موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

قدمت في الجَامعة وكليّة العلوم .. وضيعوني بعد الدمج!!

تاريخ التسجيل
10 سبتمبر 2012
المشاركات
7
المجموعة
أنثى
الدفعة الدراسية
2012
التخصص
فيزياء
السلام عليييييكم ...
.
.
بداية قصتي >> ان الوزارة عاطيني بعثة فيزياء .. واني كنت مسجلة
في جامعة البحرين وكلية العلوم الصحية ..:nosweat::nosweat:
قبلتني كلية العلوم الصحية .. فيوم جيت ادور اسمي في جامعة البحرين
مالقيت اسمي :RpS_scared: .. انصدمت !!! شلون جذي !!
بعدين اتضح ان كلية العلوم دمجوها مع جامعة البحرين فاللي تقبله
كلية العلوم الصحية ما يلقى اسمه في جامعة البحرين .. المهم رحت التسجيل
وسألتهم قالوا لي ان اسمش موجود في الجامعة والكلية اختاري اي وحدة
قلت لها : ابي الجامعة // قالوا لي : اووك ..
ولحد الان ما عطوني الجدول ولا ادري بشي :RpS_crying::sad_1: >> قالوا احتمال يردون علي قريب
.
.
اللي عنده خبرة بقسم الفيزياء يساعدني ...
شنو ناخذ اول كورس ..؟
شنو طبيعة المواد ؟؟
جم مادة اول كورس ؟؟
شنو المقررات اللي باخذها ؟؟
​
 
وعليكم السلام ورحمة الله وبركاته ..

المفروض تروحين ليهم تسألين عن الجدول له ..

كل هالألوف وين يتصلون ..
يوم الأحد من الصبح شوفي ويش السالفة في قسم التسجيل أو في الصالة الرياضية إذا للحين قاعدين إهناك ..

شوفي المواد إذا ما نزلوا خلهم ينزلون ..
لأن طلبة دفعتكم ألحين قاعدين يعدلون جداولهم بالموقع أعتقد ..

شنو ناخذ اول كورس ..؟
شنو طبيعة المواد ؟؟
جم مادة اول كورس ؟؟
شنو المقررات اللي باخذها ؟؟

أول فصل أو حتى أول سنة تكون مواد مشتركة ..
عادةً تكون:


Physics 101 فيزياء عامة 1
تقريبًا نفس الثانوي وأعتقد إنكم درستون الكتب الجديدة فإن شاء الله تكون المادة خفيفة وسهلة ..
( القوة والحركة، الزخم، الشغل والطاقة، الحركة الدائرية، إلخ .. )

Mathmatics 121 حساب التفاضل والتكامل والهندسة التحليلية 1
رياضيات سهل كله ماخذينه في الثانوي مع شوية إضافات ..
( الإشتقاق، التكامل، تطبيقات على التفاضل والتكامل مثل المساحة، القيم الصغرى والعظمى، إلخ .. )

Chemistry 101 كيمياء عامة 1
مثل الثانوي أساسيات الكيمياء .. مواضيع سهلة وخفيفة ..

المادة الرابعة يمكن
Computer Science 103 علوم الحاسوب
البرمجة بلغة الـC++ .. شي جديد لكن بالمراجعة سهل وبسيط ..

أو يمكن تكون المادة الرابعة ( عرب أو دين أو تاريخ أو إنج ) ..
تحياتي

​
 
ضروري تراجعينهم يوم الاحد والله يعينج على الزحمه...
 
مشكور اخوي سيد السادة على الشرح المفصل >> ما تقصر
اني اراجع التسجيل بشكل متواصل .. وكل مرة يقولون للحين
ما ادرجنا اسماؤكم .. :(
رحت الخميس التسجيل .. وقالو بردون علينا يوم الاحد
ما يسوى علينا هالبعثات .. ما ارتحت في العطلة كل يوم في الوزارة
او في الجامعة // :(

>> بس بخصوص المقررات شكلها سهلة وبسيطة << مثل الثنوي

ريووم : انشالله براجعهم مرة ثانية ^__^
​
 
مثل قصة اختي بالضبط بس اختي في تخصص ثاني
 
لبيك ثار الله : الله يساعد اختك >> احس فيها
انشالله تتيسر لينا الامور .. :)
 
عودة
أعلى أسفل