*~ مواقفنا المدرسية ~*

[قمَر]

اذا نجيب طاري المدرسه فيه موقف كلا على باليـ

فيه مره وكالعاده هارب من المدرسه , عاد وقت رجعتنا طاح مطر موطبيعي
والحين لازم انط من السور , والسور كان يزلح , وغير جذي مركبين لينا الحدايد السودان اللي لو تصيد واحد تقتله
عاااد الحين بتبدي الحصه ولازم ارجع , وفيه اماكن فيها مراقبه للي ينطون وماكان عندي خيارات واجد توكلت على الله
واجود الطوف , وكل ماركب انزلح وكل ماركب انزلح
عاااد اخر شي ركبت وبنزل من الجهه الثانيه وكنت لابس جاكيت
وجان يدخل جم الجاكيت في الحديده يوم فلت روحي داخل المدرسه هههههه
واتعلق لا اقدر ارتفع ولا اقدر انزل , وظليت على هالوضع ربع ساعه هههههههههههههههههههه
لين ماجفت طالب جه ورفعني
وزين مانصدت هاليوم

مأساااة :mellow:​

 

[D.Z]

اذا نجيب طاري المدرسه فيه موقف كلا على باليـ

فيه مره وكالعاده هارب من المدرسه , عاد وقت رجعتنا طاح مطر موطبيعي
والحين لازم انط من السور , والسور كان يزلح , وغير جذي مركبين لينا الحدايد السودان اللي لو تصيد واحد تقتله
عاااد الحين بتبدي الحصه ولازم ارجع , وفيه اماكن فيها مراقبه للي ينطون وماكان عندي خيارات واجد توكلت على الله
واجود الطوف , وكل ماركب انزلح وكل ماركب انزلح
عاااد اخر شي ركبت وبنزل من الجهه الثانيه وكنت لابس جاكيت
وجان يدخل جم الجاكيت في الحديده يوم فلت روحي داخل المدرسه هههههه
واتعلق لا اقدر ارتفع ولا اقدر انزل , وظليت على هالوضع ربع ساعه هههههههههههههههههههه
لين ماجفت طالب جه ورفعني
وزين مانصدت هاليوم

ههههههههههههههههههه
احلى شي انك تميت جذي ربع ساعة كأنك اسير

 

[zanooob]

* واذكر مررة في حصة العلووم
كنت اني قاعدة ثاني وحدة
وكنا اني والقروب اللي صوبي ناخذ قراطيس ونفلتها في زيلة الخمام الله يعزكم واحنا قاعدين محلنا
عاد مرة بـ الغلط بفلتها في الزيلة ، وانجان افلتها على المعلمة من الحَوّل :mellow:
وقامت وقفتني ورى آخر الصف وذبحت روحي من الصياح
لكن بعدين اعتذرت من المعلمة
​

ذبحتني المواقف من الضحك ، وهذا ذكرني بتوجيهي ، كان في حصه معينه بس نشتغل فيها نقصص محايات و نرميها على بعض
كنا قروبين واحد يسار و واحد يمين و الي في الوسط شطار مايسوون شي و نبدي تفليع

بس مره خلصت المحايات الي عندنا فقامت صديقتي و طلعت قلم رصاص و قسمته نصين و فلعته و جان يصيد البانكه ويتجه الى المعلمة و صادها !!
ذيك الحزة صرنا :mellow:


عافك : لو محلك جان مايظل ايه ولا فاتحه الى قريتها

 

[Ruthless]

ما فيه مواقف محددة، الا موقف واحد ما اقدر انساه
طول فترة دراستي كنت دائماً في حالي، بس اغلب ربعي عليهم حركات نذالة
كنا بحصة علوم، رفيجي قام يصور الأستاذ بالخش ويتطنز ومن هذا القبيل
كنت بالعصر اطلع معاه، طرش لي المقاطع وقالي حط عليهم اغاني ومن هالحركات.

الأستاذ لما كان يشرح كان يرفع وينزل ايده بشكل مكرر، لما حطيت الأغنية كأنه يأشر للي يصور ويقوله ارفع صوت الأغنية ._.
طبعاً غير الكلام اللي حطيته ببداية المقطع، ما اقدر أكتبه.
المهم، بعد ما خلصت تعديل ع الفيديو طرشته حق رفيجي، ورفيجي طرشه حق واحد كان معانه بالصف.

الفيديو انتشر تقريباً بين صفين أو ثلاث صفوف، وكان عندنا رياضة.. كنا قاعدين برا
المشرف طاف صوبنا وشاف عند رفيجي اللي ماله علاقة بالموضوع التلفون.. اخذه يفتش فيه وبالغلط دش ع الفيديو واكتشف أنه الأستاذ بمدرستنا ويعرفه.

اللي صور ورفيجي اللي كان معاه المقطع راحوا الإشراف عشان هالمشكلة قالوا له الموضوع
تالي المشرف دخل علينا الصف وفتش + اخذ كل التلفونات وخلاني اروح معاه.
وكبرت المشكلة بشكل مو طبيعي، إضافة على ذلك المدير بعد ما قرأ الكلام اللي بالفيديو قال أني غلطت على كل مدارس البحرين!!!

المدير اخذ قراره بفصلنا بشكل نهائي + تحويلنا ثلاثتنا لمحقق قانوني، وامتحانات المنتصف ما كان باقي عليها شي.
اسبوعين كل يوم صرنا نروح المدرسة عشان هالمشكلة نبيهم يغيرون القرار، لين ما كسرنا خاطر مساعد المدير وهو قام يحاول يقنع المدير.

بعد ما اقتنع المدير، قال لنا نحضر اليوم الفلاني الساعه كذا بيكون فيه مسؤول بالوزارة بالاجتماع اللي بيصير
وجابوا مصور يصور االاجتماع بالفيديو كدليل وعوار راس، والمسؤول اللي من الوزارة قرر يعطينا فرصة ثانية بشرط أن المقطع ما يشوفه عند أي شخص مرة ثانية (المقطع كان منتشر بين أكثر من صف) والشرط الثاني أنه الأستاذ اللي بالفيديو يوافق

الأستاذ وافق، بعدها بكم يوم رجعنا اخيراً للمدرسة ونداوم عادي
رحنا اعتذرنا للأستاذ وكل شي، المدرسة كلها صارت تعرف بالمشكلة.. ويقولون حطوا عنا بالجريدة!!
ما كنت متوقع ابداً الأمور توصل لهذي المرحلة.. ومن يومها صرت اتجنب أي واحد يسوي هالحركات :\
وكنت خايف أن المقطع يوصلهم مرة ثانية طول فترة الثانوي لأن لو وصلهم مرة ثانية كنا راح ننفصل بشكل نهائي

 

[حُزن القَمَرْ!~]

ما فيه مواقف محددة، الا موقف واحد ما اقدر انساه
طول فترة دراستي كنت دائماً في حالي، بس اغلب ربعي عليهم حركات نذالة
كنا بحصة علوم، رفيجي قام يصور الأستاذ بالخش ويتطنز ومن هذا القبيل
كنت بالعصر اطلع معاه، طرش لي المقاطع وقالي حط عليهم اغاني ومن هالحركات.

الأستاذ لما كان يشرح كان يرفع وينزل ايده بشكل مكرر، لما حطيت الأغنية كأنه يأشر للي يصور ويقوله ارفع صوت الأغنية ._.
طبعاً غير الكلام اللي حطيته ببداية المقطع، ما اقدر أكتبه.
المهم، بعد ما خلصت تعديل ع الفيديو طرشته حق رفيجي، ورفيجي طرشه حق واحد كان معانه بالصف.

الفيديو انتشر تقريباً بين صفين أو ثلاث صفوف، وكان عندنا رياضة.. كنا قاعدين برا
المشرف طاف صوبنا وشاف عند رفيجي اللي ماله علاقة بالموضوع التلفون.. اخذه يفتش فيه وبالغلط دش ع الفيديو واكتشف أنه الأستاذ بمدرستنا ويعرفه.

اللي صور ورفيجي اللي كان معاه المقطع راحوا الإشراف عشان هالمشكلة قالوا له الموضوع
تالي المشرف دخل علينا الصف وفتش + اخذ كل التلفونات وخلاني اروح معاه.
وكبرت المشكلة بشكل مو طبيعي، إضافة على ذلك المدير بعد ما قرأ الكلام اللي بالفيديو قال أني غلطت على كل مدارس البحرين!!!

المدير اخذ قراره بفصلنا بشكل نهائي + تحويلنا ثلاثتنا لمحقق قانوني، وامتحانات المنتصف ما كان باقي عليها شي.
اسبوعين كل يوم صرنا نروح المدرسة عشان هالمشكلة نبيهم يغيرون القرار، لين ما كسرنا خاطر مساعد المدير وهو قام يحاول يقنع المدير.

بعد ما اقتنع المدير، قال لنا نحضر اليوم الفلاني الساعه كذا بيكون فيه مسؤول بالوزارة بالاجتماع اللي بيصير
وجابوا مصور يصور االاجتماع بالفيديو كدليل وعوار راس، والمسؤول اللي من الوزارة قرر يعطينا فرصة ثانية بشرط أن المقطع ما يشوفه عند أي شخص مرة ثانية (المقطع كان منتشر بين أكثر من صف) والشرط الثاني أنه الأستاذ اللي بالفيديو يوافق

الأستاذ وافق، بعدها بكم يوم رجعنا اخيراً للمدرسة ونداوم عادي
رحنا اعتذرنا للأستاذ وكل شي، المدرسة كلها صارت تعرف بالمشكلة.. ويقولون حطوا عنا بالجريدة!!
ما كنت متوقع ابداً الأمور توصل لهذي المرحلة.. ومن يومها صرت اتجنب أي واحد يسوي هالحركات :\
وكنت خايف أن المقطع يوصلهم مرة ثانية طول فترة الثانوي لأن لو وصلهم مرة ثانية كنا راح ننفصل بشكل نهائي

يآ لهويّ !

--

ممم ، أيّآم الإبتدآئي والإعدادي الذكريآت جداً قليّلة

وبدأت الأكشنآت في في الثآنوي ،

ونظراً ، لزهآيّمر / مآ اذكر حاليّاً شيء و ذآكرتي مو خوش !

إذا حلّت عليّنا الذكريآت ليّنا عوّدة

 

[sadeq91]

بعد ثلاث سنوات من التخرج من الثانوية ، أي من سنة 2009 .. اليوم تجمعنا في مطعم نتغدى ..

صدق ابدااع ..

 

[عالي مستواي]

سلمكم الله ايام ما كنت بثاني ثانوي ايام البرد احنه صفنه كانو معرفين اشطن صف وكلنه على قلب واحد كنه يعني لما بنشرد نشرد كلنه يمكن ب3 يتمون بالصف
احنه صفنه كان صندقه وجدامه ساحه عوده مجابلين سور المدرسه يعني واقفين كلنه ما نجوف الا عصفور نازل من فوق طق في سقف الصندقه وتزحلق وطاح عالارض واحنه كلنه رحنه تلايمنه عليه نجوفه الا ميت وه
قالت رفيجتي لازم نقره عليه الفاتحه او وقفنه كلنه نقره عقب ما خلصنه شالوه البنات مثل الجنازه وسوينه مسيره شايلينه ونفتر فيه ونقول الله اكبر الله اكبر تمينه نمشي لي ما وصلنه لي الزراعه قعدنا انا و وحده من ربعنه نحفر له قبر ودفناه كنه تقريبا ثلاثة ارباع الصف انزين ردينه الصف الا المشرفه عند الباب الله اكبر الله اكبر ها يالله جدامي كلكم وايودونه وحده وره وحده نوقع تعهد عندها لانه سوينه ازعاج بين الصنادق وودونه قعدونه في الصالة الرياضيه كنوع من العقاب وللي في الصف انشرح لهم الدرس

طبعا وايد تعهدات كانو عندي وذي من ضمنهم لي عوده مع مواقف ثانيه

 

[وردة البحر]

مواقفكم حلوة وايد

لي عودة ,,

 

[isoo_10]

واجد مواقف
بس في موقف على كثر ما خفت فيه على كثر ما مت ضحك

كان يوم من ايام إمتحانات المنتصف و، ورحت المدرسة مو نايمة مواصله
واتصلت في البيت الساعه 10 إني ابي ارجع البيت ، وصار عندنا انج عاد جووني الماما واخوي
عاد نزلت الماما وراحت للمشرفة عشان ينادوني وجي ، على ما المشرفة تكتب الورقة وتحصل احد يوديها
قامت ماما اتصلت فيني حق تقولي انهم وصلوا و رن التلفون في الحصة
وكنت مخليتنه فون اونلي
جان وجهي يصير جذي
وبنات الصف كل وحده جتها الكحه ذيك الحزة عشان ما ينسمع صوت الفون واحنا ورى
بس سمعت المعلمة واشوى كان في الدرج فبسرعه بندته وشلناه وحطيناه صوب الدريشة
لكن المعلمة سمعت صوته فجت ورى تدور وتسألنا وقلنا ليها ما عندنا يتهيأ لش ان صوت تلفون
وعقب محاولات اقتنعت وعقب جت الورقة وطلعت بسلام

ماما على نياتها ، بس من اذكر ذاك اليوم مع ربعي نموت ضحك على اشكالنا

-___________________-
توج متخرجة
كأنه واحد عمره 10 سنين يكتب "راحوا الطيبين"
المفروض 2012 ما يردون

 

[تي نيجر]

انا وحدة كنت هااااااادئة بس اسمع و اشوف اللي يصير
ما اتسبب و اسوي مشاكل و بلااوي حدي اخاااف .. و بس هاي كل الذكريات اللي عندي ..
و بعد في ذكريات سيئة ما احب اتذكرها .. الله يسامح اللي كان المتسبب فيها ..

+1

 

[purple.cs]

-___________________-
توج متخرجة
كأنه واحد عمره 10 سنين يكتب "راحوا الطيبين"
المفروض 2012 ما يردون

:mellow:

 

[D.Z]

-___________________-
توج متخرجة
كأنه واحد عمره 10 سنين يكتب "راحوا الطيبين"
المفروض 2012 ما يردون

وما تمنيت آتخرج بعد
كيفنا لازم نرد

 

[وردة البحر]

-___________________-
توج متخرجة
كأنه واحد عمره 10 سنين يكتب "راحوا الطيبين"
المفروض 2012 ما يردون

لكل انسان حرية التعبير عن رأيه
الموضوع مفتوح للجميع مو لدفعة معينة

 

[أمواج]

ما اذكر كان عندي مواقف من هالنوع

بس أتذكر مرة في ثاني ثانوي كنا بصف علمي صندقة و ما ادري شيسمونه مال الي يشغل و ابند الكهربا موجود بالصف
احنا في أواخر الحصص كان عندنا أجا و البنات كانو ما يبون المعلمة تشرح عاد شسووا
فتحو مال الكهربا و بندوها .. جت المعلمة و قلنا الكهربا مبنده و حررر ما نبي درس
لكن المعلمة بقت تشرح في الحر و احنا الي طلعت السالفة دبل علينا
آخر الشي لما خلصت الشرح جم بنية تجمعو عند طاولة المعلمة عشان ما تشوف البنية الي تشغل الكهربا
شغلوها و امثلون ان اشتغلت و صلوات و ما ادري شنو
اني قاعدة مكاني و بس أبتسم و أضحك

 

[Mariam_93]

انا و اختي دايما كنا نكون في مرحلة وحدة .. فمن المواقف اللي كنا نمر فيها كانت تكون حلييووة و غير مضرة ههه
على ايام الاعدادي كنا في صف واحد ( و احنا نتشااابه واايد ) في كل شي تقريبا .. حتى في النسبة و البوينت ..
انا كنت اقعد اول وحدة و هي وراي .. تيي المعلمة تصحح لي الواجب و تروح لاختي الا تنصدم تقول مو كأنني توني مصححة لج ..
لا و في اول اسبوع حق الدوام ربع رفيجتب و بنات صفها يكلموني بالغلط .. و المعلمات يشغلون اختي بدلي و هي تحلف لهم ان هي مب مريم ههه

 

[وردة البحر]

 

[أمواج]

كان عندنا معلمة حيا الله يذكرها بالخير في ثانوي
كانت توزع علينا في الحصة مصاصات
عاد هي تشرح فمن تتكلم وحدة اتقول ليها دخلي المصاص بوزش

في توجيهي أيام هيئة الجودة يزورون المدارس
كانت تشرح في الصف الي صوبنا و قالت ليهم لين حضرو ليكم خلكم على طبيعتكم
خلكم على طبيعتكم ويش سوو .. طلعو المصاصات ياكلونها و الجودة حاضرين عندهم
اتقول المعلمة خلكم على طبيعتكم قلت ليهم عاد مو جدي بس زين هذي الجودة و سوالفهم يبون جدي

-----------------------------

كان عندنا معلمة أجا كل تغشش البنات و اتعلمهم الاجابات
عاد مرة ضيعت ورقة اختبار ليي
و رحت ليها حجرة المعلمات عشان أقدمه مرة ثانية
كانت تمليني السؤال و وراه الجواب
و لين اجاوب قبل لا تعطيني الجواب ما يمديني أكمل النقاط اتقول ليي بس يكفي

 

[zahra h]

أني ما كنت شيطانه
بس صف صرت شيطانه تاثير البنات والماما زعلت مني واجد واجد واجد واجد
وندمممت حلفت ما اعيدها
بس اني ما احب احد يتحجج فيني يطلع لي لسان



مره في توجيهي الكورس الاول يمكن او الثاني ما ادري
كان فترة الثوره ومبدين يطبون المدارس كان في بنيه تقعد قدامي كل يوم يجون بيتهم ياخذونها من وقت عشان ما يطبون وهي في المدرسه
فسمعت ان طبو مدرستنا وهذا كان قبل بيومين من لما طبو صدق
اتصلت فيني مليون مره وكان عندنا اجا بس المعلمه ما قاعده تشرح
حاولت احقرها هزت تلفوني هز خفت تخاف و تروح بيتنا والماما يصيدها شي الماما فيها ضغط كانت كل يوم ايام الثوره ارجع هي عند الباب تصيييييح تكسر خاطري واجد وطلبت مني انسحب بس اني ما رضيت
المهم اضطريت ارد عليها وقلت ليها ما في شي وجذي
الا جت المعلمه تصارخ تبي التلفون اني ساكته ساكته وهي كل ما جه ليها تعلي صوتها ودخلت ايدها في الطاوله وطلعت التلفون بطريقه دزتني
الا اوقف ليها واني ارجف ووجهي ابيض
الا اقووول ليها لو تموتين اهني ما تاخذين تلفوني << ما ادري شلون طلعت مني
هي مليانه جت بتسحبه شمخت ايدي وطلعت الدم
الا قلت ليها روحي مناااك
وفتحت الباب وطلعت

رحت اليوم الا عقبه ايدي ع قلبي ليكون سوت لي سالفه
بس عاملتني عادي كلش عادي واحسن من قبل

استغربت بس يالله

 

[isoo_10]

لكل انسان حرية التعبير عن رأيه
الموضوع مفتوح للجميع مو لدفعة معينة

عيل شالمشكلة؟ حرية تعبيري متاحة لي.

 

[قمَر]

عيل شالمشكلة؟ حرية تعبيري متاحة لي.

اخوي لك حريّة الرأي
وحريّة الرأي تعني احترام الطرف الآخر
واحترام الطرف الآخر يعني انك تهتم بـ كل كلمة قبل ما توجهها لـ أحد
يمكن انت تشوفها عادية .. بس الآخرين يتحسسون منها
مع احترامي لك ولـ تواجدك ​