جامعة البحرين .. مقترح فصل الجنسين بمسمى آخر

[ريـم]

كلامي مثل كلام أختي متمردة ..

قرار فاشل واللي اقترحوه أفشل ..

 

[ملكة للأبد]

خلهم يسون فصل بين البنات والشباب لكن بس حق الي يبي الفصل
يعني مو تجبرون البنات على شي ما يبونه....!!!!

الي يبي الفصل يروح في صوب والي مايبي الفصل يروح في صوب ثاني​

 

[هياوي2008]

من وجهة نظري اعتقد ان الفصل مفيد جدا للطبلة من الجنسين سواء ذكور او اناث
واتمنى ان يتم الفصل بين الطلبة

 

[ذبول الورد]

افضل الفصل احسن
لان ماناخذ راحتنا ونتقيد الصراحه
فيكون الفصل افضل حل
وياريت يوافقون على الاقتراح

 

[أوسكار]

بالطبع لا

السلام عليكم , بالرد على موضوع فصل الجنسين , أنا أشوف إن نهايته مفروض تكون الفشل :surrender:لأن فيه صراحة تعطيل لإكمال العملية التعليمية لأن النصيب الأكبر من الإهتمام راح يكون للأولاد :mellow: يعني البنات راحت عليهم , أحنا الحين صح مختلطين بس كل واحد ملتزم بقيمه ومبادءه وقلة الطلبة اللي نحصلهم من دون مبدأ وعمره الإختلاط ماكان وسيلة للفساد لكن الإنسان لما يدخل الجامعة يكون متربي ومتعلم ومو الجامعة هي اللي تربيه أو تعلمه الغلط الإنسان المحترم نفسه نفس الجبل اللي ماتهزه الريح صامد بشدة في وجه كل التحديات والطالب هو اللي له القرار في الأول والأخير إن ينجرف مع التيار أو ضده , ومهما صار فكلنا لنا عادات وتقاليد وقيم تربينا عليها

 

[BooSH]

الصراحة لهم الحق بعد ما حلوا مشاكل التجنيس و البطالة و غلاء الأسعار و تدني الرواتب و الجرائم و الفساد
يتفرغون لهالسوالف اللي لا تودي و لا تييب
الحين أبي أفهم إذا فصلوا في الجامعة بعدين في الشغل شنو بيسوون؟؟ و المستشفيات و الشوارع و المجمعات و و و :surrender:
ليش مصورين الجامعة كـ مكان للفساد باعتبار الاختلاط موجود فيها !! :mellow:
الجامعة حالها من حال أي مكان ثاني مختلط
اللي محترم نفسه و متربي عدل بيكون في كل مكان محترم و اللي مو متربي عدل لو يحبسونه بروحه بعد بيبقى نفس ما هو عليه

وبعدين ترى الفلوس اللي بتروح لهالكلية احنا اولى فيها يفتحون لنا فيها سكاشن
بدال ما يخلونا ننقع في الجامعة عشر سنين على تكنسل السكاشن كل كورس
غير الصيفي اللي يتكنسل بشماعة الميزانية اللي عادي تروح على خرابيط الجاليات و العيد الوطني بس حرام تروح لشي يفيد الطلبة

و هالنواب ماعندهم مقترح عدل يكرمونا بسكوتهم
هدوا فنادق و شقق الدعارة و افتروا على هالجامعة
و بعدين هالكلية شنو بيحطون فيها من تخصصات؟؟ لايكون عبالهم الجامعة تخصص واحد؟؟

بيفصلون بيدمجون كيفهم بس عقب ما تنحل المشاكل الأهم

​

ويااااج بكل كلمة

ما حصلوو سالفة الا سالفة الجامعه والاختلاط

انا اشك ان اللي مقترح هالقانون البايخ واحد ابد ما جااف ويه الجامعه ...عشان جذي يتصوور له ان مكااااااان فيه فساد على قولتهم ,,,

:thumbdown:

 

[مذهلـــة]

والله حالة

يعني خلصوا القضايا والمشاكل وما دوروا الا هالسالفة , يازعم مسوين روحهم كلش

الجامعة من يوم يومها اختلاط واش معنى الحين دقت ف بالهم يبون يفصلون ولا لان ما يقدرون يحلون ويربطون ف شي ولا عندهم شي يتحجون سووا لهم سالفة واخترعوا هالاقتراح ال مادري شسميه

بصراحة الاختلاط االكل عايشه ف كل مكان ف العالم , شوراع
, مجمعات , مستشفيات , كل مكاان ما جت الا ع الجامعة يعني

وبعدين حتى لو فصلوا عبالهم بيتعدل شي
لا يبا لا بيتعدل ولا شي

وقالوها قبلي اللي متربي ومحترم نفسه لو شنو يشوف جدامه ما يسوي شي لان جاي لهدف وهو الدراسة وما يلتفت للشيا التاافهة

واللي جاي للخرابيط حتى لو يذبحون عمرهم بالقوانين ما بيتغير

وبعدين وحود الاختلاط ما اشوف مسوي قيوود واضحة يعني , هو سشكن يحضرون فيه محاضرة ويطلعون شنو يعني بياثر الاختلاط ف الموضووع !!

انا من رايي لو كان اقتراح عدل و بناء جان من البدابة ادارة الجامعة نظرت فيه ع الاقل , بس لان اقتراح اللي حاطه اساسا ما اعتقد سوى دراسة كافية عليه , حطه وخلاص فادارة الجامعة لا بتاخذ فيه ولا بيصير ابدا ,,

وانا اشوف يروحون يدورون لهم شي عدل يتحجون فيه واايد ابرك , والقضايا المهمة مليانة وتارسة الديرة .............................

وانتوااا خير العاارفين


شكرااا

 

[طريق]

أنا عن نفسي افضل الخلط لان بصراحة انا بنت واعرف البنات لنا يكونون ماخذين راحتهم وايد السالفة تمصخ بس مع وجود الشباب المعظم يتجنب الخطأ والحركات البايخة وفوق هاي يكون التنافس اكبر وانا اجوف ان لو فصولنا كل جنس بروحه بيتلاعبون بتنعاد قصة المدارس مع العلم ان الصبيان في الجامعة يكون اهتمامهم بالدراسة اخر اهتمام عشان البنات يعجبون فيهم فهذه فايدة وبالنسبة حق المصاخة والسخافة اللي تصير هاي لها الف حل وحل يعني اذا منع الاختلاط في الجامعة بيمنع في السينمات كأبسط مثال او ان السينمات لو انفصلت بتخسر الدولة ونفس الشي بالنسبة حق المجمعات يعني الاختلاط موجود موجود والمحترم محترم ولكن اختلاط الجامعة مفيد للطلبة اللي يبون يدرسون نفسنا بسبب تبادل الخبرات والله يقدم اللي فيه الخبر وعلى فكرة توهم السعودية مسويين جامعة مختلطة لحد يفهمني ان الفصل بيكون في البحرين

 

[ma3wa3]

خليهم يفصلو الجامعة كله ويريحونه

 

[روح الحياه]

أفضل فصل الجنسين على الإختلاط ..

 

[ARGMAN]

اخ "معوع"..او ام 3 وا 3

شلون "يفصلوا الجامعة كله" ابي تفسير اذا سمحت يعني

 

[BooSH]

لا تعورون راسكم لان هالشي ما بيصير اصلن

مجرد حجي بالهواا

احلى شي فيهم انه يعرفون يتحجون بس ما يعرفون يطبقوون ...

​

 

[Mystro]

لا تعورون راسكم لان هالشي ما بيصير اصلن

مجرد حجي بالهواا

احلى شي فيهم انه يعرفون يتحجون بس ما يعرفون يطبقوون ...

​

وياش في كل كلمة 100%

 

[بقايا جروح]

ادري انه ماراح يتطبق شئ

بس الافضل الفصل بين الجنسين
اصلا من البدايه المفروض من الحكومه تسوي
جامعه للبنات وجامعة للأولاد مثل :قطر والسعوديه والإمارات

ماخذ راحتي أبــد!!

 

[Mr.Engineer]

فكرة الفصل فكرة متخلفة من أولها لـ آخرها !!


لا تعليق !!

بس بقول شي لبعض البنات

اللي مضايقها وجود الشباب خل تقعد بالبيت أو تروح جامعه خاصه بالبنات فقط !!

 

[Mr.Engineer]

السلام عليكم , بالرد على موضوع فصل الجنسين , أنا أشوف إن نهايته مفروض تكون الفشل :surrender:لأن فيه صراحة تعطيل لإكمال العملية التعليمية لأن النصيب الأكبر من الإهتمام راح يكون للأولاد :mellow: يعني البنات راحت عليهم , أحنا الحين صح مختلطين بس كل واحد ملتزم بقيمه ومبادءه وقلة الطلبة اللي نحصلهم من دون مبدأ وعمره الإختلاط ماكان وسيلة للفساد لكن الإنسان لما يدخل الجامعة يكون متربي ومتعلم ومو الجامعة هي اللي تربيه أو تعلمه الغلط الإنسان المحترم نفسه نفس الجبل اللي ماتهزه الريح صامد بشدة في وجه كل التحديات والطالب هو اللي له القرار في الأول والأخير إن ينجرف مع التيار أو ضده , ومهما صار فكلنا لنا عادات وتقاليد وقيم تربينا عليها

كلامج عين العقل

 

[smile]

ولا خاله ناس ما عندها شغل فاضية
هذا امبدل ما يحلون مشاكلنه المهمة
من سكن وغلاء في الأسعار
لكن المشتى إلى الله

وثانيا لو فصلوا أنزن من بيدرس البنات بيجيبون لبهم دكاترة ذكور
هذا ما اختلاط والصبيان بيجيبون ليهم دكاترة إناث ونفس العملية

 

[الخطى]

فكرة الفصل فكرة متخلفة من أولها لـ آخرها !!


لا تعليق !!

بس بقول شي لبعض البنات

اللي مضايقها وجود الشباب خل تقعد بالبيت أو تروح جامعه خاصه بالبنات فقط !!

زين قدرنا ندش جامعة البحرين
بعد نروح جامعة خاصة بالبنـات

/

ياريت يتم الفصل .. عندي واجد صبيان ( يتخيففون ، ينكتون ، يتسيخفون ) بالسـشكن
ولا محاولات الـتعلف والتطنز ، صايرة تسبب واجد مشاكل وإحراج بالسكشن


أهـو الفصل له إجابياته وله سلبيـاته ..
بس الإيجابيات تقضي ع السلبيات

إحنا ندري إن الفصل ماراح يتـم
وهاذي اصلاً مجرد مناقشه

و100% هالموضوع بيغبر ومابيعـطونه إهتمام



/

الخطى​

 

[d3d3]

الفصــــــــل ثم الفصــــــــل ثم الفصــــــــل



عفيه عليكم..

ما ناخذ راحتنا !

والدكتورة كله تقول لنا تستحون ولا ماا تعرفون تجاوبون؟؟!

يعني ممكن تكون البنت تعرف الجواب! بس ما تعرف ترفع صوتها مع شباب ..

 

[شذى المحبة]

ماأعتقد ان هذا القرار راح يترجم على أرض الواقع ..لأن تكاليف هذا الفصل راح يكلفهم أضعاف أضعاف الميزانية ..وتوهم اليوم ناقلين جلسة النواب وكان حاضر وياهم رئيس الجامعة (أبراهيم جناحي ) وقعد يدافع عن الاختلاط ويقول أن هالكلية الخاصة للبنات وغيرها من المتطلبات اللي راح تلحقها بتسبب الكثير من التكاليف الضخمة ..


هو حلو انهم يفصلون البنات عن الصبيان لأن اللي قاعده أشوفه مسخره عن جد خصوصا في كلية البزنز ... يعني كل وحده وياها صديق وتقعد قدام الاوادم ضحك ومسخرة ,..
وتوني اليوم شايفة ثنيتن بنات لابسين لباس استغفر الله وياهم صبي ووحده منهم لاصقة فيه لصقة ..:thumbdown:

الواحد لازم لمن يروح الجامعة ماينسى دينة وتقاليده ..بس للأسف قليلون الايمان يخربون على الغالبية ..

تحياتي ..