احتاج رأيكم في تخصص الكيمياء ضروري

بلورة

New Member
تاريخ التسجيل
3 سبتمبر 2012
المشاركات
2
المجموعة
أنثى
الدفعة الدراسية
2012
الكلية
كلية العلوم
اني طالبه مستجده ناويه ادرس كيمياء
احب هذا التخصص بس متحيره و خايفة حدي لانه صعب
خصوصا انه الي حواليي كلهم نصحووني اغير التخصص
يقولون صعب و في النهاية شنو بتصيرين مدرسة كيمياء مثلا !!
العالم كله متآمر عليي
:99:
المهم ما علينا

الحين انتو شنو رآيكم في هذا التخصص من حيث الصعوبه و التوظيف
و شسمه قبل لا انسى تره اني مو شاطره بالكيم يعني نهايه الثمانين او بدايه التسعين :whistling:
هل ممكن اغير التخصص الحين أو فات الوقت

ادري أسأل متاخره بس لانه ما توقعت اخرتها يصير حظي الكيم
:eek:
 
أهلاً بكِ .. :smile2:

أولاً : التخصص مو صعب :bleh: لكن يعتمد على الجهد اللي تبدلينه ,, اذا تعبتين بتحصليين يعني مو مختلف عن بقية التخصصات كلهم نفس المستوى ...
ثانياً : اذا بتدرسينه لازم تكونيين مقتنعه 100%
يعني اني كنت مو مقتنعه واجد و درسته في البداية كنت كله امبي اغيره بس بعدين نوعاً ما اقتنعت ههه :rolleyes2:
بس اذا بتغيرين لازم تحطيين شي ثاني في بالش يناسبش
و عن االشغل في المسقبل لا تفكرين فيه واجد
اهم شي تدرسين شي تحبينه و رغبتش ..
يعني التخصص هذا فيه واجد شغلات لا تحاتيين مو بس تدريس :RpS_laugh:

موفقة أن شاءالله .. :FF:
 
اني اخذت بس كيم 101 وكان حده سهل من اسهل المقررات اللي درستها
وعلى فكرة مافي تخصص بكون سهل لان كل تخصصات الجامعة يبليها دراسة
وكل شئ بالدراسة يكون اسهل
بس اهم شئ انش مقتنعة في التخصص لان اذا ماكنتين مقتنعة كل ماتواجهش عقبة بتقولين لوزين ولوزين غيرته
فاذا انتين مو عاجبنش وفي نيش تغيرينه كلمي التسجيل من الحين
وبالنسبة للشغل معظم تخصصات العلوم مصيرهم يكون التدريس بس ما تدرين ويش يخبأ لك المستقبل

موفقة عزيزتي :smile2:
 
اني درست 101 و 102 ما احسهم صعبين .. بالعكس جداً سهل واسهل من المدرسة ..

بس اكيد مع التقدم في التخصص بيصعب .. الواحد وميوله ... اني ما احب الكمستري و حصلت درجة تمام

شلون اذا انتي داخلتنه عن رغبة وحب للمادة .. لا تعتبرين لكلام الناس .. ترى من شخص لشخص الشي يختلف ..

و اذا على الشغل مو محصور على التدريس .. وحتى لو تدريس يعني شغلة كريمة ..

احسن من تخصص حتى تدريس مو ممكن يشتغلون .. :smile2:

بالنسبة للتحويل ممكن تحولين
:smile:
 
شكرا على ردودكم الحلوه رفعتوا من معنوياتي
اني ما قلت ما احب الكيم بس من انتقادهم ليي
ان شاء الله سهل
و اذا على تنظيم الوقت و الدراسه لا توصون حريص
سادرس حتى الهلاك :tears:
 
بالتوفيــــــــق اختي :smile2:

اذا عندج استفسار ثاني احنا حاضرين :msn-wink:
 
عندي استفسار
شنو الفرق بين بكالوريوس كيمياء تخصص منفرد و بين بكالوريوس تخصص رئيسي كيمياء / فرعي ؟؟
 
عندي استفسار
شنو الفرق بين بكالوريوس كيمياء تخصص منفرد و بين بكالوريوس تخصص رئيسي كيمياء / فرعي ؟؟

تخصص منفرد يعني الطالب ياخذ كل المواد المطلوبة حق التخصص للحصول على الشهادة.

تخصص رئيسي كيمياء/فرعي يعني الطالب يختار تخصص ثاني بالإضافة للتخصص الرئيسي (مثل الرياضيات او الاحياء او اي تخصص من كلية العلوم او علم الحاسوب) و يتم حذف بعض مواد الكيمياء و استبدالها بمواد من التخصص الفرعي. اختيار تخصص الفرعي يكون بعد القبول في التخصص الرئيسي. و هاي مو اجباري.
 
عودة
أعلى أسفل