انطباعكم لأول يوم دراسي ^^

[sanabsy 15]

(الصورة قديمة)

بما إني ما رحت اليوم، حاب أجوف انطباعكم في هاليوم المبروك ، حماس، ملل، تعب، زحمة، حر، دورة راس، إلخ ..

يلا اثرونا ​

 

[alialmulla]

ارتفع ضغطنا و لاعت جبدي بسبب هالفشل في تنظيم عملية التسجيل​

 

[Ms.Engineer]

حماس، ملل، تعب، زحمة، حر، دورة راس، << كلهم
+ دفعة 2012 ماخلوا لنا مكان فالفودكورت ماشاءالله الأعداد هائلة

أتمنى الأيام الجاية تكون مريحة أكثر

 

[بلوس]

الاداب و البزنز سوق سمج
​

 

[sanabsy 15]

ارتفع ضغطنا و لاعت جبدي بسبب هالفشل في تنظيم عملية التسجيل

الله يعينكم صراحه، ​

 

[sanabsy 15]

حماس، ملل، تعب، زحمة، حر، دورة راس، << كلهم
+ دفعة 2012 ماخلوا لنا مكان فالفودكورت ماشاءالله الأعداد هائلة

أتمنى الأيام الجاية تكون مريحة أكثر

هههههه، خلهم يستانسون أول مرة يحسون بهالشعور، ، الأيام الجاية بيركد الوضع، إذا ما صار حل أتمنى يخصخصون الفودكورت ​

 

[sanabsy 15]

الاداب و البزنز سوق سمج

أفا، لو أدري جان وصيتك على كيلو صافي ​

 

[alialmulla]

الله يعينكم صراحه،

مع ان انا مو طالب جديد انا دفعة 2011، مع ذلك سوو ليي دوارة وش طولها ​

 

[نغمة الحياة]

بصراحة كان مللل اووو زحمةة عدل مافي مكان نقعد فيه ​

 

[sanabsy 15]

مع ان انا مو طالب جديد انا دفعة 2011، مع ذلك سوو ليي دوارة وش طولها

حق شنو رايح ؟ تعدل الجدول ؟! إليهم في هالسوالف تروح لواحد يفلتك على غيره​

 

[sanabsy 15]

بصراحة كان مللل اووو زحمةة عدل مافي مكان نقعد فيه

في اقتراح يقولون قاعدين يشتغلون عليه، بيسوون سرداب للجامعة، أزمة أماكن، ​

 

[alialmulla]

حق شنو رايح ؟ تعدل الجدول ؟! إليهم في هالسوالف تروح لواحد يفلتك على غيره

رايح اثبت الجدول
ما تثبت من الاون لاين ما ادري ليش
و انا اعفاء خلوني اروح اول الاعفاء، و الاعفاء قال يبغي الشهادة، رديت نزلت طبعتها و رديت رحت فوق ، و طولت على ما تختم ليي الجدول، و قالت ليي روح تحت عشان تختم الجدول من عند المحاسب
وقفت عند المحاسب آخر شي يقول ليي ما نختم على الجداول بس ندخل في السيستم، و انا واقف كل هالوقت على شنو ؟؟؟
​

 

[عالي مستواي]

وصلت الجامعه 8.10 مافي باركات وقفت اخر الدنيا
وايد زحمه ومافي مكان احد يقعد
والجامعه بكبرها مافيها ارسال
والبزنس صاير جيك بوينت ملتقى الاوادم ايونك ناس من مادري اي كلية يجوفون ربعهم فالبزنس!
بانتظار انسحاب شعب الاورينتشن
الايسيه حاره ولا حكره نفس على نفس والفود كورت ما يندش
بسي تحلطم

ملاحظة : دكتور الاكاونت اليوم شرح عجبني شرحه كبداية ومتفائله وان شاء الله خير

 

[alialmulla]

الجامعة كلها زحمة و خصوصا الحين 2012 دفعة كبيرة واجد اذا ما قسموا الطلبة صح على المدينة و الصخير الله يستر الزحمة اي كثر بتصير
و الشغلة الي تتلف الأعصاب ان الجامعة فيها ما ادري كم الف طالب و مخلين مكان واحد بس للتسجيل !!
و تعال شوف المطاعم كأنها مضارب قريش مو مطاعم، و الصالة عفسة في عفسة ما في تنظيم ولا في شي واضح فيها
المفروض يخلون أكثر من مكان للتسجيل
مثلا كلية البزنز لطلبة البزنز، و الكلية فيها مكان تحت يصلح لهالشغلة، و الآداب بعد ​

 

[الحلآ]

الله يعين المداومين هههه والله يوفق الكل ويسهل عليكم كل المتاعب
انا خذت اجازة اليوم وباجرر

 

[احمد فتيل]

زحمة و زحمة وناس تبركن غلط وزحمة وزحمة ... ودشيت سكشن بالغلط وانحرجت خخخ
وحر وبرد

بس اهم شي شفنا الصبيان

 

[بلوس]

زحمة و زحمة وناس تبركن غلط وزحمة وزحمة ... ودشيت سكشن بالغلط وانحرجت خخخ
وحر وبرد

بس اهم شي شفنا الصبيان

اهم شي شفتك وسلمت عليك

 

[hlwlw]

:tears: مأسااااااااااااااااااة

رحت بحماس وصلت الجامعه قبل 10 ونص وانصصصصصصصصدمت من الكم الهائل من السيارات والزحمة
كل مكان سيارت حتى في الصحراء اله ورى الدوار الناس تبركن
وافتر افتر افتر
11 الا 50 دقيقة حصلت بارك قريب بس للأسف مو مظلل

اول سكشن اوكي
الاداب والبزنز ما ينمشى فيهم
والفود حالة خاصة بس المسجد تلاقيه مو زحمة

ثاني سكشن صدمة ثانية
دكتورنا مريض وجابو بداله دكتور جديد من ليبيا
طول ما يتكلم احسه معمر القذافي

هذي غير زحمة اشارة الدبل يسار بندت 4 مرات واحنا ماطفنا

الله كريييييييييم
​

 

[محمود الجدحفصي]

اشوه ماطبيت

 

[qassoomy]

اول محاضرة احنا و الدكتور معانا بعد قاعدين ندور وراء السكشنبس حبيت المحاضرة لانة الدكتور بيرفكت

ثاني محاضرة الدكتورة قصفتنا منتصف اول منتصف ثاني اعمال بحث ( حسيت باحباط :surrender

عاد ثالث محاضرة الدكتور اللي كنت انتظر اشوفة و مشتاق لة ما حضر ( لازم نذالة يعني)

اقووووووووي شي آخر محاضرة السكشن بو 20 مقعد و اللي مسجلين في فوق ال50 طالب:mellow: بعد اشوي كان بيغشي علي داخل

طبعا الفود كورت نصيحة من اخ لا تقربون صوبة

و الله يستر من باجر علي محاضرتين بعد See You
​