♥ Smile
Well-Known Member
- تاريخ التسجيل
- 12 يونيو 2012
- المشاركات
- 2,050
- المجموعة
- أنثى
- الدفعة الدراسية
- 2012
- الكلية
- كلية ادارة الاعمال
- التخصص
- Management
السلام عليكم
شلووونكم .. عسآكم طيبين ..؟
راح ادش بالموضوع على طول ماعرف للمقدمات
المهم : )
في يوم من الآيام قررت اسوي جيز كيك
وطبعن لمن اقرر اسوي شي مااستغنى عن العم قووقل لازم استشيره
فعلى طوول رحت للعم قووقل وقلت له ياعمووو ابي اسهل طريقه عمل جيز كيك
وماقصر طبعن وياي وعطاني سايتات يمكن 5 صفحات : )
وطبعن الي استفدت منهم بنات كثير مايبخلون على الناس بوصفاتهم وطرايقهم وتجاربهم
وقعدت افرفر بين السايتات ولقيت طريقه سهله جداُ جداُ جداُ
كل شي جاهز تشترينه بس وتطبقينه بالبيت : )
وللآمانه خذيت الطريقه من وحده سعوديه الله يجزاها الف خير
جان اروح طيران على اللولو هايبر ماركت اشتري الاغراض
وكانت الاغراض هي :
1. بسكويت ديجيستف العلبه المتوسطه
2. كريمه جاهزه مخصصه للجيز كيك تلاقينها بالسوبرماركت
3. الـ cherry او البلاك بيري او الي تحبينه للطبقه الي فوق ..
4. زبدة
5. علبه صغيره حليب
6. شغلات للتزيين
وهذي جمعتها لكم بصوره وحده
هاي الكرتون الي ورا الابيض والاخضر هاي الكريمه اسمها كريمه الجيز كيك تلاقونها يابنات بالسوبرماركتات
الحين خل نجي حق الطريقه : )
اول شي الطبقه الاولى
ناخذ بسكويت ديجيستف ونفتته ونسويه جذي
وبعد مانفتت كميه منه نظيف له زبده
ونخط فتيت البسكويت مع الزبده لمن ثقل شوي بس لاتكثرون زبده مو زين
بس مجرد نخليه متماسك ومو منفر
ويصير شوي ثقيل ونخليه بالقاع الطبقه الاولى عاد قاع الكاسات او القوالب
انه سويت في كاسات اسهل بنسبه لي
بعدين خلصنا من الطبقه الاولى نروح للثانيه الي فيها الكريمه
طبعن اهني جدا سهل مجرد تفتحين الكرتون وتكبين الجيس الي فيه ههههههههه < يعني طابخه الاخت
انزين بعدين تكبين قوطي الحليب الصغير معاها كامل
راح تصير ماهيه وسائله
بس جيبي الخلاطه الي نفس الي بصوره وخلطيها لمن تتعورين هههه وصدقووني راح تجمد معاكم
ولمن تخلطون وتتعورون < لازم تتعورين لين ماتعورتين يعني مااستوت عدل
انزين خلصتوون خلط راح تجمد حطوها في الكاسات وخلصنا الطبقه الثانيه
الحين خلصنا مابقى شي
بس تفتحين الطبقه الثالقه قووطي الـ cherry
وتصبين عليه الكميه الي تحبينها انزين ووانه زينتها شوي طبعن حسب الرغبه
وبعدين غلفتها وزينتها بالشرايط
ودششتها الثلاجه وبالهنا والعافيه على قلبي
والطعم ترا 100%
وموو ثقيله وخفيفه وماتغث حتى لو كثرتي منها
وترا في طرق كثيره للجيز كيك بس هاي على قدي لاأني ماعرف شي
والي مثلي مايعرفون خلهم على هالطريقه تراها اووكيه
حتى الشباب يقدرون يسوونها لانها جدا سهله ومو معقده
حبيت اشارك بتجرتي
ولا تبخلون بتجاربكم
التعديل الأخير:
