و عليكم السلام و الرحمه
المدخل لدراسة القانون
بالعربي
هذي المادة هي الحجر الاساسي لدراسه القانون و احنا ناخذها اول كورس لنا و يعني بعدنا كتاكيت الكليه
و اهي مو تخص القانون البحرين لاي مكان ((مقدمه، تعريف يعني شنو القانون تفهمه منها )) ناخذها احنا اول كورس يعني هي الركيزة الاولى للقانوني
تتكلم عن تعريف القانون (( اشكال القانون ))
تعريف القاعدة القانونية
شنو اقسام القانون و على اي اساس قسمناه (( عام خاص ))
شنو مراتب القانون (( تشريع - عرف- شريعه اسلاميه -مبادى الطبيعه و قوانين العداله ))
يشرح كل وحدة و شلون يروح القاضي يختار التشريع اول لو العرف يعني شنو ترتيبهم و شلون ترتيبهم و ليش ترتبوا جذي
بيشرح ليك انواع القوانين اللي موجودة
مثلا في القسم العام يعطيك نبذه مختصرة عن القانون الدستوري و الدولي و الاداري و الخ
و في القانون الخاص يقول ليك الاصل مدني و يشرح يعني شنو القانون المدني و شنو فروعه و بعدين شلون انقسموا هالفروع و كونوا قوانين خاصة مثل التجاري و البحري و الخ
بيشرح ليك معنى الحقوق و انواعها بشكل بسيط جدا
انزين بيعطيك شلون تحسب درجة القرابة
وواجد اشياء
يعني بتدرس اساسيات القانون تاخذ مقدمه عن كل شي و يهيأك للموضوع
المدخل مادة سهلة بس تحتاج فيها الحفظ و لكن ما بتحفظها الا اذا فهمتها اوكي
بالنسبه للدرجات امم يعتمد ع الدكتور اخذها عند دكتور ممتاز بتحصل الA
اما اذا الدكتور فاشل تقدر تدرسها ذاتي و تحط ع بالك و تجيب بي بلاس
و بقول لك شي ترى كانت هالمادة كنا ندرسها في كتاب احمر و مرتبه و سهلة
بس الحين غيروا لكتاب بس لا تخاف لان اي شي في الحقوق حتى لو تغيير لكتاب الكلام يظل نفسه نفسه بس ترتيب الدروس يتغير
حلو لو اخذتها و انت تخصص ثاني تعطيك فكرة عن تخصص الحقوق
بس خبرني باسم الدكتور عشان اقول لك يسوى تاخذها لو لا
موفق
