نفسيتي وايد تعبانة

[miss maria]

السلاااام عليكم
شلونكم بنات وشباب
مادري شلون ابتدي
انا قبل جم يوم ثبت جدووولي واخترت الدكاترة اللي ابيهم
واكتشفت اليوم تغيروا الدكاترررة بالموقع
3 موااااد يدرسون نفس الدكتووووررة
تايبنغ العربي عفاف غلوم
Spreed sheetعفاف غلوم
magta237عفاف غلوم
نفسيتي وايد تعبااانة
رفيجااتي قالولي انها موب زينه وتحاسب وايد وانا خاااايفة :tears:شسوي حتى لو غيرت السكاشن كلهم نفس الوقت مابخلوني والدكتورة مابتخليني وبتحط عليي
سااعدوني شسوي

 

[yagmur]

=) روحي التسجيل ... وحاولي تغيــرين لجلو سكشن او سكــــشنين
او حولي تحويل داخلي اول الايام =) بحجة انه الاوقات ما تناسبج او اي شيء
مممم ..

لا تضإأيــــقين رؤوحـــج حبوبة
انه ف مادتين داك الكؤورس صادتني هالفكرة ... وتبــهدلت صج فيهم
واتمنى الكؤرس ما يعيدونــهإ

إتمنى فدتج ولو بالقــــليل

 

[محمدالعلي]

الله يكون في عونك ما تدري يكون احيانا يطلع اللي تكره نفسك هو خير بالنسبة لك
مرة كنت عند دكتور الكل ما يمدحه بس طللعلي وايد زين
انصحك بكثرة قول " استغفر الله العظيم " او استغفرك ربي واتوب اليك " الرسول صلى الله عليه وسلم يقول "من أكثر من الإستغفار جعل الله له من كل هم مخرجا ومن كل ضيق فرجا"

اكثري من الاستغفار وصدقيني بتتعدل نفستيج

 

[Shy Girl]

خيوتي لا تضايقين ولا تحطين في بالش

اذا قدرتين تغيرين السكشن تمـام وليـن ما قدرتيـن عساه عن صـلاح

أني بعد هذاك الكـورس الكل قالـي هذا الدكتور سيئ وبترسبين عنده .. هو فعلاً كان سيئ بس البنات بالغـو واجـد .. اني ما شفته بهذاك السوء .. ونجحت عنده بدرجة زينـه

مو دائماً كـلام الطلبـه صح .. ساعات يبالغـون

موفقـــه

 

[دموع الحُرية]

" و عسى أن تكرهوا شيئًا و هو خيرٌ لكم "

إختي تفاءلي بالخير ..
و جيكي التسجيل إذا فيه مجال تغيرين

و إذا ما صار
توكلي على الله و اخذي عندها
بس حطي روحش على المواد
مادة Mgta 237 ,, يبي لها حفظ
حاولي تسوين لش ملخصات
أني كنت أسوي ملخص و أترجم الجباتر
و أحفظ و أفهم ..

 

[red❤heart]

الله لا يجيب التعب ان شاء الله
الله يبعد التعب عن قلبش وقلوبنا يارب
والله خيووو اذا طلعت الدكتورة زينة خير وبركة الحمد لله واذا طلعت مو زينة انتين سويتين الا عليش سعيتين
الله لا يضيع لش تعب
توكلي على الله وجيكي التسجيل ما صار على طول قولي اللهم اجرني في مصيبتي وعلى طول ادعي ربش والله كريم
​

 

[Ali Hassan]

إيه هاااااااا السنه صارت واااااااااجد خربطة في الدكاتره و الكل يدري بهاااا الشيء الكريه
ما علينا ، المهم : إنت شوفي و يااااا التسجيل و إذا غيروش تمام و إذا لا فخلاص ...

بس ما تدرين ؟! يمكن تتعاطف وياش و تحبش و تراعيش ؟! كل شيء جايز
و راجعي زين و أول باوّل و إن شاء الله بتحصلين تمام و درجة زينه ....

:: و بالتوفيق إن شاء الله ::
​

 

[وعد البحرينية]

من عفاف غلوم؟ هاذي هي عفاف جناحي ولا غير؟

 

[zahra h]

في جامعة البحرين لازم بتصير
وبالذات احنا عندنا عدد كبير من الدكاترة السيئين لازم بنضطر نتعامل وياهم

ويمكن الشخص اللي يذمونه يكون زين
او يمكن تجوفش وياها في معظم المحاضرات تكون اوكي
جربيها لا تحكمين من الكلام
واذا هي مو اوكي صيري انتين اوكي
سوي اللي عليش والباقي ع الله

قولي الحمدلله دايما
صدقيني بتتيسر
ترى تضايقنا كلنا لما صادتنا مواقف
بس اضطرينا نواصل عشان نمشي الامور
واذا تعسرت اليوم
باجر تتعدل
صدقيني بتتيسر