مشكلة كبيرة بالمنتدى

[الموالي99]

السلام عليكم

هنالك مشكلة كبيرة في المنتدى وهي عدم حذف المواضيع التي تتكلم عن التي بي لأن هذا يظر بالطلبة ودكاترة الكليات مطلعين على الانترنت والمنتديات وبذلك ما ان يعرفو بذلك يقومون بالغاء التي بي​

 

[soori123]

فعلا اني مستغربة واجد من هالاوادم قاهريني صراحة مايفهمون:s
لحد يكتببببب هالكلمة !!!! ماتفهمون!!!!!!!!!!!!!!!!!!!!!!!!
قاعدين تضرون الجميع احذفو هالمواضيع ووراها هالموضوع
اكتبو شي ( الشسمه) كرمز
يعني لحد ياخذ هال(الشسممه) ويروح لدكتور يقوليه ابي اسالك فيه
والله تكتبون مطلوب ومطلوب
بسكت بس خنقتني العبرة

 

[UOB-BH]

https://www.uob-bh.com/forum/showthread.php?t=25262

 

[UOB-BH]

اكتبو شي ( الشسمه) كرمز
يعني لحد ياخذ هال(الشسممه) ويروح لدكتور يقوليه ابي اسالك فيه

وهل الدكتور اللي بيدخل المنتدى ساذج عشان بيقرأ الكل يقول (شسمه، ولا تسألون الدكتور عن الشسمه، ولا تخلون الدكتور يشوف عندكم الشسمه) وما راح يفهم شنو هالـ "شسمه" ؟
الحل إن بعض الدكاترة يغيرون طريقة تفكيرهم الغريبة مع كامل الاحترام.

 

[الموالي99]

وهل الدكتور اللي بيدخل المنتدى ساذج عشان بيقرأ الكل يقول (شسمه، ولا تسألون الدكتور عن الشسمه، ولا تخلون الدكتور يشوف عندكم الشسمه) وما راح يفهم شنو هالـ "شسمه" ؟
الحل إن بعض الدكاترة يغيرون طريقة تفكيرهم الغريبة مع كامل الاحترام.

الدكتور المفروض يدخل موسوعة غينيس للغباء اذا شاف التي بي منتشر هني وماكنسله

 

[m.g.s]

وهل الدكتور اللي بيدخل المنتدى ساذج عشان بيقرأ الكل يقول (شسمه، ولا تسألون الدكتور عن الشسمه، ولا تخلون الدكتور يشوف عندكم الشسمه) وما راح يفهم شنو هالـ "شسمه" ؟

+1

تره عادي يكون مسجل في المنتدى و نك عادي
مادري من مرة قال ان في دكاترة يدشون بنكات عاديين
مرة سمعت واحد قال ​

 

[التعاون]

​

الدكاترة موجودين في المنتدى اكيد من ضمنهم دكاتنرة الفاينس والمنيجمنت شور 100%
يعني المشكلة من البداية يوم تم تداوله والكل يجي يقول يبيه ويحصله بسهولة عيني عينك
هو صح الحين منعه قرار سليم بس متأخر جدا انا مع الاخ "الموالي" يعني يجب منع كلمة تي بي بتداولها
مع انه عقب ما طاح الحطب بس بعد الافضل عدم تداولها في المنتدى وتعير جيمعه المسميات

\\

تحياتي

 

[بلوس]

انا افضل ينتشر عشان تراجعون من الكتاب
​

 

[أمواج]

انزين عندنا احنا مقرر آيتي يقولون الدكتور ما يغير الكويزات
فيها شي لو أخذنا الكويزات من الطلبة السابقين و درسنا منهم على امل يجيب مثلهم !!
مو ذنبنا انه ما يبي يغير و لا يحط نماذج اكثر

مقرر ثاني عندنا الدكتور بنفسه يقول الكويز كوبي بست الأسايمنت
احنا شنو نسوي لين ما فهمنا .. نحفظ حل الاسايمنت و بس

يعني بنفس الفكرة التي بي ما احس فيها شي يعقدون المسألة الدكاترة
يمكن التعقيد لأن معظم التي بي مثل ما اسمع انه خيارات متعددة يعني كلش الطالب ما بيتعب

انزين الدكتور ما يفكر حتى يغير ترتيب الخيارات مثلاً ! ما يفكر يغير رقم واحد ! .. يعني الغلط منه مو من الطالب

الطالب ليه الحق يستفيد بكل وسائل الدراسة المتاحة عنده ​

 

[UOB-BH]

الدكتور المفروض يدخل موسوعة غينيس للغباء اذا شاف التي بي منتشر هني وماكنسله

يعني اذا تي بي أحد الكتب يحتوي على 800 سؤال والدكتور وزعه على طلبته والطالب قعد كم يوم يدرس فيهم وبعدين هالدكتور من هالـ 800 سؤال جاب منهم 50 سؤال، وين المشكلة؟ (السؤال موجه للدكاترة)

اللي درس هالـ 800 سؤال مو بذل مجهود وجزء كبير من المعلومات اللي بالمقرر صار يعرفها ؟
احنا قبل ندرس 50 سؤال (تمارين الكتاب) ويجينا منهم في النهائي على الأقل 5 أسئلة .. والأستاذ بنفسه يقول ركزوا على تمارين الكتاب

كما أخبرتك عزيزي، أعطيت الموضوع مساحة منذ فترة وقمنا باستفتاء الطلبة، التيبي ممنوع تداوله في المنتدى.