إستفسآر ~ تخصص احصاء و بحوث العمليات

[أم فهر ~]

السلآم عليكم ورحمة الله وبركآته ..,

انه من ضمن الطلبة المقبولين لدفعة 2012-2013 م
في تخصص [ تمهيدي إحصاء وبحوث العمليات ] < رغبتي الثانية
حآبة أعرف فكره عن هذا التخصص بشكل أوسع أتمنى اللي عنده فكره عن التخصص يخبرني
حآبة أعرف مستوى التخصص بشكل عام وهل تنصحوني أدخله أو لا
وأبي أعرف شنو مستقبله أتمنى إذا كان في أحد متخرج من هالتخصص يخبرني أو يدرس في هالتخصص لأنه حدي مشوشه
وبكون شاكره لكم

دمتم بحفظ الرحمن

 

[amooor]

خريجين الاحصاء مجال توظيفهم واسع في مختلف المؤسسات الحكومية و الخاصة لان كل مؤسسة في زمنه الحالي تسوي احصاءياتها الخاصة لمتابعة تقدمها و الى مانحو ذلك

اعتقد تخصص الاحصاء اهوه الاسهل من تخصصات كلية العلوم و في بدايته بيكون في عدد كبير من المواد المشتركة مع تخصص الرياضيات يعني اذا جفتي روحج حابة رياضيات ممكن تغيرين عقب مرور سنة او سنة و نص بدون ما تخسرين و لا مادة

مقررات التخصص تعتمد بشكل عام على ٣ او ٤ مواد رئيسة من الاحصاء و من حسب ما سمعت ان بقية المواد اسهل و مجرد تطبيقات و اعادة على اللي بتدرسينه في المواد الاكثر اهميه مع شويه زيادة

من اصل ٤ مقررات رئيسية -اكثر امهمه- في الاحصاء ، ٢ ياخذونها طلبة الرياضيات بعد

بالتوفيق

 

[أم فهر ~]

شكرا ع الرد

 

[قمَر]

سلام

بضيف شوي على كلاام اختناا

نفس ما قالت ان التخصص اسهل شي في كليّة العلوم
خصوصاً انه ما فيه لابات
الآحصاء ، تقريباً تقدرين تقولين "جزء من تخصص الرياضيات"
ويعتبر تبع قسم الرياضيات اصلاً
مقررات الآحصاء تعتمد على التفاضل والتكامل
اذا كنتين مو ماخذة فرعي رياضيات بيكون عندش 5 مقررات رياضيات بس
والباقيين احصاء ، و2 انج + 2 فيز + 1 كيم + 1 حيا + 1 عرب + 1 دين + 1 تاريخ + 3 سي اس "علوم حاسوب"
افضل تخصص فرعي بـ النسبة ليي احس تختارين السي اس ، لأنه بيعطي شهادتش قوة أكثر
وان الآحصاء فيه جزء من الكمبيوتر اصلاً
وبعد تقدرين تخلينه احصاء كامل ، أو احصاء فرعي رياضيات
وفي فرعي "فيز + كيم + حيا" بس اني ما احس بينفعونش واجد
الآحصاء نفس مقرر الآحصاء اللي ناخذه في المدرسة + مقرر الآحتمال بـ توسع اكثر

في الجامعة بـ شكل عام ما في شي سهل
لذا انتين لازم تختارين الشي اللي انتين تحبينه وترغبين ليه
عشان تقدرين تعطين فيه حتى لو كان صعب

في كلام سمعته قبل وعجبني، يقول
اذا تقدموا لش اثنين ، واحد غني والثاني تحبينه
بتختارين اي واحد؟

فـ انتين من الحين فكري عدل عدل ، وحتى قبل لا تبدين التخصص
عشان لا تنصمين ويصعب عليش التحويل
لأن اذا بديتين وتبين تحولين لازم تكونين مجتازة 12 ساعة ع الآقل والله ما يحولونش
شوفي مستواش في المدرسة في الريض + مقررات الآحصاء
وتأكدي ان هي مجرد شي بسيط صوب الجامعة
يعني اذا انتين ممتازة في هذي المقررات وتحبينها
توكلي على الله ، والله يوفقش ان شاء الله
واذا تحسين بـ صعوبة "ولو قليلة"
حاولي من الحين تفكرين في تخصص اسهل تقدرين تعطين فيه وتتخرجين منه بـ اذن الله

وموفقيييين جميعاً

>> واي استفسار احنا حاضررين تررى ​

 

[أم فهر ~]

شكرا عزيزتي ​

 

[Hanany]

احد عنده خطة تخصص الإحصاء -علوم حاسوب