المطاعم في البحرين

[yagmur]

احد يعرف اذا Hungry Buuny حلال او لا ؟!

اللي سمعته حلال والله العالم
ما تاكدت بنــفسي للحين ..

 

[أمواج]

http://www.sistani.org/index.php?p=297396&id=478&perpage=58

​

 

[زهرة الأيام]

اني الأول بس اسأل المطعم من وين فإذا من دولة اسلامية اكل اما اللحين كثير من المطاعم غيرت من نوعية الدجاج الي تستخدمه
فعلى سبيل المثال ناكل مشويات من مطعم فلااني وندري انه مضمون لكن في الآونة الأخيرة السوق ماقامت تجيب لحم الا المستورد(المجفن)
لكن استغربت انه عنده لحم لما طلبنا المشويات مااحط في ذمتي عليه يمكن يكون عنده اياه من قبل بس عشان اطمن نفسي مااكلت

واما المطاعم الي اكل لها واني مطمنة (زيارة في كرباباد) (اللبناني سواء في المنامة او مدينة عيسى وبس دجاجهم اكل مو معناته انه لحمه في شي :sly: ) ​

 

[عآفك الخآطر]

مطعم الشُعلة
شخصياً كنّآ نآكل منّه شآورمآ وكل شي ، وحتى فيه شيوخ يروحون يآخذون بس عقب فترَة أختي كآنت مارّة وجآفت إن هم يدخلون دجآج صيني أو برآزيلي ماذكر

هالمطعم صوبنا وااكل منه بين فتره وفتره
لكن فيه مره كنت بودي اكل بيت صبيان ونتجمع وجدي ويوم يتصلون يقولون لي لاتجيب من الشعله , حرام شاورمته
وبعدين اللي قالوا حرام اهم اللي خلصوا الاكل

اهم شي مو كل واحد يمشي ويتكلم بس لان سمعـ

 

[ولد عمران]

التحليل والتحريم يا اخي على طريقة الذبح يعني هل اللحوم والدجاج مذبوحة على الطريقة الاسلامية او لا
وتقدر تبحث عن ماهي الطريقة الاسلامية
اللي هي بالمختصر ان لازم يسمون باسم الله قبل الذبح ويوجهونهم للقبلة ويعطونهم ماء وما الى ذالك من شروط

لا انا ما عندي خلاف في طريقة الذبح الإسلامية, شي معروف و اكيد, و خاصة في موضوع انه لازم تسمي بالله في قضايا واجد صارت بسبب انه الشركات الكبار يذبحون ليكم ألف ذبيحة كليوم و تصير بالآلات و جدي, فيعني شلون يخلون ليكم واحد يسمي بالله و يتفسر عليه الدم. المهم هذي مو قضيتنا, القضية انه انا اكثر شي اطلع ويا الربع حق اكل, لانه ان قلت هني قال لي ساديا حرام, و ان قلت هناك قال لي ماعرفه و حرام, اخرته يودينا سمبوسة بشير و نطحن في هالسم لين ما نتسمم و ناكل زف من الوالدة.

قضية البحرينية المشهورة و اهي ساديا حرام, على اي اساس تم تحريمه ؟ مدام في شهادة تتدل على انه ذبح إسلامي في البرازيل. ليش الناس تحرمه ؟

 

[التعاون]

كلما أتذكر مطعم بكتبه =)

مطعم "زيارة" مضمون من حيث اللحم والدجاج

وينه يصير هذا؟

 

[math lover]

لا انا ما عندي خلاف في طريقة الذبح الإسلامية, شي معروف و اكيد, و خاصة في موضوع انه لازم تسمي بالله في قضايا واجد صارت بسبب انه الشركات الكبار يذبحون ليكم ألف ذبيحة كليوم و تصير بالآلات و جدي, فيعني شلون يخلون ليكم واحد يسمي بالله و يتفسر عليه الدم. المهم هذي مو قضيتنا, القضية انه انا اكثر شي اطلع ويا الربع حق اكل, لانه ان قلت هني قال لي ساديا حرام, و ان قلت هناك قال لي ماعرفه و حرام, اخرته يودينا سمبوسة بشير و نطحن في هالسم لين ما نتسمم و ناكل زف من الوالدة.

قضية البحرينية المشهورة و اهي ساديا حرام, على اي اساس تم تحريمه ؟ مدام في شهادة تتدل على انه ذبح إسلامي في البرازيل. ليش الناس تحرمه ؟

صح كلامك هذي المشكلة
حتى احنا اذا نطلع كله حق الاكل
واني وحده اتغربل اذا اطلع ايا ربعي ويودونا مطعم ما اعرف عن اكلهم فاضطر اكل شئ نباتي بدون لحوم او دجاج بس استمليت فخاطري اعرف المطاعم الحلال والمضمونه

بالنسبة لدجاج ساديا حرام لانه انتاج برازيلي والبرازيل دولة غير اسلامية
وهذا من موقع السيد السيستاني
السؤال :
اللحوم المستوردة من البلاد الأجنبية كالبرازيل و الهند ما حكم التعامل بها و ما حكم الأكل منها علماً انه يكتب عليها (لحم حلال) أو (ذبح علي الطريقة الإسلامية)؟
الجواب :
لا يجوز الأكل منها الا مع احراز تذكيتها علي الوجه الشرعي، و لا يكفي في ذلك الكتابة المذكورة، و اما بيعها فلا بأس به مع الشك في تذكيتها و لكن لابد من إعلام المشتري بالحال مع احتمال تأثير الاعلام في حفص بان لم يجوز كونه غير حلال بالأكل من مشكوك التذكية ـ مثلاً ـ .

 

[UOB-BH]

قضية البحرينية المشهورة و اهي ساديا حرام, على اي اساس تم تحريمه ؟ مدام في شهادة تتدل على انه ذبح إسلامي في البرازيل. ليش الناس تحرمه ؟

دجاج ساديا لأن برازيلي مو مذبوح في بلد اسلامي لكن بنفس الوقت عندهم قسم مخصص فقط للذبح الاسلامي لتصديره إلى الدول الاسلامية، يعني قسم فقط هو المذبوح بالطريقة الاسلامية وليس كل الدجاج، من هالباب الناس تتخوف خصوصا انه في "أقاويل" مفادها إن القسم الاسلامي اذا ما غطى الطلب يتم الخلط بينهم ولكنها كما ذكرت مجرد أقاويل لذلك خذ النقطة الأولى فقط وهي سبب تخوف الناس من ساديا.

 

[rH]

شكرآآ على هالموضوع
لان صج نحتااجه
صار لي سبوع انقب عن الاكل الحلال والحرام
الحين عرفت واجد اشياء كنت اكلها وحرام !!
صح ماعلي ذنب بس احس تأثر في نفسيتي و سلوكي




ما مدى صدق مقولة: أن الأكل الحرام يؤثر على الروح (1)


أحد الموضوعات التي يهتم بها المؤمنون هو تأثير أكل الطعام الحرام وإن كان عن جهل
على الروح ، ونسمع الكثير ممن يحذر منه لدرجة اعتباره يسبب الانحراف عن
العقيدة، فترى جمع من المؤمنين الملتزمين يتواصون بينهم على تجنبه
خوفاً من ذلك ، وهذه المقولة معتمدة على بعض القرائن منها :
القصص الواردة على لسان بعض علمائنا
أعلى الله مقامهم.


وقد وجدت بحثاً حديثاً قيماً يتعرض لهذه المقولة ويتعمق في تفاصيلها ويناقش أساسها بالعلم
والمعرفة، مستدلا بالقرآن والسنة الشريفة مقارنا ومحاسبا مجادلا ومسلما ، موافقاً
أحيانا للمقولة ومختلفاً عنها في تفاصيل تعرض لها لعلها لم تعرض من قبل ،
وبحثه يستحق المطالعة لمن له اهتمام بهذا الموضوع.


سأنقل هذا الموضوع بحلقاته وبنصه من دون تصرف فيه إلا تجديد التنسيق،
وأملي أن أرى من الأعضاء بعض الردود لمعرفة اراءهم حول البحث
وحول نقاطه العلمية الكثيرة، ونقاط نقاشهم.


وصاحب البحث سماحة العلامة السيد علوي البلادي حفظه ورعاه
تجدون الموضوع على الرابط التالي:
ط§ظ„ط³ظٹط¯ ط¹ظ„ظˆظٹ ط§ظ„ظ…ظˆط³ظˆظٹ ط§ظ„ط¨ظ„ط§ط¯ظٹ: ظ‡ظ„ ط£ظƒظ„ ط§ظ„ط­ط±ط§ظ… ط¬ظ‡ظ„ط§ ظٹط³ط¨ط¨ ط¬ظپط§ظپط§ ط±ظˆط­ظٹط§طں


الحين المطاعم بين فتره و فتره يغيرون اللحوم لازم نعرف المطاعم الموثوقه
زياره مضمون
وفيه بعض المطابخ الكبار منآ وفينآ وبعيوني جفت دجاجهم سآديآ !!

 

[rH]

قضية البحرينية المشهورة و اهي ساديا حرام, على اي اساس تم تحريمه ؟ مدام في شهادة تتدل على انه ذبح إسلامي في البرازيل. ليش الناس تحرمه ؟

الدجاج برازيلي صح ؟ مكتوب عليه انتآج البرآزيل له !! ادن حرام
لان البرازيل مو دوله اسلاميه
و مرره سمعت ان فيه كود حق الدجاج الاسلامي والي مو اسلامي
بس بعد ما نضمن يخلطون السم بالعسل

 

[التماس دعا]

بسم رب الحسين

عصير عنب + عصير كوكتيل الموجود فيه عنب+عصير توت مشكل مراعي موجود فيه عنب = نجس وبنجاسته حرام

بعض الكورنفلكسات اذا فيها مالت الشعير يعتر حرام نأكله ...

بربيكان على شعير حرام ...


التماس دعا
ي علي

 

[التماس دعا]

دجاج من شركه meat town (مدينة اللحوم) ... الهمبركَر مالهم حلال...وباقي الدجاجات الموجودة ماعرف عنها وحتى اللحم بعد ماعرف..لكن الهمبركَر 100 بالمئة حلال ...وفي رسالة من جمعية التوعية الاسلامية حق هالشركه ..


موفقين

 

[أمواج]

الحين بالجامعة خصوصاً ما آكل من مطاعمهم لحم و دجاج بالمرة
حدي مال مخابز البستاني اذا باخذ شي فيه دجاج و بس الي غلافهم مال المخبز

كودو الي في فود البزنز .. و مال الباستا الي صوبه .. و في الحقوق المنازل .. حلال هذلين ؟؟

 

[moto l6]

الحين بالجامعة خصوصاً ما آكل من مطاعمهم لحم و دجاج بالمرة
حدي مال مخابز البستاني اذا باخذ شي فيه دجاج و بس الي غلافهم مال المخبز

كودو الي في فود البزنز .. و مال الباستا الي صوبه .. و في الحقوق المنازل .. حلال هذلين ؟؟

كودو , سالت عنه الاغلب قالو مو مضمون

سألت الي يشتغلون هناك ( في السعودية والبحرين ) يقولون ما يدرون , بس المسؤلين مالهم يقولون ليهم مال الوطنية شي جذي ,, والله العالم

باستا + خضرة ’ وين الحرام

 

[أمواج]

كودو , سالت عنه الاغلب قالو مو مضمون

سألت الي يشتغلون هناك ( في السعودية والبحرين ) يقولون ما يدرون , بس المسؤلين مالهم يقولون ليهم مال المزارع الوطنية السعودية شي جذي ,, والله العالم

باستا + خضرة ’ وين الحرام

أشوه ما أكلت من عنده ..

الباستا فيه باستا دجاج له

شكراً أخي ..

 

[أوراد]

ولد عمران
دجاج ساديا حرام
لانه مو مذبوح بالطريقة الشرعية
والدجاج البرازيلي انواع فيه منه حلال وفي حرام
مطعم الابراج بعد مو مضمون يستخدم دجاج ساديا بعض الاوقات
مخبز الموري بعد مو اوكي لانه الا يشتغلون فيه مو مسلمين ..
اذا ذكرت شي بجي اكتبه

 

[ولد عمران]

الدجاج برازيلي صح ؟ مكتوب عليه انتآج البرآزيل له !! ادن حرام
لان البرازيل مو دوله اسلاميه
و مرره سمعت ان فيه كود حق الدجاج الاسلامي والي مو اسلامي
بس بعد ما نضمن يخلطون السم بالعسل

يعتمد شلون انت تعرف مصطلح "الدولة الإسلامية"
إذا كانت هذي الدولة الإسلامية إلا الدعارة ما عادت فقط في الفنادق, انتشرت للمجمعات, الجامعات و و و. و البوق في كل مكان, و كل اساس إسلامي مخترب. فإحنا نختلف في أشياء واجد.
انا اضمن الدجاج الساديا اكثر من الدجاج هني, انا هني شيضمني انه إلا اكله اصلن حسب ما اهم يعلنون عنه ؟
ما قالوا اللحوم طازجة و طلعت فاسدة ؟

 

[أمواج]

Halal foods in Bahrain ظ…ط·ط§ط¹ظ… ط§ظ„ط¨ط­ط±ظٹظ† ظˆظ…طµط§ط¯ط± ط§ظ„ظ„ط­ظˆظ… ظˆط§ظ„ط¯ط¬ط§ط¬ | ظ…طµط§ط¯ط± ط§ظ„ظ„ط­ظˆظ… ظˆط§ظ„ط¯ط¬ط§ط¬ ظپظٹ ظ…ط·ط§ط¹ظ… ط§ظ„ط¨ط­ط±ظٹظ†

شوفو هالموقع .. يمكن يفيدكم .. و شوفوا التعليقات الموجودة​

 

[درازية]

احين بو علي يعني دجاجهمم حرام يعني مقاطعه برجر دجاج وكباب دجاج
بس اللحم اوكي لا؟
وبرجر الي جيسه اخضر هدا اماراتي حلال او حرام قبل كله اسوي منه في بيت وصار جم شهر امي تقول حرام صح هالشي
شكلكم نفتكرين في هالشي
+1 اايد انه يأثر عل النفسيه من اليوم مقاطعه>>> مع اني ماكل برجر دجاج وكبابه

 

[rH]

هارديز لي في الجامعه
رحت له يوم الاربعاء
وسألت المصري الي يشتغل هناك
شنو نوعيه الدجاج الي تستخدمونه ؟
قال لي من السعوديه انا قلت بطلب الا عقب راح داخل و رجع و جاب لي جيس مكتوب عليه هارديز والنجمه مالتهم
وتحت
المملكه العربيه السعوديه

اطمىنيت و طلبت و اكلت