:

في المستقبل اذا جيتين بتنزلين مواد لا تترددين في السؤال واحنا حاضرين:bye1:
 


الأخت دموع شرحت كفاية ، والحمدلله ..
بعد ما خلصت الدراسة ، كل الدكاترة تقريبا زينين رغم كم واحد الأفضل ما أحد يقرب صوبهم


نايل زين واجد زين ، بس من طخة الحمادي في الدرجات طبعا ... عادي يخلي لأي طالب +C ويمشيه

درسني MATHS401 ما أدري من وين جت +B من جيبه لو من وين الله أعلم
فلت الدرجة بالكيرف داون ومشى

الحمادي ما عنده كيرف داون ، أغلب السكشن +C وما أحد يقدر يكلمه ولا بيفتكر لأحد درسني مادة وتبت

من الدكاترة الجدد .. دكتور كفاح روعة
دكتور أحمد عياش طبعا غني عن التعريف
دكتور سلمان عباس واجد زين ، دكتور محمود عبد العاطي في مادة MATHS385
مرشدي الأكاديمي وافتخر فيه
دكتور محمد عبدالله ومهند وناصر متولي ثلاثتهم إذا دسوا MATHS381
أو MATHS395 أو أي شيء فهم دكاترة ثقة

MATHS441 و MATHS402 طبعا عادة دكتور شكري يدرسهم زين واجد زين
مواد سهلة

H/S أنا أخذت FREN141 مادة سهلة على حسب الدكاترة إلي يدرسونها
والأسهل يقولون GERM101

مواد FREE ELEC. لازم بالنسبة ليي أنصح بمادة ACC112 وتالي اختاروا أي شيء يعجبكم في المواد البقية لأن الأكاونت جدا سهل

المواد المشتركة خصوصا CS ما تتحمل التأجيل
حتى في الفيزياء ما انصح بالتأجيل ، بس عادي أنا أخذت PHYCS101 في البداية وأخذت PHYCS102 في النهاية ، أنتوا طلبة رياضيات والفيزياء المفروض يكون من المواد العادية عندكم

وما عندي شيء أقوله بعد ، غير الله يسهل عليكم جميعا :smile:
​
 
اشكرج اختي دموع
كفيتي ووفيتي
ماقصرتي والله
~~
والشكر لك اخوي مايسترو
الله يجازيك كل الخير
ربي يعطيكم العافيه
:)
 
:blushing:
ممكن توضحون لي شنو يعني
H/S
J.P.Course xxx
موجودين في الخطه
بس ما فهمت شنو المقصود:nosweat:​
 
:blushing:
ممكن توضحون لي شنو يعني
H/S
J.P.Course xxx
موجودين في الخطه
بس ما فهمت شنو المقصود:nosweat:​

H/S مادة اختيارية من جانب مقررات اللغات
وناس تآخذ أي مادة اختياري بشكل عادي

J.P.COURSE مادة اختيارية تختارين أي مادة من التخصص في المواد الموجودة أسفل الخطة
وبالنسبة للرياضيات موجود ثلاث مواد

اختياري أي ثلاث مواد من أسفل تخصصية طبعا MATHS
ووحدة STAT وهي طبعا STAT372

​
 
قرب التسجيل المبدئي
وما اعرف شختار بالضبط:blushing:
الي اكيد وبإذن الله راح انزلهم
ماث 205
ماث 253
سي اسي 102
............

باي مواد تنصحوني بعد
وبكون شاكره لكم:smile:
​
 
المواد اللي اخترتينها أوكي
أني انصح بستات 371 وماث211 وكيم 101
صاروا 6 اختاري منهم
ننتظر الجداول وانشوف الأفضل:smile:
 
ينفع انزل ماث 303
لانه ماث 211 يقولون صعب وما يفتح مواد ثانيه اقدر اخذه بعدين
وانا حابه اخذ في كل فصل ماده فيها لاب
يعني ما ينفع اخذ الكيم الحين
والستات اممم ما عجبني 271 احس مو وقته هههههه
تنصحوني باي مواد ثانيه
:)
 

الكيم خفيف :shiny:
و بالنسبة لي 211 في البداية كان صعب بعدين صار سهل عقب ما فهمته يعني :nosweat:
تقدرين تنزلين مادة اختيارية اذا تبين :rolleyes2:
و الأحسن تواصلين على stat371 عشان ما تنسين :sly:
و السي اس نفس الشي :icon30:

ممممم
إذا بتنزلين 5 مواد من ضمنهم 3 مقررات ماث :sly:
اخذي لج مادة اختيارية معاهم عشان لا تنضغطين :rolleyes2:

​
 
ينفع انزل ماث 303
لانه ماث 211 يقولون صعب وما يفتح مواد ثانيه اقدر اخذه بعدين
وانا حابه اخذ في كل فصل ماده فيها لاب
يعني ما ينفع اخذ الكيم الحين
والستات اممم ما عجبني 271 احس مو وقته هههههه
تنصحوني باي مواد ثانيه
:)

بالعكس ماث 211 متطلب سابق ل311 ومن ثم 312 وتعتبر مادة مهمة ومن أساسيات الماث وما يصلح تتأجل واجد..ومن قال هي صعبة؟
ما نقول سهلة ماي بس عادية ومحتواها سهل نوعا ما لكن يمكن التستات تكون قوية شوي بالنسبة للطالب في البداية

أني ما انصحش ب 303 من الحين..ما اخذتها لكن المشهور عنها مادة صعبة وانتين اكو ما تبين تاخذين 211 لأنها صعبة فما بالش ب303؟؟
أفضل تأجلين 303 شوي...توها الناس عليها اتأقلمي على الماث وطبيعته بعدين فكري فيها

بالنسبة للستات والكيم...ما ادري يعني اللي تقدرين تاخذينها اعتقد على حسب المتطلبات السابقة اللي اخذتينها(فيز 102 وستات 371 وكيم 101 )
وتقدرين تاخذين بعد البيولوجي والمواد الاختيارية

وأني رشحت لش كيم 101 لأنها مادة سهلة وخفيفة حتى لو اخذتين السي اس وفيه لاب عادي يعني ما بيكون عندش تتوريال وارتباطات اكثر غير لابين
ومواد اللابات خصوصا الفيز والكيم كله تسبب تعارضات في الجدول فإنتين من تحسينها تركب على الجدول ركبيها عشان تفتكين في الكورسات الجاية وما تسبب لش تعارضات

والستاتات اني اخذتها ورا بعض عشان افتك منها..ستات 371 عاطين الطلاب فكرة عنها وكأنها مادة صعبة حدها وما تنفهم ولكنها مادة ممتعة جدا بس اللي فيها تحتاج متابعة أول بأول..

اذا تفكرين في المواد الاختيارية من الحين تقدرين تاخذين لأن مالها متطلب سابق مع إني أفضل تأجليها لوقت الحاجة (الوقت اللي ما يحصل الواحد مواد ينزلها ماله حل غير المواد الاختيارية:smile:)

هذا يا أختي مجرد رأي وفي النهاية أنتي من يقرر:icon30:

أمنياتي لك وللجميع بالتوفيق
:bye1:
 
التعديل الأخير:
اشكرج اختي دموع
ساعدتيني وايد بكلامج
والله يوفقني للاختيار الصح ويوفق الجميع
ربي يعطيج العافيه
:)
 

السلام عليكم ورحمة الله وبركاته


من افضل دكتور في هالمقررات
وشرحه ممتاز وتعامله مع الطلبه اووكي ؟؟؟؟؟



MATHS 205


Prof. A.aziz Al-hammadi,
Prof. Shoukry Hassan,
Dr. Mona Al-mannai,
Prof. Nail Sulaiman,


.............................

MATHS 211

Dr. Thuraya Juma,
Dr. A.Salam Al-mannai,
Dr. Ahmed Ayache,



........................................



MATHS 253
مو حاطين الا سكشن واحد مع الدكتور
Dr. A.Salam Al-mannai,
شلون شرحه اوكي او لا ؟؟


................................

STAT371
بعد هذا المقرر بس سكشن واحد مع الدكتورة
Dr. Mariam Al-mannai,
شرحها تمام او لا ؟؟؟


........................


انتظر ردودكم
:)
​
 
السلام عليكم ورحمة الله وبركاته


من افضل دكتور في هالمقررات
وشرحه ممتاز وتعامله مع الطلبه اووكي ؟؟؟؟؟



MATHS 205


Prof. A.aziz Al-hammadi,:thumbdown:
Prof. Shoukry Hassan, :icon30:
Dr. Mona Al-mannai, :schmoll:
Prof. Nail Sulaiman, :schmoll:


.............................

MATHS 211

Dr. Thuraya Juma, :confused:
Dr. A.Salam Al-mannai, :thumbdown::schmoll:
Dr. Ahmed Ayache, :icon30::blushing:



........................................



MATHS 253
مو حاطين الا سكشن واحد مع الدكتور
Dr. A.Salam Al-mannai,:surrender:
شلون شرحه اوكي او لا ؟؟


................................

STAT371
بعد هذا المقرر بس سكشن واحد مع الدكتورة
Dr. Mariam Al-mannai, :sly:
شرحها تمام او لا ؟؟؟


أنا بقول حسب أخلاقها ، رافعة خشمها واجد مو شوي
........................
 
مرحبا
شرايكم بدكتور كفاح Kifah Al-Hami
لكالكولاس 2
 
السلام عليكم ..

أني طالبة تخصص بكالريوس رياضيات سنة اولى ..


هالكورس اخذت
maths 121
eng 125
Arab 110
islam 101

وهالكورس افكر آخذ maths 122
تنصحوني بسلمان عباس أو خالد أمين ؟

وباخذ eng 126
أفكر آخذ مع بليانا

وباخذ maths 253
بس منزلينه مع دكتور واحد بس هو سلام المناعي زين أو لا ؟


وبغيت استفسر شنو المقررات اللي أقدر آخذها هالكورس من مقررات الماث


وافكر انزل بعد stat271
فيه دكتور لحجي و رامان ابو شنب اي واحد احسن ؟

وبنزل الكمستري بعد بس مو كاتبين اسماء الدكاترة على السكاشن
عادي آخذه مع اي دكتور .. يعني كلهم زينين أو لا ؟؟
 
Dr. A.Salam Al-mannai,
maths253
شرحه اووكي او لا
ابي احد يقولي عنه
وانا مضطره اخذ هالماده الكورس الياي
ماقدر أأجلها شسوووي :(
 
Dr. A.Salam Al-mannai,
maths253
شرحه اووكي او لا
ابي احد يقولي عنه
وانا مضطره اخذ هالماده الكورس الياي
ماقدر أأجلها شسوووي :(

ما درسني هذا الدكتور ، وبصراحة كنت اتجنب شيء اسمه المناعي

بس في ناس تقول زين ويشرح أوكى ، وناس العكس ، وكان هذا الكلام طبعا لمقرر MATHS122

أما الحين بيدرس MATHS253 ما أدري إذا يصلح ليه المقرر أو لا

لأن المقرر عادة يدرسه أما دكتور أحمد عياش أو دكتورة سميرة

​
 
والدكتورة مريم المناعي
شلون شرحهاااا ؟
 
عودة
أعلى أسفل