يا ترى من هم ال Advisor ؟

[الموالي99]

انا الادفايزر مالي هو الدكتور اذا بنسحب مادة من عنده .

مثلا دكتورة هيفاء خلف ، كانت تدرسني وانسحبت من مادة وخليتها توقع لي في السكشن ، قبل لاتوقع قعدت تسألني كم سؤال عن سبب الانسحاب
والدكتورة سارة البستكي ، ظلت سنتين كاملة تسأل عن معدلي والمادة الا انسحبت منها .

دكتورة بتول اسيري ، رفضت توقع لي انسحاب من احد المواد الا تدرسها ونصحتني بعدم الانسحاب (( حرام الصراحة تنسحب من مادتي )) ، وشجعتني على مواصلة الدراسة والحمدلله طلعت بدرجة ممتازة بالمادة .

وباقي النصائح احصلها من الدكاترة الا يدرسوني ، مثل محمد الموسوي قعدت معاه اسأله عن مواد الماركتنق ، بتول اسيري عن مواد الفايننس ، عبد الرضا الصراف عن مواد المنيجمنت ، الوصابي قبل خروجه من الجامعة عن مواد الايكون ، وعبد المحسن الدسوقي عن مواد الاكاونت وغيرهم

وايضا لاننسى منتديات جامعة البحرين المفيدة ومنها هذا المنتدى القيم ، الاعضاء متساعدين جدا جدا هنا ولن يقصرو بخدمتنا

بالاضافة الى شركة فيفا مشكورة تتيح للطلبة الاستفسار عن جميع المواد وذلك عن طريق التواصل مع الطلبة وذلك بتكلفة زهيدة ثابته

واخيرا لاننسى السكرتيرة سوزي ، قدمت لنا الكثير من النصائح والخدمات التي قدمتها لنا .

بالتوفيق للجميع .

 

[Business zaza]

انا كنت بنسحب ويبون توقيع الادفايسور
رحت لها الا الاخت طلعت هندية المهم عطيتها لورقه وقعت لي ولا سالتني عن شي واهيه ساكته
يعني شلون اتفاهم معاها ..
وقريت عنها ان حتى لغتها الانجليزية ضعيفه
مادري اذا يصير نغيرها او لا ؟؟!

الادفايسور الحقيقي مالي ..
اهوا المنتدى و الي درسو من قبل في الجامعه ..

 

[رَحِيــلْ ،]

لحد الآن ما استفدت من آدفايسري (مرشدي) شي..
ولا أتوقع بحصّل الدكتورة بعد حق أسألها
يمكن إذا بنسحب من مادة بستفيد.. ولو إني ما أعتقد يصير هالشي بس ما يندرى وش يصير..




​

 

[Prince.11]

بصراحة توني عارف بهذه المهام الى الادفايسر ..
على العموم الادفايسر تبعي للحين ما احتجت اله ,, يمكن في المستقبل يكون لي نصيب وياه ..
وحسب المسجل عندي ف الجدول اتضح الى الادفايسر طلع من الجامعة من هذا الفصل ..

 

[إيقاع]

كنت ناوية أروح ليه لما بسجل مواد الفصل الثاني.. اسأل بالنسبة لموادي هل بقدر على ست أو يفضل بس خمس
ولكن أحسكم حبطتوني من ناحية هالموضوع نوعا ما..

 

[ولد عمران]

كنت ناوية أروح ليه لما بسجل مواد الفصل الثاني.. اسأل بالنسبة لموادي هل بقدر على ست أو يفضل بس خمس
ولكن أحسكم حبطتوني من ناحية هالموضوع نوعا ما..

التجربة خير برهان
روحي جربي

 

[بنفسجيه.~]

طرح جميل

بشارك برايي...احس ان الشخص ما راح يعرف يتخذ قرارات الا لما يسال و كثر ما سال راح تكون خلفيته اكبر و بتوضح ليه الصورة اكثر
و منها القرارات اللي في الجامعة..
هم ما حطوا مرشدين الا لاحتياج الطلبة ..لكن مو شرط نحصل اللي نبغي عنده المرشد اللي حاطينه لينا "بعضهم ما يكونون فاضيين انهم يستقبلون الطلبة و ينصحونهم و يرشدونهم! ..لكن لا يعني انه نوقف عليهم

اني مرشدي توه هالكورس مدرسني مقرر" دكتور كيمياء " يعني ما حصل انه رحت سالت من قبل ..بس يمكن احتاجه مستقبلا
لكني من النوع اللي احب اسال ..و مو اي احد ...اللي احسه بيفيدني ..يعني اسال بعض الدكاترة عن رايه بمواد معينة وويش طبيعتها ..الطلبة احيانا اللي اكبر مني او اللي اخذوا المادة من قبل او ناس اعرفهم ..

 

[Hoor-mh]

شلون نعرف من الادفايزر مالنا اذا مو كاتبين في الجدول ؟ من اول ما دخلنا الجامعة و هو to be announced

 

[royal-rose]

احنه من بدينه قالو ف ادفايزر قريب كل واحد بيعرفه و روحو ليه
لحين م جفنه ش ​

 

[Muhammad Aldumistani]

Up

 

[قلم و قافية]

عن نفسي استفدت من الادبايزر و ساعدني واجد
و اي وقت اروح مكتبه احصله و تهمه مصلحة طلبته واجد
و دائما ينصحنا كأننا ابنائه

 

[penall]

أنا لم اسأله الا مرة واحدة ذهبت له اسأله عن موقع سكشن كان عندي فيه امتحان و مادله وقال لي شي فما حسيت البداية مشجعة فما رحت له بعدها و حتى لما رحت له في اول مرة ما كنت اعرف انه هو الادفايسر
لا اعلم ان كان مهم لكن لم احتاج اليه كثيرا كنت اسأل من معي بالسكشن أو أحد الدكاترة الذين اعرفهم ودرسوني

 

[Kha.965]

انا رايي الصراحة اذا ابي اسأل عن مادة او شي اشوف الطلبة اللي قبلي و بنفس التخصص و اسألهم عن المادة اللي ابيها
التجربة خير برهان الطلبة هم اللي يعرفون الدكاترة و هم اللي يعرف المواد سهلة او لا على الطالب و هم يعرفون اكثر من غيرهم شنو المادة اللي اخذها قبل الثانية