تخصص لا أرغب فيه

[h.a.s.s.a.n]

السلام عليكم


أخويي عطوه بعثة رياضيات بس هو يبغي محاسبة ..
في البداية رفعنا تظلم وعقب ثبتنا البعثة وعقب ماراجعنا الوزارة ماوافقوا على التظلم وقالوا إن الوزارة ماتبدل إذا كان عندك بعثة رياضيات .. المهم يوم عرفنا نتيجة التظلم حولنا البعثة الى منحة ..

والمصيبة يوم طلعوا نتايج القبول في الجامعة عطوا أخويي رياضيات وهو كان يبغي محاسبة ..

الحين برايكم ويش الحل؟ لو اكلم الجامعة بسوون حل وبحولونه إلى محاسبة؟


انتظر ردكم وآراءكم ..

 

[درازية]

جربو مابتخسرون شي
احتمال يوافقون واحتمال لا

غيري بيفيدش

 

[اللؤلؤة]

الريآضيآت لآصق فيه
انزين ليش هو مايفكر في الريآضيآت لين هو يحبه
أني اجوف ان المستقبل بكون أحسن بالنسبة للوظيفة
بس لين كآن حآب المحآسبة خله يروح يوم التثبيت ويخبرهم انه يبي يغير حق يحطونه في الشوآغر

 

[qassoomy]

غلط يا ريت ما حولتوا البعثة لمنحة جان بغيتوا علي بعثة رياضيات

و نزل مواد المشتركة مع مقرر انج و طلب تحويل في الكورس من الوزارة

و 100 بال 100 الوزارة توافق علي التحويل و بعدين تجون الجامعة و تقدمون طلب التحويل

و نهاية الفصل يحولونة مع بقاء البعثة


للاسف هذي غلطة كثير من الطلبة يغلطونها و يخسرون البعثة

 

[qassoomy]

بس للحين ما تاخر

نفس ما قلت خل ينزل مواد المشتركة

دين 101
عرب 110
تاريخ 121
انج 125 ( تبع العلوم )

و يقدم طلب تحويل

بس الفرق ان خسر البعثة

 

[h.a.s.s.a.n]

بس للحين ما تاخر

نفس ما قلت خل ينزل مواد المشتركة

دين 101
عرب 110
تاريخ 121
انج 125 ( تبع العلوم )

و يقدم طلب تحويل

بس الفرق ان خسر البعثة

مايصير يحولونه قبل لا يبدي الكورس؟

 

[qassoomy]

مايصير يحولونه قبل لا يبدي الكورس؟

طبعا يصير اذا يكون في شواغر و احتمال كبير يكوتن شواغر لانة في ناس ما يثبتون قبولهم
بس اذا ما قبلوا مثل ما قلت لك ينزل مواد المشتركة و بس

 

[cs5]

غلط يا ريت ما حولتوا البعثة لمنحة جان بغيتوا علي بعثة رياضيات

و نزل مواد المشتركة مع مقرر انج و طلب تحويل في الكورس من الوزارة

و 100 بال 100 الوزارة توافق علي التحويل و بعدين تجون الجامعة و تقدمون طلب التحويل

و نهاية الفصل يحولونة مع بقاء البعثة


للاسف هذي غلطة كثير من الطلبة يغلطونها و يخسرون البعثة

غلط من قال
بعثة الرياضيات و العربي و الفيزيا مستحيللللللللل يحولونها باقي التخصصات ممكن

 

[qassoomy]

غلط من قال
بعثة الرياضيات و العربي و الفيزيا مستحيللللللللل يحولونها باقي التخصصات ممكن

من قال لك في تمييز بين التخصصات هذول يحولونهم و هذاك لا

انا ولد عمي بعثة ماث حول
و عضوة هني في المنتدي بعثة عربي حولت
كل واحد و كيفة مو مجبر يقعد في تخصص ما يبي

 

[UM SAYED 7AYDER]

بالضبط مثل ما قال قسومي غلط لمن حول البعثه لي منحه ..

بس ترى في مجال ان يرجع للبعثه اذا ما اخذوها ..
لان عادتا يخلون شواغر لي بدايه الدوام

وبالنسبه للتحويل عادي يحول حاليا .. ياخذ المواد المشتركه ويقدم طلب تحويل
بس اهم شي ما تصير له نفس مشكلتي ..

قبلت البعثه وتميت كل كورس اروح حق طلب تحويل فالوزاره
يتاخرون وما يعطوني الورقه الا تكون فتره التحويل مخلصه فما يقبلون الجامعه
وتميت جي لين خلصت الساعات الي من المحتمل يحولوني فيها ^^