بليييز الي عندي فكره يساعدني

[عبق الورود]

السلام عليكم ..
مبارك عليكم الشهر حبايبي ..
شخباركم ان شاء الله بخير .. ؟؟

عندي مشكله وابي من يساعدني
مشكلتي ان انه سابقا كنت تطبيقي وحولت بزنز
وجفت الوضع كلش مايشجع وصعب واايد ..
والحين ابي ارجع .. فشنو الاجراءات الي لازم اسويها ؟؟
انه سمعت ان مايصير ارجع تطبيقي .. او ان يصير بس لازم اعيد مواد ..

بلييييييز خواتي وخواني الي عنده فكره يفيدني
وبكون لكم شااااكره:tears:

 

[أشواق الروح]

السلام عليكم ..
وعليكم السلام
مبارك عليكم الشهر حبايبي ..
علينا وعليش خيو
شخباركم ان شاء الله بخير .. ؟؟
الحمدلله وأنتين؟
عندي مشكله وابي من يساعدني
مشكلتي ان انه سابقا كنت تطبيقي وحولت بزنز
وجفت الوضع كلش مايشجع وصعب واايد ..
والحين ابي ارجع .. فشنو الاجراءات الي لازم اسويها ؟؟
تراجعين التسجيل وتقدمين طلب تحويل
انه سمعت ان مايصير ارجع تطبيقي .. او ان يصير بس لازم اعيد مواد ..
تأكدي من التسجيل نفسه أضمن
بلييييييز خواتي وخواني الي عنده فكره يفيدني
وبكون لكم شااااكره:tears:

بالتوفيق

 

[عبق الورود]

اوووكي مشكووووورة عمررري ..
تتوقعين يعني عادي يرجعوني ؟؟!

 

[Ali Hassan]

اوووكي مشكووووورة عمررري ..
تتوقعين يعني عادي يرجعوني ؟؟!

ما أعتقد
بس هذه أرقام التسجيل و سأليهم قبل لا تروحين بدون فائدة
17437336
17437227
و بالتوفيق إن شاء الله

​

 

[Zlatan Ibrahimović]

احتمال 90% يصير

وماتعيدين المواد لانة اوردي في الملف مخلين لش علاماتش مال التطبيقي مايروحون وتسوين معادله معاهم

بس مثل ماقالوا الاخوان تأكدي من التسجيل افضل يكون

 

[pretty cocky]

كنت بنفس الوووضع

و رحت مليت استمارة تحووويل و عادلوا لي المواد و رجعت تطبيقي

و بتكملين و ما بتعيدين المواد و لا شي الا اذا انتي تبين

و بالتوفيق

 

[عبق الورود]

ثكس اخواني على المساعده .. ريحتوني

اختي " بريتي كوكي ".. انه اخاف اروح وتالي مايرضون
يعني عادي هالايام اروح ؟؟

 

[pretty cocky]

الوقت ما ادري بس روحي و جيكي

بس على فكرة

استمارة التحويل وياها 10 دينار اخذي احتياطج ما يسون شي ببلاش

 

[ولد عمران]

أختي لا تحولين و ترجعين إلى التطبيقي.
كطالب تطبيقي الحين انا سنة اخيرة في البزنز و قريباً إن شاء الله بتخرج.

ما بكذب عليش, انا يوم خلصت التطبيقي كان معدلي ممتاز, بس يوم دخلت البزنز جاني إحباط نفسي و نزل معدلي لقريب الإنذار, إلا اليوم ارتفعت معنوياتي و رفعته ما يقارب 100%.

شهادة التطبيقي ما منها فائدة لا تعتمدين عليها, خذيها من واحد شخط الديرة شخاط و يعرف قيمة هالشهادة السطحية.
انتين احسن منها, انتين تقدرين تحولين على ايامنا اجبرونا نضيع سنتين.
انتين واصلي البزنز, و للمعلومة اول سنتين ( حسب الخطة الدراسية و الإلتزام بمواد لفل 200 ) تقريباً متشابهين مع التطبيقي, انتين درسي البزنز و لو مثلا في المستقبل ما قدرتين تكملين, خذي الترانسكربت و كملي في اي جامعة ثانية لانه يعادلون ليش احسن.

لا تسوين نفس ما سويت انا و زاد علي الإحباط لدرجة الرسوب, قبل كنت من كثر ما ادرس, ما يحتاج اراجع للنهائي, لكن لما خليت الإحباط يحكمني قمت ادخل النهائي مو دارس شي.

 

[rayoom]

خلج بالتطبيقي قعدي فيها 3 سنين وتخرجي وكملي بي اس ولا تنطردين الحين لا شهاده ولا شي ...
انا كنت تطبيقي والحمدلله اني كملت والحين دخلت بي اس وحسيت اني مؤهله للابي اس لان كملت تطبيقي وعرفت شنو نظامهم ...
يعن صج انا كنت منقهره بس دكاتره نصحوني وقالوا لي خلج تطبيقي ناس وايد معدلاتهم فوق وبعدين ينطردون ضمني شهادتج وكملي مابتخسرين شي ....
انا اقول اذا انتي تحسين روحج راح تحصلين انذار او مو قادره رووووحي تطبيقي وبعدين اذا تبين كملي اضمن لج وناس وايد سووها ...
بالتوفيق ..

 

[rayoom]

وانا خبر ان التحويل يكون لمره وحده بس ....
والله اعلم رووحي التسجيل وتفاهمي معاهم ...

 

[درازية]

حولي لتطبيقي ضمني شهاده احسن من ولاشي

 

[al maystro]

كلام rayoom و درازية صحيح