13 اغسطس : اليوم العالمي لأصحاب اليد اليسرى [ شاركنا الراي ]

[أوراد]

كنت ولازلت اتمنى اني اكون عسماوية
شي حليوو ومميز
+ العسمااوين الا اعرفهم شطار و فنانين وخطاطين
مافي الا اني كلشي باليمين وماعندي ولا موهبة

 

[hahss]

مافي الا اني كلشي باليمين وماعندي ولا موهبة

كل شخص عنده موهبة .. الفرق انش ماكتشفتينها للحين

 

[Bint Elnokhada]

حبيت الموضوع

السوال موجة لكم : ما رايكم بالاشخاص الذي يستخدمون اليد اليسار باعمالهم اليومية
و هل يدل علي الذكاء ؟ هل عيب ؟ او اي شي يخطر علي بالكم بخصوص هالموضوع ؟
أنا من من هالفئة وأجوفه شي عادي مافيه عيب ولا حرج بالعكس شي مميز

 

[أوراد]

كل شخص عنده موهبة .. الفرق انش ماكتشفتينها للحين

ههههه
ما اعتقد ... لو في بينت

 

[XOX]

العسماويين عجيبين ,, أني كان خاطري أصير عسماويه,,العسماويين دائماً عندهم موهبه يعني يا أما خطاطين يا أما رسامين الخ.. بس حتى إحنا فينا مواهب

خاطري ولادي يصيرون عسماويين++يقولون حرف الراء ياء مثل السيد حسن نصر الله ​

 

[عالي مستواي]

احم انا عسماويه وكل اخواني عسماوين ماعدى اخو واحد يكتب باليمين

صرنه سبشل

 

[qassoomy]

العسماويين شخباركم ؟؟

اليوم يومنا العالمي الف مبروك لنا و لكم

 

[دموع أنثى]

ههههه
اخيرا حصلت احد من جماعتي
بصراحة عن نفسي يوم كنت في ابتدائي 3 سنوات والمعلمة تزف فيني ان مايصير اكتب باليسار وتعقدت بس للحين يسار ماغيرت
بس احس معاناة ماعرف استخدم اليمين كلش كلش بس الاكل بصراحة احس روحي عوبة ساعات

 

[دموع أنثى]

العسماويين شخباركم ؟؟

اليوم يومنا العالمي الف مبروك لنا و لكم

الحمدالله , نسال عن العسماوي
يبارك للجميع في هاليوم

 

[وردة البحر]

أنا اللي عرفتهم ويكتبون باليسار كانوا كلهم خطوطهم مميزة
أنا عسماوي في القدم مو اليد ^_^

ايي صح
وايد ناس اعرفهم يكتبون باليسار وخطوطهم حلوة

 

[Cute Smile]

احم احم .. نحن هناا

اني بعد عسماوية

 

[بنفسجيه.~]

و الله زين بعد يحتفلون بهالشي " كل سنه و انتو طيبين"... اني اعتبرهم اناس مميزون.. كانه قريت انه اللي يستخدمون اليد اليسرى نسبة ذكائهم تكون اقوى " مو متاكدة" .. بخصوص انه عيب ما اتوقع بس في سالفة انهم لازم ما ياكلون باليسار
(10%) بس هادي النسبة احسهم وااجد

اني كنت دائما احاول اكتب باليسرى " اصير خطي كانه واحد توه في الروضة" .. ايدي تتعب كله عليها >> يعني زين يقسمون الشغل على الايدين

 

[qassoomy]

ههههه
اخيرا حصلت احد من جماعتي
بصراحة عن نفسي يوم كنت في ابتدائي 3 سنوات والمعلمة تزف فيني ان مايصير اكتب باليسار وتعقدت بس للحين يسار ماغيرت
بس احس معاناة ماعرف استخدم اليمين كلش كلش بس الاكل بصراحة احس روحي عوبة ساعات

اهلا بكم ^_^
اصلا انا قريت مكان ليش حطوا يوم عالمي لاصحاب اليد اليسري
مو عشان يحتفلون او جذي
عشان يوصلون معاناة اصحاب اليد اليسري لانة مجبورين يعيشون في عالم مو مصنوع لهم و كل شي باليمين
مثل السيارة و كراسي الدراسة في الجامعة و حتي موس الكمبيوتر في اليمين و عشان الواحد يمسكة في اليسار لازم يعوج روحة:mellow:

 

[سونيك]

عن نفسي بعض الأشياء باليمين و بعضها باليسار
مثلاً أكتب باليمين و آكل باليسار
أحمل الأشياء الخفيفة باليمين و الثقيلة باليسار
في أي نوع أصنف ؟
...
بالمناسبة البعض يعتقد تبدل وظائف الدماغ لكن هذا خطأ
المسألة تعود ، مثلاً أنا تعودت آكل باليسار و أكتب باليمين

 

[طموحة2]

كل عام و انتون بخير يالمميزون

و الله طول حياتي كنت اتمنى اكتب باليسار و حاولت اكثر من مرة يوم كنت صغيرة بس مانفع كلش

و على سالفة التوام دهشتني صراحة
اول مرة اسمع بعد انا توام وحدة تكتب باليمين و الثانية باليسار يعني مااجوف اعرف خوات توام ثنتيناتهم باليسار و اني و اختي توام ثنتيناتنه باليمين


ان شاء الله اجيبون توام مستقبلا مدام الثاني تحلل

 

[ثعلب النار]

اهلا بكم ^_^
اصلا انا قريت مكان ليش حطوا يوم عالمي لاصحاب اليد اليسري
مو عشان يحتفلون او جذي
عشان يوصلون معاناة اصحاب اليد اليسري لانة مجبورين يعيشون في عالم مو مصنوع لهم و كل شي باليمين
مثل السيارة و كراسي الدراسة في الجامعة و حتي موس الكمبيوتر في اليمين و عشان الواحد يمسكة في اليسار لازم يعوج روحة:mellow:

اي مساكين دايماً مظلومين.

 

[Mrs.chic]

كل عام و انتون بخير عجل

حليو استخدام اليد اليسرى

 

[Cute Smile]

كراسي الدراسة في الجامعة

تكسرت ظهورنا واحنا نعوج روحنا خصوصا ادا امتحان

 

[qassoomy]

تكسرت ظهورنا واحنا نعوج روحنا خصوصا ادا امتحان

تكسرنا من قلب
عالاخص في الفاينل و عالاخص احنا تخصصنا بطريقة ان لازم اكتب وراء بعض مثل القصة
ما اخلص امتحان الا متشنج كتفي:mellow:

 

[رَحِيــلْ ،]

عجبني الموضووع ..

الله يعينكم معاناة صراحتن
المفروض يوفرون ليكم كراسي غير

عموماً حليوين العسران و فنانين أغلبهم بعد خطاطين و رسامين ..
عندنا في عائلتنا جم نفر ..

بس سالفة التوأم أحسها مو صدق يمكِن هذي فرضيَة بس ممكن بعد :mellow:

و في كل حال .. كل عام و انتو بخير و كل عام و انتو مميزييييين

​