*~ مواقفنا المدرسية ~*

[zanooob]

بسم الله الرحمن الرحيم

مع اقتراب موعد العودة الى مدارس ، نتذكر الايام المدرسية التي عشناها ،

فنضحك على بعض المواقف الى حد البكاء !!

او نبكي !!

هنا مساحه لنتذكر معا مواقفنا المدرسية التي لا تنسى


​

 

[я є ι α x є]

بقدرَ مآ أنهيتَ الدرآسة في المدرسة وتخرجنآ منذُ عآمينَ ، لآ زآلتَ ترآودنِي فرحة غآمرة حين أتذكر العودة للمدآرسَ
أشتآق لِ زوآيآ الصفَ وطآولتي وكُرسييّ المتوآضعَ ، أرى فرحة المدرسة في عيُون أخوآنِي وأرى الحزن في عين أخي المُعتقلَ
رغم ذلك أذهبَ معهم لِ شرآء ملآبسَ المدرسة والأحذية وأهم شي الأدوآت المدرسية والأقلآمَ .
تلآزمنِي ذكريآت المدرسة كثيراً ، فقط تبقى الذكرى !

ولو أردتُ سردَ الموآقف لمآ كفى المجآل لِ ذكرهآ ، فقط أتذكر أنني أضحكَ في وقت الحصة ويتم توبيخ صديقتِي
أتذكر سوآلفنآ وآخر حفلة لنآ في الصف وكم قرأنا وكم أهدينا بعضنا البعض الكثيرَ .
وأتذكر وأتذكر !

سلمتِ

 

[alialmulla]

وه ذكرتينا ببعض المدرسين الي يرفعون الضغط !!
لكن طبعا في مدرسين ذهب و ذكريات شكثر و خب الحركات الاجرامية الا كنا نسويها في المدرسة مستحيل ننساها لكن خلها مستورة الأفضل ما نذكرها ​

 

[the life]

اي والله ايام
ليتها تعود بس
كنا نقول متى نتخرج ونفتك والحين اقول ليتنا ما تخرجنـآ
اذا ما كنت غلطانه كأنه كان في موضوع لـ جذي
ومادري اذا حطيت فيه هالمواقف او لا
بس بقولها
من المواقف اللي اتذكرها
مرة كنت امشي في الممر طالعين من الصالة الرياضية الى الصف
طبعاً صفنا فوق
واني امشي حاطه البنطلون ع جتفي واغني " بلا حب بلا وجع قلب " < طربانه الاخت ما عليكم
شوي ولا اشوف الا ولي امر في وجهي وول حسيت الارض بتنشق وتبلعني
هذيك اللي تغني من شوي الحين صارت خرسه :mellow:
واشيل عليه اركض فوق لكن صدق موقف لا اُحسد عليه


مرة بعد المعلمة قاعده تهذر في الحصه مالت العربي
واني مو وياها اصلاً
وهي تقول واحنا نرد عليها
تشرح ظرف المكان والزمان واعرابهم
الا تقول ظرف و ؟
الكل سكت الا اني ناطه اقول مظروف
اني اصلاً مو وياها ع الخط هههههه
من جذي ما حسيت على روحي ورديت

يا كثر البلاوي والمصايب اللي سويناها اذا تذكرت برجع
​

 

[قمَر]

في اشياء واجد بس من زمااااان احسسني تخرجت واجد سنين
يمكن اذكر شي يمكن لا ، لين ذكرت بشارككم ​

 

[قمَر]

اعتقد القسم العام أنسَب لـ مثل هذا الموضوع
تَم النقل ​

 

[Mystro]

الحياة المدرسية تحمل الكثير من البراءات في التصرفات وفي التفكير
المدرسين والزملاء حيث كنا نلتقي كل يوم وفي كل وقت في الفسحة نضحك وندرس للامتحانات القصيرة التي كانت أشبه لها بداية وليس لها نهاية
مواقفنا مع بعضنا البعض وذكرياتنا في الدرجات وحساب المعدل
ولنا ذكرى حزينة ومؤلمة بفقد أخونا العزيز محمد حاتم بين فترة والثانية اتذكره خصوصا لما اتذكر أستاذ توفيق المرعوي تونسي درسنا الكيمياء العضوية وفقدنا أخونا في هذه الفترة وكان المدرس متأثر
هالموقف قاسي علينا واتذكر قروب صف ٣ ثانوي شعبة رقم ١ اتذكر معقد كل واحد وين كان قاعد
ويشاركني في هذه الذكرى وموجودين في المنتدى صادق وفهد

المضحك في الأمر موقف أستاذ خليفة مدرس اللغة الانجليزية
ما بقول الموقف لأن إلا جنن الأستاذ مو موجود ويانا في المنتدى

وأمور كثيرة

 

[rayoom]

صج ايام المدرسه حلوووه ووناسه وصارت مواقف مضكحه وخصوصا لما نشرد من الصف بس بعد مابي ارد لها خلااص ابي اخلص وجامعه واشتغل


في موقف للحين في بالي اذكر بالحصه الثالثه قبل الفسحه طبعا كنا قروب جذي اربع بنااات ... وحده منهم طلعت وقالت بتروح الحمام وطلعت وراحت الحمام بسلام .... الثانيه قالت تبي تروح بس المدرسة مارضت وقالت لما تجي رفيجتج بتروحين وقامت اتقول مابقى شي على الفسحه خليني اروووح الحمام بس هالمدرسه عاندت وقالت لا ... شسوت هالابنيه الا اهيا رفيجتي خذت الماي وكتته على وجها وقامت تشاهق الا المدرسة التفتت وقالت شفيج شصاير ويازعم رفيجتي صدقت الموضوع ومن صج تصيح ووجها مايبشر بالخير(جذبت الجذبه وصدقتها) وبعدين قالت لها رووحي الحمام وغسلي ويهج يما وتعال ....
الحين ثنتين طلعوا بقت رفيجتي الثالثه واني ....
قامت رفجتي اتقول بروووح الحمام طبعا قالت المدرسه لاااا وقامت تتحجج رفيجتي وقالت لها خايفه على رفيجتي الي تصيح ابي اتطمن عليها مايصير وبعدين صج المدرسه خافت على الابنيه وقالت لرفيجتي روووحي جوفيها وتطمني ولاتتأخرين ... بنات الصف شكو بالسالفه ...
الحين بقيت اني شسوي ماعندي شي اقوله ..
اقول لها معلمه ابي اروح الحمام قالت لي لا مايصير جوفي القروب كلهم طلعو خلهم يرجعون وبعدين طلعي
الحين شسوي وديلين مابيجون اوف نطرت جم دقيقه ورديت قلت لها معلمه برووح الحمام خلااص ماقدر اقاوم
عاد الصف حسووو بالسالفه وقالوا لها اي مو زين اهي بعد ماتقدر وبعدين اذا صادها شي بيحطون السالفه عليج معلمه وووو وبعدين قالت لي روووحي وقولي لربعج يجووون في المشمش مااماا

ماطلعت هني وصلت المقصف الا الجرس طق انقهرت حسيت ان متأخرين بهالحركه بس بعد ارتحنا لان الدقيقه عن عند هالمعلمه ساعه

وبعد مووواقف ومووواقف والمهم تخرجنا والحمدلله
يلا فتحوا موضوع عن مواقف الجامعه جان نضحك على روحنا الحين


ويسلموا على الموضوع ....

 

[Mystro]

صج ايام المدرسه حلوووه ووناسه وصارت مواقف مضكحه وخصوصا لما نشرد من الصف بس بعد مابي ارد لها خلااص ابي اخلص وجامعه واشتغل


في موقف للحين في بالي اذكر بالحصه الثالثه قبل الفسحه طبعا كنا قروب جذي اربع بنااات ... وحده منهم طلعت وقالت بتروح الحمام وطلعت وراحت الحمام بسلام .... الثانيه قالت تبي تروح بس المدرسة مارضت وقالت لما تجي رفيجتج بتروحين وقامت اتقول مابقى شي على الفسحه خليني اروووح الحمام بس هالمدرسه عاندت وقالت لا ... شسوت هالابنيه الا اهيا رفيجتي خذت الماي وكتته على وجها وقامت تشاهق الا المدرسة التفتت وقالت شفيج شصاير ويازعم رفيجتي صدقت الموضوع ومن صج تصيح ووجها مايبشر بالخير(جذبت الجذبه وصدقتها) وبعدين قالت لها رووحي الحمام وغسلي ويهج يما وتعال ....
الحين ثنتين طلعوا بقت رفيجتي الثالثه واني ....
قامت رفجتي اتقول بروووح الحمام طبعا قالت المدرسه لاااا وقامت تتحجج رفيجتي وقالت لها خايفه على رفيجتي الي تصيح ابي اتطمن عليها مايصير وبعدين صج المدرسه خافت على الابنيه وقالت لرفيجتي روووحي جوفيها وتطمني ولاتتأخرين ... بنات الصف شكو بالسالفه ...
الحين بقيت اني شسوي ماعندي شي اقوله ..
اقول لها معلمه ابي اروح الحمام قالت لي لا مايصير جوفي القروب كلهم طلعو خلهم يرجعون وبعدين طلعي
الحين شسوي وديلين مابيجون اوف نطرت جم دقيقه ورديت قلت لها معلمه برووح الحمام خلااص ماقدر اقاوم
عاد الصف حسووو بالسالفه وقالوا لها اي مو زين اهي بعد ماتقدر وبعدين اذا صادها شي بيحطون السالفه عليج معلمه وووو وبعدين قالت لي روووحي وقولي لربعج يجووون في المشمش مااماا

ماطلعت هني وصلت المقصف الا الجرس طق انقهرت حسيت ان متأخرين بهالحركه بس بعد ارتحنا لان الدقيقه عن عند هالمعلمه ساعه

وبعد مووواقف ومووواقف والمهم تخرجنا والحمدلله
يلا فتحوا موضوع عن مواقف الجامعه جان نضحك على روحنا الحين


ويسلموا على الموضوع ....

 

[Ali Hassan]

أمممممم ، أنا ما كنت أحب أيام المدرسة واجد !!!
يمكن تكون الأسباب شخصية شوي بس رغم هذا ما زلت أتذكر بعض الأصدقاء المقربين و أفتقدهم بشدة ..
كما أنني لا أستطيع أن أنسى بعض المدرسين الذين لا أستطيع أن أقول عنهم إلا بأنهم كأصدقاء بالنسبة لي

بس كانت أيام جميلة و تاريخها محفورة في قلبي ، و ليتني ألتقي بأصدقائي مجددًا في المستقبل المشرق .

​

 

[3looy2jz]

ههه ايام ,,
اتذكر ف صف ثالث اعدادي اكبر جريمة سويتها فالمدرسة ههه ,,
دخلنا مكتب المدير وماكان احد هناك والسكورتي مال الإدارة مو هناك ,,
دخلنا وعفسنا المكتب وكتينا عصير على طاولة المدير وشققنا الاوراق وخربطنا ملفاته ههه ,,
واليوم الي عقبه قالو فالطابور في طلبه سوو جدي وجدي وقالو بنصيدهم يعني بنصيدهم ولي يومكم ماصادو احد ههه ,,

 

[A.H]

اذكر معلمة "عن جد"
استغفر الله كنا كل ما تجي نقول هالكلمه هههه
مواقف بلاوي ..
يسلمو خيتي

 

[warm snow]

ايام المدرسة توحشني

في مواقف كثير لين ذكرتها راح ارجع اكتبها

 

[Ali Hassan]

أنا لو أقعد أقول المواقف إلا سويتها في المدرسة ما أخلص
بس بعدين بقولها ، لأنني بقوم بعد شوي من اللابتوب
​

 

[D.Z]

واجد مواقف
بس في موقف على كثر ما خفت فيه على كثر ما مت ضحك

كان يوم من ايام إمتحانات المنتصف و، ورحت المدرسة مو نايمة مواصله
واتصلت في البيت الساعه 10 إني ابي ارجع البيت ، وصار عندنا انج عاد جووني الماما واخوي
عاد نزلت الماما وراحت للمشرفة عشان ينادوني وجي ، على ما المشرفة تكتب الورقة وتحصل احد يوديها
قامت ماما اتصلت فيني حق تقولي انهم وصلوا و رن التلفون في الحصة
وكنت مخليتنه فون اونلي
جان وجهي يصير جذي
وبنات الصف كل وحده جتها الكحه ذيك الحزة عشان ما ينسمع صوت الفون واحنا ورى
بس سمعت المعلمة واشوى كان في الدرج فبسرعه بندته وشلناه وحطيناه صوب الدريشة
لكن المعلمة سمعت صوته فجت ورى تدور وتسألنا وقلنا ليها ما عندنا يتهيأ لش ان صوت تلفون
وعقب محاولات اقتنعت وعقب جت الورقة وطلعت بسلام

ماما على نياتها ، بس من اذكر ذاك اليوم مع ربعي نموت ضحك على اشكالنا

 

[zanooob]

واجد مواقف
بس في موقف على كثر ما خفت فيه على كثر ما مت ضحك

كان يوم من ايام إمتحانات المنتصف و، ورحت المدرسة مو نايمة مواصله
واتصلت في البيت الساعه 10 إني ابي ارجع البيت ، وصار عندنا انج عاد جووني الماما واخوي
عاد نزلت الماما وراحت للمشرفة عشان ينادوني وجي ، على ما المشرفة تكتب الورقة وتحصل احد يوديها
قامت ماما اتصلت فيني حق تقولي انهم وصلوا و رن التلفون في الحصة
وكنت مخليتنه فون اونلي
جان وجهي يصير جذي
وبنات الصف كل وحده جتها الكحه ذيك الحزة عشان ما ينسمع صوت الفون واحنا ورى
بس سمعت المعلمة واشوى كان في الدرج فبسرعه بندته وشلناه وحطيناه صوب الدريشة
لكن المعلمة سمعت صوته فجت ورى تدور وتسألنا وقلنا ليها ما عندنا يتهيأ لش ان صوت تلفون
وعقب محاولات اقتنعت وعقب جت الورقة وطلعت بسلام

ماما على نياتها ، بس من اذكر ذاك اليوم مع ربعي نموت ضحك على اشكالنا

هههههههههههههههههههههه صار فلم رعب

اذكر كنا نحط الحب في الدرج و نفسفس طول الحصص ونحاول مانطلع صوت
بس في مره كلنا مره وحده ااكلنا غريبه وطلع صوت عدل :mellow:

حسيت وقتها ان عندنا حشيش و المدرسه شرطه وان اكتشفتنا سجن على طول

جت جهتنا قالت تاكلون حب !! ، طبعا احنا عطيناها الفيس البرئ وقنا ، لالالالالا

ايام

 

[همس الوجود]

هيي ياليت جت على موقف الا مواقف وبلاوي

الي بقوله موقف ايام المدرسة اول ثانوي كنا نبي زرع عشان نلعب وخلوها لينا اخر حصتين وستانسنا والمعلمة تعطينا المراشه ونشحنهم ونروح نسقي الزرع واكتشفنا عندنا قريه تراثيه فيها قعده من خشب وفوقها سقف من سعف وفي مرجحانه قدامها من خشب ونفس المشرعه مسوين ( سلام الله على ابو فاضل ) فيها سمج زينه والارضيه كلها كنكري المهم قامو يمزحون ان كل مره علينا زرع يسبحون وحده وجا اليوم الي تامرو فيه على المسكينة اني ههههه وسبحوني بالهوز والمشكله جيفه ارجع البيت ومريولي ينقط طلعت بقعد في الشمس يمكن انشف الا صوت الصراخ مارجعت الا البنات يصارخون ان وحده من صديقاتنا طاحت وطلع الدم ورحت للمشرفه بسرعه .. وودوها المستشفى طلع ويش لاحقين وراها وماجافت الطابوقه وطبت في النقعه على الفك السفلي وانشق وخيطوه ليها في المستشفى مسكينه رجعت ماتتكلم والمدرسات مايدرون فيها اذا يشرحون يقومونها تشارك ماترد ويعصبون والله حاله قمنا احنا نجاوب عنها وبقت ايام واجد مثل الغتمان هههههه لين ماصارت زينه الحمدلله وقمنا نطنز عليها نقوليها حمدي ربش مادشت في بوزش سمجه من النقعه هههههه
​

 

[Mariam_93]

انا وحدة كنت هااااااادئة بس اسمع و اشوف اللي يصير
ما اتسبب و اسوي مشاكل و بلااوي حدي اخاااف .. و بس هاي كل الذكريات اللي عندي ..

 

[قمَر]

اني ما ليي حس بس في مواقف صارت وااجد

اذكرر يوم كنت في أول ثانوي
كانت اختي بعد في أول ثانوي ، محوله من ادبي الى توحيد
وصفوفنا صوب بعض
ايام المنتصف من نقدم الامتحان تجي لي وكل وحدة تقول وش سوت
خووب ندرس وي بعض احنا اوردي
عاد في امتحان الأجا ، اجا 102
قاعدين نتكلم عن الخريطة
الا تقول ليي ، الجواب : المحيط المتوسطي
>> تقصد المحيط الأطلسي ، ومن الذكاء الزايد سوتها المتوسطي
للحين لين اتذكر ، امصخرها على المتوسطي هذا

وبعد اذكر ، في الثانوي ، اظن ثاني ثانوي
في مولد النبي .. اتفقنا كلنا نغييب
اللي داوموا معدودين ع الأصابع
فـ من القَهر ، قامت المديرة وطرشت لينا كلناااااا تعهد ع الغياب
يوزعونه علينا كأنه ورقة امتحان
طبعاً كان أول وآخر تعهد اخذته
وما عطيتهم اياه بعد
لـ آخر السنة وهو في الفايل محطوط

واكثر شطانتي طلعتها في ثاني اعدادي
وكانت ويانا في صف ، آيات القرمزي
كان صفنا متماسكين عدل عدل في هذي السنة
ومسوين لينا حزب
* كانت معلمتنا الآنج ، طويييله
الا تقول ليها آيات مرة ..
معلمة انتين تذكريني بـ سلام دانك
* واذكر مررة في حصة العلووم
كنت اني قاعدة ثاني وحدة
وكنا اني والقروب اللي صوبي ناخذ قراطيس ونفلتها في زيلة الخمام الله يعزكم واحنا قاعدين محلنا
عاد مرة بـ الغلط بفلتها في الزيلة ، وانجان افلتها على المعلمة من الحَوّل :mellow:
وقامت وقفتني ورى آخر الصف وذبحت روحي من الصياح
لكن بعدين اعتذرت من المعلمة
* ومعلمَة الرياضيات الأولى طفشناها ، والثانية جابوها لينا وهي تدريب
لين عصبت ما نشوفها الا طالعه بررى تركض وجايبة المشرفة
* معلمة العربي ، كانت تلبس كل جلابيات خضران
أطلقنا عليها الشبح الأخضر
* اما مششرفة القسسم كان اسمها ***** سهوان
فـ كنا مطلعين عليها كذا لقب " سوزان / باتمان / سوبرمان "
فـ مرة من المرات جت الصف ، وهي واقفة ع الباب
انجان توقف آيات وتصارخ سوزااااااااااااااااااااااااان
وهذيك خبر خير ما تدري بـ الدنيا

في الثانوي كان عندنا معلمة ، كل تعطينا جزآ أو قصاص في روايات أخر
عاد الا تقول ليها بنية ..
معلمة انتين منهو الدكتور اللي قاهرنش وكان يعطيش جزا في الجامعة؟
والله الا أراويش فيه
ابتسمت المعلمة ، الآ تقول
اني ما عطتني جزا الآ معلمة وحدة ، وهي امي
خلتني اكتب جدول الضرب 20 مرة
الا تقول ليها البنية
زين تسوي ، سوتش خوش مررة

مواقف واااجد
هذا اللي جه على بالي الحين
لين ذكرت شي غير بمرر وبكتب ​

 

[عآفك الخآطر]

اذا نجيب طاري المدرسه فيه موقف كلا على باليـ

فيه مره وكالعاده هارب من المدرسه , عاد وقت رجعتنا طاح مطر موطبيعي
والحين لازم انط من السور , والسور كان يزلح , وغير جذي مركبين لينا الحدايد السودان اللي لو تصيد واحد تقتله
عاااد الحين بتبدي الحصه ولازم ارجع , وفيه اماكن فيها مراقبه للي ينطون وماكان عندي خيارات واجد توكلت على الله
واجود الطوف , وكل ماركب انزلح وكل ماركب انزلح
عاااد اخر شي ركبت وبنزل من الجهه الثانيه وكنت لابس جاكيت
وجان يدخل جم الجاكيت في الحديده يوم فلت روحي داخل المدرسه هههههه
واتعلق لا اقدر ارتفع ولا اقدر انزل , وظليت على هالوضع ربع ساعه هههههههههههههههههههه
لين ماجفت طالب جه ورفعني
وزين مانصدت هاليوم