الأخــت الكــبرى *'

[بنفسجيه.~]

و إذا كنتِ أختا كبرى :

اي اني الاخت الكبرى بس مو اول وحدة في الابناء ..فهذا يشكل اختلافا
- هل تشعرين بأن والديك يحملانكِ مسؤولية كبيرة في المنزل ؟
هو لازم الكبير بتكون عليه مسؤولية ..اني بنفسي اعتبر روحي مسؤولة عن اخواني الصغار ..انه اذا جفتهم يسوون خطأ انتبه اليهم و ما اتجاهل هالشي ..
- هل تشعرين بحنان الأمومة تجاه أخوتك الصغار ؟ أم انكِ تضطرين لمعاملتهم بقسوة ؟ ما مبررات ذلك ؟
عندي اخوان اثنين صغار " ولد و بنت" يعني لما جوا على الدنيا كنت في اواخر الابتدائي بس اقدر اني اتحمل ابهم فكانوا على طول وياي من بعد امي اذا انشغلت في حوائج البيت يصيرون عندي فيمكن اهني حسيت بالامومة..اما الحين هههه كبروا و تغيروا فلازم تتغير المعاملة معهم ..حاليا هم يحتاجون الى نصح و ارشاد و مراقبة على طول ..و بحكم اني الكبيرة ساعات يسمعون كلامي و ساعات يطنشون
- ما محاسن كونكِ أخـتا كبرى ؟ وما مساوئ ذلك ؟
الاشياء الايجابية اممم ما ادري ما اشوف شي مميز
السلبية اهمها اني صايرة مجمع للتجارب .. اني الاولى في البنات اللي بتواجه الاشياء .. و مع الاسف فيه اشياء لازم تصير و للحين ما صارت " ما ادري اذا ليها دخل باني الاولى" > يعني يمكن اللي ورايي ما بيعانون مثلي و بينتظرون بتكون الشغلة اليهم ميسرة
- هل تعتقدين أن أخوتكِ الصغار يقدرونكِ ويحترمونكِ كما يجب ؟

و الله فيه اوقات ايه واوقات لا ..هو للحين هم صغار على سوالف الاحترام هههه لازم ينزلون من الهيبة شوي ..بس احس ان شاء الله في مستقبل ببيين هالشي انه لما يكبرون و يفهمون الحياة "
- هل تعانين أحيانا من ظلمٍ في المعاملة من والديكِ ؟
اي يمكن مثلا ما قلت صايرة التجارب كله عليي .. يعني فيه اشياء لما تجيي يطبقون عليي يخافون منها بس بعيدين يمكن تصير ميسرة على اللي اصغر مني
- هل أنتِ مجبرة باعتباركِ أختا كبرى على تحمل أخطاءِ أخوتكِ الصغار ؟
ما ليي دخل ابهم هههه
كل واحد يتحمل خطأه > يعني يوم كنا صغار كنا ننضرب لما نسوي بلوة خلهم هم بعد هههه بس صراحة ما يحصلون اللي حصلناه من زف تغيرت الاجيال..
يعني اني ما اتحمل خطاهم بس مو ما ابالي باللي يسوونه اني اراقبهم في تصرفاتهم و يعرفون اني ما ارضى يسوون شي غلط
- هل حدث وتمنيتِ لو أنكِ لم تكوني أكبر أخوتك ؟ لماذا ؟

هو لكل مرتبة بين الابناء ليها ايجابيات و سلبيات ... يعني لو تمنيت ان اكون الوسطى و الصغرى لنيل ايجايتهم فاني سأجبر على تحمل سلبياتهم ! لذلك راضية و مقتنعة بترتيبي بين اخوتي .. الحمد الله

شكراا خيو على الموضوع الجميل
و ماننسى نشكر رحيل اللي رفعت الموضوع​

 

[Bent Madrid]

و إذا كنتِ أختا كبرى :

- هل تشعرين بأن والديك يحملانكِ مسؤولية كبيرة في المنزل ؟
اي خصوصا انا احنا كلنا بنات ماعندنا صبيان واحيانااحس ان فوق طاقتي يعني مثلا اغراض البيت اني اجيبها من السوبر ماركيت , خواتي اذامرضو اوديهم المستشفى ويوم المفتوح في المدارس اني اروح ليهم واذا بطلع ويا ربعيمثلا احس روحي مقيدة واغلب الاوقات يجون ويايي يكسرون خاطري اني بطلع وهم لا يعنيساعات احس الشي فوق طاقتي خصوصا ايام الامتحانات ان تعب وصعب اركز وغير دواماتهمللامتحانات باختصار سايق هههه و ساعات طباخ .

- هل تشعرين بحنان الأمومة تجاه أخوتك الصغار ؟ أم انكِ تضطرين لمعاملتهم بقسوة ؟ما مبررات ذلك ؟
اي احس بحنان لان تعودت تقريبا ان هم مسؤوليتي بساحيانا اتصرف وياهم بقسوة عشان مايغلطون او من خوفي عليهم يمكن ساعات اتساهل وياهمعشان احميهم من مشاكل او من ضرب من قبل امي وابويي في حالة سوو شي وتالي اني اتصرفبقسوة واوجههم وانصحهم بس مايصير ارخي الحبل وياهم لازم شوي اكون شديدة.

- ما محاسن كونكِ أخـتا كبرى ؟ وما مساوئ ذلك ؟
المحاسن اني احس اقدر احميهم واساعدهم لان فيحالات واجد الابناء مايقدرون يتوجهون الى اهلهم فيها خوف من النتيجة او العقاب والمساوئ اني احس بمسؤولية كبيرة واخاف اكون مو قدها او اغلط في شي يأثر عليهموساعات احس ان اني نفسي محتاجة احد اكبر مني.

- هل تعتقدين أن أخوتكِ الصغار يقدرونكِ ويحترمونكِ كما يجب ؟
اي يحترموني بس ساعات في مواقف لا ان مثلاانتين مايخصش ههه.

- هل تعانين أحيانا من ظلمٍ في المعاملة من والديكِ ؟
اي لان محمليني مسؤولية كبيرة ما اقول انهممايقدرونها بالعكس يقدرون بس ساعات احتاج وقت لنفسي بس ما احصله او اذا ابي شي انتينانتظري عقب مدة اول خواتش انتين الكبيرة وعاقله وفاهمة وهم لا .

- هل أنتِ مجبرة باعتباركِ أختا كبرى على تحمل أخطاءِ أخوتكِ الصغار ؟
اي اذا غلطو لازم عبارة " انتين مانتبهتينليهم ".

- هل حدث وتمنيتِ لو أنكِ لم تكوني أكبر أخوتك ؟ لماذا ؟
اي تمنيت يكون عندي اخو اكبر مني يعني سند و ظهر الاخو وانياقدر اكلمه عن اللي داخلي ويحميني وينصحني.

 

[لغز العيون]

و كأنهم يتكلمون عني احم احم

عجبني الموضوع

 

[نونوتكعيب]

- ماهي إيجابيات وجود الأخت الكبرى بينكم ؟
إيجابيتها واااايد , اولا تتحمل المسؤوليه عني ههههه , تقعدني للدوام و الصلاه , قبل ايام الابتدائي تحل عني الواجب << بروحها تطلب ما اجبرها , وايام المدرسه كانت تكوي عني تالي بروحي قمت اكوي قميصي ._. , في احد اسهر معاه , نلعب ونستهبل مع البعض ,واهم ايجابيه عندي احد ينام معاي بنفس الغرفه , ايجابياتها عندي مثل الصديقه مو كأخت بس

- هل تمثل فعلا الأم البديلة ؟
مممم اي , يعني اقدر اشكي لها واسأل وافضفض اقول البلاوي وانا مرتاحه , طبعا امي تسمعني بس يفرق ههههه

- ما هي النقاط السيئة في وجهة نظرك في وجود أخت كبرى بينكم ؟
ممممم ساعات تقولي سوي وسوي وهي ماتسوي يعني الشي السلبي التفلسف الذي لم يتفلسفه متفلسف :mellow:

- هل تحظى أختك الكبرى بمعاملة مختلفة من والديك ؟ وهل يثير ذلك غيرتك ؟
ممم والله كانت تحظى قبل لا يولدوني كانت البنت الوحيده عاد ييت انا واخذت الاضواء هههههه , بس عموما اي لها معامله مختلفه نظرا لكوني اميل للشسمه العصبيه
مممم اذا عن الغيره اغار من اخوي السلحفاه مايسوي شي ولا احد يكلمه

- هل حدث و تمنيت أن لا يكون وجود لأختك الكبرى في حياتك نتيجة لتوتر العلاقة بينك وبينها ؟
مرات نادره كنت اتمنى جذي بس لين توصلني حدي , بس الحمدلله علاقتي بأختي وايد زينه , صج اغربلها بس احبها وايد , كل عبالهم توأم معنه الفرق بيني وبينها سنتين

- كيف ترى أختك الكبرى ؟ هل هي حنونة أم تعاملك بتسلط ؟ أم الاثنين معا ؟
حنووونه وحتى لين تعاملني شوي بجفاف ادري تبيني اصطلب ههههه , كل اقولها "حكيمه" لو شنو تسوي تبقى بنظري حكيمه

- هل تعتقد أنها تستحق التقدير ؟ وإذا كانت كذلك هل تقدرها كما يجب ؟
اكيد تستحق التقدير , مممم صراحه اتعمد اني ماقدرها لان ماحب العلاقات النموذجيه يعني احب غشمره بين الخوات ماحب رسميات بس في قلبي اقدرها واحترمها وايد


وشوووكرن على الموضوع الحلو

 

[زَ.]

في رأيكم " إذا عندكم خوات كبار "

- ماهي إيجابيات وجود الأخت الكبرى بينكم ؟
ايجابياتها ماتنعد , قايمة بكل الواجبات عني , تدرسني , توديني وتجيبني واجد واااجد اشياء , معتمدة عليها في حياتي بشكل كبير , ودايما هي الي تتطرش وتتشرى اغراض البيت بدل أمي , مع انها اكبر مني ب 3 سنين بس الا انهم يعتمدون عليها هي واني مايخلوني ما اسوي شيء


- هل تمثل فعلا الأم البديلة ؟
اييي -ماما صغيرة-

- ما هي النقاط السيئة في وجهة نظرك في وجود أخت كبرى بينكم ؟
مافي سلبيات

- هل تحظى أختك الكبرى بمعاملة مختلفة من والديك ؟ وهل يثير ذلك غيرتك ؟
لا بالعكس , انا واخويي الصغير الي نحصل معاملة مختلفة

- هل حدث و تمنيت أن لا يكون وجود لأختك الكبرى في حياتك نتيجة لتوتر العلاقة بينك وبينها ؟
ابدا

- كيف ترى أختك الكبرى ؟ هل هي حنونة أم تعاملك بتسلط ؟ أم الاثنين معا ؟
امم هي حنونة , ساعات تصير شريرة لكن

- هل تعتقد أنها تستحق التقدير ؟ وإذا كانت كذلك هل تقدرها كما يجب ؟
آكيد تستحق التقدير , ومستحيل اكون مقدرتنها نفس ماتستحق , الاشياء الي تسويها ليي أكثر من الي اسويها لروحي الصراحة


الله يخلي ليكم خواتكم ويخليكم لهم

 

[Prince.11]

راح اجمع بين الاخت الكبرى والاخ الاكبر ..
لانة اعتقد الاثنين يلعبون مثل الدور ..
الا اذا كان هناك بعض التغييرات البسيطة ..

الاخت الاكبر تلعب دور قوي من جميع النواحي ..
خصوصاً اذا كانت شخصيتها قوية في البيت ..

يعني تشوف ما يصير شيء في البيت الا بإذنها ..
تفرض شخصيتها بطريقة حلوة وهذا شيء طبيعي ..

الاخت الاكبر تحل ثانياً بعد الام فعلاً ..
ف الكثير من الخوات يلعبنّ هذا الدور المهم ..

خصوصاً الخوات الصغار في بعض المواضيع ..
ما يروحون يواجهون الام بها او الاب ..

ف يلجئون الى الاخت او الاخ الاكبر ..
الذي يكون دوره مهم جداً في هذه الخطوة ..

في الوقت نفسه لا اتصور هناك تمييز بين الاولاد ..
سواء كان للأكبر او غيره ، بينما المنتشرة الان بأن آخر الاولاد اهو المميز ( آخر العنقود ) ..

لا اتوقع كذلك ان هناك من يتمنى عدم وجود شخص اكبر منه ..
لايّ سبب من الاسباب .. ستحتاجه او تحتاجينها بشكل كبير ..


وجهة نظر ..

 

[Al-Mosawi]

ماهي إيجابيات وجود الأخت الكبرى بينكم ؟
ساعات فيه أشياء ماتحب تقولها للأم كونها أم، فالأخت تكون بديل للاستشارة

- هل تمثل فعلا الأم البديلة ؟
مو واجد، يمكن في غيابها، بس حتى لو تحمّلت، الام غييير

- ما هي النقاط السيئة في وجهة نظرك في وجود أخت كبرى بينكم ؟
ماحس ان فيه

- هل تحظى أختك الكبرى بمعاملة مختلفة من والديك ؟ وهل يثير ذلك غيرتك ؟
اييي، لا لأني آخر العنقود وليي امتيازات أخرى

- هل حدث و تمنيت أن لا يكون وجود لأختك الكبرى في حياتك نتيجة لتوتر العلاقة بينك وبينها ؟
بس جدي من باب اللقافة وحب تجربة الوضع

- كيف ترى أختك الكبرى ؟ هل هي حنونة أم تعاملك بتسلط ؟ أم الاثنين معا ؟
يمكن قبل زواجهم الأثنين، بس الحين لا مافي تسلّط

- هل تعتقد أنها تستحق التقدير ؟ وإذا كانت كذلك هل تقدرها كما يجب ؟
أكيد، لا أعلم

البت بشكل عام تكون بديلة عن الأم في غيابها، أني آخر العنقود وبعد أحل محل أمي في غيابها بعد أن اصبحوا خواتي امهات حقيقين

 

[غريبة الدار]

موضوع جميل
في رأيكم " إذا عندكم خوات كبار "

- ماهي إيجابيات وجود الأخت الكبرى بينكم ؟
اممم ممكن تكون حلالة المشاكل أو تصير واسطه بينا تقوم بأعمال البيت

- هل تمثل فعلا الأم البديلة ؟
اممممممم يمكن في بعض الأحيان

- ما هي النقاط السيئة في وجهة نظرك في وجود أخت كبرى بينكم ؟
ما أشوف نقاط سيئة لأنه الفرق بيني وبينها 7 سنوات ومن زمان تزوجت وطلعت عنا وحزتها كنت بعدي جاهلة

- هل تحظى أختك الكبرى بمعاملة مختلفة من والديك ؟ وهل يثير ذلك غيرتك ؟
أي أحس بهالشي يعني المعاملة شي طبيعي بتختلف بين ولد كبير ل ولد صغير من ولد ساكن وي العائله ل ولد مو وياهم ويجي يزورهم كأنه ضيف وحتى عللى الحالة الصحية وغيره من أمور صراحه يعني هو قبل كنت أغار بس الحين عقب ما كبرت وفهمت ووعيت ل الدنيا خلاص راحت الغيرة يمكن موجوده بس أقل من قبل

- هل حدث و تمنيت أن لا يكون وجود لأختك الكبرى في حياتك نتيجة لتوتر العلاقة بينك وبينها ؟
لا ابد أحبها أختي

- كيف ترى أختك الكبرى ؟ هل هي حنونة أم تعاملك بتسلط ؟ أم الاثنين معا ؟
أي حنونه وتحبني
ي
- هل تعتقد أنها تستحق التقدير ؟ وإذا كانت كذلك هل تقدرها كما يجب ؟
أي تستحق أي أقدرها