ايجابيات وسلبيات تخصص الأوفيس منيجمنت - Office Management

[أتعبني غروري]

سلام عليكم خواتي وخواني الاعزاء
حبيت اعرف شنو سلبيات تخصص الاوفيس منيجمنت (اداره مكتبيه) وشنو ايجابياتها ؟؟؟ اذا تقدرون تفيدوني بكم شي

شاكره لكم حسن تعاونكم​

 

[درازية]

مادري سلبياتها
بس ايجابيتها تقدرين تشتغلين بسرعه ف مستقبل لانه هالتخصص مطلوب سكرتيرة

 

[أشواق الروح]

الكل ينصحني أغير لدراسات
لكن أحس هالتخصص أريح
وأقرب لتخصصي القبلي
آعرف ميزة وحده يمكن
آن في الميسا 260
ميسا الدراسات لا يطاق
من قلب حسيته صعب حضرت فيه سبوع وشوي بالغلط
آما ميسا الاوفس يمبي له بس تركيز وسرعه
عموما شغل الاوفس أكثر شي لابات

موفقة


​

 

[أتعبني غروري]

مشكووورين
بعد ابي بعض الردود اذا تقدرون تفيدوني

 

[AliJalal93]

منيجمينت كله حفظ في حفظ ... الاكاونت و الفايننس كله فهم و يبيله دراسة و متابعة واجد ... انا واجد سألت عن تخصصات البزنس اهني و سألت ناس متخرجين و ناس يدرسون هالتخصصات حاليا ... و توصلت الى ان الماركتنغ انسب شي لي ... صحيح هو في حفظ بس مو مثل المنجمنت .. و في فهم و مقارنة بالبقايا هو اسهل تخصص في البزنس ... انا ما قول لج تعالي الماركتنغ بس جوفي شنو تحبين؟ تحبين امور الاكاونت مثل البلنس شيت و هالجداول؟ تحبين الفايننس اللي كله ايكونوميكس و كله حسابات و قوانين؟ او تحبين مواد الحفظ اللي هي اسهل مثل المنجمنت و الماركتنغ؟