لماذا اسمي غير موجود ؟؟ =(

[زُمُرّد]

السلام عليكم ..

عندي سؤال عن اسامي المقبوليين حق دفعة 2012 ..
اخوي مقدم على الجامعة و سوى المقابلة و الامتحان و كلشي اوكي
بس يوم نزلوا النتايج مافي اسمه

مع انه معدله 80 ..
ليش ما قبلوه ؟
الأمر غريب الجامعة قبلت معدلات اقل !!

 

[qassoomy]

اهلين اختي و الله ما ادري ليش مو موجود مع ان الجامعة اكدت معدل 70 لما فوق

الكل قبلوهم بكالوريوس

اذا تبين طرشي اسم اخوج و 3 رغباتة الاولي يمكن اهنا نشوفة:mellow:

 

[Ali Hassan]

السلام عليكم ..

عندي سؤال عن اسامي المقبوليين حق دفعة 2012 ..
اخوي مقدم على الجامعة و سوى المقابلة و الامتحان و كلشي اوكي
بس يوم نزلوا النتايج مافي اسمه

مع انه معدله 80 ..
ليش ما قبلوه ؟
الأمر غريب الجامعة قبلت معدلات اقل !!

وعليكم السلام ...
خليه يدخل على هذا الرابط و يتأكد
http://www.online.uob.edu.bh/cgi/admletterdgr

و طبعًا بعد ما تفتحون هذا الرابط
- بيطلع مستطيل يبغي بياناتكم (الأسم : الرقم الاكاديمي - الباسوورد : الرقم الشخصي)
- بعدين بتفتح صفحة لإدخال تاريخ الميلاد (تدخلون تاريخ الميلاد)
- و بعدين كملوا الباقي ...

ملاحظة : إذا ما قدرتون تدخلون الصفحة ، فللأسف "ما قبلتكم الجامعة"
​

 

[Accountya]

اني اول شي بعد ما طلع اسمي ويا المقبولين
وفي الأخير اكتشفت ان في ورقة ناقصة ما وديتها ليهم
ورحت وديتها وقبلوني اول رغبة

 

[زُمُرّد]

اهلين اختي و الله ما ادري ليش مو موجود مع ان الجامعة اكدت معدل 70 لما فوق

الكل قبلوهم بكالوريوس

اذا تبين طرشي اسم اخوج و 3 رغباتة الاولي يمكن اهنا نشوفة:mellow:

اي غريب انه ما قبلوه ! .. احنا فكرنا بعد يمكن اسباب ثانية

مشكوور اخوي

وعليكم السلام ...
خليه يدخل على هذا الرابط و يتأكد
http://www.online.uob.edu.bh/cgi/admletterdgr

و طبعًا بعد ما تفتحون هذا الرابط
- بيطلع مستطيل يبغي بياناتكم (الأسم : الرقم الاكاديمي - الباسوورد : الرقم الشخصي)
- بعدين بتفتح صفحة لإدخال تاريخ الميلاد (تدخلون تاريخ الميلاد)
- و بعدين كملوا الباقي ...

ملاحظة : إذا ما قدرتون تدخلون الصفحة ، فللأسف "ما قبلتكم الجامعة"
​

ايي جربت هالصفحة يطلع انه تاريخ الميلاد غلط يعني في مشكلة بالقبول !

مشكور اخوي

اني اول شي بعد ما طلع اسمي ويا المقبولين
وفي الأخير اكتشفت ان في ورقة ناقصة ما وديتها ليهم
ورحت وديتها وقبلوني اول رغبة

ان شاءالله يكون الموضوع انه ورقة ناقصة ..
مشكورة اختي

 

[عبير البنفسج]

ايي جربت هالصفحة يطلع انه تاريخ الميلاد غلط يعني في مشكلة بالقبول !

الكل يطلع له جذي اختي ،، في مشكلة في سستم الموقع

خله يروح باجر و يشوف ،، خله اول يروح و يجرب يطبع ورقة القبول اذا قالو له ما انقبلت بعدين اسألو هناك عن السبب

 

[زُمُرّد]

أن شاءالله باجر نروح نشوف ... دعواتكم

شكراً

 

[s.7boob]

يمكن طلعلية في كلية العلوم الصحية ادا كان مقدم!! شوفوا اسمه في الجريده .. لان ساعات موقع الجامعة يخرف..
http://www.alwasatnews.com/3638/news/read/696299/1.html

 

[زُمُرّد]

حتى كلية العلوم مافي ..
مع انه سمعت اللي ينقبل فيها ما ينقبل في جامعة البحرين لانهم واحد .. !

على العموم شكراً ..

 

[Ali Hassan]

ايي جربت هالصفحة يطلع انه تاريخ الميلاد غلط يعني في مشكلة بالقبول !
مشكور اخوي

جربي ألحين ، أنا من شوي جربت أدخل بياناتي و دخل ، بس رسالة القبول ما طلعت لي لأنني قديم ، فجربوا ألحين لأن أحتمال عدلوا الخلل
​

 

[red❤heart]

خبرينا خيو ويش صار وياكم ​

 

[زُمُرّد]

راح لهم اليوم و عطاهم اوراقه لانه قلنا احتمال ناقصيين
قالوا له كل يوم يجيك الموقع لبداية شهر 9 ..
و أن شاءالله خير يا ربي

 

[غصن شوك]

ان شااء الله ينقبل

بس ادعوا له واهم شيء الوالدة تدعي في صلاتها
وكل شيء بيكون تمام :sly: